ايقاف الفحص الطبي

[عصفورالنار]

السلام عليكم

يوم امس كان عندي فحص طبي اول وجانت الامور طبيعية فحصنة نظر و طول و وزن و وصلنة التحليل الدم فد يجيكون اوراقنة الي جايتهم من ال iom  فشافوا اكو غلط في اسماء اولادي يعني الصورة لطفل والاسم لطفل اخر . فكالو هاي غلط من iom راح  اندز هسة ايميل ونحاول انصحح الغلط .وبعد 10 دقائق اجاني موظف وكالي دزينة ايميل اخبرناهم بلموضوع و جانة الرد بايقاف الفحص الطبي لي و لعائلتي وذللك لوجود اشكال في الكيس مالتي وعتذر من عندي وكال احنة اسفين جدا بس هذا الموضوع مو من يمنة و منكدر انسوي اي شي .الرجاء من الي عندة اي معلومة حول الموضوع او صايرة عندة مثل هاي الحالة او سامع هيج شي ايجاوبني لان كلش هبطت معنوياتي .ولكم جزيل الشكر مقدما

[ريم عبد]

لا اخي لاتهبط معنوياتك ولا ادوخ
هاي صاير غلط عدهم باوراق الكيسات الي دزوها للفحص الطبي
وهسه يصلحون الموضوع بسرعه لان هذا مسؤوليه عليهم ويتحاسبون عليه
فلازم ايلمون الموضوع وايصححون الخطا
وان شاء الله عن قريب يرجعون ايدزون عليك
بس كلي حضرتك بعمان؟

[AhMaDriX]

على كيفك اخويه شغله ماتستاهل هبوط معنويه

وهاي اشياء عاديه وتصير مو اول واحد انت هيج يصير بي  كلنا نغلط

كرايبي صار بيهم هيج  تقريبا مشابها شغلتك  
انت بأي دوله ؟

[عصفورالنار]

اني اشكركم على الاجابة .و اني في بغداد

[A_FOX]

                                   

                               عزيزي لا ادير بال هسه يصلحون الغلط مو فد مشكله
                                           بسيطه ولا ايهمك

[ابو سالين]

اخي العزيز..الغلط من الاي او ام..ومن وقفو الفحص لوجود غلط طبعا هاي لمصلحتك لانه لو مستمرين بلغلط جان طلعت الفيز باسم والصوره لاخر..لا تخاف راح يصلحون الغلط ويدزون عليك من جديد .توكل عله الله ..

[Captain]

اخي العزيز ولاتهبط معنوياتك ولا تخاف هذه امور عادية صاير خطأ بالمعلومات وراح يصححوها ويرجعون يدزون عليك والله يسهل

اخوك
كابتن