استفسار عن اليو ان في تركيا

[المهاجر التائه]

شلونكم اخوان ان شاء الله بخير  حبيت اسالكم عن اليو ان في تركيا انه اني قابلت في انقرة واخذت ورقة اللجوء الفسفورة وبعده بكم يوم عن طريق موقع اليو ان في الانترنيت لكيت بانه ملفي مكتوب عليه تم تقديم الملف لاعادة الأستيطان في دولة أعادة الأستيطان وهو الولايات المتحدة الامريكيه ممكن احد يوضحلي هاي الشغله وخلال شكد ممكن مقابلة ثانيه

[علي النعيمي]

اخوية الف مبروك وشوكت مقابلة الوفد الامريكي واجراءات الاي او ام الله اعلم

[السندبادي]

حبيبي انتة انشاالله على امريكا واما بالنسبة للوقت غير محدد بتركيا بعض الناس 6 ايام واتصلو بيهم وبعض ناس اكثر من شهر وقبل سنة تقريبا كانو 7 اشهر بس لتخاف هاي الايام مسرعين حيل واحتمال ورة راس السنة الجديدة تقابل المقابلة الاولي لل icmcواني بالخدمة اي  شي تحتاجة مني

[ابو سالين]

اخي العزيز .مبروك ان شاءالله خير لا تخاف

[المهاجر التائه]

اشكركم اخواني على ردودكم والله يبشركم بالخير مثل ما بشرتوني ويفرحكم وان شاء الله تحقيق كل الاماني

[السندبادي]

ادلل اخوية احنة حاضرين لاي شي تحتاجة

[ninwanastar]

اني اخذت الفسفورة 18 - 10 وقابلت ıcmc  12-10
انت اي محافظة ؟

[المهاجر التائه]

اخوية العزيز اني باسطنبول واخذت الفسفورة بتاريخ 30/11 وتم تحويل ملفي الى التوطين بتاريخ 8/12ولحد الان ماكو اي شي بس اتوقع ان شاء الله بعد اعياد راس السنه تكون المقابلات

[fighting in hell]

اخويه بس سوال انت شلون جيكت الكيس عن طريق الانترنت؟

[ninwanastar]

ادخل هذا الموقع ودخل رقم الملف مالك الي بورقة الفسفورة
http://results.unhcr.org.tr/index.php

[fighting in hell]

ماكو مال سوريا؟

[ninwanastar]

يمكن بس تركيا

[المهاجر التائه]

اعتذر اخوتي عن التاخر في الرد نعم هذا الرابط تكدر اجيك بي  واكو رابط ثاني هم تكدر جيك منه اذا مفتح عندك الاول http://sonuclar.unhcr.org.tr/ وبالنسبة لسوريا للاسف اخي هذا فقط بتركيا وان شاء الله الكل تسهل قضاياها وتنحل

[nussty]

السلام عليكم هذا الرابط الثاني HTTP:\\ RESULTS.UNHCR.ORG.TR اخي اي استفسار عندك اني حاضر من قبل جانت المدة ايام و توصل الى شهر بس هسة يمكن اتقابل بعد مثلا من شهرين الى اربعة و انشاء الله قبل اني اقيسلك على الي ديصير كدامي و من الله التوفيق.

[ملازم عراقي]

السلام عليك المهاجر التائه

اني اريد استفسر من عندك كونكبتركيا واني راح افيز باجر من السفارة باجر
واريد معلومات عن الايجار والحياة بتركيا لان راح اجي اني وعائلتي واتنمى
اي شخص يستطيع مساعدتي في ايجاد شقه رخيصه للايجار لان انشاء الله نويت اجي

واميلي
iraq7709988650@yahoo.com

[السندبادي]

السلام عليكم اشلونكم اخواني الي بالمنتدى واخوية الملازم العراقي حبيبي تعال ولتخاف تركيا رخيصة جدا واهلهة طيبين والي يحترم نفسة وين ماجان الناس تحترمة بس الايجار بالبداية مينفعك لان اول متوصل احتمال ينطوك موعد بالمقابلة وبعض الاحيان نفس الوقت بس التحويل للمحافظات مو حسب ارادتك انتة همة الي يحولوك للمحافظة الي همة يردوهة ومن تتحول هذاك الوقت اجر لك شقة وادلل اخوية احنة بالخدمة لاي استفسار

اخوك السندبادي

[ملازم عراقي]

شكرا اخوية سندباد
ممكن اعرف اي المحافظات مخصصه للاجئين
وممكن اعرف عنوان اليو ان في اسطنبول
اني حبيت بالبداية ااجر شقه حتلو شهر علما
اشوف وين راح ايقبلوني باي منطقه لان معاي زوجتي واطفالي اثنين
اذا ممكن تبعثثلي عنوان شقق للايجار رخيصه قريبه من اسطنبول

[السندبادي]

اخوية اليوان مو باسطنبول بانقرةوهذا العنوان turkeya /Ankara: sancak mahallesi -12 cadde -212 sokak no/3 واعذرني اني مااعرف احد بانقرة بس راح ادليك على فندق بانقرة هذا رخيص ونضيف ودافي كلش واقعد بيه مؤقت لحد متلقة شقةوهذا العنوان مال الفندق hisarpark cad.no :14  ulus -ankara واسم الفندقotel pınarودير بالك من تكتب العنوان ترة اي غلط ميفهوه انقل الاحرف مثل ماموجود الاي ابو النقطة انقلة نفسة واذا بدون نقطة خلي على وضعيتة لان كل واحد الة لفظ واما اذا خيروك وين تريد تسكن اختار انقرة لاحسلك ولو اشوية غالية بس بيهة شغل ومساعدات بس بعد 6 اشهر لازم تتحول من انقرة راح همة يودوك محافظات واختار غازي عنتاب لو اماسية لو كي شهير . ودلل اخوية اي شي عندك اني جاهز واذا عندك اي استفسار ثاني راسلني عالخاص.

اخوك السندبادي