اخواني الله يخليكم اريد مساعدتكم ضروري

[السندبادي]

اخواني بدون زحمة واذا ممكن اني قريبا انشاالله جاي لكندة  وتورنتو تحديدا وعندي بعض النقاط اريد اعرفهةوهي؟

1-الايجارات واي منطقة يكون سعرها مناسب وامينة وماكو بيهة مشاكل.

2-العمل هل متوفر فيها بالنسبة لاي لاجئ جديد واني مهنتي بالمرمر والسيراميك اكو شغل متوفر الي اول ماوصل انشاالله.

3-الملابس هل صحيح غالية ولازم نشتري ملابس من الدولة الي احنة بيهة.

4- الدراسةفي الجامعات هل هي مكلفة .


وشكرا لكم واسف على لاني اطلت عليكم

[الرسام1973]

موفق اخى واله يسهل امرك

[ابو سالين]

اخي العزيز .توصل بلسلامه كندا فرص العمل بيه اكثر من اي دوله اخرى واهل كنده هسه ينطوك التفاصيل وميقصرون وياك

[السندبادي]

شكر اخوية الرسام واخوية ابو سالين على مشاعركم والله يوفقكم ويسهل امركم

[بسمة امل]

السلام عليكم........

اولا اخي بالنسبة للايجارت هي مو غالية بالمستوى القوي ...
ثلاث غرف وصالة =1250 1350 الشقة المعقولة بس الاجدد والاحسن 2000 بالشهر
غرفتين وصالة=1200 1100 واكو اكثر
غرفة وصالة 900 وازيد شوية هذه الشقق النظيفة والقريبة من كل شي تحتاجه
اكو منطقة اسمها (park way forest )هذه تكون على شارع اسمه شبرد ودون ميلز....هذه تقريبا احسن منطقة وتكثر بيها العرب الزينين والخدمات قريبة منك ...
بالنسبة للشغل اختي العزيزة دحدوحة كالتها هي حظ بس انت ممكن تلكة شغل اذا كانت انكليزيتك جيدة....
بالنسبة للدراسة بالكليات تكون على حسابك بس اذا عندك اطفال سن دخول الجامعات الدولة تنطي قرض دراسي ومن يشتغل يبدي يسدد القرض ...وهي نوعا ما غالية مو رخيصة حسب الاختصاصات...

انشاء الله اكون افدتك وبالتوفيق
اختكم بسمة امل
تورونتو

[السندبادي]

شكرا اختي بسمة امل على هذي المعلومات والله يسهل عليك ويخلي حياتك كلها ابتسامات بس سؤال الله يخليك ولو كثرت عليك اي ولاية تكون رخيصة ودافية عد تورنتو

[بسمة امل]

الله يسهل امركم...

والله هي المعروف كل ماتروح south احسن بس اعذرني والله ماعندي اي علم ...

بسمة امل
toronto

[السندبادي]

شكرا اختي الغالية بسمة  امل على كل معلومة فدتيني بيهة وبارك الله بيك والله يوفقك
 

اخوك السندبادي

[مهاجرة باذن الله]

السلام عليكم
الاخ السندبادي مدن هاميلتون و يورك ولندن  وكامبردج ارخص بكثير من تورنتو  لكن الطقس قريب لتورنتو 3 غرف او اكثر اعلى حد هو 1000 دولار اما فانكوفر فاسعار الايجار مثل تورنتو تماما لكن الطقس يميل لها طبعا اما عن موضوع الدراسة فا اعتقد انه من حقك الحصول على الاوساب وهو بدون فوائد و الدراسة بكندا تعتبر رخيصة جدا قياسا لامريكا و استراليا وبريطانية

[السندبادي]

شكرا لكي اختي الغالية مهاجرة باذن الله على هاي المعلومة بس اختي ازيدك علم انو احنة نفرين يعني بس اني وزوجتي اذا الايجار 1000دولار هل يكفيني الراتب الي اخذة من الدولة .بارك بيك

اخوك السندبادي

[مهاجرة باذن الله]

استاذ السندبادي حضرتك تستطيع ايجار ستوديو بدون اي مشكلة وبهذه الحالة لن يتجاوز 500 او 600 دولار بمثل هذه المدن و الاسعار التي ذكرت السابقة و الحالية هي عن الشقق او الاستوديوهات الموجودة بالداون تاون وعلى فكرة هذه المدن بها جامعات من ارقى جامعات كندا وبالنسبة لسؤالك الثاني لا علم لي بالرواتب لان زوجي حصل على هجرة (الكفاات)  واحب ان اضيف معلومة عن العمل اذا كنت تبحث عن العمل البروفيشنال فهذا عن طريق الموقع الرسمي الكندي وحسب مؤهلاتك اما الكاجول فمعروف ان البرتا و كالجاري تحديدا هي افضل مكان موفق ان شاء الله

[السندبادي]

شكرا لكي اخت مهاجرة باذن الله وبارك فيك لجوابك الشافي والكافي

[السندبادي]

شكرا اختي الفاضلة asood2000 وبارك الله فيك واشكرا كل الاخوة الي بادرو بردودوهم لي وافادوني جدا ولو اكثر عليك بالاسئلة اكو ولاية اسمهة ونزر على مااعتقد اذا ماخاطئان بتسميتها يوكلون عليهة جوهة حار ومشمس صيفا هل الايجار بيهة رخيص وهل فيهة حركة عمل جيدة بارك الله فيك وكثر الله من امثالك

اخوك سندبادي