ارجوا المساعدة لان محتااااااار وراح اطك

[شط المنصور]

السلام عليكم

طبعا اني كتبت اكثر من موضوع واستفسار على تركيا وماقصرتوا وياية وكفيتوا ووفيتوا

بس اني محتار ودايخ وانسطرت سطر اسم الله عليكم  اني بعدني بالعراق العظيم بس انتقلت ((( تهجررت ))) من بغداد لاربيل ولازم نطلع لتركيا نقدم عالمنظمة لان مهددين

والله مادري منين اجيب ؟؟؟؟

اني ماعندي الامكانية الكافية حتى اروح لتركيا وابقى هناك سنة او اكثر حتى اقدم عال يو ان يعني على كد حالى مثل مايكولون اذا اروح لتركيا ويا عائلتي زوجتى وابني شلون اعيشهم وانتوا تكولون ماكو شغل بتركيا يعني شكد يكفينا حتى نجي لتركيا ونعيش بيها؟؟؟
 
 ثاني شي تكولون من اقدم عل يو ان بعد ماكدر ارجع للعراق لكوني مهدد زين بشرفكم يعني ماكدر ارجع لدة سنة او اكثر بتركيا ؟؟؟؟

زين انشالله من يطلع موعد سفر لامريكا سمعت انه لازم ابقى 5 سنوات يلا اكدر ارجع زيارة

يعني سنة او كثر بتركيا ووراها 5 سنوات بامريكا يعني بشرفكم اكثر من 6 سنوات ما اشوف اهلى ولا اهلى يشوفوني وزوجتى هم نفس الحالة

والله امي تموووووت اذا ماتشوفني وماتشوف ابني

بس ردت اشوف ارائكم بخصوص هذه القصة

وارجوا منكم سعة صدركم واني جدااا اسف عالازعاج

اخوكم ليث

[angie-dawood]

اخي ليث ليش ما تروح لسوريا هي ارخص من تركيا من ناحية المعيشة والايجارات وثانيا رغم يكولون تركيا اسرع تمشي معاملات بس اني اكول كلها تعتمد على القصة ماعدها علاقة الدولة المهم وبالنسبة الك اذا راح تسجل باليوان من تاخذ القبول وتسافر بعدها بسنة او وي المعاملة كول سنة ونص وتاخذ الكرين كارت وتكدر تسافر منو  كال الك خمس سنوات حتى بالوايت كارت تكدر تسافر بس اطلع جواز موقت وتكدر تروح تشوف اهلك وترجع  

[زاير كباشي]

الباري يصبرك ويدليك على الطريق الصحيح
ويكرمك بالاختيار الصحيح

[ألن في بلاد العجائب]

 اتفق مع اختي العزيزه انجي
الن

[ĈAŃDŶ]

حبي انجي سوريا زخممممممم كلش ومعاملات نايمه


لبنان لو تركيا احسن


والله يكول اسعى ياعبد واني وياك بلحركه بركه


انته اطلع والله يسهل

[ابو سالين]

اخي العزيز ليث الاخوان والخوات انطوك خوش اجوبه ..واعتقد الصوره وضحت عندك..بس اكو شغله لازم تعرفه السفر شغله مصيريه ولازم تفكر بيه زين.انته بعدك بلعراق وبده عندك (هوم سك)لازم تعرف انو الي يريد شي يعوف شي..والله يسهل الك

[شط المنصور]

تسلمووووون وعاااااشت اديكم عالردود اللي تفرح القلب

والله انجي ريحتيني من كلتيلي اكدر ارجع خلال فترة قصيرة تسلمين ياوردة بس المشكلة العراقيين اكثرهم بسوريا وعليها زخم مثل ماكالو

انشالله انروح والله اذا راد شي لازم يصير

واللي عنده بعد جواب او معلومة لا يبخل علينا

وتحياتي للجميع

[الرسام1973]

اتفق مع الاخت انجى ....يعنى الشغله اخى اسهل مما تتوقع

[willpower]

اخويه شط المنصور تعذرني ما اعرف تفاصيل قضيتك...بس انت لبش اتهددت؟ وانت مقدم على ال اي او ام من بغداد لو لا؟

[ــــ{{{ABADY}}}ـــــ]

اخى انا برأى الشخصى وانت طبعا حر ,,,روح الاردن فيها شغل وفى مساعدات ورواتب,,,ولا تخاف عمى الله موجود معاك واذا كان الله معك من ايش خايف توكل على الله(((ومن يتق الله يجعل له مخرجا)))



اخوك عبادى 10 سنوات لا شايف اهله يعنى لا ماما ولا بابا

النا الله عمى

نحياتى اخى

[ايمن الريس]

اخوية العزيز
كلام الاخت العزيزة انجي كلش صحيح.. بس سوريا بيها مشكلة صح القصة مالتك هيه المهمة بس عدد اللاجئين بسوريا كلش هواية اكثر من تركيا وعمان ولبنان وما بيها شغل اما الاردن بيها شغل ووضعها افضل والاختيار اولا واخيرا يرجعلك والله يسهل امرك وامر الجميع يا وردة

[شط المنصور]

تسلمون اخواني والله تعبتكم وياية

وبالنسبة للاخ الحمزة ابو النور 10000 دولار يمعود ماتكوللي منين اني لو عندي هذا المبلغ من زمان طلعت لعد اني شلون باقي بالعراق

وبالنسبة للاخ willpower اني تهددت بالمنطقة من قبل الميلشيات وسافرت لغير محافظة بالجنوب وهم تهددت لان المليشيات اللي تهددت منها نفسها اللي بالمحافظة وكان عدهم معلومات ورجعت للمنطقة وهم تهددت الى ان عفت بغداد وهسه اني باربيل وهم ما مرتاح نفسيا وماديا والله كريم

بالنسبة لسؤالك انه اني مقدم من بغداد لو لا ؟

جوابي انه اني ماعندي عمل ويا القوات الامريكية حتى اقدم من بغداد

وتحياتي للجميع ووووووبعدني محتار

[ريم عبد]

اخي شط المنصور
على كيفك او وحده وحده
المشاكل تنحل حسب الاسبقيه والاهميه
اول موضوع شلون اتحصل لجوء
اذا اتشوف تركيا صعبه عليك وغاليه ويرادلها لغه
عمان هم بلد عربي واسهل بالتعامل وهم معاملاتهم سريعه
والمعيشه تطلع ارخص من اربيل بس يرادلك مورد مستمر حتى تكدر اتقاوم
وهم اكو مساعدات ممكن تسد جزء من المشكله
اما بالنسبه للمده فانت صح متكدر ترجع للعراق فترة التقديم بس اذا وصلت لامريكا تكدر ترجع باي وقت اتشوف والدتك
منو كلك 5 سنوات متكدر ترجع للعراق؟؟؟
وحتى بعمان ممكن والدتك تجيكم اتشوفكم هم اسهل من تركيا
وانت بس على كيفك رتب افكارك اول وشوف شنو الاصلح الك واتوكل على الله والخير فيما اختاره الله

[شط المنصور]

تسلمين اخت ريم عالاجابة الواضحة والشافية وحبيت اسأل عن الاردن

اكدر احصل بيها عمل بسهولة ؟ او هل ممكن احد يشوفلي عمل قبل السفر لان والله لا املك مبلغ كافي للمعيشة قبل العمل ؟
وتعامل الشرطة بالنسبة للاقامة شلوون ؟ يعني الامم المتحدة راح ينطوني ورقة استثناء من الاقامة مثل تركيا ؟ بتركيا سمعت هيجي ؟

وهل فعلا هي سريعه مثل تركيا ؟

اني جدا اسف عالاطاله لكن اريد اخلص من حيرتي

تحياتي الكم

[ريم عبد]

اخي شط المنصور
اليو ان تنطيك ورقة حمايه لكن عمل متكدر تعمل الا جوه العبايه
ورقة الحمايه تمنع عنك الابعاد القسري على ان متخرق القانون ولا تشتغل
فاذا لزموك تشتغل احتمال يحصلك ابعاد
وجماعة الاردن يكدرون يفيدوك بهاي النواحي
وان شاء الله ميقصرون

[willpower]

اخويه شط المنصور.

اذا تريد اتسافر فبقائك اباربيل ما اتفيدك بشي. هذا اولا و الخطوه الاولى.

زين اذا تريد تطلع وين اتروح؟ امكانياتك المادية مو شي و تعبانه . اذا تركيا خليهه على صفحه هسه وطلعه خارج المفاضله.

تعلقك بالاهل يخليك تختار دولة قريبه مجاورة . اذا سوريا و عمان.... ايجابيات سوريا ارخص من عمان والدخول السوريا اسهل من عمان الك و للاهل للزيارة. ايجابيات عمان شويه اسرع بالمعاملة من سوريا....................النتيجة انت بضروفك سوريا مفضل اكثر. بس يمكن  انت اكيد تريد عمان للسرعه ...بهيجي حاله لو تكدر اتامن مبلغ من المال فد 10 الاف دولار فهذا بحث اخر... شي يحكم شي.

تحياتي

Willpower

[silver_d]

العراق يختار الحياة
الله يهلك خوي ابوي وانشالله الله ينطيك على نيتك
تحياتي الك
اخوك سلفر كالفورينيا

[شط المنصور]

تحياتي الكم والله ماقصرتوا

والله يقدم اللي بيه الخير ماكو غير واحد يشد حيلة واجمع اللي اكدر علية والله ارحم الراحمين