اخوان محتاج استشارتكم بشأن الجواز

[ابن الحلة]

السلام عليكم اخوان
عندي فد مشكلة بالجواز مالتي لان كاتبين الاتي
اسمي ثم الاب ثم الجد
وفي خانة اللقب اسم الجد من جديد
وفي الكيس مالتي بالـ SIV
كاتبين : اسمي + اسم الاب + اسم الجد + اسم الجد
فهل هذا يؤثر بالمطارات ام لا
ارجو الحصول على جواب شافي من اهل الخبرة
مع تحياتي

ابن الحلة

[ابن الحلة]

يعني بعبارة اخرى :
بالكيس مالت الاس اي في كاتبين اسمي مثل ما هو بالجواز !!

[ابو الحسن]

عمي اذا اسمك مكتوب بالقضية مثل الجواز ؟وين المشكلة ؟ماكو مشكلة انشاء الله ؟
ابو الحسن

[ســـرى]

اخوية وين المشكلة بالعكس هيج كلش زين لانه راح يطلع اسمك بالكرين كارد مثل ما بالجواز بس المهم مو يطلع اسم جدك بالكرين كارد مكرر مرتين.

[Black Angel]

حبي عادي ماكو اي اشكال ان شاء الله لاتهتم

[ابن الحلة]

اخوية وين المشكلة بالعكس هيج كلش زين لانه راح يطلع اسمك بالكرين كارد مثل ما بالجواز بس المهم مو يطلع اسم جدك بالكرين كارد مكرر مرتين.

عيني سرى هوة اني خايف خاف يطلع اسم جدي مرتين هم بيهة اشكال لو لا
تحياتي

[ابو سالين]

اخي العزيز ..هذه جوازك Gوالجواز الجي اذا متنطيهم اللقب يكتبون بي اسم الجد شغله كلش عاديه لا تخاف

[ســـرى]

لا ما يطلع مرتين لانه بالكرين كارد ينكتب اسمك واسم العائلة (اللي هو بهالحالة جدك) فقط......لاتقلق

[blood_brothers8]

السلام عليكم اخوان
عندي فد مشكلة بالجواز مالتي لان كاتبين الاتي
اسمي ثم الاب ثم الجد
وفي خانة اللقب اسم الجد من جديد
وفي الكيس مالتي بالـ SIV
كاتبين : اسمي + اسم الاب + اسم الجد + اسم الجد
فهل هذا يؤثر بالمطارات ام لا
ارجو الحصول على جواب شافي من اهل الخبرة
مع تحياتي

ابن الحلة

حبي عادي لان هذا يعني اللقب..تعرف هم يتسعملون اللقب...احنا نستعمل اسم العشيرة..بس هم يستعملون اسم الجد...فاراح يصير كالاتي...اسمك،اسم الوالد،اسم الجد،القب(اسم الجد)...امتنى انه شرحي يكون واضح...؟

[ابن الحلة]

ممنونين ريحتو قلبي الله يريح قلوبك ان شاء الله وشكرا على الردود الشافية الوافية

تحياتي
ابن الحلة

[ســـرى]

هاي لخاطرك جبت الكرين كارد مالتي وراح اكتبلك المعلومات شلون مكتوبة بيه: مع ملاحظة انه Abood  فرضا اسم الجد واسمي سرى واسم ابي يبدي بحرف م M اوكي؟

PERMANENT RESIDENT CARD

NAME Abood, sura M

# 88888888888888

Birthday      Category      Sex
01/01/2001         SQ2            F  

Country of Birth

Iraq      


Card Expires   01/01/20

Resident since 01/01/10

وبعدين فد سلسلة من الارقام والاحرف وبنصها يكون مكتوب ABOOD>>SURA<MUHAMMAD

ان شاء الله وصلتك الفكرة

[علي امون]

السلام عليكم

اخي لتضوج ترة نفس شغلتي هم سئلت وكالو ماكو شي واللة كريم  المهم نفس الشي الي بالجواز الي راح تطلع بي..

تحياتي للجميع بالتوفيق

علي امون

[ســـرى]

هسه للتأكد اريد منك تروح تشوف نسخة الDS-230 مالتك شنو مكتوب بيها بالاسئلة باول صفحة وكالتالي:

السؤال الاول مكتوب: Family Name شوفلي شنو مكتوب جواه اسم جدك مرة وحدة لو مرتين اذا مرة وحدة خلص هو هذا اللي راح ينكتب بالكرين كارد وبهاي الحالة راح يطابق الجواز.

[أحلى دنيا]

بارك الله بيج أخت سرى

دومج خدومة  ان شاء الله دوم تنورينة بمعلوماتج  ومساعداتج

شكرا ياوردة

[ابن الحلة]

الف الف الف رحمة على والديج سرى
لو كل الناس مثلج جان ما احتاجينة نشرد من العراق
تحياتي والله يسهل امورج مثل مامسهلة امور الناس

[ســـرى]

اخي ابن الحلة ما سويت شي هذا واجبي وان شاء الله يرجع العراق ويجمع كل الناس الطيبين.آميـــــــــن

[مراد البغدادي]

اخوك نفس حالتك ماكو شي سالت موظهم كال عادي ماطول الجنسيه معك كلش كافي هذا كلام الموظف طبعا بس مثل ماتعرف الجوازات العراقييه كلها هوسه اني مثلا كاتبين اسم جدي هوة اللقب ومال اخويه الي بامريكا كاتبيين اللقب وماكو شي عادي الله يسهلك

[ERB]

سؤال بله زحمة:  اذا الاسم بالكارت مال( I 94 ) هو الاسم + اسم العشيرة بينما الاسم بالجواز هو الاسم+الاب+الجد واسم العشيرة هو اسم الجد ايضا فبهالحالة راح يكون اختلاف بالاسماء بين الوثيقتين فالحل شنو؟

[ســـرى]

اتصور وبرأيي المتواضع انه من تقدم عالكرين كارد اكتب اسمك مثل ما بالجواز بالفورمات مال التقديم وبينلهم بستيتمنت صغير انه هيج ينكتب اسمك واذا ما لكيت حل سوي تبديل للجواز العراقي بسبب الاسم وموجودة هاي المعاملات.

[ERB]

شكرا سرى اعتقد هو هذا الحل المعقول واذا ما نجح لسبب او لاخر لازم ابدل الجواز .

ERB

[blood_brothers8]

اتصور وبرأيي المتواضع انه من تقدم عالكرين كارد اكتب اسمك مثل ما بالجواز بالفورمات مال التقديم وبينلهم بستيتمنت صغير انه هيج ينكتب اسمك واذا ما لكيت حل سوي تبديل للجواز العراقي بسبب الاسم وموجودة هاي المعاملات.

الله يبارك بيج...وين مااروح اشوفج مساعدة اخوتج...الله يكويج

[hussam2010]

 ما اعتقد اكو حاجة لان من اتسافر مراح تحتاج جوازك اصلا بعد بيوم تعين موعد السفر حينطوك كيس بيه اوراق السفر مالتك الي يكون اي نايتي فور والصور مالتك وعلوماتك واني اصلا في وقتها كلولي لا اتطلع جوازك لان حيسويلك اشكالات اذا طلعتة لموضفين المطار لان انتة طالع لاجئ والاوراق الي بالكيس هية اوراقك الثبوتية
جوازك تحتاجة فقط عند التقديم على الاي او ام او اليو ان حيطابقون اسمك بالجواز وية الهوية الاحوال والجنسية  ووراها ابدا مراح تحتاج جواز

[ســـرى]

اخي حسام الاخ صاحب الموضوع اس اي في مو اي او ام للتوضيح اخوية العزيز.

والاخ ERB شكله هو اصلا بامريكا والعلم عند الله.

[ERB]

 اخ حسام واخت سرى اني بامريكا وصلت قبل 5 ايام والحمد لله ووكعت بمشكلة اختلاف الاسم بين الجواز وال I 94  .

تحياتي الكم
اخوكم بالنضال

ERB

[hussam2010]

الف الحمدالله على سلامتك ونتمنالك الموقفية
بس شلون يصدر الـ i94 ما مطابق وية الجواز همة اصلا ياخذون الاسم من الجواز

[ســـرى]

تحدث في ارقى العوائل.

[hussam2010]

تحدث في ارقى العوائل.

الله اعلم