اخوانة العين كاويين الي بكندا استفسار متواضع

[السندبادي]

السلام عليكم وكل عام وانتم بخير ويارب يكون عام سعيد عليكم وعلى كل الناس الطيبة في كل انحاء المعمورة وخاصة العراقيين اخواني ولو اصير زحمة عليكم عندي بس استفسار بسيط على اسعار السجاجيد في كندا هل هي صحيح غالية جدا واسعارها مايقل عن ال300 دولاروفوق لحد ال800 دولار واكثر انا انشاالله وبعون عندي سفر قريب الي كندا وحاليا في تركيا يوجد تخفيض على اسعار السجاد من النوع الراقي جدا هل تنصحوني بارسال السجاجيد بالشحن ام السجاجيد متوفرة ورخيصة في كندا ولايهمني اذا كانت راقية المهم ان تكون جديدة غير مستعملة . ولكم جزيل الشكر والاحترام

اخوكم السندبادي

[بسمة امل]

السلام عليكم...........

اخي العزيز مثل ماتعرف كلشي زين سعره غالي وبكل مكان ...
وهنا قليل نستعمل سجادة(زولية) لان الشقق تكون بيها تدفئة بس للجمالية نخلي سجاجيد صغيرة وسط تحت الطبلة بغرفة النوم اذا عندك اطفال علمود يلعبون مو كاعدين على الارض ألأسعار....
تتراوح مابين 40 دولار وانت صاعد حسب نوع السجادة الزينة هسة على كرسمس مسوين جانوا تخفيضات هائلة ...كانت السجادة الزينة والراقية 100 دولار ...بس عامة الاسعار اذا كانت 2في 3 سعرها 90 او ازيد 120 نوعية جيدة ....

بسمةامل
تورونتو

[بسمة امل]

اخي بما انه انت في تركيا اكيد زوجتك راح تحتاج شغلات جمالية بالبيت ....
نصيحة جيب وياك الفناجين الجميلة بتركيا ...استكانات ذهبية ...بعض اللوحات البسيطة الصغيرة اللي تتعلق زوايا او بممر...شغلات للبيت تضيف جمالية لان هنا هذه الاشياء غالية ومتلكة الشي الحلو واني اعرف تركيا بيها هواية شغلات جميلة وراقية ...لان بمجرد ماتوصلون بخير وسلامة وتستقرون راح تفكرون بجمالية البيت لان استقرارك راح يكون هنا بخير وسلامة
وبالتوفيق

بسمة امل
تورونتو

[السندبادي]

شكرا اختي الغالية وبارك الله بيك على هاي المعلومة والي حقيقة راح استفاد منهة لان بعض الناس الي هناك بكندا سوهة ظلمة علية كالو اغلة شي هية الزوالي ونارر وكتنت ناوي اشحن واكيد راح تكلفني مبالغ . شكرا الك مرة ثانية وامنيتي الك بالموفقة والنجاح واي  شي ترديه مني اني جاهز 

اخوكم السندبادي

[الفيحاء]

بالنسبة للسجاد غالي جدا جدا وخاصة النوع التركي والايراني اذا بامكانك ان تشحن دون ان يكلفك اسعار غالية من الأفضل ان تجيب سعر السجادة الجيدة لايقل عن 300 دولار قياس 2x3

[السندبادي]

شكرا اختي الطيبة الفيحاء على ردك علية  هو اكو انواع كولش غالية بس هليام صاير تخفيض هو اقل زولية موجودة بس هاي من النوع الراقي الي بيهة سماكة تقريبا 3 سم وفوق مايقارب 180 دولار وراهة يلحكهة شحن الكيلو اقل شي 15 دولار وهية مايقارب 13 كيلو يعني طلعت من كندة ارخص ولو السجاد انواع بس اني مارايد كولش راقي المهم زولية وتنفرش لان الشحن يتعب ويكلف واني من سالت على الاسعار بكندا بيش لان سمعت غالية كولش بيه الزوالي بس مادام الاسعار هيج طلعت فكندا ارخصلي  وشكرا الك مرة ثانية

أخوكم السندباد

[بسمة امل]

اشكرك اخي ....انشاء الله يسهل امركم وتوصلون بخير وسلامة واي شي تريدون من هنا بتورونتو انشاء الله اكون اخت وبرسم الخدمة
بسمة امل

[السندبادي]

شكرا اختي  بسمة امل وبارك الله فيك اكيد مارح تقصرين انتي وكل الاخوة الموجودين

[ammarbattal]

السلام عليكم انشالله  كل عام وانت بخير ....
اخي نسبتا للسجاد  اسعار النوعيه الجيده تصل لل 400  واكثر  بعد لان يعتمد على خامة السجاد  والحجم اكيد يكون 4*4 تقريبا  او اكبر شويا  يعني لو الشحن ما مكلف والاسعار مناسبه يمك ف الافضل تشتري من عندك   وللعلم اكو انواع اسعارها 50   او 100  دولار بس رديئه   ومثل مايقول المثل الغالي رخيص   ....
تحياتي الك انشالله تصل بسلامه   
اخوك عمار الاعرجي

[السندبادي]

شكرا اخون عمار الاعرجي والاخوات بسمة امل والفيحاء كفيتي وفيتوا والله بس  من خلال كلامكم كندا ارخص من تركيا بالسجاد لان اكو نوع من السجاد 260*150 سعرها مايقل عن الل150 دولاروهاي عالاساس اكو تخفيض بمناسبة الكرسمس  بس اكو بعض الانواع سعرها فوق الل 700 دولارونفس القايس الي ذكرتةاما القياسات الكبيرة لافوق فوق المتوقع بس الشهادة لله راقية حيل الوبر مالهة فوق 3سم . اضافة الى الشحن راح يلطع علية القاط بقاطين شكرا لكم وبارك الله بيكم لافادتي بكل هذه المعلومات


 اخوكم السندبادي