البلاك لست وتاثيره على المقابلة ارجو المساعدة ضروري

[general_medo]

اخواني اخواتي في منتدانا العزيز ارجو المساعدة بصورة عاجلة في هذا الموضوع الذي ارقني وسلب الراحة مني
اخواني مقابلتي في السفارة بعد ايام قليلة جدا والحقيقة انا خائف جدا من موضوع سبب تركي العمل والحقيقة كانت فشل في المقابلة الامنية بعد 6 سنوات عمل مع القوات الامريكية .
اخواني انا محتار جدا بهذا الموضوع وارتايت ان انزل هذا الموضوع بعد ان اشار عليه بي اخوية العزيز ايكو9 بسبب حساسيته واعتقد ان هناك الكثيرين ممن هم في نفس حالتي ومعاناتي لذا ارجو منكم الاشارة لي بما هو في صالحي فهل اخبرهم بحقيقة الموضوع فيما اذا تم سؤالي عنه ام هل اخبرهم بما حدث مع الكثير من اصدقائي والذي تزامن في نفس الوقت ونفس موقع العمل الا وهو التقليص .
احبابي الاعزاء انتظر منكم الرد على احر من الجمر شاكرا لكم تعبكم معي ومع بقية الاخوان الذين يحتاجون الى مساعدتكم
تحياتي
اخوكم
GENERAL_MEDO

[بغداد بقلبي]

اخويه اني من رايي ان تكون صريح معهم احسن لانهم من بعد موافقه المحلف عليك راح يتم تحويل ملفك للتجييك الامني واكيد راح ايبين كل شيء وانشوف الاخوة شنو رايهم هم بالموفقيه لك لاتقلق واتدوخ نفسك كولشي قسمه ونصيب

[general_medo]

اشكرك حبيبي على رايك واني هم اعتقد انه النجاة في الصدق وما اعتقد هوة شي غير معلوم بالنسبة الهم
اتمنى اسمع ردود بعد من الاخوان
مشكورين حبايب مقدما

[ricky_7070]

اعتقد انته iom
حبيبي لا تخاف وكول الصراحه
لان صاحبي نفس شغلتك واجاه الكوم siv
ولا تصور انته مرتكب جريمه ولا تصور مفجر الجسر
اما يردون يقلصونك وسولك فلم
او انته ما اجتازيات جهاز كشف الكذب
وكل الحالتين راح يلكون سبب طردك من القواعد العسكريه
واذامو شغله تهدد امن امريكا فمعليهم
يعني الحالتين ما يرفضن سفرك
اهم شئ برد كلبك مو بجكاره لا بكلامي لاني متأكد منه

[ricky_7070]

ها نسيت شغله
هل انته شفت بعينك كتاب عند الامبيز MP مكتوب انك بلاك لست ؟؟؟؟
اني حسب معلوماتي يسون بيك ميمو او ميموراندم يكتبون بيه باند يعني منع من دخول القوااعد وهذا لا يعني انك مو خوش ولد
بس انته ممنوع من الشغل وياهم
ان اصبت من الله وان اخطئت من الشيطان ويمكن نفسي

[general_medo]

اخوية العزيز ريكي اشكرك جدا وكثر الله من امثالك وهية هم هيج  علة كلامك اني صار عندي فشل بجهاز كشف الكذب واني SIV وعندي الكوم ابروفل وهاي المرحلة الاخيرة مثل ما تعرف بالاس اي في لذلك اني متخوف وان شاء الله ماكو شي اشكرك مرة ثانية علة نصيحتك والله يسهل من امرك

[general_medo]

لا هذا الشي مشفتة لكن رحت للشركة بعد مرور شهر من الموضوع اخبروني باني لازلت اعمل في الشركة وما اعرف شنو الفلم اتصلت بالمعسكر اخبروني بانه ما اكدر ارجع للعمل معهم لانه اعتبروني تهديد امني على الجيش بعد ما ادري شلون راح تصير شغلتي لو شيكلولي بس لا يجيني رفض بعد هذا التعب وطول الانتظار

[roger]

اخي العزيز

باللجوء ميعرفون اصلا هل انت بعدك لو لا

لان ماعدهم علم

بس بالاس اي في

اهنا الدك والمدكوك طبعا يعرفون ويعرفون تاريخك كلة

بالمناسبة اكو ولد اعرفة اخذ موعد المقابلة  وسوة مشكلة ونطرد

بس جان بعدة ممقابل وهلشي اثر علية لان مستلم الفيزة وتركنة قبل 3 اشهر ولليوم ممستلمها

واكو بنية لكفو عدها موبايلات بمعسكر الاسد وجانت ماخذة موعد مقابلة  ونطردت ونكتب بطردها هي  بك لاير

بموعد المقابلة قابلت وراها  مطوها الفيزة وكللوها انتي انرفضتي

هذا الي شفتة

وبعد ما اعرف بقت هي سالفة حض وبخت

[general_medo]

والله اخوية ما ادري شكلك اني لكو بغرفتي سم كارتات وسئلوني عنهن الصراحة اني اصلا مو مبيت لانه المعسكر مو بعيد عن بيتي وابدا مداخل هاي الغرفة ولحوا وياية علمود هاي الشغلة المهم اجاني البي او سي بعد 3 ايام اخذ باجاتي وكلي الله وياك كتلة ليش ماليش منطاني نجدة ومكلي كال هذا امر اجة من الاعلى مني وما اكدر اسوي شي بس اني اللي مدوخني انه وره هاي السالفة باكثر من شهر رحت للشركة كالو بعدك انته تشتغل ويانة

[roger]

اي بعدك تشتغل لان كتاب الانفكاك او الرليز شسمي سمي مواصلهم اخوية العزيز

بس خل اكلك شي هي تعتمد على المقابلة وياك همة حيسالوك تشتغل لو بطت

حتكول بطلت اذا ملح بالسوال وياك خير على خير

بس اذا لح وياك احجيلة السالفة  كيت وكيت

بس كلة اخذت رليز ولتكلة سم كارت وموبايل

لان يجوز انت مسويلك رليز عادي ممطي بلاك لست


فاذا ممطيك بلاك لست ومطيك رليز كلة والله اصور فائض عن الحاجة لان تدري هواية مترجمين فرلزوني

[general_medo]

اشكرك عالرد اخوية وبعد اخليهه علة الله والصراحة اني اجاني الابروف مال الجيف اوف مشن بعد 4 اشهر من تبطيلتي هاي شلونك بيهه يعني هة ميعرفون بهاي السوالف اذا اوراقي كلهه مرت بتجييك امني الله كريم اخوية ورحم الله والديكم على نصائحكم ومشاركتكم همي

[بغدادي76]

أخي العزيز صدكني النظام بيه خربطه , ولهذا كل واحد تجربته تختلف , آني صديقي جان بالبلاك لست لأن لزموه بايك من المعسكر, وجان خايف بعاملته بالآي او ام, وذاك يوم وهذه يوم وهذاكوه بأمريكا هسه صارله سنه !
فلاتخاف اخي وطز بيهم , قابل هيه امريكا لو الجنة ؟!

[ricky_7070]

أخي العزيز صدكني النظام بيه خربطه , ولهذا كل واحد تجربته تختلف , آني صديقي جان بالبلاك لست لأن لزموه بايك من المعسكر, وجان خايف بعاملته بالآي او ام, وذاك يوم وهذه يوم وهذاكوه بأمريكا هسه صارله سنه !
فلاتخاف اخي وطز بيهم , قابل هيه امريكا لو الجنة ؟!

اي اي بعد روحي روحك عليهم بعد بعد

[general_medo]

حبيبي بغدادي اشكرك جدا المؤلم بالشغلة انته مكظي فترة مو هينة بهالشغلة الكشرة تالي تطلع بهالطريقة الغير متحظرة على اي حال .
هية رايدلهه هيج روح وواحد ميدير بال وعلة كولتك طز اذا صارت خير على خير واذا مصارت حرامات التعب والانتظار والصرف بس العوض علة الله واشكرك مرة ثانية علة رايك ومشاركتك

[Alrwad]

حبي اطمئن ان شاء الله ماكو شي.... اني رحت للجي ال اس علمود ري هاير بشهر الثالث دخلت للسكريننك وبعد يومين راجعتهم كلولي انت غير مقبول لانك معبرت المقابلة الأمنية لان عندك سيكيورتي ريسك وصارلي ست سنين ونص وياهم. على كل حال بوقتها جنت انتظر موعد المقابلة فرحت للمقابلة وراها وبعدها انتظرت لمدة سبع اشهر وكم يوم لحد  ما استلمت الفيزا مالتي... اني والزوجة والاطفال... خليها على الله واللي يصير يصير.

اخوك الرواد

[echo 9]

السلام عليكم
اخوية الغالي general_medo ان شاء الله اطمانيت وارتاح قلبك
لان الردود كلها مطمئنة ولا تخاف بحيل الله ماكو شي

[ARMY STRONG]

ايباه ذكرتني بايام انتظار ااكوم ابروفال و شلون جنت مايس يجيني

ARMY STRONG بلاك لست

[general_medo]

اخواني الاعزاء بارك الله بيكم جميعا وحقيقة اطمانيت
اشكركم جميعا اخوية ارمي سترونك وايكو ناين والرواد وكل من ساهم بالموضوع
اخواني اليوم اتممت المقابلة مالتي وحقيقة البنت الاسيوية هية الي قابلتني وسالتني عالموضوع وحقيقة كالتلي موضوعك ممكن ياثر على الكيس مالتك لكن همة اخذو الجوازات وكلتلي تنتظر من شهرين الى ستة اشهر وانه راح يكون ملفي تحت المراجعة الادارية

[ricky_7070]

بسم الله الرحمن الرحيم
الحمد لله حمدا كثيرا طيب مبارك فيه
اللهم صلي وسلم على خبير البريه وافضل البشريه نبيك محمد وعلى اله وصحبه

اخي العزيز انته سويت اللي عليك ولا تقلق وموت قلبك
ومابقى الا اهم شئ
التوفيق والدعاء الكثير التوسلي الى الله
وان نصركم الله فلا غالب لكم
صدق الله العظيم
تحياتي اخوك عبدالله

[Kin]

اني عندي مقابلة هجرة بشهر الثاني بالسفارة ابغداد و ايضا خايف من شغلة السكرين لان اني سوولي سكريين في احد القواعد الامريكية قبل شهرين و عبرته بس بعد 13 يوم من مقابلة السكرين بلغوني انو اني ممنوع ادخل للمعسكر مع العلم اني ما عندي شي و لا كنت معتقل او مسوي اي مشكلة امنية.
الرجاء مساعدتي لان سمعت اكو مكتب بالمطار يكدر الواحد هناك يروح علمود يسوولة فحص سكرين حتى يكدر يرجع لشغلة.

شكرا

[general_medo]

اخوية العزيز ريكي بارك الله بيك وبكل الاخوان اللي ساهموا بدعمي معنويا والحقيقة ماعدنة غير الدعاء لله سبحانه وتعالى واهل البيت بيهم المستعان وماخيبوا ظن احد ان شاء الله ولا ردو دعاء داعي

بالنسبة للاخ KIN حبيبي سوي مثل ما سويت تفائل بالخير وان شاء الله الخير امامك واستعين بالله واكثر من الدعوة واذا الله يريد الك الخير باتمام سفرك يصير واذا العكس الله لاكالهه فما باليد حيلة ونصيحة كون صريح وياهم لانه يعرفون كلشي حسب علمي ومايخفه عليهم شي توكل علة الله ولاتدوخ وين تصير خلي تصير .

[سيد الوفاء]

السلام عليكم ورحمة الله وبركاته
بارك الله فيكم اخواني على الردود القيمة والرائعة
لقد كنتم رائعون جدا في تقييم المشكلة وارضاء صاحبها في الاجوبة التي اعتمدت على التجارب السابقة
انني افتخر ان اجد اناسً في قمة الشرف والمسؤلية
اني اكون معكم ومع صاحب المشكلة لكونني عانيت ما عانيت بسبب عملي هنالك
اتمنى ان نستمر في ايجاد الحلول والنصائح الناجحة لتبية طلب صاحب المشكلة لان هذه المشاكل تكون جدا قلقة من قبل صاحب الكيس , اجو منكم  ان تبدون رايكم ومبادراتكم على ايجاد الحلول والترتيبات لتجاوز المقابلات ,

تحياتي لكم جميعا

[hassan W]

اخوان فد سؤال اذا واحد عليه بلاك ليست ومقابل محلفين وماخذ الموافقه وموقع اوراقه الكفيل هم يجي بيه رفض لو هي هاي  هي انتهت

[ricky_7070]

والله خويه تريد الصدك
ما تضمنها ولا احد يفتيلك بيها ولا يعرفها لان ماكو مقياس
انته ما تتضمن وتطمأن الا لمن تستلم الفيزا
هذا رائي الشخصي

[hassan W]

اف شكر الك اخويه بس يعني هو على الاي او ام وماخذ موافقه محلفين وموقع اوراقه الكفيل يعني هم اكو شخص اجه بيه رفض

[بغدادي76]

بالآي او ام إذا ماتكللهم مايعرفون

[hassan W]

اخويه اني بصراحه لا عليه بلاك ليست ولا هم يحزنون اني مجنس امريكي
بس سؤال يخص صديقي  مقدم بس هو مكايللهم مايعرفون يعني والتجييك الامني هم مايعرفون شلون واذا عرفو هم يجي بيها رفض
بس مامعقوله اكو واحد يوقع اوراقه الكفيل وتكفله منظمه ويرجع بعدين يرقض