المحرر موضوع: جمعيه منتظرين المحلفين و منتظرين السفر/الاردن (زيارة 687700 مرات)

SIRAQS · « **في:** 08:48 06/01/2011 »

مرحبا شباب هذا الجمعيه اني راح افتحه علمود نستفاد منه من اجل نتبادل المعلومات فيما بيننا من اجل واحد ايساعد الاخر اوكي شباب خاصا المقدمين جديد على اليو ان وارجو من الاعظاء الجدد الي راح يشاركون بدون زحمه عليهم كلمن يكتب تواريخ التقديم على اليو ان وتاريخ المقابله الخاصه بي

وكذالك اذاكو اعضاء قدماء يحبون يفيدونه بالمعلومات اهلا وسهلا بيهم وبكل الاعضاء

شكرا الكم ارجو الاهتمام بهذا الجمعيه من اجل الفائده العاااااااااااااااااامه

تقبلو تحياتي

ــــ{{{ABADY}}}ـــــ · « **رد #1 في:** 08:50 06/01/2011 »

ان شاء الله الكل يفيد ويستفيد ،،،،،،،،،،،بارك الله فيك،،،،،،،،،،،،،،،صباح الخير

SIRAQS · « **رد #2 في:** 08:53 06/01/2011 »

تسلم صديقي صبااااااااااح الانوار عليك وعلى كل العراقين وهلا بيك حبيبي انت تسلم يا ورد

SIRAQS · « **رد #3 في:** 08:58 06/01/2011 »

التواريخ ماتي

1-تاريخ طلب الموعد 10/11/2010
2- تاريخ المقابله الاولى (مقابله الحمايه) 8/12/2010
3-تاريخ المقابله ثانيه انطوني في نفس مقابله الحمايه 13/2/2011

بس حبيت اعرف اكو جماعه جدد من قابلو مقابله الحمايه انطوهم موعد مقابله ثانيه في نفس الوقت الي قابلو بي مقابله الحمايه يعني اقصد(في نهايه المقابله مال ورقه الحمايه) ؟؟؟؟؟؟؟؟؟؟؟

ارجو الرد اخوان

شكر الكم جميعا

كرادي مغترب · « **رد #4 في:** 09:28 06/01/2011 »

السلام عليكم

كيف حالك اخي بس حبيت اعرف انه المقابلة 3 انطوك موعد بنفس المقابلة الحماية لو كيف يعني وهل هذا المقابلة توطين لو هم حماية يرجى التوضيح ؟

SIRAQS · « **رد #5 في:** 09:50 06/01/2011 »

مرحبا اخي كردي ولله بنفس المقابله مال حمايه انطوني الموعد بس اني اكلك بل مقابله مال حمايه سئلونه كم سوال يعني ما دخلو بتفاصيل القصه مالتنه

معلومات بسيطه شنو سبب الخروج من العراق اسمك شنو مخلص شنو مشتغل ممكن اتفسرلي شنو هاي ايسموه المقابله الثالثه ؟؟؟؟؟؟؟؟

شكر الك صديقي انت شنو اخبارك صديقي شنو من عمان مقدم على اليو ان ؟؟؟؟ ارجو التوضيح اخي

كرادي مغترب · « **رد #6 في:** 09:59 06/01/2011 »

بصراحة اني اول مرة اسمع هيج شي ينطون موعد مقابلة بس على ما اعتقد المقابلة الجايه توطين وهاي حسب معلوماتي

بالنسبة الي اني مقدم على اليوان من عمان من شهر 10 / 2010 وقابلة مقابلة حماية 11 / 2010 والحمد الله بلغوني ملفي بقسم التوطين

مع تحياتي للجميع اتمنالهم الموفقية والسفر العاجل

SIRAQS · « **رد #7 في:** 10:37 06/01/2011 »

اخي كرادي تسلم بس حبيت اعرف انت من وين عرفت انو ملفك بقسم التوطين ؟؟؟؟

انزين انت كم مقابله قابلت لحد الان؟؟؟؟؟ ممكن اعرف منو بلغك انو ملفك بقسم التوطين ؟؟؟؟؟؟

انزين ممكن اعرف شنو جانت تفاصيل المقابله ماتك مال حمايه؟؟؟؟؟؟

بس علمود يستفادون بقيه الاخوان من المعلومات وخاصا العضو الجديد والبقيه علمود لا ازعلون هههههههههههههه

ارجو الرد

شكر الك صديقي كرادي

كرادي مغترب · « **رد #8 في:** 11:02 06/01/2011 »

اخي اني مقابل مرتين وحدة حماية وحدة توطين وعرفت ملفي بقسم التوطين من قبل المفوضية السامية لشؤون اللاجئينUN

ولحد الان انتظر تحويل ملفي الى iom وبالنسبة مقابلة الاولى مال حماية كلكم تعرفوها يعني طلب معلومات واجراءات روتينية ومقابلة التوطين اعادة القصة الي كتبنها في المقابلة الاولى وهذا يعتمد على تأثير القصة والاثبات الشخصي وسبب خروجهم من العراق .

مع تحياتي لكم واتمنالكم الموفقية والسفر العاجل

ألن في بلاد العجائب · « **رد #9 في:** 13:07 06/01/2011 »

مساء الخير اخويه حضرتك من بغداد ؟ لان هذا الكارت جانوا ينطوه للقادمين من خارج المناطق الملتهبه و المقابله القادمه اما استكمال معلومات او توطين و ان شاء الله خير
بالنسبه الي مواعيدي كالاتي
26.10.2010 مقابلة حمايه
07.11.2010 مقابلة توطين امريكا
04.01.2011 مقابلتين بالاي او ام
و الان بانتظار المحلفين

اخوك
الن

علي النعيمي · « **رد #10 في:** 13:15 06/01/2011 »

الف هلاااااا بالجميع
8\2\2010 مقابلة حماية مقابلة اولى
20\9\2010 مقابلة حماية تجديد ورقة الحماية
25\10\2010 مقابلة توطين وهسة ملفي بسفارة اي سفارة مااعرف مكالو
اخي SIRAQS انتة من اي محافظة؟

شيري روم · « **رد #11 في:** 14:35 06/01/2011 »

السلام عليكم ..
شكرا يا اخ SIRAQS لهذه الجمعية وان شاء الله الكل تستفاد منها ..

طبعا اني بعد ممقابله باليو ان وان شاء الله مقابلتي يوم 11 بالشهر يعني اني بعدني فريش

AmirAliraqi · « **رد #12 في:** 19:53 06/01/2011 »

مرحبااا

أشكر أخي SIRAQS و ان شاءالله الموفقية لجميع الجدد و اني منهم

...

التمنالج مقابله حلوه أختي *شيري روم* اني بعدج بأسبوع المقابله الاولي مال الحمايه

شباب لا تكطعون اخباركم خليكم متواصلين و حتي لو بس سلام و صباح الخير و مساء الخير

تحياتي للجميع

SIRAQS · « **رد #13 في:** 00:02 07/01/2011 »

هلو اخت شيري روم واخ عمار لا شكر على واجب اني سويت هذه الجمعيه علمود نستفاد منه احنه اني اشكركم جميعا على التواصل وارجو التواصل دائما

شكر الكم جميعا

SIRAQS · « **رد #14 في:** 00:15 07/01/2011 »

شباااااااااااااب وبنات اني من محافظه البصره

انزين انتو شباب كلكم مقدمين على اليو ان ؟؟؟؟؟؟؟مو ماكو احد iom او siv مو

SIRAQS · « **رد #15 في:** 00:26 07/01/2011 »

مرحبا اخ كرادي انت من قابلت مقابلة الحمايه اانطوك موعد مقابله ثانيه في نفس المقابله مال حمايه؟؟؟؟؟؟؟؟
لو شلون بلغوك بل مقابله الثانيه ؟؟؟؟؟
انزين شنو تفاصيل مقابله الحمايه ارجو ان تشرحه علمود الاخوان الجدد يستفادون منه اذا مابيه زحمه عليك ؟؟؟؟

لان اني اكلك شنو الاسئله الي سئلونه اني واخي طبعا اني في ملف واخي في ملف اخر احنه اثنيناتنه مقدمين سويه وسوينه اتصال بلملفات في نفس مقابله الحمايه

1-- انت شنو تشتغل
2-شنو وين ساكنين
3-شنو اوضاع البصره
4-بشنو تشتهر البصره
5-شنو اسمك
6- شنو شهادتك

بس ما كالت شنو تهديدكم شنو قصتكم شنو فلمكم كله هذا ماكو

ارجو ان اجاوبوني شباااب

كرادي مغترب · « **رد #16 في:** 01:05 07/01/2011 »

اخي اني بعد مقابلة الحماية اتصلو بيه من رقم خاص وبلغوني بهذا الشي ونفس الاسئلة مال المقابلة الاولى وجانت كلش سهلة ومريحة.

تحياتي الى جميع الاعضاء

الرسام1973 · « **رد #17 في:** 01:08 07/01/2011 »

يارب تكمل معاملاتكم اسرع من البرق ....

كرادي مغترب · « **رد #18 في:** 01:57 07/01/2011 »

اشكرك اخ ابو علاوي الرسام الله يسمع منك

كــــولو امــــين

SIRAQS · « **رد #19 في:** 02:30 07/01/2011 »

شكر اخي على الرد كرادي بس ممكن اسال سوال اني بس اريد اعرف شنو هي الاسئله علمود استفاد منه ممكن تكتبهن الاسئله مال مقابله الحمايه ماتك وشنو اسئله المقابله الثانيه (مقابله التوطين)؟؟؟؟؟؟؟؟؟؟؟؟؟؟؟؟؟؟؟ظ

لان اريد اعرف اني ليش انطوني موعد مقابله ثانيه بنفس المقابله مال حمايه

اكون ممنون الك اذا كتبت شنو هن الاسئله بس علمود اعرف

شكرن

كرادي مغترب · « **رد #20 في:** 02:38 07/01/2011 »

اللهم إنك ترى من أحبــــــهم فيك ولا أراهم .. فإن رأيتهم فرحين فأتمم عليهم فرحتهم .. وإن رأيتهم مهمومين ففرج همــــــهم وأسعد قلوبــــــهم ... واحرسهم بعينك التى لا تنام

اللهــــــــــم آميـــــــــــــــن
......جمعه مباركه

SIRAQS · « **رد #21 في:** 02:40 07/01/2011 »

تسلم كرادي على هذا الدعااااااااااااااااااااااااء يارب لله يسهل على الجميع

SIRAQS · « **رد #22 في:** 03:19 07/01/2011 »

شباااااااااااااب ممكن اعرف اني ليش انطوني كارت بي موعد المقابله الثانيه في نفس مقابله الحمايه؟؟؟؟؟؟؟؟وشنو اسمه هذه المقابله ؟؟؟؟؟؟؟؟؟؟

ارجو المسااااااعده

شكر الكم ممكن المسااااااااعده

شيري روم · « **رد #23 في:** 12:31 07/01/2011 »

جمعه مباركه ع الجميع ان شاء الله ..لا تنسوا قراءة سورة الكهف والدعاء للوالدين في هذا اليوم المبارك
واخ SIRAQS شكرا لكلامك وان شاء الله احد الاعضاء يجاوبون عن استفسارك ..
و AmirAliraqi يارب مقابلة سهلة الك والتوفيق باذن الله .
وشكرا الى كل من دينضم للجمعية للمساعده وفعل الخير ..

AmirAliraqi · « **رد #24 في:** 13:25 07/01/2011 »

سلام عليكم

جمعه مباركة علي الكل و يارب جمعة خير و رزق

أشكرج أختي شيري روم و الموفقية للكل ,...

طبعا امنيتي أعرف شنو معني شيري روم

شلونك حبيبي SIRAQS ان شاءالله القدماء ماره عليهم سالفتك و يجاوبوك , اني بعتقادي , لان مسائليك عن كل معلوماتك و قصتك و منطيك موعد ثاني مكمل للاول , أو لانك مو من بغداد , طبعا هاي مجرد توقعات اني ممتئكد منهه ...

تحياتي للجميع

علي النعيمي · « **رد #25 في:** 13:33 07/01/2011 »

اخي SIRAQS انتة انطوك موعد مقابلة انتة تعتبر من اهل الجنوب ولازم عندك اثباتات قوية جدا يلة تنشمل توطين لانو هذا السستم الجديد وحاليا المحافظات المشمولة بالتوطين بغداد الموصل كركوك صلاح الدين ديالى مناطق ساخنة مشمولين توطين اما الجنوب والشمال والانبار الة اثباتات قوية جدا يلة تنشمل توطين واحنة كلنة من بالاردن وينطوك كارت موعد او موعد مقابلة يااما رفض لاسمح الله او قبول وان شاء الله يقبلوك

AmirAliraqi · « **رد #26 في:** 15:03 07/01/2011 »

ان شاءالله قبول SIRAQS

شنو هذه السستم الجديد , ما عدي انه يكون من خارج المحافظات الخمسه الملتهبه؟

SIRAQS · « **رد #27 في:** 22:28 07/01/2011 »

اشكر اخي علي النعيمي على الرد بس حبيت اتاكد منك انت متاكد من هاي المعلومات بدون زحمه عليك الان ترا اني دايخ بهاي الشغله ( ترا مو تشكيك بكلامك)

انزين انت شنو قصدك بهاي العباره(يما كارت موعد او موعقد مقابله) قصدك انو بل مقابه الي انشاء لله راح اقابله في نهايه المقابله ينطوني كارت بي تاريخ موعد مقابله اخره او ايكلولي روح واحنه انخابرك علمود ايبلغوني بالنتيجه؟؟؟؟؟؟؟؟

ارجو ان اتوضحلي صديقي انت هجي تقصد؟؟؟؟؟؟؟؟

شكر الكم جميعا اصدقائي

علي النعيمي · « **رد #28 في:** 22:31 07/01/2011 »

اخوية اذا شغلتك مظبوطة مع الوثائق تاخذ توطين لانو هاي المقابلة تحدد مصيرك لانو صديقي هم من اهل البصرة هم انطو موعد اي كارت مقابلة ورة مقابلة الحماية بس جان عندة ادلة وثائق ورة 8 اشهر قابلو توطين لامريكا هذا الاجراء فقط للمحافظات الي ذكرتهة واني متأكد من كلامي

SIRAQS · « **رد #29 في:** 01:19 08/01/2011 »

شكرا جزيلا اخي علي النعيمي على الرد اني ممنون الك انزين المقابله الجايه الي راح اقابله تعتبر مقابله توطين؟؟؟؟؟؟؟؟؟؟؟؟؟؟ لو تعتبر مقابله من ضمن مقابله الحمايه يعني مقابله تكميليه ؟؟؟؟؟

شكر الك ارجو الرد

ألن في بلاد العجائب · « **رد #30 في:** 01:38 08/01/2011 »

مقتبس من: SIRAQS في 01:19 08/01/2011

شكرا جزيلا اخي علي النعيمي على الرد اني ممنون الك انزين المقابله الجايه الي راح اقابله تعتبر مقابله توطين؟؟؟؟؟؟؟؟؟؟؟؟؟؟ لو تعتبر مقابله من ضمن مقابله الحمايه يعني مقابله تكميليه ؟؟؟؟؟

شكر الك ارجو الرد

اخي العزيز المقابله الجايه لو يكلولك فايلك مقبول ها هيه توطين لو يكولوك لا سامح الله قيد الدراسه بعده او مرفوض و مقتنعوا بقصتك و شكرا لاخويه علوش على رده المضبوط ميه بالميه
الن

SIRAQS · « **رد #31 في:** 02:14 08/01/2011 »

شكر جزيلا اخ برادو على الرد انت قصدك يعني بنفس المقابله بنهايته ايكلولو الرد مالتهم يعني لو مقبول او قيد الدراسه او مرفوض في نفس المقابله ؟؟؟؟؟؟؟؟؟

شكر على الرد اخي ممكن صديقي برادو ايميلك اتكيته على الخاص علمود افتهم منك مباشر لان اني محتاج شخص افتهم منه الن اني ما عندي خبر محتاج واحد ايساعدني ممكن الايميل اكون ممنون الك

شيري روم · « **رد #32 في:** 11:10 08/01/2011 »

صباح الخير ع كل اعضاء الجمعيه شلونكم ..يارب مرتاحين

وان شاء الله يوم خير بعد مطر البارحه ..

yamaar · « **رد #33 في:** 12:38 08/01/2011 »

السلام عليكم اخوان

اني مقدم يوم 23/06/2010
المقابلة الاولى يوم 29/06/2010
ولحد الان ماكو اي رد يكولون على الدراسة .
شكرا

SIRAQS · « **رد #34 في:** 14:08 08/01/2011 »

اهلا وسهلا بيج yamaar انشاء لله الفرج قريب انشاء لله كريم الفرج قريب ولله احنه همين لله يساعدج

واهلا وسهلا بيج في الجمعيه انشاء لله التواصل معنا في الجمعيه علمود نستفاد كلنه

شيري روم · « **رد #35 في:** 16:08 08/01/2011 »

اهلا وسهلا بيك yamaar وان شاء الله الفرج قريب يارب ع الجميع
وتواصلوا بالجمعيه وباذن الله تسهل الامور

AmirAliraqi · « **رد #36 في:** 17:13 08/01/2011 »

اهلا yamaar بلجمعيه و نتمني التواصل و ربي يفرجها عليكم...

شلونكم ؟؟؟ شنو الاخبار ؟؟؟

أكو واحد بيكم يدرس هنا ؟ ؟؟ ؟؟؟

كرادي مغترب · « **رد #37 في:** 21:15 08/01/2011 »

سلام عليكم

اشلونكم اخواني واخواتي الكرام .

باجر احد والصلاة على النبي وبلكي احد منك يبشرنا انشاء الله هانت ما بقى شي فرجت

ايمن الريس · « **رد #38 في:** 21:28 08/01/2011 »

السلام عليكم اخواني..
ممكن تساعدوني.. اختي قدمت على اليو ان بعمان يوم 9-8-2010 واتصلوا بيهم يوم الاثنين الماضي وكالوا تقبلون امريكا؟؟ زوج اختي كال ماريد امريكا لان عنده ابنه مريض مرض نادر ولازم علاج دائم وغالي؟؟ هو باجر عنده مقابله حتى يشرح ظروفه الشغله انه يريد يكول انه يريد يروح لالمانيا لان علاج ابنه هناك وهو دائم الزيارات لالمانيل لان اهله وكلاء شركة بالمانيا.. يكدر باجر بالمقابلة يكول اريد المانيا لان تكفلوا مستشفى بالمانيا بعلاج ابنه اقرباءه مدير المستشفى..الرجاء مساعدتي اخواني

شيري روم · « **رد #39 في:** 21:46 08/01/2011 »

مقتبس من: ايمن الريس في 21:28 08/01/2011

السلام عليكم اخواني..
ممكن تساعدوني.. اختي قدمت على اليو ان بعمان يوم 9-8-2010 واتصلوا بيهم يوم الاثنين الماضي وكالوا تقبلون امريكا؟؟ زوج اختي كال ماريد امريكا لان عنده ابنه مريض مرض نادر ولازم علاج دائم وغالي؟؟ هو باجر عنده مقابله حتى يشرح ظروفه الشغله انه يريد يكول انه يريد يروح لالمانيا لان علاج ابنه هناك وهو دائم الزيارات لالمانيل لان اهله وكلاء شركة بالمانيا.. يكدر باجر بالمقابلة يكول اريد المانيا لان تكفلوا مستشفى بالمانيا بعلاج ابنه اقرباءه مدير المستشفى..الرجاء مساعدتي اخواني

وعليكم السلام ..
العفو تره امريكا نفس المانيا بالعلاج يعني ابن اختك ان شاء الله الله يكومه بالسلامه ويشفيه حيتلقى اكيد افضل العلاج بامريكا ..وانتوا قبلوا بامريكا لان هي الموجوده حاليا واكيد عصفور باليد خير من عشره ..وانتوا اذا كلتوا نريد المانيا فاكيد حيبقى ملفكم متأخر وما يمشي الا يجون الوفود الالمانيه هاي اذا اجو لعمان ..وبعد بقت يمكم وشوف رأي الاعضاء الاخرين بلكت ينطوك جواب افضل ..

ايمن الريس · « **رد #40 في:** 22:04 08/01/2011 »

شكرا جزيلا شيري روم على الرد..
واتمنى من باقي الاخوان الرد الله يبارك بيكم..

SIRAQS · « **رد #41 في:** 00:58 09/01/2011 »

مقتبس من: ايمن الريس في 21:28 08/01/2011

السلام عليكم اخواني..
ممكن تساعدوني.. اختي قدمت على اليو ان بعمان يوم 9-8-2010 واتصلوا بيهم يوم الاثنين الماضي وكالوا تقبلون امريكا؟؟ زوج اختي كال ماريد امريكا لان عنده ابنه مريض مرض نادر ولازم علاج دائم وغالي؟؟ هو باجر عنده مقابله حتى يشرح ظروفه الشغله انه يريد يكول انه يريد يروح لالمانيا لان علاج ابنه هناك وهو دائم الزيارات لالمانيل لان اهله وكلاء شركة بالمانيا.. يكدر باجر بالمقابلة يكول اريد المانيا لان تكفلوا مستشفى بالمانيا بعلاج ابنه اقرباءه مدير المستشفى..الرجاء مساعدتي اخواني

مرحبا اخي انشاء لله خير لابن اختك ولله يساعدكم لله يشافي يارب انشاء لله يارب بس اني راي خاص بي وانت حر تاخذه او ما تاخذ بي انو يوافقون على امريكا احسن على الاقل هذا شي انضمن مثل ما ادكول احسن ما يتاخرون في عمان ينتظرون على المانيا وتالي من يرحون الى امريكا يكدرون يرحون الى المانيا بسهوله
لان ترا النتظار مو سهل [/size] وشكر الى الانظمام الى الجمعيه ارجو التواصل

SIRAQS · « **رد #42 في:** 01:01 09/01/2011 »

هلا عمار شونك انت شنو اخبارك بشر شنو شوكت المقابله ماتك مال حمايه ؟؟؟

تسلم

كرادي مغترب · « **رد #43 في:** 01:27 09/01/2011 »

السلام عليكم

والله يا اخ ايمن اني اشوف الرفض مو بالحكم لان لاتنسى انت طالب اللجؤء يعين مقصد كلامي همة ميحبون واحد يشرط عليهم على العموم شكلولكم انت وافق اني هم مثلك اتصلو بيه وافقت احسن من الماكو وانت عرف الادول الاوربية صعب الحصول عليها .

مع تمنياتي الكم بالموفقية والنجاح الدائم

يارب شافي وعافي امة محمد امين يارب يارب العالمين

yamaar · « **رد #44 في:** 15:26 09/01/2011 »

مقتبس من: AmirAliraqi في 17:13 08/01/2011

اهلا yamaar بلجمعيه و نتمني التواصل و ربي يفرجها عليكم...

شلونكم ؟؟؟ شنو الاخبار ؟؟؟

أكو واحد بيكم يدرس هنا ؟ ؟؟ ؟؟؟

السلام عليكم اخوا واخوات

لحد الان ما كو اي شي جديد بس كاعد دننتظر والله كريم

شنو القصد بالدراسة بنتي بالمدرسه يعني هذا الي تقصدة

شكرا

ايمن الريس · « **رد #45 في:** 15:35 09/01/2011 »

السلام عليكم اخواني..
تسلمون اخواني على ردودكم والله يبارك بيكم يا ذهب.. والله همه اليوم عدهم مقابلة وكلشي ما اعرف عنهم الى هسة.. يارب خير ويقبلون بامريكا والله يقدملهم وللجميع كل الخير امين يا رب العالمين

شيري روم · « **رد #46 في:** 16:31 09/01/2011 »

مساء الخير شلونكم يا اعضاءنا الغالين ...
وينكم اشو ماكو $:-\$ ؟؟
وايمن الريس لا تفكر ان شاء الله خير ويقبلون والله الكاتبه يصير ...

AmirAliraqi · « **رد #47 في:** 16:57 09/01/2011 »

مرحبا شيري روم , موجودين عايشين و منتظرين الفرج...

أهلا yamaar شلونك ان شاءالله بخير...

قصدي بلكلية أو جامعه ...

أمير

SIRAQS · « **رد #48 في:** 07:56 10/01/2011 »

هلا عمار بيك اني بالنسبه الي لاولله ما ادرس بكليه لان متخرج الحمد لله ليش انت شنو بعدك طالب اتريد اتكمل بالاردن؟؟

شكر الك

هلا شباب وبنات وينكم شنو محد صار وي شي جديد ماكو تطورات صارت وياكم ؟؟؟؟؟؟ظ

AmirAliraqi · « **رد #49 في:** 14:47 10/01/2011 »

سلام عليكم

شلونكم شباب ؟؟ ؟ ؟

لا اني متخرج بس اريد أسجل بكلية حتي اسوي اقامه دراسيه لان عندي شغلات و معاملات و لازم عندي اقامه قانونيه ...

ماكو شي جديد منتظر موعد المقابله الأولي و ان شاءالله يصير خير ..

أعتقد بكرا موعد شيري روم , ان شاءالله تجي تسولف علي المقابله الأولي مالتهه و نستفيد منهه , و اتمني مقابله سهله يارب تجي و تبشرنه ...

أمير

ألن في بلاد العجائب · « **رد #50 في:** 14:53 10/01/2011 »

مقتبس من: AmirAliraqi في 14:47 10/01/2011

سلام عليكم

شلونكم شباب ؟؟ ؟ ؟

لا اني متخرج بس اريد أسجل بكلية حتي اسوي اقامه دراسيه لان عندي شغلات و معاملات و لازم عندي اقامه قانونيه ...

ماكو شي جديد منتظر موعد المقابله الأولي و ان شاءالله يصير خير ..

أعتقد بكرا موعد شيري روم , ان شاءالله تجي تسولف علي المقابله الأولي مالتهه و نستفيد منهه , و اتمني مقابله سهله يارب تجي و تبشرنه ...

أمير

اول مره اسمع اكو اقامه دراسيه ؟؟؟
الن

هدوء البحر · « **رد #51 في:** 15:31 10/01/2011 »

مرحبا اخواني جميعا انا عضوة جديدة وانا الان في امريكا
بالنسبة لللاعضاء الي نطوهم موعدين مال حماية هذا معناها انوا ملف الشخص راح ينرفع توطين ان شاءالله
وبكل بساطة تكدر تاخذ رقم الاي يو ام وتتصل وتنطيهم رقم ملف الحماية مالتك واسمك علمود يبلغوك نزل الك رقم كيس نبر او لا
واتمنى الموفقية للجميع

ألن في بلاد العجائب · « **رد #52 في:** 16:03 10/01/2011 »

مقتبس من: هدوء البحر في 15:31 10/01/2011

مرحبا اخواني جميعا انا عضوة جديدة وانا الان في امريكا
بالنسبة لللاعضاء الي نطوهم موعدين مال حماية هذا معناها انوا ملف الشخص راح ينرفع توطين ان شاءالله
وبكل بساطة تكدر تاخذ رقم الاي يو ام وتتصل وتنطيهم رقم ملف الحماية مالتك واسمك علمود يبلغوك نزل الك رقم كيس نبر او لا
واتمنى الموفقية للجميع

اخي العزيز احتمال يصعد توطين و احتمال لا مالها علاقه الموعد الثاني مجرد يكولوله قبلناك لو رفضناك لان محافظات الجنوب و الشمال غير مشمولين باجرائات الامم المتحده الا بالحالات الشخصيه الخاصه
الن

كرادي مغترب · « **رد #53 في:** 16:23 10/01/2011 »

مقتبس من: هدوء البحر في 15:31 10/01/2011

مرحبا اخواني جميعا انا عضوة جديدة وانا الان في امريكا
بالنسبة لللاعضاء الي نطوهم موعدين مال حماية هذا معناها انوا ملف الشخص راح ينرفع توطين ان شاءالله
وبكل بساطة تكدر تاخذ رقم الاي يو ام وتتصل وتنطيهم رقم ملف الحماية مالتك واسمك علمود يبلغوك نزل الك رقم كيس نبر او لا
واتمنى الموفقية للجميع

كل الهلا بيك اختي العزيزة مو شرط هسه اني من قابلة UN مطوني موعد بس بعد فترة من مرور الايام اتصلو بيه هاتفيآ UN وبلغوني على مقابلة التوطين والحمد الله على كل حال بنتظار تحويل ملفي الى IOM >?

ألن في بلاد العجائب · « **رد #54 في:** 16:29 10/01/2011 »

مقتبس من: guitar love في 16:26 10/01/2011

مقتبس من: prado1 في 16:03 10/01/2011

اخي العزيز احتمال يصعد توطين و احتمال لا مالها علاقه الموعد الثاني مجرد يكولوله قبلناك لو رفضناك لان محافظات الجنوب و الشمال غير مشمولين باجرائات الامم المتحده الا بالحالات الشخصيه الخاصه
الن

صحيح كلامك صديقي بس سالفة المحافظات اني اول مره اسمع بيها
اني بالمقابلة الثانية الامريكية كلتلي انت كيسك يصعد اي او ام وصديقي كلشي مكلتله شنو يعني ؟
واتمنى التوفيق للجميع
[/quote]
صديقي التوطين يشمل بالعموم بغداد و الانبار و ديالى و كركوك و الموصل اما من ياتي من خارج هاي المحافظات الخمسه فيحتاج ملفه الى تدقيق اكبر و بالتالي ينطوه موعد حتى يكولوله فايلك مقبول او لا لان يعتبرون محافظات الجنوب و الشمال امنه

الن

شيري روم · « **رد #55 في:** 19:00 10/01/2011 »

مقتبس من: AmirAliraqi في 14:47 10/01/2011

سلام عليكم

شلونكم شباب ؟؟ ؟ ؟

لا اني متخرج بس اريد أسجل بكلية حتي اسوي اقامه دراسيه لان عندي شغلات و معاملات و لازم عندي اقامه قانونيه ...

ماكو شي جديد منتظر موعد المقابله الأولي و ان شاءالله يصير خير ..

أعتقد بكرا موعد شيري روم , ان شاءالله تجي تسولف علي المقابله الأولي مالتهه و نستفيد منهه , و اتمني مقابله سهله يارب تجي و تبشرنه ...

أمير

نعم اخ امير اكو اقامه دراسيه وتجدد لكل عام ...

وشكرا لدعاءك وان شاءالله باجر ارجع ومباشرة اكوللكم شصار ويايه ..

وبالنسبة للتوطين صحيح هم يعتبرون مناطق الجنوب والشمال من المناطق الامنه فلهذا التوطين يكون شويه بيه تأخير ..

شيري روم · « **رد #56 في:** 19:04 10/01/2011 »

واهلا بيج يا اختي هدوء البحر وكلامج مو شرط ..

وايضا مية هلا بالاخ guitar love

وان شاء الله تتواصلون ويانه ..

وموفقين يارب

SIRAQS · « **رد #57 في:** 19:52 10/01/2011 »

اهلا وسهلا با الاعضاء الجدد وكل الهلا بيهم وانشاء لله دوم تواصل ويانه يارب علمود نستفاد كولنه انشاء لله الفرج قريب يارب على الكل

شكر للتواصل ويانه يارب

SIRAQS · « **رد #58 في:** 14:05 11/01/2011 »

مرحبا الاخت شيري روم شلون الصحه ها بشري شنو سويتي بالمقابله ؟؟؟؟؟؟؟ بشرينه شنو الاخبار ؟؟؟ احجينه بالتفاصيل مال مقابله كامله اوكي

شكر جزيلا انشاء لله الموفقيه يارب

شيري روم · « **رد #59 في:** 15:25 11/01/2011 »

مقتبس من: SIRAQS في 14:05 11/01/2011

مرحبا الاخت شيري روم شلون الصحه ها بشري شنو سويتي بالمقابله ؟؟؟؟؟؟؟ بشرينه شنو الاخبار ؟؟؟ احجينه بالتفاصيل مال مقابله كامله اوكي

شكر جزيلا انشاء لله الموفقيه يارب

السلام عليكم اشكرك يا اخ SIRAQS والحمدلله اني قبل شويه رجعت من المقابله ,,وحسولفلكم شنو صار ويايه ..
اول شي وصلنا للمفوضيه ب 7 ونص وب 8 دخلونا واكيد دخلنا القاعه وسلمونا ارقام وكل رقم حسب تسلسله وينطوه ورقة تسجيل ويمليها بالمعلومات ..واصحاب العوائل الهم الاولويه بالوقت يعني هم بالبدايه والعزابيين مثلنا ع الشحن

وبعد ماراسنا افتر من هوسة الجهال دخلنا ع موظف اليو ان وجان رجال كلش زين سألنه عن سبب خروجنا من بغداد واخذ الاثباتات وركز على قصتي كل شويه يعيدلي السؤال واخر شي كال نبقى ع التلفون ..
يعني شحن ثاني

والله كريم

واي سؤال اني حاضرة

كرادي مغترب · « **رد #60 في:** 15:54 11/01/2011 »

بالتوفيق اختي شيري روم انشاء الله بأقرب وقت يتصلون بيكم اني هم مثلكم قابلة وبعدين ورة ايام اتصلو بيه اليوان وبلغوني مقابلة التوطين.

تمنياتي لكم بالتوفيق والسفر العاجل

تحياتي الى كل الاعضاء فردآ فدرآ

AmirAliraqi · « **رد #61 في:** 16:20 11/01/2011 »

سلام عليكم

حمدلله و ان شاءالله يتصلون بيكم اليوم قبل باجر (بس دوني كل ما حجيتي حتي لتنسين بمقابله الثانيه)...

بلنسبة للقصة هذه شي خاص بيج , بس اذا تسمحين كتبيلنه عن الأسئله اللي سألوكم و شنو طلبو منكم بلضبط...

و شكرا

أمير

SIRAQS · « **رد #62 في:** 07:49 12/01/2011 »

مرحبا الاخت شير انشاء لله مقابله قريبه يارب بس كتبي بدون زحمه عليج شنو هي الاسئله بالظبط اذا مابيه زحمه عليج

وشكر الج

شنوك اخ امير لله يوفقك

شيري روم · « **رد #63 في:** 15:32 12/01/2011 »

السلام عليكم شلونكم اعضاء جمعيتنا الغاليين يارب مرتاحين ..
واخ امير و SIRAQS
بخصوص الاسئله الي سألوها اليه هي ..
اول شي الاسم , وظيفتي وكلش ركزوا عليها هي ودراستي وسنه التخرج ..
وجان اخويه وياي بالمقابله وما سألوا ولاجابوا سيرة العسكريه و الحزب ..وهم ركزوا على شغلة دراسته واخر عمل جان بيه وشوكت تركه ..
وايضا سالونا عن عدد افراد العائله وكل شخص وين ساكن او باي دوله
وظل يعيد علينا هاي الاسئله وبس ..
وما ادري بعد هو حيركز اكيد على قصة خروجكم من العراق وهم حيظل يكرر نفس الاسئله الي تخصها ..

وسلامي للجميع

ألن في بلاد العجائب · « **رد #64 في:** 17:21 12/01/2011 »

مقتبس من: sara california في 17:13 12/01/2011

السلام عليكم اخوان...اريد اسالكم على اسرع حالة طلعت عن طريق اليو ان؟يعني اشكد اقصى سرعة تكدر اليو ان تطلع بيهه احداذا قضيته خاصة او استثنائية؟احد عنده قصة او معلومة بهالخصوص؟؟؟سوالي الثاني,,اذا تحول الملف للتوطين,يعني خلص الواحد يطمئن لو هم اكو خطورة؟و اذا تحول الملف من اليو ان الى الاي او ام,هل ممكن الاي او ام ترفضه؟؟لو قرار اليو ان ما بيه نقاش؟
ارجو الرد على اسئلتي

اسرع حاله اني اعرفها شخصيا طلعت من عمان ب 6 اشهر
و طبعا الاي اوم بيها 3 مقابلات و المحلف هو الي رح يرفض او يقبل يعني قرار اليو ان مو كتاب منزل
الن

علي النعيمي · « **رد #65 في:** 21:47 12/01/2011 »

اختي سارة اعرف وحدة كرايبنة قدمت عاليو ان وطلعت خلال 3 اشهر بس جان بيهة مرض السرطان الله يحفظنة من هيج امراض اجمعين

علي امون · « **رد #66 في:** 04:21 13/01/2011 »

السلام عليكم جميعآ

وألله أخوان اكوناس اعرفهم كلش زين اهل صديقي طلعوا 4 شهور بس مقدمين مباشر اي او ام بس ال يو ان تاخذ وقت مقابلتين وتوطين وتحويل اي او ام السالفة تاخذ وقت ويمكن بعض الحالات استثناء مثل مكال أخونة علاوي واخونة prado1

وهية تعتمد على ( ألقصة ) والي تكوله بالمقابلة واكو قصص وحالات لو تسمعوها ميتخيلهه العقل وطلعوا بزمن محد يتوقعة

بالتوفيق للجميع يارب

علي أمون

SIRAQS · « **رد #67 في:** 13:32 13/01/2011 »

مرحبا اخوان شكر جزيلا الج شيري روم وهلا وسهلا با الاخوان الجدد ارجو التواصل ويانه واهلا وسهلا كذالك با لاخت الجديده ساره كاليفورنيا اهلا بيج

انتي مقدمه على اليو ان لو مسافر انتي يعني انتي في امريكا ؟؟؟؟

ولله يوفق الجميع

شيري روم · « **رد #68 في:** 15:43 13/01/2011 »

السلام عليكم اعضاء جمعيتنا اشو ماكو ان شاء الله المانع خير ..
واهلا وسهلا بكل عضو جديد ..

AmirAliraqi · « **رد #69 في:** 19:22 13/01/2011 »

و عليكم السلام ....

شلونك SIRAQS أخبارك ,,, شيري روم شلونج شكوماكو؟؟؟

ارحب بأعضاء الجدد , بس نتعرفنه عليهم هل هم جدد علي المنتدي أو علي التقديم في اليو ان ؟؟؟

ضليت صافن علي الحالة اللي طلعت ب 3 أشهر

سبحان الله مرات واحد يضبط القصه و كلشي و تاخذ وقت ويا الي ان يطلع لو مرات رفض , و شخص اخر علي نياته و يطلع بأقل فتره ....

صحيح أهم شي القصة و الحالة كلهه تؤخذ بعين الاعتبار بس قرار الاخير بيد رب العالمين ,, اني هم اعرف حالة طلعت من الاردن ب 6 أشهر و علي قصة بسيطه كلش يعني رايحين مقدمين و حاجين علي نياتهم بدون لا تهديد و لا اثباتات ..

ربنا يسهل علي الكل

كرادي مغترب · « **رد #70 في:** 00:59 14/01/2011 »

واني حسب معلومات اكو ناس طلعو 4 اشهر حتى مو الامريكا طلعو كندا بس جان عدهم مريض وضعة صعب وكالولهم انريد نعالجة هناك وفعلآ ماطول ..

انشاء الله كلها اتسافر بس نهاي الصبر الفرج

SIRAQS · « **رد #71 في:** 08:15 14/01/2011 »

هلا بيكم شباب وبنات منورين يارب انشاء لله الفرج قريب يارب امير انشاء لله مقابلتك يوم 18/1/2011 ؟؟؟؟

انشاء لله موفق يارب

شيري روم · « **رد #72 في:** 14:57 14/01/2011 »

هلو شباب ..
ليش مستعجلين ع الطلعه كلمن وياخذ نصيبه من الصبر والظيم والقهر

واخ امير ان شاء الله مقابله سهله وسريعه والله يوفقك ...

(COBRA) · « **رد #73 في:** 18:33 14/01/2011 »

تحيه عطره للجميع...
اشلونكم يا شباب الجدد.. وي اليو ان انشالله تمشي اموركم على احسن وجه حبيت اقدم انتسابي واصير وياكم بنفس الجبهه
لان جنت بلخلفيات وكلت خلي اشوف المتقدم ..ولو احنه صارلنه فتره بارض الحرام...لامتحولين ولا كارت ازرك

اخوكم من تاريخ 19\4\2010 متوطن ....على Usa
ولحد الان انتظر التحويل ...على السفاره او ( اي او ام)
والله يسهل عليكم اخواني
وتحياتي

SIRAQS · « **رد #74 في:** 19:39 14/01/2011 »

خويه اهلا وسهلا بيك بالجمعيه منور ولله على راسي حبي ولله يسهل عليك انت من شوكت مقدم على اليو ان؟؟؟؟ انت مقدم من الاردن ؟؟؟؟؟؟بس ياريت اتسوي فضل لو تكتب تواريخ التقديم ماتك بس علمود الشباب والبنات يستفادون اذا ما بيه زحمه عليك

ومنور مره ثانيه ولله يسهل عليك يارب

ياريت اجاوب صديقي
شكر الك

SIRAQS · « **رد #75 في:** 20:04 14/01/2011 »

مرحبا اخ علي النعيمي بدون زحمه عليك شنو انت مرفوض من امريكا يعني ما مقبول على امريكا ؟؟؟؟؟؟؟؟

ارج ان اتوضح بدون زحمه عليك شنو السبب خير انشاء لله خو ماكو شي بس علنود يستفادون الشباب والبنات اني قريبت رد الك في غير موضوع وعلى اساس انت مرفوض انت كاتب

انشاء لله التوفيق الك يارب انشاء لله

علي النعيمي · « **رد #76 في:** 21:24 14/01/2011 »

اخي العزيز اني مرفوض من امريكا مو من قبل المحلف وانما من اللجنة الي تحول مفات لاامريكا اللجنة الامريكية باليو ان ومن خابرتهم كالو ملفي بالسفارة بس مكلي و لحيت بس كال ان شاء الله خير كتلة يعني مو امريكا كال انسى امريكا لانو اني طلبت تأمين صحي مدى الحياة وكلي بالمقابلة مال توطين علة امريكا كال احتمال امريكا ترفضك لانو انتة طالب تامين صحي هذا الي صار

AmirAliraqi · « **رد #77 في:** 23:05 14/01/2011 »

شلووونكم شبااااب

اي ان شاءالله يوم 18 اتوكل علي الله و اروح و الباقي علي رب العالمين...

شكراا اختي *شيري روم* ان شاءالله التوفيق للجميع و تخبرينه بأسرع وقت بقبولج في التوطين

أمير

SIRAQS · « **رد #78 في:** 07:46 15/01/2011 »

انشاء لله يا اخ امير التوفيق للجميع لله يسهل عليك على المقابله ماتك بس من اتقاب انشاء لله بلغنه بالمعلومات مو تنسانه

لله يسهل عليك صديقي امير

شموسه123 · « **رد #79 في:** 10:22 15/01/2011 »

صباح الخير

انشالله تخلصون كل الاجراءات وتسافرون

SIRAQS · « **رد #80 في:** 10:33 15/01/2011 »

شكر شموسه على المشاركه يا اهلا وسهلا بيجانتي مقدمه جديده ؟؟

منوره ولله

AmirAliraqi · « **رد #81 في:** 19:28 15/01/2011 »

شلووونكم ؟ ؟؟ ؟

تسلم حبيبي الورده SIRAQS اكيد ان شاءالله بس نرجع نبلغكم ...

أمير

AmirAliraqi · « **رد #82 في:** 19:39 15/01/2011 »

مبروك فوز منتخب اسود الرافدين

شيري روم · « **رد #83 في:** 21:06 15/01/2011 »

مساء الخير ع الجميع ان شاء الله ..
نرحب بالاعضاء ابو ارا وهلا بيك ويارب تسهل امورك والله يحفظك لعائلتك
وايضا نرحب بشموسة الورده ومنوره الكروب
واخ guitar love شلونك يارب موفق بحياتك

وشلونه صاحب جمعيتنا

واخ امير الله يبارك بيك ع فوز المنتخب وان شاء الله دوم فايز

SIRAQS · « **رد #84 في:** 23:12 15/01/2011 »

الف مبروك للجميع العراقين على فوز المنخب والف هلا بيج شيري روم منوره ولله على راسي وكل الاعضاء كمان على راسي تسلمون وارجو ان من كل واحد ابلغنه با عو جديد يحصل مع علمود فائده الجميع

واخت شموسه شنو انتي مقدمه جديد على اليو ان؟؟؟؟ومن وين مقدمه من الاردن؟؟؟

شكر الكم جميعا ارجو التواصل شباب وبنات جميعا

شموسه123 · « **رد #85 في:** 23:47 15/01/2011 »

مقتبس من: SIRAQS في 23:12 15/01/2011

الف مبروك للجميع العراقين على فوز المنخب والف هلا بيج شيري روم منوره ولله على راسي وكل الاعضاء كمان على راسي تسلمون وارجو ان من كل واحد ابلغنه با عو جديد يحصل مع علمود فائده الجميع

واخت شموسه شنو انتي مقدمه جديد على اليو ان؟؟؟؟ومن وين مقدمه من الاردن؟؟؟

شكر الكم جميعا ارجو التواصل شباب وبنات جميعا

شلونك اخويه اني من الاردن واني قديمه هههههههههه من 2007 مقدمين

كرادي مغترب · « **رد #86 في:** 00:08 16/01/2011 »

سلام عليكم

ادعيلكم يارب تسهل اموركم وتسافرون

تحياتي الى الكروب جميعآ واهنيكم بناسبة فوز المنتخب الوطني العراقي على نظيرة الاماراتي

شيري روم · « **رد #87 في:** 12:15 16/01/2011 »

صباح الانوار ع وجوده جميع اعضاء جمعيتنا ...

شلونكم يارب بخير

SIRAQS · « **رد #88 في:** 13:50 16/01/2011 »

صباح الانوار شيري رروم منوره شنو هستوج كاعده يعني الصبح هستوه بده عندج اني هم مثلج ههههههههههه

شيري روم · « **رد #89 في:** 17:30 16/01/2011 »

ههههههه اي اخ SIRAQS مو اني صبحي يبدي من ساعه 12 وفوك

شموسه123 · « **رد #90 في:** 17:49 16/01/2011 »

مقتبس من: شيري روم في 21:06 15/01/2011

مساء الخير ع الجميع ان شاء الله ..
نرحب بالاعضاء ابو ارا وهلا بيك ويارب تسهل امورك والله يحفظك لعائلتك
وايضا نرحب بشموسة الورده ومنوره الكروب
واخ guitar love شلونك يارب موفق بحياتك

وشلونه صاحب جمعيتنا
واخ امير الله يبارك بيك ع فوز المنتخب وان شاء الله دوم فايز

هلو حبي اني اسفه هسه شفت كلامج تسلمين والجمعيه منوره بيكم

SIRAQS · « **رد #91 في:** 15:09 17/01/2011 »

منورين شباب وبنات شلونكم اليوم انشاء لله بخير يارب

شيري روم · « **رد #92 في:** 15:41 17/01/2011 »

السلام عليكم شلونكم ...

النور نوركم يا اخ SIRAQS وشموسه الورده

واخ guitar love مشكور لسلامك واني الحمدلله بخير وعلى الله مبقيها ..

وادعوا لاخونا امير ان شاء الله باجر مقابلته ويارب سهله وما بيها انتظار طويل ...

AmirAliraqi · « **رد #93 في:** 20:07 17/01/2011 »

سلام عليكم...

شلونكم شباب ,,SIRAQS ,, guitar love,,كرادي مغترب,,AmirAliraqi,,علي النعيمي,,علي امون,,ابو ارا

شلونكم بنات,,شيري روم,,شموسه123,,؟؟

شلونكم شباب و بنات ,,SIRAQS ,, guitar love,,كرادي مغترب,,AmirAliraqi,,علي النعيمي,,علي امون,,ابو ارا,شيري روم,,شموسه123,,؟؟؟

شلونكم بنات و شاباب ,,شيري روم,,شموسه123,,,,SIRAQS ,, guitar love,,كرادي مغترب,,AmirAliraqi,,علي النعيمي,,علي امون,,ابو ارا,شيري ؟؟

واحد يكدر يشتغل علي ورقة الحماية ؟؟ لو ممنوع ؟؟
لازم اقامة من الحكومة الاردنية ؟؟

كاتلوني الى الابد · « **رد #94 في:** 20:17 17/01/2011 »

اخويه امير الجواب واضح من ورقة الحماية انه الورقة لاتعتبر رخصة للعمل او الاقامة

علي النعيمي · « **رد #95 في:** 23:13 17/01/2011 »

اخي امير احذرك لاتشتغل لانو اذا لزموك شرطة الوفود حتلكة نفسك بالعراق فقط الي عندة اقامة رسمية رصيدبالبنك

مطر مطشر · « **رد #96 في:** 00:51 18/01/2011 »

السلام عليكم اخ SIRAQS
السلام عليكم اخواني وخواتي بالجمعية
طبعا اشكرك اخ SIRAQS على دعوتك الي لجمعيتكم بصراحة اني متابعها من البداية وهي رائعة بس الحقيقة مكدرت اكتب بيها لان عندي احباط من شغلة اليو ان فدا احاول ادورلي غير درب و مثل متعرفون ماكو شي سهل والا مجان كلنا كاعدين ننتظر الفرج مال اليو ان
المهم اخواني اني مقدم عالغضب مال اليو ان صارلي 9 اشهر ولحد هاي اللحظة الملف بالحماية
بس عندي معلومات لا بأس بيها من خلال متابعتي للمنتدى ( عضو جديد بس متابع صارلي سنة تقريبا)
وايضا من خلال تجارب الاصدقاء والاهل اللي طلعوا بمختلف طرق اللجوء ماشالله احنا كل واحد بينا انشمر بصفحة
فانشاء الله احاول ان اكون عضو مفيد للجمعية
تقبلوا مروري وبالتوفيق للجميع

كرادي مغترب · « **رد #97 في:** 02:18 18/01/2011 »

سلام عليكم

انشاء الله اخ مطر يسهل امرك يارب

تحياتي الى كل الكروب جميعآ

SIRAQS · « **رد #98 في:** 10:50 18/01/2011 »

اهلا وسهلا بيك اخي مطر مطشر منور ولله على راسي انت وبي احد جديد يجي الى هاي الجمعيه

شباب اليو اول مقابله لااخ امير لله يوفقه انشاء لله اخبار حلو يارب ومن يجي يسلفنه شنو بالتفصيل شنو حصل معا

شيري روم · « **رد #99 في:** 11:11 18/01/2011 »

السلام عليكم ..شلونكم اعضاءنا الغالين

طبعا نرحب بالعضو مطر مطشر ومليون هلا بيك بجمعيتنا وان شاء الله امورك تسهل والفرج قريب يارب ...

واخ امير حاليا بالمقابله فيارب سهل اموره ويسرها باسرع وقت ...

سلامي للاعضاء الباقين واحلى تحية لكل عضو متابع

SIRAQS · « **رد #100 في:** 13:04 18/01/2011 »

تسلمين يا شيري روم على هذا الكلام الحلو منوره ولله

شموسه123 · « **رد #101 في:** 15:05 18/01/2011 »

مقتبس من: AmirAliraqi في 20:07 17/01/2011

سلام عليكم...

شلونكم شباب ,,SIRAQS ,, guitar love,,كرادي مغترب,,AmirAliraqi,,علي النعيمي,,علي امون,,ابو ارا

شلونكم بنات,,شيري روم,,شموسه123,,؟؟

شلونكم شباب و بنات ,,SIRAQS ,, guitar love,,كرادي مغترب,,AmirAliraqi,,علي النعيمي,,علي امون,,ابو ارا,شيري روم,,شموسه123,,؟؟؟

شلونكم بنات و شاباب ,,شيري روم,,شموسه123,,,,SIRAQS ,, guitar love,,كرادي مغترب,,AmirAliraqi,,علي النعيمي,,علي امون,,ابو ارا,شيري ؟؟

واحد يكدر يشتغل علي ورقة الحماية ؟؟ لو ممنوع ؟؟
لازم اقامة من الحكومة الاردنية ؟؟

شلونك اخويه وتسلم على سؤالك

شموسه123 · « **رد #102 في:** 15:06 18/01/2011 »

مرحبا

شلونكم عيني بنات وشباب

وانشالله الله يوفق الحميع

مطر مطشر · « **رد #103 في:** 15:15 18/01/2011 »

تسلمون كرادي مغترب , SIRAQS , شيري روم
والله يفرجها عالميع ان شاء الله

(COBRA) · « **رد #104 في:** 17:47 18/01/2011 »

حبايبي الله يسهل عليكم ....
........................انشالله مقابله ميسره وسهله للجميع
تحياتي لكم

كرادي مغترب · « **رد #105 في:** 19:29 18/01/2011 »

سلام عليكم

اشلونكم اخواني الكرام انشاء الله بخير .

اليوم سمعت خبر من جهة مؤكدة اكو تسريع بالمعاملات UN وانشاء الله يسهل امركم

والخبر الثاني المحلفين قادمين الى عمان يوم 20/1/2011 وانشاء الله سنة خير علينا جميعآ

تحياتي الى كل الكروب جميعآ

AmirAliraqi · « **رد #106 في:** 20:41 18/01/2011 »

أشكرك أخويه علي النعيمي علي الرد بصراحه اني اليوم استلمت هاي الورقه مال التسجيل أو الحماية و مكتوب عليهه مثل ما تفضلت ...

قابلنه حمدلله بس مبين مو مضبوطين و خربطه و جهال يكمزون تكمز بلصاله و يركضون بلغرف و امي مريضه و كانت الصاله مزدحمه انطونه اوراق مال تسجيل البيانات و ماعندي قلم ظليت افتر ساعه علي قلم و بديت اكتب البيانات و بعدني ممكمل جان يصيح رقمنه و دخلنه عليه اني و اخويه دنكتب بلبيانات و هو يسأل أمي علي القصه و الدراسه و الاقرباء و باقي افراد العائله و سنوات التخرج و العمل , اني رديت عليه بدال امي بلجواب جان يكولي دأسئل والدتك ليش انت تجاوب بدالهه؟؟

كتله مو هي مريضه و متركز اخاف يصير غلط , كال لا دتجاوب زين

المهم امي حجت و اني مستعجل املي بلاستماره و مكتبت القصه بصوره كامله لان مكان قليل و ما اعرف اركز علي امي لو علي الاستماره و الجهال يطبون علينه و يطلعون , ما اعرف ماعدهم أهل ...

اصلا الموظفين ليش ميطلعوهم

ولا دايرين بال , ليش ممسوين مكان خاص للاطفال , بصراحه واحد ولا يكدر يركز يعني يخلي باله يم الهوسه لو اسئلتهم لو الاستماره ؟؟

الاستماره المفروض الموظف يملي و احنه نوقعه
لان تاخذ وقت مو مال شخص واحد يملي 3 أو اربع استماير , هسه اكيد صاير بي غلط لو بلتواريخ لو بغير شي
سألني علي والدي كلتلهم ما اعرف هو يجي و حقق ويا , المهم هاي معلوماتنه و المستمسكات و قصة الخروج من العراق...

كال اوكي انتظر اتصالنه...

رجعت للبيت أخذت panadol و لفيت راسي و نمت ...

AmirAliraqi · « **رد #107 في:** 23:05 18/01/2011 »

ان شاءالله تسهيل و تسريع جميع المعاملات خصوصا اللي مقدمين بلسنة الماضيه و يارب بهاي السنه تسمعون اخبار حلوه و تفرحونه ...

الله يفرجهه عليكم...

أمير

مطر مطشر · « **رد #108 في:** 00:17 19/01/2011 »

مقتبس من: كرادي مغترب في 19:29 18/01/2011

سلام عليكم

اشلونكم اخواني الكرام انشاء الله بخير .

اليوم سمعت خبر من جهة مؤكدة اكو تسريع بالمعاملات UN وانشاء الله يسهل امركم

والخبر الثاني المحلفين قادمين الى عمان يوم 20/1/2011 وانشاء الله سنة خير علينا جميعآ

تحياتي الى كل الكروب جميعآ

الله يسمع منك كرادي مغترب ويفرجها عالجميع ان شاء الله

كرادي مغترب · « **رد #109 في:** 00:31 19/01/2011 »

كــــولــــو امــــيــن

شيري روم · « **رد #110 في:** 11:07 19/01/2011 »

السلام عليكم شلونكم ...

الحمدلله اخ امير انك كملت المقابله واني وياك بشغلة دوخة الجهال

والله كريم بلكت مستقبلا يسولهم صرفه

واخ كرادي شكرا للخبر الحلو وان شاء الله خير على كل الاعضاء المنتظرين من سنوات ويارب فرجهم قريب ...

وادعوا والله يسهلها ...

SIRAQS · « **رد #111 في:** 11:55 19/01/2011 »

لك اخ كرادي يسلمو على الخبر الحلو ولله فرحتنه وعلى الخير اخ امير لله يساعدك ولله حنه هم نفس الشي دخنه من الجهال اخ امير انته انطوك كارت بي موعد لو كلولك انتظر منه تلفون ؟؟؟؟ظ

انزين شنو هي طبيعه الاسئله بدون زحمه عليك ممكن تكتبه

شكر الك والى كل الاخوان ولله يسهل على الجميع

وهذا الخبر اكيد مال تسريع معاملات UN

??

mohamadawny · « **رد #112 في:** 12:18 19/01/2011 »

يعني باختصار ممكن افيز على امريكا للهجرة

SIRAQS · « **رد #113 في:** 13:23 19/01/2011 »

منور اخي بس ممكن اتوضح انت شنو رايد بالظبط ؟؟؟؟ علمود نكدرر انساعدك؟؟؟

منور ولله

شيري روم · « **رد #114 في:** 19:51 19/01/2011 »

مساء الخير ع احلى ورود

شلونكم والف الف مبروك لفوز منتخبنا وان شاء الله بشاير خير ع الجميع

(COBRA) · « **رد #115 في:** 21:45 19/01/2011 »

الكوه شباب .....شونكم
والله خوش اخبار جايبن انشالله كلكم تقابلون توطين .. وترتاحون...
ويتسرع الامور لان سنه الجايه محد يعرف شنو البرنامج... الله كريم

شيري روم · « **رد #116 في:** 11:40 20/01/2011 »

السلام عليكم يالغالين ..

شنو وينكم اليوم بس لا نايمين ؟؟؟

SIRAQS · « **رد #117 في:** 12:02 20/01/2011 »

هلا ولله شيري روم ولله اني هستوني كاعد الف مبررررروك للفوز منتخبنا شلون الاعضاء انشتء لله بالف خير يارب

SIRAQS · « **رد #118 في:** 12:09 20/01/2011 »

هلو خويه ابو ارا شلون والف هلا بيك صديقي ابو ارا ممكن نعرف انت من وين مقدم ومن شوكت انت مقدم اذا بيه مجال علمود نستفاد من معلوماتك اذا بيه مجال ؟؟؟يعني ابو ارا

SIRAQS · « **رد #119 في:** 15:34 20/01/2011 »

هلا اخ لف كيتار منور شنو اخبارك انت ؟؟؟

شموسه123 · « **رد #120 في:** 15:40 20/01/2011 »

السلام عليكم

شلونكم انشالله تسمعون اخبار حلوه لان اليوم كوله مقابلات انشالله يوم الكم

AmirAliraqi · « **رد #121 في:** 18:14 20/01/2011 »

مرحباا للجميع

أشكرك حبيبي SIRAQS اني بخير حمدلله...

مثل ما ذكرت حبي SIRAQS , ما حقق ولاشي مجرد بس اسئله عن تواريخ اخر شهاده و شمخلصين و اذا عدنه اقرباء خارج العراق و وين و بيا سنه طالعين , شنو مشتغلين سابقا و من يا سنه الي يا سنه , اذا ترجع للعراق شنو راح يكون موقفك , يعني اسئله عامه ركز عليهه هوايه و ترك قصة خروجنه من العراق...

لا ما نطونه موعد مقابله ثانيه , سألته شنو الخطوه الثانيه؟؟ كال انتظر اتصالنه , كتله يعني شكد يطول الي ان تتصول بينه؟؟

كال مو شرط يمكن بعد يومين أو اسبوعين أو شهرين بعدين جان ياخذه الواهس و يمكن سنتين و ثلاث سنوات و خمس سنوات...

قفلهه علي خمس سنوات هههههه

شباب اريد اسئلكم , اكثرنه هسه مقدمين مقابله اولي , محد اتصل بيكم من المفوضيه بهاي المده؟؟ مجرد بس اتصال و يسئلوكم ؟؟ لو نهائيا ماكو اتصال منهم الي الان ؟؟ SIRAQS و شيري روم ؟؟؟

أمير

yamaar · « **رد #122 في:** 19:40 20/01/2011 »

السلام عليكم حميعا

الاخ علي النعيمي سوالي الك من جددت ورقة الحماية قابلتهم واستفسرت منهم لان اني
عندي موعد يوم 9/2 لتغيير ورقة الحماية يسون مقابلة لو بس تغيير علما صارلي 7 اشهر على التوطين

شكرا وتحية للجميع

شيري روم · « **رد #123 في:** 19:49 20/01/2011 »

مقتبس من: AmirAliraqi في 18:14 20/01/2011

شباب اريد اسئلكم , اكثرنه هسه مقدمين مقابله اولي , محد اتصل بيكم من المفوضيه بهاي المده؟؟ مجرد بس اتصال و يسئلوكم ؟؟ لو نهائيا ماكو اتصال منهم الي الان ؟؟ SIRAQS و شيري روم ؟؟؟

أمير

السلام عليكم اخ امير ..
اني لحد الان ماكو شي واكيد اول ما يصير تغيير ع شغلتي انتوا اول الناس حبشركم لان ما عندي غيركم ...

وسلامي للاعضاء المتواصلين بالجمعيه ...

SIRAQS · « **رد #124 في:** 12:28 21/01/2011 »

هلا بيج ساره كالفورنيا اهلا وسهلا بيج في الجمعيه مالتنه منوره ولله وياريت التواصل ويانه في هذا الجمعيه

بس اخت ساره بدون زحمه بس سوال انتي شنو جاي اتقدمين بس لل اطفالج يعني ؟؟؟؟ انزين لعد همه شعجب ما عدهم كرين كارد؟؟؟

اخ امير شنو تقصد ما فهمتك؟؟؟

شكر الكم

SIRAQS · « **رد #125 في:** 12:33 21/01/2011 »

شباب اريد اسئلكم , اكثرنه هسه مقدمين مقابله اولي , محد اتصل بيكم من المفوضيه بهاي المده؟؟ مجرد بس اتصال و يسئلوكم ؟؟ لو نهائيا ماكو اتصال منهم الي الان ؟؟ SIRAQS و شيري روم ؟؟؟

ولله اني بعد مثل ما كليتلكم عندي مقابله بشهر الثاني انشاء لله وشنو ايصير وياي ابشركم اني مقابلتي يوم 13/2/2011

SIRAQS · « **رد #126 في:** 12:37 21/01/2011 »

مقتبس من: SIRAQS في 12:33 21/01/2011

شباب اريد اسئلكم , اكثرنه هسه مقدمين مقابله اولي , محد اتصل بيكم من المفوضيه بهاي المده؟؟ مجرد بس اتصال و يسئلوكم ؟؟ لو نهائيا ماكو اتصال منهم الي الان ؟؟ SIRAQS و شيري روم ؟؟؟

هذا رد على سوال الاخ امير

ولله اني بعد مثل ما كليتلكم عندي مقابله بشهر الثاني انشاء لله وشنو ايصير وياي ابشركم اني مقابلتي يوم 13/2/2011[/size][/color]

SIRAQS · « **رد #127 في:** 12:42 21/01/2011 »

هلا بيشيري روم شونج شو اخبارج بقيه الاعضاء اشلونهم منورين

شباب رجا من كل الاعضاء الي يصير وياه شي جديد خلي ايخبرنه علمود نستفاد كلنه

ما اعرف انتو اشاركوني هذا الراي او لا ؟؟؟؟؟

شموسه123 · « **رد #128 في:** 12:52 21/01/2011 »

جمعه مباركه على الجميع

ويارب كوله تكون مقابلات بالايام الجايه

SIRAQS · « **رد #129 في:** 13:27 21/01/2011 »

مرحبا اخت شموسه منوره شنو ما فهمت (كوله) قصدج كومه مقابلات ؟؟؟؟؟؟؟؟؟؟؟

علي النعيمي · « **رد #130 في:** 13:32 21/01/2011 »

اخي قصدهة مقابلات اي او ام بغير جمعيات

ألن في بلاد العجائب · « **رد #131 في:** 14:02 21/01/2011 »

عيني اخوان تره شموسه تقصد بكوله بمعنى جميعها
اخوكم
الن

شموسه123 · « **رد #132 في:** 14:46 21/01/2011 »

مقتبس من: SIRAQS في 13:27 21/01/2011

مرحبا اخت شموسه منوره شنو ما فهمت (كوله) قصدج كومه مقابلات ؟؟؟؟؟؟؟؟؟؟؟

هههههههههههههه يعني اقصد انو الكل اتصير عده مقابلات وتقابل هههههههههههه

المتفأل · « **رد #133 في:** 15:01 21/01/2011 »

ألسلام عليكم جميعا" .... أني جديد عل المنتدى واتمنى من الله أن يسهل أمور كل العراقيين المحتاجين توطين ..... اني دخلت عمان جديد .... بعدني ما أمقدم عل اليو أن .... أني قريت ردود بعض ألاعضاء وشفت أنه ألي يدخل عمان .... ورقة الحماية ماأتفيدة أكو هيج حجي..... يعني أني أذا قدمت وحصلت عل ورقة الحماية .... الشرطة من أتخلص أقامتي أتسفرني .... والله حاير أرجوكم أن اتاعدوني بالمعلومه الصحيحه

كاتلوني الى الابد · « **رد #134 في:** 15:08 21/01/2011 »

اخويه المتفائل
ابدا مو صحيح التسفير بعد الاقامة ولا احد يسألك
بالعكس ورقة الحماية كلش مهمة بس متشتغل بيها لانه اذا لزموك ماالها حل تسفير بدون كلام
اما اي شي غير الشغل محد يجي بيك

المتفأل · « **رد #135 في:** 15:12 21/01/2011 »

أني أشكرك ...... أخوية كتالوني ... بس اكو شخص كالي انه الشرطة متعترف بالورقه مال الحماية أني من كال هيج ..... دخت زين أني وياية عائلة أشلون .... هم أنطوني شهر بس وراح يخلص .... زين مو أكو وراها ينطون 3 أشهر لو لا

كاتلوني الى الابد · « **رد #136 في:** 15:23 21/01/2011 »

اخويه المتفائل
اخذها من اخوك صارلي سنين بالاردن محد اله دخل بيك خصوصا العائلة ولاتتخيل الشرطة تركض ورا الناس تسأل عنهم لو علعراقيين اطمئن
والتجديد تكدر هم اجدد

المتفأل · « **رد #137 في:** 15:36 21/01/2011 »

ريحتني ألله يريحك ...... والله متدري أشلون جنت أفكر وين انروح ..... أحنه كوة طلعنه من العراق ... وهم نرجع .... أني اشكرك مرة ثانيه

شيري روم · « **رد #138 في:** 16:05 21/01/2011 »

السلام عليكم ع الجميع ...وجمعه مباركه وسعيده ع عيونكم يارب

شلونكم اعضاءنا يارب بخير وصحه

واخويه المتفائل اهلا بيك بجمعيتنا وان شاء الله تقدم ع اليو ان وتتيسر امورك وتواصل ويانا وان شاء الله تستفاد

وصاحب جمعيتنا شلونك ان شاء الله مرتاح

واختي سارة انتي توكلي ع الله وامورج تسهل يارب واليو ان ما يردون شخص محتاج وبشده فلا تفكرين بالاسوأ فكري بالزين وتفائلي ويارب الله يحفظلج اطفالج

كاتلوني الى الابد · « **رد #139 في:** 17:02 21/01/2011 »

yamaar مساء الخير للجميع
اذا تقصد قابلت توطين وملفك بالهجرة الان فماكو مقابلة تجديد بس
واذا تقصد ملفك بالتوطين فتقابل للتجديد

كرادي مغترب · « **رد #140 في:** 20:41 21/01/2011 »

سلام عليكم

اشلونكم حبايبي اشلون الامور انشاء الله بخير

عندي احساس باجر يفوز منتخبنا على استراليا اقل شي 2 شنو رايكم

يرجة الاتباه

موعد المبارة في تمام الساعة 3 وربع بتوقيت عمان واربعة وربع بتوقيت بغداد والدوحة

SIRAQS · « **رد #141 في:** 21:08 21/01/2011 »

اهلا وسهلا بكل الاعضاء الجدد ميه هلا بيكم وهلا ب شيري روم ولله منروه اشكرج على الرد وهلا وسهلا بيك اخي متفائل منور الجمعيه انشاء لله تستفاد يارب من المعلومات وارجو التواصل ولله يوفق الجميه واخ يمار ولله اني ما عندي فكر على موضوعك لان بصراحه بعدني ما مجدد الورقه مال حمايه شوف بقيه الاخوان اذا واحد يكدر يساعدك

شكر الكم جميعا

المتفائل انشاء لله اتقابل يارب ولله يسهل عليك وبشرنه شنو يصير وياك علمود انساعدك اذا تحتاج مساعده اي شي تحتاجه اكتب موضوع ونزله علمود نساعدك

SIRAQS · « **رد #142 في:** 21:24 21/01/2011 »

مرحبا المتفأل صديقي انت انت من اي محافظه من بغداد لو من اي محافظه ؟؟؟ هذا فقط سوال صديقي انت مقدم ماخذ موعد لو لا؟؟؟

المتفأل · « **رد #143 في:** 00:54 22/01/2011 »

في البداية اني اشكركم ..... أني من بغداد الحزينه من منطقة القاهرة ...... وأني واصل جديد على عمان وبعدني ما راجعت اليو أن .... بالمناسبة أني أمقدم على ألاي أو أم من بغداد

SIRAQS · « **رد #144 في:** 02:45 22/01/2011 »

لعد شعجب عفت لاي او ام واجيت الى عمان ؟

اهلا وسهلا بيك حبي منور

AmirAliraqi · « **رد #145 في:** 10:48 22/01/2011 »

سلام عليكم جمييييعاااا

شلونكم اخباركم ؟؟ ؟

اول شي مبروك الصفحة الجديده ان شاءالله بتواصلنه توصل للصفحه مليون...

ثاني شي اتمني فوز منتخبناااا ,, كولوو امين

أمير

شيري روم · « **رد #146 في:** 11:06 22/01/2011 »

السلام عليكم يا احلى ورود

شلونكم ومبروك الصفحة الثانيه يارب صفحة خير وان شاء الله كلها تقابل توطين شلع

ومنورين يا اعضائنا الجدد وتواصلوا ويانا والله كريم

مقهور في الوطن · « **رد #147 في:** 11:21 22/01/2011 »

السلام عليكم اخوان في الجمعية

اني ورا اسبوع راح اجي الى الاردن لتقديم على اليو ان مع عائلتي

شنو الشغلات و الاوراق الي يطلبوهة مني

و علمود القصة الي لازم اذكره ( اني اخوكم مسيحي ) و عندي والدتي مصابة بل سرطان و هي بطور العلاج وياية تقرير طبي مصدق , اني ما عندي اي اثباتات بانه مهدد بس قصتي النو دا اخاف على عائلتي من القتل لانه تدرون بانه بيوتنة دا يفجروهة و دا يطبون عل بيوت و يقتلون المسيحين , فهل هذا سبب كافي لقبولي كلاجئ .

اشكد الفترة ورا المقابلة الاولى و يطلع التوطين

و صحيح الخبر انو اكو تسريع بل معاملات خلال 2011

و اشكركم مقدما

كاتلوني الى الابد · « **رد #148 في:** 11:44 22/01/2011 »

اهلا بأخويه بالانسانيه والوطن مقهور
الله ايسرك امرك خارج الوطن وتشوف الخير
كل الاثباتات الرسمية واوراق واي شهادات خبرة او تخرج جيبها وياك لانه اتفيدك
وبالنسبة للتوطين انت وحظك بس يمكن الجدد حظهم احسن لانه اكو اهوايه من الاخوة المسيحيين القدماءملفاتهم نايمة ومحد امكلبهه

SIRAQS · « **رد #149 في:** 12:23 22/01/2011 »

الف هلا بالاعضاء الجدد والقديمين مليون مرحبا منورين ولله وانشاء لله يفوز المنتخب يارب ومنورين الجمعيه واخ امير واخت شيري روم ويقيه الاعضاء انشاء لله التواصل

بالنسبه الك صديقي مقهور في الوطن
الشغلات الي تحتاجه هي (جنسيه .جواز سفر.شهاده الجنسيه.شهادات ماتك.اي اوراق تثبت انو انت مضطهد او مهدد.اوراق الطبيب مال الولده) واي شي اشوفه انت مهم هم جيبه وياك

انشاء لله انت اتسافر بسرعه لان عندك الوالده مريضه انشاء لله تتعالج بسرعه بس انت اسافر بسرعه اني سامع من بعض الولد انو هم جماعه جانت عدهم مريض هم سرطان طلعو خلال لو 3 اشهر لو 6 اشهر ولله يسهل عليك

انت من بغداد؟؟؟؟؟

المتفأل · « **رد #150 في:** 13:08 22/01/2011 »

السلام عليكم .... والله يااخي أني ماردت أطلع بس ..... ألله كريم أحاف ينكلب الموضوع الى سياسة خليهه على الله وننظر للمستقبل .. ل باقي جان أنقتلت وأني صاحب عائلة ,,,, والسبب ليش تشتغل وية الامريكان

AmirAliraqi · « **رد #151 في:** 13:35 22/01/2011 »

مرحبا أخويه*** مقهور في الوطن*** بلنسبة للأثبات بصوره عامه ما مطلوب يعني مو ضروري يكون عندك اثبات اكو هوايه طلعت و ماعدهم فرصه يطلعون اثبات لدير بال , الاثبات مجرد بس يثبت اقوالك و تفيدك...

أما بلنسبة للوالده اني هم نفس قصتك والدتي مصابة بمرض السرطان و عدهه عملية قريبا و نطيتهم اوراقهه و تقارير الطبية , الظاهر يساعدون و يتعاطفون مع المرضي , ,, اني ماشي بأجرائات والدتي و أي شي جديد يصير معي أخبرك
و أي استفسار علي علاج الوالده اني حاضر و لو تحتاج رقمي دزلي علخاص , اني افتريت أطباء الاردن صرت خبره بهذه المرض

و سلامة الوالدة تكوم بلسلامه ...

أمير

SIRAQS · « **رد #152 في:** 13:46 22/01/2011 »

الحمد لله على سلامه الوالده (امير) انشاء لله تتعالج بسرعه يارب

SIRAQS · « **رد #153 في:** 13:57 22/01/2011 »

مرحبا اخي المتفأل صديقي انت قدمت لو لا على اليو ان ؟؟؟

انت من بغداد؟؟ ؟؟؟؟؟

اني اريد واحد من البصره ماكو هههههههه

مع ذالك كلكم اخواني

المتفأل · « **رد #154 في:** 14:15 22/01/2011 »

حبيبي .... كلنه أهل .... وأخوان أني بعدني مامقدم .... لانه أبصراحه اني ماأعرف الطريقة ألي أقدم بيهه عل اليو أن

شيري روم · « **رد #155 في:** 17:21 22/01/2011 »

مقتبس من: المتفأل في 14:15 22/01/2011

حبيبي .... كلنه أهل .... وأخوان أني بعدني مامقدم .... لانه أبصراحه اني ماأعرف الطريقة ألي أقدم بيهه عل اليو أن

مساء الخير عليك يا اخونا المتفائل ..
وانت اذا بعمان فتكدر تقدم عن طريق ذهابك الى مفوضية الامم المتحده ( انت بس كول لابو التاكسي للمفوضيه اليو ان وهو يندل ) بمنطقة دير غبار وان شاء الله من توصل تلكه اكيد هناك ناس هواية بالباب تروح ع الحراس الامن وتكولولهم اني اريد اقدم وتاخذ وياك الجوازات وهم حينطوك كارت بيه يوم تحديد للمقابله والله يسهلها عليك وع الجميع ..
واخواني امير ومقهور في الوطن ان شاء الله صحة وسلامه لوالداتكم وهنا الخير والبركه وباذن الله يكومن بالسلامه
واخي مقهور انت توكل على الرب وتعال لعمان ومثل ماكلولك الاخوان شعندك مستمسك جيبه وياك وما يحتاج اثبات بالتهديد لان اخوانا المسيحين معروفة قصتهم للجميع ...

مقهور في الوطن · « **رد #156 في:** 18:14 22/01/2011 »

شكرا على جميع الاجابات و الدعوات

اني من بغداد

و منو عندة معلومة مفيدة خلي يساعدني ارجوكم

مطر مطشر · « **رد #157 في:** 23:43 22/01/2011 »

مقتبس من: yamaar في 19:40 20/01/2011

السلام عليكم حميعا

الاخ علي النعيمي سوالي الك من جددت ورقة الحماية قابلتهم واستفسرت منهم لان اني
عندي موعد يوم 9/2 لتغيير ورقة الحماية يسون مقابلة لو بس تغيير علما صارلي 7 اشهر على التوطين

شكرا وتحية للجميع

اخوية العزيز التجديد احيانا يكون جدا سريع يعني يسألوك كم سؤال وبعدين يكوللك انتظر شوية وينطوك الورقة الجديدة
بس احيانا لا ..يعني تفوت وتكعد ويه الموظف ويكوم يسألك من اول وجديد كأنما مقابلة لاول مرة وهذا الشي اللي صار ويايه اصلا سأل بتفاصيل اكثر عن القصة وظل يعيد ويسقل ...فدير بالك عزيزي لازم تراجع قصتك زين قبل لتروح تجدد ولازم تتذكر كلشي انت كايلة بالمقابلة الاولى
والله يوفقك ويسهل امرك ان شاء الله

المتفأل · « **رد #158 في:** 00:16 23/01/2011 »

شيري روم أني .......... أشكرج أهواي أعيوني وممنون.......عل هاي المعلومة أنشاء ألله راح أقدم وأتمنا أن كل العراقيين يرتاحون ويعيشون مثل العالم .....وأحنه نستحق هذه العيشة

SIRAQS · « **رد #159 في:** 11:12 23/01/2011 »

انشاء لله يارب لله يسهل علينه كلنه يارب شلونج شيري روووووووم منورين

شيري روم · « **رد #160 في:** 11:18 23/01/2011 »

السلام عليكم اخواني جميعاّ ..

شلونكم اليوم ان شاء الله بخير يارب

واخواني المتفائل وSIRAQS منورين ويارب تتيسر اموركم باسرع وقت

yamaar · « **رد #161 في:** 11:59 23/01/2011 »

السلام عليكم جميعا وان شاء الله اسبوع خير وعافية على الجميع
اشكرك اخوية مطر على الاجابة وان شاء الله التسهيل للجميع
انته طالعلك توطين لو دتنتظر
المهم ان شاء الله كل الكروب تتسهل امورة باقرب وقت ممكن
تحياتي وسلامي لجميع الاعضاء

SIRAQS · « **رد #162 في:** 18:11 23/01/2011 »

منور الاخ yamaar صديقي انت كم مقابله مقابل؟؟؟؟؟؟ بس وحده مال الحمايه

ارجو التوضيح صديقي علمود نستفاد منك اذا بيه مجال

yamaar · « **رد #163 في:** 19:03 23/01/2011 »

اللام عليكم اخ SIRAQS اني مقابل مقابلة حماية مع عائلتي ووالدتي واخي وفي نفس اليوم واللحظة 29/6 اتصلوا باخي ووالدتي توطين فقط علما اننا نفس الكيس قبل 2 شهر ولحد الان لا اتصلو باهلي ال اي او ام ولا اتصلوا بية توطين ومنعرف شنو الموضوع

الله كريم يظهر الامور جدا مخربطة وماكو اي دراسة مجرد كلام

الله يسهل على الجميع

AmirAliraqi · « **رد #164 في:** 22:30 23/01/2011 »

شلونكم شباب , بنات ؟؟؟ اخباركم ؟؟

قبل كم يوم وصل والدي من بغداد و راح للمفوضيه اليوم كال اريد تضيفوني بلملف ويه عائلتي الموضف انطي الوالد موعد بعد اسبوع , بس كال تجون كلكم ...

احنه مقابلين مقابله اولي بعد ليش مرة ثانية نروح ويه الوالد ؟؟؟

SIRAQS · « **رد #165 في:** 23:47 23/01/2011 »

اخ yammar يعني انت وعائلتك واخوك والدتك يعني كلمن ملفه لواحده بس انتو مسوين ربط بيناتكم ؟؟؟؟؟

انزين شنو اخوك من 29/6 شنو صار بهذا التاريخ؟؟؟؟؟

كرادي مغترب · « **رد #166 في:** 03:13 24/01/2011 »

سلام عليكم اخواني الكرام

اليوم اول يوم بلشو بالمقابلات المحلفين وانشاء الله يجيكم السره

تحياتي للجميع

شيري روم · « **رد #167 في:** 11:41 24/01/2011 »

السلام عليكم اخوان

يامار ,,امير ,,SIRAQS ,,كرادي ,,سارة كلفورنيا ,, المتفائل ,,وباقي الاعضاء شلونكم ان شاء الله بخير ..

واخ امير اعتقد طلبوكم كلكم لان حيحولون الملف باسم الوالد وبعد شوف باقي الاعضاء شجاوبوك ..

وان شاء الله تتيسر امور جميع العراقيين الصابرين

SIRAQS · « **رد #168 في:** 15:39 24/01/2011 »

صديقي انت كل واحد اله ملف لوحده وانت سويت ربط بيناتكم ؟؟؟؟ظ ارجو الرد لان اني واخي هم مسوين ربط ارجو انت اتوضحلي ؟؟؟؟؟؟؟

علي النعيمي · « **رد #169 في:** 15:57 24/01/2011 »

اخوان الربط يتم فقط في قسم الحماية اني امي واختي اجو ورانة كلولهم نريد نسوي ملفنة واحد وبة ابني مقبلو كالو ملف ابنج مرحلة متقدمة فقط في قسم الحماية يتم الربط واذا يصعد لولة ما متكدر تربط ملفك وية اهلك في حال كانو اول مرة مقابلين يحولوهم نفس الدولة اما ربط ميصير

SIRAQS · « **رد #170 في:** 16:06 24/01/2011 »

شكر صديقي على النعيمي اني اشكرك على الرد بس افهم من كلا مك انو واحد اذا يربط ملفين لازم في نفس الوقت امقدمين يعني من نفس المرحله ؟؟؟؟؟؟ظ يعني ما يصير اذا واحد ملفه واصل مرحله ويجي واحده هستوه مقدم يربط وي ملف مثلا اخو الي ملفه متقدم ؟؟؟؟؟؟؟؟

هشكل قصدك اخ علي النعيمي

ارجو التوضيح

علي النعيمي · « **رد #171 في:** 16:13 24/01/2011 »

اخي يتم ربط الملف فقط في قسم الحماية لايجوز ربط ملف من قسم الحماية الى قسم التوطين في حالة وحدة يربط انو ملف الي بقسم التوطين غير مقدم توطين بعد لدولة ما يحق لقسم الحماية رفع الملف ودمج الملف مع قسم التوطين اهم شي انو الملف بقسم التوطين ممحول لدولة ما يحق لربط الملف

كرادي مغترب · « **رد #172 في:** 23:31 24/01/2011 »

مقتبس من: AmirAliraqi في 22:30 23/01/2011

شلونكم شباب , بنات ؟؟؟ اخباركم ؟؟

قبل كم يوم وصل والدي من بغداد و راح للمفوضيه اليوم كال اريد تضيفوني بلملف ويه عائلتي الموضف انطي الوالد موعد بعد اسبوع , بس كال تجون كلكم ...

احنه مقابلين مقابله اولي بعد ليش مرة ثانية نروح ويه الوالد ؟؟؟

اخ امير لازم كلكم تروحون لان راح يتحول الملف بأسم الوالد ويسحبون الورقة القديمة ويصدرولكم وحدة جديدة ويصوروكم حتى يدرجوكم بنفس الورقة الجديدة وهذا شي طبيبعي لان والدك يعتبر من الدرجة الاولى .

مطر مطشر · « **رد #173 في:** 00:38 25/01/2011 »

مقتبس من: yamaar في 11:59 23/01/2011

السلام عليكم جميعا وان شاء الله اسبوع خير وعافية على الجميع
اشكرك اخوية مطر على الاجابة وان شاء الله التسهيل للجميع
انته طالعلك توطين لو دتنتظر
المهم ان شاء الله كل الكروب تتسهل امورة باقرب وقت ممكن
تحياتي وسلامي لجميع الاعضاء

العفو اخوية ..والله اني ممقابل توطين لحد الان علما انه اني مستلم ورقة الحماية ببداية شهر الخامس
الله كريم ويفرجها على الكل ان شاء الله

شيري روم · « **رد #174 في:** 11:05 25/01/2011 »

السلام عليكم جميعا ...

شلونكم اخواني ..ويارب تكون هل الايام ايام خير ع الجميع وتتيسر معاملاتكم ...

SIRAQS · « **رد #175 في:** 16:31 25/01/2011 »

منورين ولله شباب وبنات

AmirAliraqi · « **رد #176 في:** 16:50 25/01/2011 »

شكراا حبي ***كرادي مغترب*** علي الرد

SIRAQS · « **رد #177 في:** 17:32 25/01/2011 »

شباب اني عندي سوال خارج عن مواضيع اللجوء (انتو شنو جاي اسون طول اليوم يعني اشلون ادكضوه)؟؟؟؟؟

كرادي مغترب · « **رد #178 في:** 18:14 25/01/2011 »

مقتبس من: AmirAliraqi في 16:50 25/01/2011

شكراا حبي ***كرادي مغترب*** علي الرد

بالخدمة اخوية امير تدلل واني حاظر الاي سؤال

SIRAQS · « **رد #179 في:** 02:30 26/01/2011 »

مرحبا شباب سمعتو بهذا الخبر مال الاخبار بانو على اساس المنظمه مال شؤون اللجئين والحكومه العراقيه برجعون للجئين رجعه طوعيه وعلى اساس سوف يتم غلق اليو ان وما اعرف شنو يعني سمعتو بهذا الشي؟؟؟؟؟؟؟

شنو فلمنه هسه احنه المقدمين جدد

كرادي مغترب · « **رد #180 في:** 03:56 26/01/2011 »

اللَّهُمَّ لاَ تَدَعْ لَنَا ذَنْبَاً إِلاَّ غَفَرْتَهُ، وَلاَ هَمَّاً إِلاَّ فَرَّجْتَهُ،وَلاَ سُوءاً إِلاَّ صَرَفْتَهُ، ، وَلاَ مَرِيِضَاً إِلاَّ شَفَيْتَهُ، وَلاَ مُبْتَلَىً إِلاَّ عَافَيْتَهُ،وَلاَ عَدُوَّاً لِلإِسْلاَمِ وَالمُسْلِمِيِنَ إِلاَّ خَذَلْتَهُ، وَلاَ طَاغِيَةً إِلاَّ قَصَمْتَهُ، وَلاَ بَاطِلاً إِ...لاَّ أَزْهَقْتَهُ، وَلاَ حَاجَةً مِنْ حَوَائِجِ الدُّنْيَا وَالآخِرَةِ هِيَ لَكَ رِضَاً وَلَنَا فِيِهَا صَلاَحٌ إِلاَّ أَعَنْتَنَا عَلَى قَضَائِهَا وَيَسَّرْتَهَا يَا أَرْحَمَ الرَاحِمِيِن

شيري روم · « **رد #181 في:** 11:29 26/01/2011 »

مقتبس من: SIRAQS في 02:30 26/01/2011

مرحبا شباب سمعتو بهذا الخبر مال الاخبار بانو على اساس المنظمه مال شؤون اللجئين والحكومه العراقيه برجعون للجئين رجعه طوعيه وعلى اساس سوف يتم غلق اليو ان وما اعرف شنو يعني سمعتو بهذا الشي؟؟؟؟؟؟؟

شنو فلمنه هسه احنه المقدمين جدد

السلام عليكم اخويه العزيز ..
اخويه الامم المتحده ما تغلق ابوابها لان الوضع وخاصة بالشرق الاوسط الى الاسوأ يعني هي مفتوحه لمساعدة الناس موتعوفهم بوقت ازماتهم وشغلة العراق ما تصفى والكل تعرف هل الشي وهم مستفادين من عدنا فلاتصور هالكلام صحيح ..وهاي اشاعه من ضمن الاشاعات الاربعه الي تداول كل شهر بالمنتدى ..

SIRAQS · « **رد #182 في:** 16:09 26/01/2011 »

شكر شيري روم على الرد بس اني شفته في الاخبار اكو بعض الاخوان منزيلين الموضوع وخالي رابط مال موقع الاخبار دخلي وشوفي يعني مطلعيه با لاخبار

؟؟؟؟؟؟؟؟
هذا رابط الموقع مال الاخبار الي شفت بي الخبر ..........اني كلش ضجت ولله واكو غير موقع همين الي هو موقع مال (السومريه)

http://www.un.org/arabic/news/fullstorynews.asp?newsID=14330

شيري روم · « **رد #183 في:** 16:51 26/01/2011 »

مقتبس من: SIRAQS في 16:09 26/01/2011

شكر شيري روم على الرد بس اني شفته في الاخبار اكو بعض الاخوان منزيلين الموضوع وخالي رابط مال موقع الاخبار دخلي وشوفي يعني مطلعيه با لاخبار

؟؟؟؟؟؟؟؟
هذا رابط الموقع مال الاخبار الي شفت بي الخبر ..........اني كلش ضجت ولله واكو غير موقع همين الي هو موقع مال (السومريه)

http://www.un.org/arabic/news/fullstorynews.asp?newsID=14330

اخويه هم يحجون باحداث ما تصير الا بعد اشهر اذا مو سنوات ..
وبعد الظروف بالعراق مداشوفها للاسوأ موللافضل وخاصة المناطق الغربيه ..

SIRAQS · « **رد #184 في:** 20:08 26/01/2011 »

اي صح كلامج بي ما فهمت شنو خاصه المناطق الغربيه بله اشلون اني مو من الناطق الغربيه من المناطق الجنوبيه شلون بله فهميني ؟؟؟؟؟

شيري روم · « **رد #185 في:** 11:22 27/01/2011 »

السلام عليكم اعضاء جمعيتنا الغالين ..

شلووونكم يارب بخير ..

اخ SIRAQS لا تهتم لهل الموضوع وقصدت بالمناطق الغربيه الي هي غرب العراق وبغداد اكثر شي لحد الان بيها الاغتيالات وامور ما اريد اذكرها ..وانت مادام مهدده حياتك وحتى لوكنت من الجنوب فلاتخاف ..واني قريت موضوع الامم المتحده وبخصوصو ايجاد الحلول لمشكلة اللاجئين اولا هم كالوا الرجعه تكون طوعية مو اجباريه وحتى لو تصير اجبارية لا سامح الله فهم ماحيرجعون كل اللاجئين اكيد لان اكو لاجئين الدول مستفادة منهم ..
والله كريم ولا تظل تفكر بهل الموضوع..

واعضاء الجمعية وينكم اشو ماكو ؟؟؟
ان شاء الله المانع دخولكم خير

المتفأل · « **رد #186 في:** 11:31 27/01/2011 »

السلام عليكم ..... أخواني بالجمعية أشلونكم siraqs العزيزة شيري روم .... مااعتقد أنهم راح يغصبون اللاجئين عل العودة ...... لانه أني من راجعت بالعكس أكو أهواي كاعد يقدمون على اللجؤء ومن سألت أهناك على هاي الاخبار كال الموظف ..... حبيبي المنظمة مستمرة على مساعدة العراقيين المحتاجين مساعد

كرادي مغترب · « **رد #187 في:** 12:31 27/01/2011 »

سلام عليكم

اكد هذا الخبر وصحيح وعقد مؤتمر في بغداد بين رئيس الوزراء العراقي و الامين العام لشؤون اللاجئين وتحدثو في هذا المجال بس لحد الان لم ينفذ يعني بس كلام وانتبهو على ورقة اليوان مالتكم الي يحملها اكو فقرة مكتوبة الى حاملي هذة الورقة لايسمح اي جهة بتسفيرك قسريآ .... وهذا القرار مال الاجئين يعني العودة الى البلاد طوعية وليس قسريآ

متغرب وضايج · « **رد #188 في:** 14:34 27/01/2011 »

السلام عليكم الى الاخوه الكرام القائمين على هذه الجمعيه ارجو منكم فقط اجابتي على هذا السوال
المنظمه الساميه او اي قسم يتبع المفوضيه من يتصلون هل يطلع رقمهم بالتليفون لو شنو علمود واحد ينتبه وشكرا جزيلا سؤالي غريب لانه اني جديد
تقبلو تحياتي

كرادي مغترب · « **رد #189 في:** 14:50 27/01/2011 »

مقتبس من: متغرب وضايج في 14:34 27/01/2011

السلام عليكم الى الاخوه الكرام القائمين على هذه الجمعيه ارجو منكم فقط اجابتي على هذا السوال
المنظمه الساميه او اي قسم يتبع المفوضيه من يتصلون هل يطلع رقمهم بالتليفون لو شنو علمود واحد ينتبه وشكرا جزيلا سؤالي غريب لانه اني جديد
تقبلو تحياتي

اخي الكريم من يتصلون اليوان يطلع عندك ( الرقم الخاص يتصل بك) او (لايوجد رقم يتصل بك )

AmirAliraqi · « **رد #190 في:** 15:00 27/01/2011 »

سلام عليكم...

شلونكم حبايب ؟؟؟

اي حبي متغرب وضايج ميطلع رقم ولاشي بس يطلع مكتوب رقم خاص

تلكه هاي البيانات مكتوبه بلكتيب اللي اخذته بلمقابله الاولي ...

و بلنسبة للخبر كلام فاضي هواي انكال و رئيس الوزراء بدال هلحجي خلي يضب الامن و العراقيين بنفسهم يرجعون, و الأمم مو بكيفهم يسفرون ...

حتي الموظف بلمقابله الاولي سألني ترجعون للعراق طوعيا ؟

كتله اي عادي ارجع بس بشرط تكتبلي ورقة علي مسئولية الامم المتحده بأن لو رجعنه مراح يصيبنه شي و احنه نرجع , هو سكت ...

SIRAQS · « **رد #191 في:** 16:53 27/01/2011 »

عاشت ايدك اخ امير على هذا الجواب ولله ضحكتني هههههههههه

اخ متفأل شنو من رجعت سالت الموظف ؟؟؟؟؟انت قدمت لو لا ارجو ان تخبرنه اذا قدمت بس علمود نطمئن لا اكثر ولا اقل وانت براحتك ؟؟؟؟؟

احترامي الى كل الاعضاء منورين

شيري روم · « **رد #192 في:** 11:10 28/01/2011 »

يا رب في يوم الجمعة وعدت عبادك بقبول دعواتهم فيه
سأدعووا لقلب قريب لقلبي
(اللهم ارزقه ما تريد وارزق قلبه ما يريد واجعله لك كما تريد...
اللهم قدر له ذلك قبل ان تاذن لشمس الجمعة قبل المغيب)
جمعة خير وبركه ع الجميع ان شاء الله

كرادي مغترب · « **رد #193 في:** 15:03 28/01/2011 »

اشكرج اختي شيري على الدعاء بارك الله بيج

(COBRA) · « **رد #194 في:** 15:24 28/01/2011 »

شونكم شباب انشالله زينين
اخر الاخبار .....شكو ماكو

AmirAliraqi · « **رد #195 في:** 15:27 28/01/2011 »

شلونكم ؟ ؟ ؟

جمعة مباركة عليكم و الله يستجيب منكم دعائكم ...

SIRAQS · « **رد #196 في:** 16:24 28/01/2011 »

منوري ولله شبابا وبنات اكلكم اني عندي سوال خارج هذه المواضيع (انتو شنو جاي اسون يعني شلون ادكضون اليوم اني بصراحه ضايج انتو شنو جاي اسون؟؟؟؟؟؟)

AmirAliraqi · « **رد #197 في:** 23:29 28/01/2011 »

بلنسبه اليه ماعندي غير قضية الوالده

افتر بلمستشفيات و علي الاطباء و جيب تقرير و اخذ تقرير و فحوصات ...

بحيث ارجع للبيت تعبان اخلي راسي و انام و اكعد المغرب نسوي عشي لو اروح اتسوك و طبخ نتعشي و اجي علي النت اسولف ويه جماعتي و انام ...

و حاليا بهلاسبوع العملية مال أمي و اريد منكم تدعولهه تكوم بسلامه