ملّينة . شعر شعبي (ماجد عزيزة)


المحرر موضوع: ملّينة . شعر شعبي (ماجد عزيزة)  (زيارة 4193 مرات)

0 الأعضاء و 1 ضيف يشاهدون هذا الموضوع.

غير متصل majid

  • عضو فعال جدا
  • ***
  • مشاركة: 321
    • مشاهدة الملف الشخصي
    • البريد الالكتروني
ملّينة . شعر شعبي (ماجد عزيزة) 


ملينه منكم حمد .. انتو اللي جبتو الموت

البلاد صارت مقبرة .. كل يوم الف تابوت



ملينه منكم حمد .. لو انتو تتذكرون

من جنه جيران واهل .. فد بيت وتحسبون

وبيناتنا زاد وملح .. وما بينا ليحسدون

بهنام وعلاوي سوه بفد مدرسة يدرسون

وبالعيد نتغدى بفرح ناكل بفد ماعون

ومريمنا من تمتحن تصعد ركض تدرون

وي فاطمة العصر فوك السطح يقرون

ليش هسة فاطمة وحمد ال مريم يذبحون !

متكلي يابه حمد ، منين اجا هالطاعون ؟

آنا ارد اذكرك حمد والذكرى للينسون

تذكر الصيف من يلتهب للدير اتصيفون

والعصر من تغفى الشمس جنتوا سوه تصلون

انت على مذهبك

وهو على مذهبه وفد الله لتعبدون

متكلي منهو الغيرك وسواك كالمجنون

وخلاك تنسى صحبتك فهمني اي ملعون ؟

ويا الله هذا اليامرك بقتل الذي يصلون

ربك وربي مو سوه

ربك شيطان الاسم ، وربي اله الكون



بغداد جانت شمس تضوي على اليمشون

وكت البرد بالشتا بفد صوبه تدفون

شو صارت جهنم حمد ، وحركت اللي يحبون

**
لك يا حمد شفت بعينك شصار

شفت ما جرى بنص الكنيسه

الف نعله عل ْ اليدعي الدين
بكد مافعلته جانت خسيسه

ذبح كاهن يصلي بوسط هالناس

ونحر طفله عالمذبح مثل الفريسه

شسمي هيج بشر الا حيوان

راضع من صدر مسموم ديسه

غرز انيابه النذل بالابرياء
عباله البشر مثله فطيسه

وملينة منكم حمد ..

**

لك يا حمد ..

طبوا كنيستنا غفل .. اشرار مهووسين

كالوا تره الله امر .. بقتل المسيحيين

الدين عدهم قتل ..او ذبح بالسجين

ما دروا فادينا حمل صليبه امن سنين

وكال النا من قام وصعد .. تبقون مضطهدين

ولاتخافون موت الجسد .. الروح تبقى لحين

وبالآخر تصفه المسالة .. وانتو اللي منتصرين

وملينة منكم حمد

 

**
ولك يا حمد ..

احنا البنيناه للبلد واحنا الوضعنا اساسه

واحنا العلم واهل الادب او للوطن حراسه

واحنا الحضارة والعقل وبالوطن اشرف ناسه

تاليها تنسون الزمن ، تسمونا احنا الكفار

ونصير حزمة من حطب وترمونا ابنص النار

اعتب على اسوا زمن .. الجار يغدر بالجار

بس يا حمد ابقى افتكر ، تره الزمان دوار

قلب تواريخ الوطن واقراها ذيج الاسفار

احنا المسيحيين العَلََم ، واحنا البنيناها الدار

نحمل صليب الجلجلة ، ونغادر لاي مشوار

ونعيش في اي منطقة ، ونصلي للرب البار

بس ما نذل او ننظلم .. واسمع لصوتي الهدار :

(ملينة منكم حمد ..)


مع تحيات اخوكم ما








غير متصل bsmaa_bghdad

  • عضو فعال جدا
  • ***
  • مشاركة: 370
  • الجنس: أنثى
  • مدام يسوع بقربي فانا لا اخاف ابدا
    • مشاهدة الملف الشخصي
روعة سلمت اناملك الذهبية في ما خطته ويا رب يعم السلام ببلادنا


يا رب استجب امين


تحيتي




اقامه الله ربا على بيته ورئيسا على كل مقتناه

يا مار يوسف البار صلي لاجلنا

غير متصل nasir yako

  • أداري دردشة
  • عضو مميز متقدم
  • *
  • مشاركة: 15896
  • الجنس: ذكر
  • حبيبي شلون حالتكم بعدنا..
    • مشاهدة الملف الشخصي
عاش قلمك اخي العزيز ماجد عزيزه .....اللي دينقط عسل   


غير متصل churchlife

  • عضو مميز متقدم
  • *******
  • مشاركة: 5697
  • الجنس: أنثى
  • سلام المسيح
    • مشاهدة الملف الشخصي
    • البريد الالكتروني
taslm klmat kolsh 7loa aw 7azeena


love is the key to set us free
شمس قمر نجوم غيوم مطر ورد
ما دام هناك في السـمـاء من يحمينـي...فليس هنـا في الأرض من يـكـسرنـي
♥ ربي لا أدري ما تحمله لي الأيام...لكن ثق

غير متصل ديراني

  • عضو مميز متقدم
  • *******
  • مشاركة: 8927
  • الجنس: ذكر
  • ايتها البتول مريم اني اسلم ذاتي لرأفتك
    • ياهو مسنجر - shpera_1980
    • مشاهدة الملف الشخصي
    • البريد الالكتروني

ابداع جميلا نحتته اناملك

كلمات ذات معاني رائعة نسجه قلمك

دمت للتميز عنوان

ليس العظيم أن تصنع ألف صديق في عام واحد ولكن أن تصنع صديقا لألف عام

غير متصل نادر البغـــدادي

  • عضو مميز متقدم
  • *******
  • مشاركة: 12145
    • مشاهدة الملف الشخصي
    • البريد الالكتروني


         تسلم الأيادي اخونا العزيز ،، ماجد ،، على هل الخاطرة البديعة !

                   خالص تقديرنــــا ...



غير متصل majid

  • عضو فعال جدا
  • ***
  • مشاركة: 321
    • مشاهدة الملف الشخصي
    • البريد الالكتروني
اخوان اسف على التاخير بالرد والشكر على مروركم مشكورين هواية على ردودكم الجميلة .
المفارقة انه اسم المستخدم طلع مثل اسم كاتب الشعر انه فقط منقول مني لانه اعجبني يعني منقوووووووووووووول. ;) :) ;) مواني الكاتب ومشكورين مرة ثانية.

اخوكم ماجد مو ماجد عزيزة


غير متصل وردة الربيع

  • عضو مميز متقدم
  • *******
  • مشاركة: 9745
  • الجنس: أنثى
    • مشاهدة الملف الشخصي
عاشت الايادي على الخاطرة الرائعه
تحياتي


من أحب الله رأى كل شيء جميل .