دوله الراس الاخضر تعطى فيزه للعراقى

[الرفيعى]

السلام عليكم   من يعرف دوله اسمها  الراس الاخضر  وهل تنطى فيزا  للعراقى  وهل لها سفاره فى الكويت او فى اى دوله خليجيه   

[blood_brothers8]

الراس الاخضر....؟! زين وين صاير بالكرة الارضية ..؟

[willpower]

ههههههههههههههه اشوداك للراس الاخضر يمعود...هاي اعتقد جزر اتصير بافريقيا...وسامع انو المخدرات والتجارة بيه اشهر من نار على علم.

[ARMY STRONG]

اني سامع بيها بس وين ماادري

مو هذوله الي شالوا ويه فرنسا 8-0 بل تصفيات اوربا

[A_FOX]

عرفتها هاي البيتنجانه مو صحيح

[blood_brothers8]

هاك حبي ها المعلومة راح اتفيدك...هذا وولد لاعب نادي مانشستر يونايتد " لويس نانى " في مدينة برايا بدولة الرأس الأخضر، ومع ذلك فهو برتغالي الجنسية واحد لاعبي المنتخب الوطني البرتغالي

[white heart]

سوي بحث بالكوكل وهسه اكيد تلكه فد شي

[blood_brothers8]

سكان دولة الراس الاخضر وتسمى ايضا(كاب فيردي) أغلبهم خليط برتغالي أفريقي، يتحدثون لهجة (كريول) إلى جانب اللغة البرتغالية، وهذا هو علمهم..وطب هنا بلجي يفيدك هذا اللنك..http://ar.wikipedia.org/wiki/%D8%A7%D9%84%D8%B1%D8%A3%D8%B3_%D8%A7%D9%84%D8%A3%D8%AE%D8%B6%D8%B1

[الرفيعى]

العراقيين وصلوا  كل مكان لازم اكو  واحد عنذه معلومات عنها

[محيسن]

عزيزي دوله  الراس  الاخضر  هاي  راحلها  واحد اسمه  زاير  كباشي  ولقاهم  يشربون  جكابر  لف   او  سومر 

صدق  جذب  جا  انت  هديت  العالم  كله  واجيت  على الراس الاخضر  انزين  حبوبي  السلفادور  احسن  منها  هاي  البلد ماعدهم  ياكلون

السلفادور  امريكا الجنوبيه   احسن  جامايكا  كوبا  كولومبيا   ولا الراس الاخضر  عزيزي  من  اسمه اجيب  المرض  يا خويه  شوف بلد  ثاني  حتا  نعرف  شنو انرد  عليك 

والله  يسهل  عليك  وتحقق  امنيتك  بس  مو  بالراس  الاخضر  دخيلك   عمي   
تقبل  مروري   الخفيف  والبسيط  اخي  ابن  بلدي 

[Black Angel]

الرأس الأخضر[1] أو كاب فيردي هي دولة في قارة أفريقيا. تتكون من أرخبيل من الجزر الواقعة غرب سواحل شمال أفريقيا. كانت في فترة من الفترات مركزا لتجارة العبيد. تقع جزر الرأس الاخضر على بعد 500 كيلومتر من سواحل السنغال في المحيط الأطلنطي، وتتكون الجزر من قسمين: جزر جبلية وعرة وجزر سهلية منبسطة، ومناخ الجزر معتدل طوال العام بالنسبة لموقعها البحري وأهم هذه الجزر سانتاغو ،وهي أكبر الجزر، وبها مدينة ثرايا العاصمة، ثم جزيرة القديسة ونسانت، وجزيرة سانتا أنتاو، وجزيرة فوغو، وجزيرة نيكولو، وجزيرة مايو، وجزيرة سانتالوسيا، اكتشف هذه الجزر البرتغاليون سنة 1460 م، وتشكل هذه الجزر موقعاً ممتازاً في المحيط الأطلنطي ولهذا احتلتها البرتغال واستقلت سنة 1975 م

موقع الرأس الأخضر
العاصمة
(وأكبر مدينة)    برايا
14°55′N, 23°31′E
اللغة الرسمية    برتغالية
تسمية السكان    رأسيون أخضريون
نظام الحكم    جمهورية
رئيس الدولة    بيدرو بيريس
رئيس الوزراء    جوزي ماريا نيفيس
الاستقلال    
- عن البرتغال    5 يوليو 1975
المساحة    
المجموع    4,033 كم2 (172)
1,557 ميل مربع
نسبة المياه (%)    1.1
السكان

اما عن العراق فمااعرف لو تتصل بسفارتهم عن طريق ايميل افضل لان البحرين المغرب الجزائر مصر امارات ميحتاجون فيزا

[ابن المنصور]

يبا هاي وين راح تلا كي سفرتها

[الرفيعى]

عندى جوازى العراقى وراح اطير من سوريا بجوازى العراقى وانزل بالراس الاخضر بجواز سويدى لشخص ثانى يشبهنى واقعد يومين واطير للندن  لان الاجراات بالراس الاخضر يقولون بسيطه وكلشى يعبر عليهم

[ــــ{{{ABADY}}}ـــــ]

اخى انت بالعراق او بالكويت.....الرفيعى

[محيسن]

عزيزي  الرفيعي  اذا وصلت بالله بالغني  حتا اني  اجي  علا  الراس  الاخضر وبجواز  اسباني  وعلى  ويلز  هناك  القبول  سهل

[ألن في بلاد العجائب]

عندى جوازى العراقى وراح اطير من سوريا بجوازى العراقى وانزل بالراس الاخضر بجواز سويدى لشخص ثانى يشبهنى واقعد يومين واطير للندن  لان الاجراات بالراس الاخضر يقولون بسيطه وكلشى يعبر عليهم

سالمين شنو هالبطه الي تلعب شناو تطير من سوريا بالعراقي و تنزل بالراس البنزركي بالسويدي شون رهمتها بلا زحمه

[مظلومه سوادي]

هاه عرفتها

كلمة السر كتكوت 

خواني انتوا دتلومون الولد حسبالكم راح يعيش هناك 
مبين سؤاله مناك يريد يفلت لدوله لخ

خويي روح والله يوفقك لازال الشغله بيها لجوء لغير دوله بالتوفيق
 تحياتي

[ألن في بلاد العجائب]

هاه عرفتها

كلمة السر كتكوت 

خواني انتوا دتلومون الولد حسبالكم راح يعيش هناك 
مبين سؤاله مناك يريد يفلت لدوله لخ

خويي روح والله يوفقك لازال الشغله بيها لجوء لغير دوله بالتوفيق
 تحياتي

اني اريد افتهم شون يطير بجواز عراقي و ينزل بسويدي شنو هاي بطه لو ديج ديلعب دعبل

[مظلومه سوادي]

هههههههههههههه
خويي هاي ديج يلعب دعبل جديده  

خويي احنه بماليزيا نسمع شغلات عن القجغ وتبديل الجوازات عجيبه غريبه

قبل 3 سنوات عائله فلسطينيه جانوا عايشين بالعراق اجوي لماليزيا ظلوا اربع اشهر
وطلعوا قجغ لالمانيا
طبعا جان توجههم للسويد بس بمطار المانيا انكشفوا
معاناة طويله هوايه واني لازلت على اتصال بيهم
بس الحمد لله والشكر اخيرا انطوهم اقامه بالمانيا

الطريق الراحوله والدول النزلوا بيهه وحتى الجوازات اللي استعملوهه فد شي عجيب غريب
المهربجي راح وياهم بوكتهه
سفرتهم استغرقت تقريبا 3 اسابيع

بس طبعا الطريق من ذاك الوكت احترك لانه الكل عرفوا بيه
حتى وراهه بايام ذاعوا بالاخبار القبض على عصابه لتهريب العراقيين في تركيا

فخويي لاتستغرب كل شي يصير

[ابو الحسن]

عمي الرفيعي
الله يساعدهم
لو تشوفك الك لبناني من اهل الجنوب لازم واكيد عنده ااقارب هناك
همه لازميها لازم للافريقا
بس عمي لاتنسى  حتى لو للعراقي بلا فيزة
اتاكد من خط الرحلة لان معظم رحلات افرييقا ترانزيت ام مصر او نيجيريا او اديس ابابا حسب شركة الطيران
فمثلا اذا ترانزيت مصر ؟ماتكدر تنزل بالجواز السويدي لان راح يلكفوه
وانته لازم تشتري تذاكر سفر مرجع عدد اثنين اتصور ؟وحدة بالاسم العراقي والثانية باللاسم السويدي
وعمي هاي مصاريف ظبط امورك والله يستر عليكم ويسهل امرك
ابو الحسن

[الرسام1973]

ههههههههههههههه والله حشاشه

[حامد شاكر]

الله يسرها وتنتهي معاناتنا مع الاسف وصلنا الى مرحلة الله يستر منها

اللهم يسر على كل عراقي عاجلا وليس اجلا لما فيه الخير  انك سميع مجيب



حامد شاكر

[ARMY STRONG]

عندى جوازى العراقى وراح اطير من سوريا بجوازى العراقى وانزل بالراس الاخضر بجواز سويدى لشخص ثانى يشبهنى واقعد يومين واطير للندن  لان الاجراات بالراس الاخضر يقولون بسيطه وكلشى يعبر عليهم

هاي وين لكيتها بكل سهوله هيج ترووح لندن

اني بينا بس البحر و احلم اوصلها لو افلت بسفينه

كول غيرها  يمعود