المحرر موضوع: جمعيه منتظرين المحلفين و منتظرين السفر/الاردن (زيارة 687836 مرات)

ــــ{{{ABADY}}}ـــــ · « **رد #1000 في:** 16:57 19/06/2011 »

الامانى

مشواااار طويييييييييييييييييييييييييييييييييل

مقابلات ومحلفين وبيها القسم طبعا وبصمات وفحوصات وتجيكات امنيه وجدوله سفر وموعد سفر وطياره وسلامتك

dynamic · « **رد #1001 في:** 17:46 19/06/2011 »

اخوية عبادي الي دتكولة صحييييييييييييييح 100% بس بعد شهر او شهرين او سنه او سنتين العلم عند الله .

اخوان لتفكرون تره الامر بيد الله مو بيد المحلفين .

وكدامكم اكبر دليل الاخ bon ذاك الاسبوع كان جدا متعب والامور الان تيسرت والحمد لله .

ان شاء الله تتيسر على الجميع

تحياتي للكل

SIRAQS · « **رد #1002 في:** 20:50 19/06/2011 »

مبرووووووووووووووووووووووووووك اخ bon لله يفرح قلبك ويفرك كلب كل لاجئ يارررررررررررررررررررررررب ويسهله علي ههههههههههههههه

bon · « **رد #1003 في:** 20:58 19/06/2011 »

شكرا اخ siraq الله يسهلهه عليك وتتيسر امورك مو بعيده عن رب العالمين اني جنت قبل كم يوم بالظلام وسبحان الله فتحلي باب الامل

علاء علاء · « **رد #1004 في:** 21:37 19/06/2011 »

اخ عبادي وجميع الاخوه اتصلت بالاي اوام ابلوغوني اني على جدول المقابلات وابقي هاتفك مفتوح لغرض الاتصال بك ........حسب رايك كم تطول المده في مثل هذه الحاله ........مع تقديري وشكري الجزيل

ــــ{{{ABADY}}}ـــــ · « **رد #1005 في:** 22:11 19/06/2011 »

اخ علاء اذا حظك حلو من شهر الى شهرين

واذا ما عندك حظ ما اريد اصدمك

بالتوفيق اخى

شيري روم · « **رد #1006 في:** 10:30 20/06/2011 »

السلام عليكم شلونكم يارب الكل بخير ..

اخ bon الف مبروك والله كلش فرحتلك ويارب تتيسر امورك وتسرع مقابلاتك لiom

وان شاء الله تسهل امور كل الاعضاء ..بحيل الله

AmirAliraqi · « **رد #1007 في:** 14:52 20/06/2011 »

ان شاءالله خير أخويه علاء علاء و تقابل ,,

هاي يا مقابله محلفين لو الاولي؟

شلونكم شباب اخباركم ؟ مشتاقين

علاء علاء · « **رد #1008 في:** 15:03 20/06/2011 »

اخ امير هاي مقابله اولى تقبل تقديري واحترامي.............

AmirAliraqi · « **رد #1009 في:** 21:39 20/06/2011 »

حبي علاء شوكت اخذت الكيس نمبر منهم ؟

espero · « **رد #1010 في:** 23:10 20/06/2011 »

احنه خلصنه من اليو ان ..انوبه استلمونا جماعة ال iom كلما تسالهم يابه اشو طولت الشغله ..ايكوللك شغلتك تحت الاجراء ...تلفونك لا تقفله ..اشحنه دائما ..لا تخليه على الصامت ....انتظر من عدنه تلفون ومن تنام خليه جوه المخده ...وعلى هالرنه ..اطحينچ ناعم
واحنه وياهم والزمن طوووووويل
تحياتي للجميع

bon · « **رد #1011 في:** 08:11 21/06/2011 »

اخ espero على هالشغله الواحد جان تحت الصفر وبده ويه جماعهiom من الصفر.........تحياتي

AmirAliraqi · « **رد #1012 في:** 11:53 21/06/2011 »

تهون شباب و تصير سوالف ولا تخلون فكركم و بالكم عليهم ,, لان ما نحصل غير وجعان قلب ,, بس نتابع وياهم و الله كريم ,,,

تحيااااتي للجميع

الخزرجي · « **رد #1013 في:** 22:45 21/06/2011 »

السلام عليكم شباب شلونكم يارب تكونون بخير ويارب الفرج القريب للجميع

عندي استفسار شباب شلون واحد يكدر يشتغل بعمان الظروف صعبة وواحد مديكدر يدبرحالة هيةكلهة بيدالله ونكول الله كريم

بس اكو فد شي قانون يمنع الواحديشتغل تني سمعت اللي يشتغل بدون فيزة عمل يكولولة الله وياك ويسفروا

الامانـــــي · « **رد #1014 في:** 23:02 21/06/2011 »

سلام عليكم
جماعه الادرن ... اليوم قرار نزل مفاده ان اي شخص بالاردن ما من حقه يحول اي مبلغ من الفلوس من داخل الاردن الا اذا كان مقيم فقط هااي بخصوص الناس العادين اما اصحاب الشركات فلهم اجراءات اخرى
تحياتي واحترامي

AmirAliraqi · « **رد #1015 في:** 01:17 22/06/2011 »

ولله اختي الاماني الضالة مسامع بهذه الخبر ,, و ما اعتقد احد يحول فلوس ههههه الوضع تعبان الكل تستلم حوالات بس ...

dynamic · « **رد #1016 في:** 10:54 22/06/2011 »

صبحكم الله بالف خير

والله اخوان بالنسبة الى العمل في الاردن بدون اقامة مجازفة لان اذا لزموك لاسامح الله يعطوك انذار اول ومجموع 3 انذارات تسفير حسب مانسمع من الاخوة العراقيين والun متكدر تسويلك شيء في حالة مخالفتك لقانون البلد .

تليقا على التحويل فهذا الموضوع لايشمل العراقيين الي مقدمين الى un لان اكييييدهذوله الناس اكيد فقط يستلمون من خارج الاردن ههههههه والقرار صائب اقلها نخلص من الرشاوي الي تندفع للعراقيين وهمه بالعراق طبعا عدا الشرفاء منهم .

تحياتي للجميع

شيري روم · « **رد #1017 في:** 11:04 22/06/2011 »

مقتبس من: الخزرجي في 22:45 21/06/2011

السلام عليكم شباب شلونكم يارب تكونون بخير ويارب الفرج القريب للجميع

عندي استفسار شباب شلون واحد يكدر يشتغل بعمان الظروف صعبة وواحد مديكدر يدبرحالة هيةكلهة بيدالله ونكول الله كريم

بس اكو فد شي قانون يمنع الواحديشتغل تني سمعت اللي يشتغل بدون فيزة عمل يكولولة الله وياك ويسفروا

السلام عليكم .. اخويه بالنسبه لاستفسارك

اني من زارتنا الباحثه الاجتماعيه قبل فتره سألتني كالت انتواتشتغلون جاوبتها لا وين اكو شغل النا

كالت لا اكو شغل للاجئين بس باماكن معينه ... زين هي هاي شنو الاماكن ما ادري ؟؟!!!

وبعد ماندري هو كل واحد يكول شكل

علاء علاء · « **رد #1018 في:** 11:54 22/06/2011 »

اخوان حبية استفسر سامعين اتعرفون جماعه امقابل مقابله اولى بالاي او ام وهمه متحولين الاي او ام بعد الشهر الثامن 2010لان اليوم اتصلت بالاي او ام كالولي سراك بعده وحنه نمشي عله السره والسره واصل لتسلسلات الشهر الثامن السنه الماضيه...........بس اني اعتقد كلام هذه الرجل غير مضبوط لان احنه انشوف بالمنتدى اكو ناس الكيس نمبر 122 وبعدهم لامقابله اولى ولا ثانيه وقسم جبير منهم مامقابل محلف وانشوف اكو ناس 124 قابلت محلف .......حته انيسالته كتله اخويه مو حسب الكيس كال احنه مالنه علاقه بالكيس احنه نمشي عله التسلسلات للكيسات لعدشنو بعض الاخوه يتصلون يكلولهم قيد الدرس بالاي او ام وشنو تتقدم تسلسلات على اخرى......ارجو من جميع الاخوه مناقشة والاستفسار على هذه الموضوع واذاصدق كلام هذه الشخص يعنياحنه والسنتين.....................

espero · « **رد #1019 في:** 12:39 22/06/2011 »

شلونكم يابه
اني اعتقد ان موضوع التسلسلات للكيس نمبر ماله علاقة بمقابلات ال iom وانما شغله تعتمد على الكيس نفسه وحالة العائلة وضوابط اتخص الشخص الي يناقش الحالة ويكتب التوصية
تحياتي

dynamic · « **رد #1020 في:** 13:16 22/06/2011 »

اخواني واخواتي الاعزاء

الموضوع الي طرحه اخونه علاء علاء جدا مهم وان شاء الله نناقشه .

طبعا اني اخوية متحول من شهر ال 11 ورقمه 1235xx ولحد الان ممقابل بس حسب علمي ما اله علاقه بالتسلسلات لان كثير من الاخوة قابلوا وهم بنفس الوقت متحولين .

الموضوع حسب تحليلي الشخصي ان جماعة الun المتحولين من ها والي ماعدهم شغل مع الامريكان يمشون ب التسلسل وياهم والاخرين يكون عدهم سرة اخر .
وكل واحد ياخذ نصيبة بهذه الدنيا
وكونوا اكثر تفاءل وان شاء الله الخير جاي

تحياتي للجميع

ــــ{{{ABADY}}}ـــــ · « **رد #1021 في:** 13:21 22/06/2011 »

مقتبس من: dynamic في 10:54 22/06/2011

صبحكم الله بالف خير

والله اخوان بالنسبة الى العمل في الاردن بدون اقامة مجازفة لان اذا لزموك لاسامح الله يعطوك انذار اول ومجموع 3 انذارات تسفير حسب مانسمع من الاخوة العراقيين والun متكدر تسويلك شيء في حالة مخالفتك لقانون البلد .

تليقا على التحويل فهذا الموضوع لايشمل العراقيين الي مقدمين الى un لان اكييييدهذوله الناس اكيد فقط يستلمون من خارج الاردن ههههههه والقرار صائب اقلها نخلص من الرشاوي الي تندفع للعراقيين وهمه بالعراق طبعا عدا الشرفاء منهم .

تحياتي للجميع

اخى وين اكو انذارات خو مو كره قدم؟؟؟؟؟؟؟؟؟؟!!!!!!!!!!!!!!!!!!

اخى اى واحد يشتغل يعتبر مخالف للقوانين وعندك البافى

SIRAQS · « **رد #1022 في:** 14:22 22/06/2011 »

شباب شنو الموضوع ما فهمت شنو موضوع علاء

dynamic · « **رد #1023 في:** 14:28 22/06/2011 »

والله يا اخ عبادي اي هي مثل ما تكول كرة قدم ؟؟؟؟؟؟؟

متدري ال un او iom او بالشغل لازم تنهزم من يجي التفتيش لان عندي انذار اول وبعدين يخصم من الاقامة اخاف ماعندك علم وووووو.
فاكيد كرة قدم والملعوب بي هو العراقيين والاعب معروف ذكرته سابقا .

المهم منريد نخلي احد يياس اخوان الي يلكه شغل خلي يتوكل على الله ويشتغل ولتسمعون من عين كاوة هوايه ترة التشائم حل على عين كاوة والواحد ميكدر يكتب حته موضوع يفرح ليطلعلة 100 واحد يكذبة .
الله كريم وتحياتي للجميع وخلي نتفاءل احسن ما واحد يكذب الاخر ولنصير علامة براس الغير .

dynamic · « **رد #1024 في:** 14:56 22/06/2011 »

اخ S IRAQ S
قابلت توطين لو بعدك

تحياتي للكل

ــــ{{{ABADY}}}ـــــ · « **رد #1025 في:** 14:59 22/06/2011 »

صديقىdynamic المحترم

الشغله لا شغلت علامه ولا تشائم

((هذه الوثيقه لا تخول حاملها الحصول على تصريح عمل او اقامه))هذا كلام اليوا ان ......فى ورقه الحمايه اللى عندنا

يعنى حتى اليوان لا تحمى اى واحد مخاف للقوانين للدوله واى واحد يشتغل مخالف للقوانين.....وخلى الناس تشتغل بس الواحد يكون حريص على نفسه لان اذا مسكوه الوافدين (((صدقنى يا اخى الشغله مافيها انذارات)))

بالنسبه لى صارلى 11 سنه اشتغل هنا وهذا عن تجربه صديقى لازم ننور الاخوان بما فيه مصلحه لهم

فى ملاحضه.....كثير ردود هنا غير صحيحه وهذا يسبب مشاكل للسائل اللى يريد يعرف او محتار بشى محدد

بالتوفيق اخى

dynamic · « **رد #1026 في:** 15:17 22/06/2011 »

مقتبس من: ــــ{{{ABADY}}}ـــــ في 14:59 22/06/2011

صديقىdynamic المحترم

الشغله لا شغلت علامه ولا تشائم

((هذه الوثيقه لا تخول حاملها الحصول على تصريح عمل او اقامه))هذا كلام اليوا ان ......فى ورقه الحمايه اللى عندنا

يعنى حتى اليوان لا تحمى اى واحد مخاف للقوانين للدوله واى واحد يشتغل مخالف للقوانين.....وخلى الناس تشتغل بس الواحد يكون حريص على نفسه لان اذا مسكوه الوافدين (((صدقنى يا اخى الشغله مافيها انذارات)))

بالنسبه لى صارلى 11 سنه اشتغل هنا وهذا عن تجربه صديقى لازم ننور الاخوان بما فيه مصلحه لهم

فى ملاحضه.....كثير ردود هنا غير صحيحه وهذا يسبب مشاكل للسائل اللى يريد يعرف او محتار بشى محدد

بالتوفيق اخى

اخوية العزيز عبادي تحياتي واحترامي الك والى كل الاخوة الاعزاء
كلامك هو نفس الي ردت ان اوصله للاخوان يعني احنه دنعاني الامرين وماكو عدنه غير الصبر .
المهم الله ييسر كل الامور للجميع

وخلي نكون اكثر تفاءل للمستقبل

تحياتي اخوية العزيز

ــــ{{{ABADY}}}ـــــ · « **رد #1027 في:** 15:21 22/06/2011 »

تحياتى الك واخ عزيز

m.a.m · « **رد #1028 في:** 15:53 22/06/2011 »

مساء النور

انشالله الجميع بخير بس اريد اسأل شلون واحد يعجل من مقابلته بالنسبة للiom لان صار من شهر الواحد متحول ملفي عليهم وليهسه ولامقابلة مع العلم ادز ايميلات واخابر وماكو نتيجة شنو الاجراء اللي يمشون بيه الله يصبرنا ويصبر الجميع وتفرج انشالله

ــــ{{{ABADY}}}ـــــ · « **رد #1029 في:** 15:59 22/06/2011 »

للاسف ماكو اى طريقه بس الايميلات وطبعا رحمه الله الواسعه

علاء علاء · « **رد #1030 في:** 16:44 22/06/2011 »

الاخ عبادي المحترم ارجو تكرمكم بابداءرايكم حوله مداخلتي السابقه وكذلك كل الاخوه المحترمين...........اخ دايمنك اشكر دخولك تقبل احترامي وامنياتي للجميعبالتوفيق

m.a.m · « **رد #1031 في:** 16:51 22/06/2011 »

شكرا اخي عبادي وكل الاخوة الاعضاء والله ارحم الراحمين وهو يفرجهه عالكل انشالله

gheed · « **رد #1032 في:** 17:23 22/06/2011 »

متى الفرج

29-3-2011 هي بس هاي المقابله الوحيده الفريده بيها حصلنه ورقه الحمايه ومن ذاك اليوم لا خبر لا جفيه لا حامض حلو لا من المفوضيه ولا من الباحثه الاجتماعيه

اذا اكو احد مقدم بعد هذا التاريخ او قبله بفتره بسيطه ممكن اعرف اذا قابل مقابله اخرى او لا لا دااحس اني من الجماعه اللي راح تنام عليهم الطابوكه

espero · « **رد #1033 في:** 17:30 22/06/2011 »

مقتبس من: m.a.m في 15:53 22/06/2011

مساء النور

انشالله الجميع بخير بس اريد اسأل شلون واحد يعجل من مقابلته بالنسبة للiom لان صار من شهر الواحد متحول ملفي عليهم وليهسه ولامقابلة مع العلم ادز ايميلات واخابر وماكو نتيجة شنو الاجراء اللي يمشون بيه الله يصبرنا ويصبر الجميع وتفرج انشالله

مادري شكولك ...اشو دا ادزلك رساله على الخاص ماتوصل ...

m.a.m · « **رد #1034 في:** 17:41 22/06/2011 »

شكرا اخي espero اني اختك ام حنين ومع الاسف مااستلم رسائل عالخاص صار سوء فهم

m.a.m · « **رد #1035 في:** 18:55 22/06/2011 »

اخي gheed والله اني مقدمة عاليوان من سنة 2007 وبنهاية 2008 يللا قابلت توطين وهسه يللا حولو ملفي عالiom وليهسه ولا مقابلة يعني الشغلة مو قياس اكو بسرعة يحولو واكو اتطول شغلته الله كريم ماعدنه غير الصبر

ــــ{{{ABADY}}}ـــــ · « **رد #1036 في:** 19:07 22/06/2011 »

مقتبس من: علاء علاء في 16:44 22/06/2011

الاخ عبادي المحترم ارجو تكرمكم بابداءرايكم حوله مداخلتي السابقه وكذلك كل الاخوه المحترمين...........اخ دايمنك اشكر دخولك تقبل احترامي وامنياتي للجميعبالتوفيق

صديقى المحترم علاء

الاى او ام من تجيهم ملفات من اليو ان لكل ملف كيس......هناك لجنه تدرس كل ملف على حده طبعا تكون الاولويه لاصحاب القضايا المهمه

وليس قياس الترتيب فى المقابلات على الارقام الكيس نمبر

espero · « **رد #1037 في:** 19:09 22/06/2011 »

مقتبس من: m.a.m في 17:41 22/06/2011

شكرا اخي espero اني اختك ام حنين ومع الاسف مااستلم رسائل عالخاص صار سوء فهم

اتشرفت بيك اختي الكريمة ....اني ردت انطيك فكره عن ماطلبتيه ....هذا كل مافي الامر

espero · « **رد #1038 في:** 19:11 22/06/2011 »

الصفحة الثامنه

:Dوالله مو خوش شغله ..اشو بسرعه كمزنه للثامنه

m.a.m · « **رد #1039 في:** 21:00 22/06/2011 »

مشكور اخي espero وبارك الله بيك وانشالله كلنا اخوة ونساعد بعضنا البعض

dynamic · « **رد #1040 في:** 22:14 22/06/2011 »

تحياتي اخوان ومبروك الصفحة الثامنه

علاء علاء · « **رد #1041 في:** 23:49 22/06/2011 »

اخ عبادي اني على علم بهذه موضوع اللجنه وتقيمالملفات حسب الكيسات بس ابن الحلال اليوم دوخني الي اتصلت عليه بالاي او ام ..........واني على يقين ان هناك ملفات رقمه 122 ممقابله لحد الان اولى في حين اكو ملفات ارقامه124 اكملت حتى المحلف مما يعني ان التسلسلات لاعلاقه لها بموضوع الاولويات فهل حضرتك معي في هذا التحليل......تقبل شكري الجزيل على مرورك الكريم انته وجميع الاخوه في المنتدى والجمعيه

ــــ{{{ABADY}}}ـــــ · « **رد #1042 في:** 06:33 23/06/2011 »

اخ علاء معناه كلامى فى الاعلى انى معك وكلامك صحيح مئه بالمئه

SIRAQS · « **رد #1043 في:** 09:47 23/06/2011 »

مبررررررررررروك على الصفه الثامنه انشاء لله خير يارب

dynamic · « **رد #1044 في:** 16:59 23/06/2011 »

تحية طيبة

طبعا رأي الاخ عبادي مضبوط لان اخوية متحول الى ال iom من 11 2010 ولحد الان ممقابل اي مقابلة ومن خابرناهم اخر مرة كلوله انو همه بانتظار الكيس مال اخوك يجي من ال un يعني ينتظرني لان همه مقدمين على الكيس تبعي فالموضوع ما له علاقة ب التسلسلات مال الارقام فاكيد يسون دراسه ثانية على الملفات ويحددون والله كريم .

تحياتي للكل

اخوان بالمناسبة اخوية بعثوا له مسج ال un لاستلام الكارت الازرق يوم الاحد والمسج استلمه الساعة 10 ليلا

SIRAQS · « **رد #1045 في:** 11:22 24/06/2011 »

هلا ولله باعضاء الجمعيه شلونكم

الخزرجي · « **رد #1046 في:** 16:08 24/06/2011 »

شكرا اختي شيري روم على الاجابة ولو متأخرة بس جانت حاسبتي عاطلة وممتابع والفمبرك على الصفحة الجديدة والله ييسر على الجميع

علاء علاء · « **رد #1047 في:** 13:02 25/06/2011 »

ونكم اخوان الجمعيه طافره للثانيه ........................شنوامعطلين خميس وجمعه وسبت

SIRAQS · « **رد #1048 في:** 19:12 25/06/2011 »

ORKAY هلا خويه بيك منور على راسي حبي اني الحمد لله انت اشلونك؟؟

غزوان الاعظمي · « **رد #1049 في:** 20:16 25/06/2011 »

السلام عليكم

شلون الصحه و الاحوال .. مبروك الصفحه الثامنه و ياربي يكون بيها الخير للجميع

اعذروني على الانقطاع لان زوجتي يمي ...

و حبيت ارويكم الجواز الكندي .. لحد يكلي ليش

AmirAliraqi · « **رد #1050 في:** 21:59 25/06/2011 »

شلونكم شباب ,, اتمني الكل بخير ,, ان شاءالله صفحة خير علي الجميع ,,,

حبيبي غزوان شلونك ..؟؟ مشتاقين ,,

غزوان لتخليني اراويلك جوازي العراقي هههههه

تحياتي للجميع ,, احنه بعدنه لا مقابلة ولا اتصال ولا شي,,

SIRAQS · « **رد #1051 في:** 17:31 26/06/2011 »

هلا صديقي امير اشلونك شخبارك شباب الجمعيه شلونكم غزوان شن هذا الجواز؟؟؟؟؟؟؟؟؟؟؟؟؟مال زوجتك

SIRAQS · « **رد #1052 في:** 17:34 26/06/2011 »

هلا بيك امير فد سوال ممكن اكلك هسه اني خلصت من مقابله التوطين شنو هسه انتظر iom ايخابروني علمود ينطوني رقم الكيس لو انتظر اليو ان؟؟؟؟؟؟؟؟؟؟؟؟

شكر الك ارجو الرد

espero · « **رد #1053 في:** 17:53 26/06/2011 »

شلونكم كلكم
اترخص من الاخ امير وراح اجاوب الاخ SIRAQS
عيني
هناك احتمالين
تكون قصتك مقنعه وخاضعه للضوابط الخاصة بالتوطين راح تتحول خلال فتره قصيرة لل IOM وهمه يتصلون بيك وينطوك الكيس نمبر او انت تتصل بيهم خلال اسبوعين تسالهم عن معاملتك وصلت الهم لو لا وتستفسر عن الكيس نمبر
او
الشخص اللي قابلك مو كلش اقتنع بالقصة مالتك وبضروفك الصعبه فينوم الملف يمه مثل ما حصل لبعض الاخوان وكلما تتصل بال UN يكولولك ملفك تحت الاجراء وتحت الدراسه ...الخ
اتمنى تتحول بسرعه للهجره وتلزم سره
بالتوفيق للجميع
تحياتي

dynamic · « **رد #1054 في:** 18:04 26/06/2011 »

مبروك اخوية SIRAQS
وان شاء الله تتحول بسرعة الى IOM
تحياتي للجميع

ــــ{{{ABADY}}}ـــــ · « **رد #1055 في:** 18:39 26/06/2011 »

مقتبس من: SIRAQS في 17:34 26/06/2011

هلا بيك امير فد سوال ممكن اكلك هسه اني خلصت من مقابله التوطين شنو هسه انتظر iom ايخابروني علمود ينطوني رقم الكيس لو انتظر اليو ان؟؟؟؟؟؟؟؟؟؟؟؟

شكر الك ارجو الرد

اخى انت متحول على الهجره.....

ابعثهلم ايميل وهم يردوا عليك ويعطوك كيس نمبر

AmirAliraqi · « **رد #1056 في:** 19:32 26/06/2011 »

مشكورين علي الردود شبااااب ,, انت تواصل وياهم و اسئلهم ,, بلنسبة النه طول حوالي شهرين و اسبوعين يلا تحول الي IOM و اخذنه الكيس نمبر ,,

ان شاءالله بأقرب وقت تتحول

SIRAQS · « **رد #1057 في:** 12:07 27/06/2011 »

تسلمون اخوان على الردود اني ممنون الكم واحدواحد لله يسهل على الجميع

SIRAQS · « **رد #1058 في:** 12:12 27/06/2011 »

اخ ABADY اني بعدني ما اعرف اتحولت للهجره لو بعدني لان اني صارلي تقريبا 10 ايام من قابلت توطين فما ادري اتحولت لو لا فشلون ادزلهم ايميل

gheed · « **رد #1059 في:** 12:25 27/06/2011 »

السلام عليكم

اخوتي الاعزاء

عندي استفسار صار هاي اكثر من مره اسمع من اشخاص اعتياديين انه اليو ان توقفت عن اعطاء مواعيد للعراقيين المتقدمين الجدد اكو هيج شي ؟ احد سمع هيج شي ؟ لو بس اشاعات

وبالنسبه اللي اني قابلت بتاريخ 29-3-2011 اول مقابله ويه وحده اردنيه اخذت معلومات وسجلتها عالحاسبه وانطتني ورقه الحمايه اللي كل سته اشهر تتجدد ولحد هسه ماكو شي

ــــ{{{ABADY}}}ـــــ · « **رد #1060 في:** 15:29 27/06/2011 »

مقتبس من: gheed في 12:25 27/06/2011

السلام عليكم

اخوتي الاعزاء

عندي استفسار صار هاي اكثر من مره اسمع من اشخاص اعتياديين انه اليو ان توقفت عن اعطاء مواعيد للعراقيين المتقدمين الجدد اكو هيج شي ؟ احد سمع هيج شي ؟ لو بس اشاعات

وبالنسبه اللي اني قابلت بتاريخ 29-3-2011 اول مقابله ويه وحده اردنيه اخذت معلومات وسجلتها عالحاسبه وانطتني ورقه الحمايه اللي كل سته اشهر تتجدد ولحد هسه ماكو شي

والله اشاعه

ــــ{{{ABADY}}}ـــــ · « **رد #1061 في:** 15:34 27/06/2011 »

مقتبس من: SIRAQS في 12:12 27/06/2011

اخ ABADY اني بعدني ما اعرف اتحولت للهجره لو بعدني لان اني صارلي تقريبا 10 ايام من قابلت توطين فما ادري اتحولت لو لا فشلون ادزلهم ايميل
[/quote

اخى اتظر شوى ودزلهم ايميل خلى فيه اسمك ورقم ملفك باليو ان وراح يردوا عليك بنفس اليوم

IC@iom.int

هذا ايميل الهجره

SIRAQS · « **رد #1062 في:** 20:04 27/06/2011 »

ABADY تسلم خوي على الرد ما اتقصر اني انتظر فد شهر وادزلهم ايميل

gheed عيني ماكو هشكل حجي اني قابلت قبل 10 ايام والناس الى هذه الحظه ديسجلون تسجيل جديد

الخزرجي · « **رد #1063 في:** 21:12 27/06/2011 »

السلام عليكم شباب شلون الصحة ان شاء الله بخير

شباب رحت للباحثة الاجتماعية قبل عشرة ايام تقريبا وكلتلي حطيتك على جدول زيارات تقييم الوضع ولحد الان لاحس ولاخبر يطولون همة هيج فترة اكثر لو لازم اراجع مرة ثانية .

سؤالي الثاني تلقيت تهديد جديد قبل فترة على الانترنت اروحلهم اودليهميا لو ماكو داعي اني كلولي لاتودي راح يأثر بشكل سلبي على ملفك .

gheed · « **رد #1064 في:** 22:07 27/06/2011 »

مقتبس من: الخزرجي في 21:12 27/06/2011

السلام عليكم شباب شلون الصحة ان شاء الله بخير

شباب رحت للباحثة الاجتماعية قبل عشرة ايام تقريبا وكلتلي حطيتك على جدول زيارات تقييم الوضع ولحد الان لاحس ولاخبر يطولون همة هيج فترة اكثر لو لازم اراجع مرة ثانية .

سؤالي الثاني تلقيت تهديد جديد قبل فترة على الانترنت اروحلهم اودليهميا لو ماكو داعي اني كلولي لاتودي راح يأثر بشكل سلبي على ملفك .

اخويه اني مقدم على الباحثه الاجتماعيه يوم 29-3-2011 وكلتلي خليتك عالجدول وسالتني عندك اقامه وناوي تاخذ اقامه وجاوبتها بلا عندي ولا راح اسوي وذاك يوم وهذا يوم وللعلم اني عندي طفل عمره ست اشهر وماكو اي شي لحد هسه من جهه الباحثه الاجتماعيه

dynamic · « **رد #1065 في:** 15:12 28/06/2011 »

الله ارحم الراحمين اخوان لدوخون نفسكم الله شكاتبلم يصير حاولوا انتو على الباحثة وان شاء الله خير.

ولا تستعجلون على رزقكم الله الرزاق

تحياتي للكل

شيري روم · « **رد #1066 في:** 16:27 28/06/2011 »

السلام عليكم شلونكم ..يارب الكل بخير

اخوان تره شغلة الباحثه الاجتماعيه يرادلها صبر يعني شهرين وفوك يله تم الزياره ..

وبالنسبه الك اخ siraqs انت بعد فد شهر يمر ع موعدك وابدي اتصل عليهم واستفسر وين فايلك وان شاء الله يتحول باسرع وقت

واخوان لا ادوخون بشغل اليو ان بعد مايقبل ومدري شنو هاي كلها كلاوات ..وهو مافاتح بس النا هاي منظمه عالميه وماترفض اي مضطهد كان من اي دوله

dynamic · « **رد #1067 في:** 16:33 28/06/2011 »

اخوان ردت اعلق على موضوع الun والتوقف .

اليوم جيرانه سكنوا بالجديد قبل اسبو واليوم كان عدهم مقابلة حماية وهذا دليل انوا قبل اسبوع كان التقديم عادي فكلها كلاوات لاتوقف ولا شي من هذا القبيل .

تحياتي للكل

SIRAQS · « **رد #1068 في:** 19:41 28/06/2011 »

هلا شباب شلونكم شخباركم ماكو شي جديد شيري روم ولله اني صالي 3 اشهر مقدم على الباحثه و لحد هذا اليوم ما طلعو كشف بس لله كريم

شيري روم انتي صرفولج راتب لو بعدج

شيري روم · « **رد #1069 في:** 09:59 30/06/2011 »

السلام عليكم شلونكم ...

اخ siraqs انت دترسللهم ايميلات مناشده مثل ما كلتلك لو لا ؟؟

لان هم يأخرون ع الساكت

واي الحمدلله احنا استملنا هالشهر راتب و110 دينار اول ما استلمناها راحت للغاز والماي والكهرباء ..يله الحمدلله ع كل شي احسن من ماكو

gheed · « **رد #1070 في:** 11:57 30/06/2011 »

السلام عليكم

شلون ممكن الواحد يسوي مناشده بالنسبه للباحثه الاجتماعيه ؟؟؟ شنو التفاصيل اللي المفروض يكتبها واكو ايميل للباحثه الاجتماعيه ؟؟؟
وصحيح موضوع الباحثه الاجتماعيه والراوتب يطول بالنسبه للساكنين عمان الغربيه ؟؟؟
وصحيح اللي يكتبلهم مناشدات اذا كانت عالباحثه او عاليو ان يطولوها عليه لو العكس هو الصحيح ؟؟؟

من ناحيه اخرى اكو شخص تعرفت عليه بالصدفه موعد طيارته يوم 12 -7-2011 الى امريكـــــــــــــــــــــــا يمكن هاي بشاره للكل انه اكو عالم دتسافر

dynamic · « **رد #1071 في:** 12:26 30/06/2011 »

اي هذا خوش خبر اخت gheed هيج اخبار تشرح القلب

ان شاء الله ييسر اموركم كلها

تحياتي للجميع

بالمناسبة اخت شيري تعليق على المناشدات ب الايميل من اني ارسلت 10 مناشدات مامستلمين ولا وحدة ويكولون افضل واسرع اذا ترسله بالبريد العادي يعني تخليه بالبريد الي بالباب .

تقبلوا مداخلتي مع احترامي

gheed · « **رد #1072 في:** 12:35 30/06/2011 »

اخ dynamic

شنو الكليشه اللي تنكتب بالمناشده ؟

espero · « **رد #1073 في:** 13:11 30/06/2011 »

السلام عليكم
اني اليوم جنت باليو ان لان استحق تجديد ورقة الحماية .....هاي اولا
المراجعات كلش هوايه على الباحثة الاجتماعية وكلها تشكي من تاخر التقييم والزيارات ...والباحثة اتكوللهم كلكم على الجدول بس اكو اولويات
افضل طريقة للباحثة الاجتماعية الواحد ايروح بنفسه لا ايميل ولا رساله لان الناس هواااايه
والله بالنسبة للي سأل على موضوع السكن في عمان الغربية اكيد نوع الشقه وموقعها واثاثها يأثر على التقييم
بالنسبة للاخوان الي ديستلمون فلوس صارلهم فتره ...تره اكو غارات طيارية من اليو ان يسموها اعادة تقييم ويجون فجأة تحياتي للجميع

dynamic · « **رد #1074 في:** 13:15 30/06/2011 »

الاخت gheed

تعنون المناشده الى مدير المفوضيه الساميه لشؤؤن اللاجين
والموضوع يكون طلب توطين وتذكرين اسم ورقم الهاتف ورقمك بالمفوضية وتتكلمين عن وضعك بالاردن المادي والنفسي .

بالمناسبة اذا تريدين معلومات اكثر عن الموضوع الاخ شمعة في منتدانا ممكن ترسلي له على الخاص ولح يفيدك بالنصائح ولايبخل عليج باي شيء.

تحياتي لكل

AmirAliraqi · « **رد #1075 في:** 14:27 30/06/2011 »

شلون الصحه أخوان .......

يلا خير ان شاءالله أهم شي يطلعونه بسرعه منريد رواتب علي كولة شيري متكفي الكهرباء و الغاز

شلون الامور ماكو اخبار جديدة ؟

SIRAQS · « **رد #1076 في:** 20:57 01/07/2011 »

مرحبا شباب شلونكم

SIRAQS · « **رد #1077 في:** 21:02 01/07/2011 »

مرحباااااا شيري شلون ادز مناشدات للباحثه الاجتماعيه؟؟؟؟؟؟؟؟؟؟؟؟؟؟؟؟؟

AmirAliraqi · « **رد #1078 في:** 22:57 01/07/2011 »

SIRAQS اكتب المناشدة بورقة و خليها بظرف و اكتب عليها الي الباحثة الاجتماعية و اودعها بلصندوك باب المفوضية و ان شاءالله توصل ...

شنو الاخبار شباب محد قابل ؟ اتصال ؟ كلشي ماكو

de goey · « **رد #1079 في:** 08:57 02/07/2011 »

شلونكم شباب ..... حاب اكون معاكم بالجمعية ....
اني م شهر واحد حصلت ورقة الحماية و لحد هسه صافية دافية
نتمنى من اصحاب الخبرة مساعدتنا بعطائنا نصائح وتوجيهات حكيمة

espero · « **رد #1080 في:** 12:45 02/07/2011 »

مراحب شباب

ان شاء الله الجميع بخير
نرحب بالعضو الجديد de goey الي انظم الى مجموعتنه نيابه عن باقي الاعضاء ونتمناله الموفقيه
بالنسبة الك اخي الكريم ماعندك هسه اي شي غير ان تنتظر شغلتين
الاتصال من اليو ان بخصوص التوطين وتخبرنها بوكتها علمود الاخوان ينطوك النصائح اللازمة لكيفية التعامل مع المحامي
والشغله الثانية مسالة الباحثه الاجتماعية اذا كنت مسجل عليها وتنتظر زيارة التقييم ,اذا ردت تحصل على مساعدات ماليه لازم تكون شقتك بمنطقة فقيرة او متوسطه

..الاثاث بسيط ..الايجار بالعقيد جوه ال 150 دينار ,,,
تقبلوا تحياتي

dynamic · « **رد #1081 في:** 13:37 02/07/2011 »

السلام عليكم اخوان
واهلا وسهلا بالعضو الجديد وان شاء الله عن قريب يتصلون بيك .

اصبر اخوية همه خلكهم طويل وهيه كلها على الله فان شاء الله خير .

تحياتي للجميع

SIRAQS · « **رد #1082 في:** 15:54 02/07/2011 »

لله كريم

AmirAliraqi · « **رد #1083 في:** 17:32 02/07/2011 »

اهلا بيك اخويه de goey بجمعيتنه و اتمني تستفاد من خبرة الاعضاء

تحياتي للكل

espero · « **رد #1084 في:** 10:34 03/07/2011 »

مرحب شباب
سؤال كلش زغيروني
اكو ناس دتسافر ؟؟؟؟؟؟؟؟؟؟؟؟؟؟؟

dynamic · « **رد #1085 في:** 11:46 03/07/2011 »

سؤالك ممتاز اخ اسبيرو ؟؟

بس اكيد اكو ناس دتسافر اني اعرف جماعة سافروا نهاية السادس وكالوا اكو عوائل ويانه بس المشكلة في المنتدى ماكو احد يكول يخاف من الحسد اي متكلي على شنو تخافون اشكلها داخله باسماء مستعارة وايميلات مفبركة ههههههه.

المهم لدوخ روحك الي يسافر لنفسه مو النه خلي نكمل امورنه والله كريم .

تحياتي للجميع

espero · « **رد #1086 في:** 13:10 03/07/2011 »

عمي بالعافية على الي ايسافر

........ بس الموضوع اني رحت الخميس للمفوضية علمود اجدد ورقة الحمايه .....لو ادري مارايح ...بقيت نص ساعه سمعت طن اشاعات ورجعت ...الي ايكولك هسه معاملات العراقيين دتتاخر لان المفوضيه ملتهيه بالسوريين واليمنين والليبين ..مادري هذوله منين طلعونه صفح ...؟؟؟؟؟ واحد ثاني يحلف بالطلاق انه صديق صديقه امريكي يشتغل بالمفوضيه كاله صار 5 شهور محد ديسافر لان الازمة الاقتصادية باميركا وفلوس ماكو ..... نبص واحد وانطانه فتوى كال اني صديقي ديسافر بالمطار رجعوه ........ فاني ردت اعرف اذا احد يعرف جماعه سافروا خلال المدة الفاتت بسسسس
تحياتي

dynamic · « **رد #1087 في:** 15:27 03/07/2011 »

خوية ليش متدري العراقيين معروفين بالاشاعات وخاصة الاشاعات الي تهبط معنويات الواحد لتسمع من احد احسن اللك واني شاهد على سفر عراقي من الاردن 1 6 2011 الساعة 10 صباحا واكو غيرهم كثيرين الي ديسافرون اخوية بس العالم متريد تحجي وبصراحه حقهم لان بس يردون يوصلون .

وانته دتشوف المنتدى مالتنه شبي من اشكال كاعد تكتب مواضيع حدث ولا حرج والمشكله ما كو اي رقابة عليهم واشكد من الكتابات تكول المفوضية لح تغلق والمنظمه متقبل احد ومن هذا الكلام الي مابي اي معنى ليش همه يستحون من عدنه اذا يردون يكولون بعد منريد عراقيين وبعدين الحكومه العراقية والخارجيه لعنت الله عليهم كل يوم يدزون للامم المتحده لالغاء برامج اعادة التوطين ويجيهم الرفض فاخوية اني برأي انو الواحد يظل على منتدى ملتنا البسيط ونتبادل معلومات بيننا واذا اكوا شيء يعصي علينه نستشير الاخ شمعة لان هو اكثر معرفة بامور اللجؤ .

لدوخ هيه تصفه اذا ربك يريدك تطلع فتطلع وخلي الي يحلف بالطلاك يروح يطلك احسن اله.

تحياتي لجميع الاعضاء

SIRAQS · « **رد #1088 في:** 17:49 03/07/2011 »

السلام عليكم شباب مع احترامي للاخرين ولالخون العراقين ما يبطولون من الاشاعات والنفاق شسالفه هو واحد طايح حظ حظه بالانتظار مال اليو ان وامره تعبانه وواهس ماكو ومزاج زباله هنوب الجماعه كل ساع واح يفتي فتوه شكل

شيري روم · « **رد #1089 في:** 10:20 04/07/2011 »

UP Up

aws love · « **رد #1090 في:** 11:08 04/07/2011 »

ألاشاعه ... ليش العراقين عندهم غير القيل والقال الله ايسامح كل واحد ايريد الاذيه بس اخوان ما انكول بس انكول
حسبي الله ونعم الوكيل تحياتي وصباحكم مشرق

AmirAliraqi · « **رد #1091 في:** 15:01 04/07/2011 »

انسووو شباب اصلا الموضوع ميستاهل واحد يحجي بي

جماعة iom متواصلين وياهم؟؟ و شنو ردودهم ؟ محد منكم دخل بجدول المقابلات ؟

تحياتي

غزوان الاعظمي · « **رد #1092 في:** 15:17 04/07/2011 »

هلاووو شباب شلووونكم مشتاقين اخبار امورات

انشاء الله بخير .. اني اعذورني مدا اجي هوايه للمنتدى و مدا اشارك بس تدرون اجه الصيف و بدووو الكرايب يدفقون من كل انحاء العالم .. و ملتهي همين بزوجتي ...

بالنسبه للملف اي شي جديد ماكووو بعدني بال iom و انتضر وجبه المحلفين الجايه يهلون و بلكن يلوحني سره و اقابل

و همين دا افكر ابلش بمعامله كندا بس المحلفين مأخريني لان اريد اشوف اذا قبلوني المحلفين ابقه على امريكا و اذا نرفضت كبل احول على كندا لم شمل و هيه تصفه

تحياتي للجميع و مشتاقين بعنف

SIRAQS · « **رد #1093 في:** 20:25 04/07/2011 »

لله كريم شباب تصفه لله كريم

SIRAQS · « **رد #1094 في:** 17:01 05/07/2011 »

هلا ولله شباب شلونكم شو ماكو نشاط هل ايام شنو السالفه ؟

علاء علاء · « **رد #1095 في:** 22:34 05/07/2011 »

هدوء وسكينه

SIRAQS · « **رد #1096 في:** 12:06 06/07/2011 »

ماكو واحد قابل اي او ام ؟؟؟؟؟؟؟؟؟؟؟؟

espero · « **رد #1097 في:** 13:28 06/07/2011 »

مو خوش سنطه هاي

اني مواظب على ارسال ايميل كل عشرة ايام لل iom استفسر عن موعد المقابلات ...وهمه ايجاوبوني نفس الجواب ...اطمان ...خليك واثق انه راح نتصل بيك من ينزل اسمك بالجدول .....يعني لا اني متعاجز من السؤال ولا همه متعاجزين من الجواب

يمكن راح ايسووها اوتو ربلاي على رسائلي بس

والله كريم

m.a.m · « **رد #1098 في:** 16:07 06/07/2011 »

مرحبا اخواني واخواتي

الحمدلله اني قابلت اولى وثانية بالiom يوم الخميس وجانت مقابلة سريعة مو اكثر من ساعة ودانتظر المحلفين اذا خلوني على جدول المقابلات رقم الملف 123 تحويل من اليوان من شهر الواحد وانشالله تفرج على الجميع ويقابلون ويسافرون

اختكم ام حنين

espero · « **رد #1099 في:** 18:27 06/07/2011 »

يعني على حساب الاخت ام حنين واذا اكو جدوله تقريبية فاحنه نقابل بعد شهرين او تلاثه ......

خلي اروح انام لعد

bon · « **رد #1100 في:** 20:54 06/07/2011 »

اخ espero زين اذا بعد شهرين وتلاثه المهم مو اكثر .....مو كل خطوه 6 اشهر ......هاي اذا تذكرونه

شيري روم · « **رد #1101 في:** 10:55 07/07/2011 »

وهم UP

عراقي طافرة روحة · « **رد #1102 في:** 13:32 07/07/2011 »

السلام عليكم شلونكم شخباركم
حبيت اسال بنسة الي شخص اعزب يريد يقدم جديد على يو ان هل المستمسكات المطلوبة الجنسية وشهادة الجنسية والجواز فقط ام كذللك يحتاجون من عندة بطاقة السكن والبطاقة التموينية

SIRAQS · « **رد #1103 في:** 14:10 07/07/2011 »

مرحبا شباب شلونكم اهلا بيك صديقنا العزيز يسال عن المستمسكات المطلوبه جنسيه وشهاده جنسيه وجواز وشنو عندك جيبه وياك

espero · « **رد #1104 في:** 14:13 07/07/2011 »

مراحب شباب
عراقي طافره روحه ....ليش اكو عراقي ماطافره روحه ؟؟؟؟؟؟ مرحبا بك اخي الكريم
يحتاجون فقط الجواز وهويه الاحوال و شهادة الجنسية
تقبل تحياتنا

SIRAQS · « **رد #1105 في:** 19:08 07/07/2011 »

اي ولله اسبيرو هو اكو واحد ما طافره روحه

AmirAliraqi · « **رد #1106 في:** 21:19 07/07/2011 »

أهم شي تطفر لأمريكا

علاء علاء · « **رد #1107 في:** 03:29 08/07/2011 »

اخ امير الاخت شيري وكل الاخوان الكرام الي منتظرين مقابله اولى وثانيه انتو من تتصلون بالاي او ام هم يكلولكم انتو عله جدول المقابلات شو هذه كلما اتصل بي يكلي انتظر انخابرك انته عله جدول المقابلات شنو اشكد يطول هذه الجدول ..............تقبلو تحياتي

espero · « **رد #1108 في:** 16:42 08/07/2011 »

جمعه مباركة ان شاء الله
الاخ علاء اني البارحه دزيت ايميل لل iom اسالهم على موعد المقابلات وطبعا نفس الرد ....ملفك تحت الاجراء وراح نتصل بيك بمجرد مايتم تحديد موعد لك
نفس الكليشة صارلها شهرين
تحياتي

شيري روم · « **رد #1109 في:** 17:28 08/07/2011 »

السلام عليكم ...جمعه مباركه ع الجميع ان شاء الله

اخويه عراقي وطافره روحه اهلا بيك .. وانت اي مستمسك عندك يفيد

اخ علاء اي نفس الشي هم كليشه وحده عندهم ويكولوها النه ..

نصبر والله كريم ..احنا الحمدلله اهم شي صرنا يمهم ..وان شاء الله تتيسر امور الجميع

AmirAliraqi · « **رد #1110 في:** 19:25 08/07/2011 »

نفس الكلام $:-\$

شيري روم · « **رد #1111 في:** 10:46 09/07/2011 »

وهم UP UP

AmirAliraqi · « **رد #1112 في:** 22:10 09/07/2011 »

بقت عليه؟ UP

de goey · « **رد #1113 في:** 09:59 10/07/2011 »

طبعا اشكر الاخ espero
على الترحيب ... و حاب اسأل اخوان هل صحيح بعد التجديد يتم تغير صفتي في ورقة الحماية من طالب لجوء الى لاجىء ام يتم ذلك بعد الحصول على توطين....لآن صراحا اني بعدني ما متصلين بيه من اول مرة سجلت كما ذكرت سابقا و خبروني ناس انه بعد التجديد يتم التأكد من انه اني لاجىء فعلا و مطالع من البلد من 6 شهور ... فيعطون هذه الصفة الي هل هذا الكلام صحيح ...

وهلا فعلا بعد التجديد يكون موضوع التوطين اسرع ام لا؟

وشكرا

SIRAQS · « **رد #1114 في:** 14:57 10/07/2011 »

مرحبا صديقي اني جددت الورقه ماتي مال حمايه وبقت طالب لجوء ما اتغيرت

espero · « **رد #1115 في:** 17:37 10/07/2011 »

مية هله اخويه
تتغير الصفه في ورقة الحماية من طالب لجوء الى لاجيء عندما يتم اعادة التوطين .....اي بعد ان تقابل مقابلة التوطين وتتحول الى منظمة الهجرة الدوليه حيث يتم الاعتراف بك كلاجيء
تقبلوا تحياتي

SIRAQS · « **رد #1116 في:** 22:41 11/07/2011 »

ها شله شنو السالفه صنطه ماكو شي جديد

SIRAQS · « **رد #1117 في:** 18:42 12/07/2011 »

ها شباب شنو السالفه حتى كومينتات ما بيكم اتكتبون ؟؟؟؟؟؟؟؟؟؟ ههههههههههههههههه

gheed · « **رد #1118 في:** 21:01 12/07/2011 »

السلام عليكم

اليوم طارت طياره لامريكا ساعه 10:30 دقيقه صباحا بتاريخ 12-7-2011

يوم اللي يطيرون الكل

AmirAliraqi · « **رد #1119 في:** 21:46 12/07/2011 »

ولله حبي SIRAQS بلنسبة النه فدنعيش حالة الله لا يشوفهه لاحد ,, اصلا ناسي كلشي و مركزين علي امي

المسكينه صارلها اسبوع في غيبوبه و نايمه مستشفي لا تاكل ولا تشرب ولا تحجي ,, شنسوي لا حول ولا قوة الا ب الله

لا تنسونه من الدعاء

الخزرجي · « **رد #1120 في:** 00:11 13/07/2011 »

السلام عليكم شباب ان شاء الله بخير شباب اليوم اتصلت باليوان استفسر منهامعن قضيتي كالولي التوطين متصلين بيك وممحصليك كلتلهم اني مطالع وتليفوني مفتوح فطلعوا كاتبين التليفون مالتي غلط فرديتلهم التليفون مالتي صحيح وكالوا راح يرجعون التوطين يتصلون بيك انتظر اتصالهم شنو يعني هذا ارجو الرد ان امكن

ــــ{{{ABADY}}}ـــــ · « **رد #1121 في:** 00:16 13/07/2011 »

لا حول ولا قوه الا بالله

الله يشافى الوالده اخ امير

اخوان الدعاء الدعاء الدعاء لامنا ام امير

الخزرجي · « **رد #1122 في:** 00:23 13/07/2011 »

يارب الشفاء العاجل ان شاء وماعدهة الا العافية وماتشوف شر ان شاء الله اخونة امير شتحتاج احنا اخوتك وان شاء الله مننساه من الدعاء

espero · « **رد #1123 في:** 10:18 13/07/2011 »

مرحب شباب
كان الله في عونكم اخي الكريم امير ...نتمنى الشفاء العاجل للوالده وان شاء الله ربي يرزقها الصحه والعافية

dynamic · « **رد #1124 في:** 11:24 13/07/2011 »

اخ امير الله يشافي الوالدة ويكون بعونكم الله كريم اخوية الله ارحم الراحمين .

SIRAQS · « **رد #1125 في:** 12:52 13/07/2011 »

ما عده ال العافيه يارب ولله يشافيه انشاء لله ياررررررررررررررررررررررررررررب

gheed · « **رد #1126 في:** 13:00 13/07/2011 »

اخ امير ان شـــاء الله الشــفاء العاجل للوالده

SIRAQS · « **رد #1127 في:** 23:27 13/07/2011 »

انشاء لله يارب

شيري روم · « **رد #1128 في:** 10:01 14/07/2011 »

السلام عليكم جميعا ...

اخ امير ان شاء الله الوالده ماعدها غير الصحه والسلامه يارب وبحيل الله تكوم باقرب وقت

اهم شي الدعء ويارب يشفي كل مرضانا

اني ليوم رحت لليو ان جددت ورقه الحمايه ولكيت يمكن نص العراق جاي هنا ...

وماطولت اقل من ساعتين

ويارب تسهل امور الجميع ..

de goey · « **رد #1129 في:** 11:15 14/07/2011 »

اخ امير العراقي
ان شا الله بالسلامة ترجعلكم يارب و يلطف بحالها و بحالكم

آمين يارب العالمين

SIRAQS · « **رد #1130 في:** 11:26 14/07/2011 »

مرحبا شباب مبروك على التجديد ورقه الحمايه شيري رووووووووووووم

هههههههههه

شيري روم · « **رد #1131 في:** 10:59 15/07/2011 »

يابا up up حتى احنا روحنا حتأبأب

شيري روم · « **رد #1132 في:** 10:33 16/07/2011 »

السلام عليكم شلونكم ...يارب الكل بخير

اني رسلت خبر لل iom كلتلهم سمعت المحلفين حيجون بيوم 25 فنطيتهم اقتراح ليش مايسوولي مقابله محلفين والمقابله الاولى والثانيه يلغوها كلتلهم اختصارا للوكت

فهم فرحوا كلش وكالولي تدللين واحنا صحيح بزمن السرعه

فالج الي تريدي

..ولا تصدكون هذا فيلم من افلام جماعه المنتدى اني الفته بقت عليه

وشنو السالفه شبيها الجمعيه نايمه

اخت aliz وينها اشو ماكو يارب المانعها خير

وباقي الاعضاء يارب الكل بخير وصحه وسلامه

espero · « **رد #1133 في:** 10:47 16/07/2011 »

شلونكم يابه ان شاء الله تكونون بخير جميعا
والله يا اخت شيري الوضع ميساعد بصراحه ...واهس ماكو ......اني كل عشرة ايام ادز ايميل للمنظمة وكل مره افوتلهم بدالغه شكل ...وهمه نفس الكليشه ....والفايل تحت الانجاز واطمان ومن هالسوالف المخدره ...... نهاية هذا الشهر اذا ماصار حلحله بالموضوع راح استخدم اخر ورقه والله يستر ههههههههههههه
تحياتي ويارب الجميع بصحة وسلامه

SIRAQS · « **رد #1134 في:** 21:16 16/07/2011 »

ها شباب شنو السالفه ماكو شي جديد ؟ هلو شيري روم شونج انتي صارلج اشكد من انطوج رقم ملفج في ال iom ؟؟؟؟؟؟؟؟؟؟؟؟؟؟

الخزرجي · « **رد #1135 في:** 23:20 16/07/2011 »

شباب الله يخليكم احد يرد علية

السلام عليكم شباب ان شاء الله بخير شباب قبل اسبوع اتصلت باليوان استفسر منهم عن قضيتي كالولي التوطين متصلين بيك وممحصليك كلتلهم اني مطالع وتليفوني مفتوح فطلعوا كاتبين التليفون مالتي غلط فرديتلهم التليفون مالتي صحيح وكالوا راح يرجعون التوطين يتصلون بيك انتظر اتصالهم شنو يعني هذا ارجو الرد ان امكن

شيري روم · « **رد #1136 في:** 10:54 17/07/2011 »

السلام عليكم ...

اخ espero شمدرينا وين حيصفينا الدهر ..المهم الحمدلله ع كل حال

اخويه SIRAQS صار تقريبا شهرين هاي حسب ذاكرتي الخرافيه

واخويه الخزرجي انت سوي الاكولك عليه ارسللهم ايميل واكتب بعنوانه الن قسم التوطين ..و كللهم انتوا مسجلين رقمي خطأ واتصلتوا عليه وبعد مانطيتكم رقمي الصحيح ما رديتوا واتصلتوا مثل ماكال الموظف واشرحلهم وضعك مايساعد تنتظر تأجيل المقابله او شي ومن هل الامور ...

والله يفرجها ع الجميع

اخ امير بشرنا شخبار الوالده يارب بخير وماعندها غير العافيه

الخزرجي · « **رد #1137 في:** 17:43 18/07/2011 »

الف شكر الج اختي شيري روم ويارب ييسر امرج وييسر امر الجميع شاكر فضلج ممنون منج اني دزيتلهم رسالة وانتظر الله كريم

mqh · « **رد #1138 في:** 18:49 18/07/2011 »

السلام عليكم اخواني
اني اختكم بالامارات وحابة اروح للاردن اقدم ,--يكولون اسهل لان صار سنة مقدمة على الunولحد الا ن ماكو اي اكشن على الفايل ومو بس احنة الكل هنا يتأخر ونصحونا نروح للاردن او تركيا بس المشكلة لازم نكنسل الا قامة واذا كنسلنة الاقامة بعد ماكو امل بالرجعة للامارات ...سؤالي هو الجوازات تظل يمنا لو ياخذوها وهل يحق لنا السفر للدول المجاورة ؟ والاهم من هذا هل يقبلونا لو ......؟ فأرجوكم الي عنده اي معلومات تفيدنا لايقصر والله يجعلها بميزان حسناتكم

ابو زيـــن · « **رد #1139 في:** 20:37 18/07/2011 »

والله يرادلي مكبرة حتى اقرأ الكتابة

espero · « **رد #1140 في:** 22:23 18/07/2011 »

مقتبس من: mqh في 18:49 18/07/2011

السلام عليكم اخواني
اني اختكم بالامارات وحابة اروح للاردن اقدم ,--يكولون اسهل لان صار سنة مقدمة على الunولحد الا ن ماكو اي اكشن على الفايل ومو بس احنة الكل هنا يتأخر ونصحونا نروح للاردن او تركيا بس المشكلة لازم نكنسل الا قامة واذا كنسلنة الاقامة بعد ماكو امل بالرجعة للامارات ...سؤالي هو الجوازات تظل يمنا لو ياخذوها وهل يحق لنا السفر للدول المجاورة ؟ والاهم من هذا هل يقبلونا لو ......؟ فأرجوكم الي عنده اي معلومات تفيدنا لايقصر والله يجعلها بميزان حسناتكم

اختي الكريمة
بالنسبة للوضع بالاردن اذا جيتي فمن الافضل ان تكنسلين اقامة الامارات لان المفوضيه السامية لشؤون الاجئين تنظر الى وضعيه اللاجئ المادية من كل النواحي ...
اذا قررتي المجي للاردن فطبعا راح تكونين بدون اقامة معناها لا تستطعين مغادرة الاردن الى دول الجوار والجوازات طبعا تبقى عندكم ...اما موضوع يقبلوكم لو لا فتعتمد اعتماد كلي على الاسباب الي راح تقدموها للمفوضيه في سبيل اعادة توطينكم ....يعني ينرادلكم قصة مرتبه مقنعه حتى ملفكم يمشي بسرعه وما يدخل عالم التحنيط ..الموضوع طويل وبيه تفاصيل كثيرة واحنه بالمجموعه ماراح نقصر ان شاء الله وحاضرين لاي استفسار
تقبلي تحياتي

SIRAQS · « **رد #1141 في:** 23:22 18/07/2011 »

هلو شباب شلونكم شنو الاخبار يا هلا ب الخوان الجدد هلا بيكم جميعا فردا فردا اخوان شو امير العراقي ما كو خبر منه

عمر عراقي · « **رد #1142 في:** 01:54 19/07/2011 »

مقتبس من: الخزرجي في 00:11 13/07/2011

السلام عليكم شباب ان شاء الله بخير شباب اليوم اتصلت باليوان استفسر منهامعن قضيتي كالولي التوطين متصلين بيك وممحصليك كلتلهم اني مطالع وتليفوني مفتوح فطلعوا كاتبين التليفون مالتي غلط فرديتلهم التليفون مالتي صحيح وكالوا راح يرجعون التوطين يتصلون بيك انتظر اتصالهم شنو يعني هذا ارجو الرد ان امكن

اخي هسه همه يتصلون بيك ان شاءالله بس انته من تروح هالمره انصحك نصيحه
تاخذلك سيم كارت ثاني على غير شركة يعني اذا عندك امنية تاخذ زين او اورنج
وتنطيهم رقمه حتى يكون عدهم رقمين الك اذا ميحصلوك على الاول يحصلوك على الثاني
حتى تتجنب التأخير بسبب خطأ بالرقم واتمنالك الموفقية

عمر عراقي · « **رد #1143 في:** 01:57 19/07/2011 »

مقتبس من: de goey في 09:59 10/07/2011

طبعا اشكر الاخ espero
على الترحيب ... و حاب اسأل اخوان هل صحيح بعد التجديد يتم تغير صفتي في ورقة الحماية من طالب لجوء الى لاجىء ام يتم ذلك بعد الحصول على توطين....لآن صراحا اني بعدني ما متصلين بيه من اول مرة سجلت كما ذكرت سابقا و خبروني ناس انه بعد التجديد يتم التأكد من انه اني لاجىء فعلا و مطالع من البلد من 6 شهور ... فيعطون هذه الصفة الي هل هذا الكلام صحيح ...

وهلا فعلا بعد التجديد يكون موضوع التوطين اسرع ام لا؟

وشكرا

اخي المفروض يغيرون الصفة من طالب لجوء الى لاجئ بعد مقابلة التوطين ..
بس هذي الفتره صارت مو شرط تنكتب بالورقة مال الحماية همه يعتمدون الصفة
بالكيس الخاص بيك الموجود عدهم وتبقى صفتك بالورقة طالب لجوء الى ان تسافر
واكو قسم يغيرولهم الصفة بعد التوطين يعني مو شي مؤثر لتخلي ابالك وبالتوفيق للجميع

عمر عراقي · « **رد #1144 في:** 02:09 19/07/2011 »

مقتبس من: mqh في 18:49 18/07/2011

السلام عليكم اخواني
اني اختكم بالامارات وحابة اروح للاردن اقدم ,--يكولون اسهل لان صار سنة مقدمة على الunولحد الا ن ماكو اي اكشن على الفايل ومو بس احنة الكل هنا يتأخر ونصحونا نروح للاردن او تركيا بس المشكلة لازم نكنسل الا قامة واذا كنسلنة الاقامة بعد ماكو امل بالرجعة للامارات ...سؤالي هو الجوازات تظل يمنا لو ياخذوها وهل يحق لنا السفر للدول المجاورة ؟ والاهم من هذا هل يقبلونا لو ......؟ فأرجوكم الي عنده اي معلومات تفيدنا لايقصر والله يجعلها بميزان حسناتكم

تكدرون تقدمون على اليو ان بعمان وبنفس الوقت تحتفظون باقاماتكم بالامارات
والمسئله بسيطة لكن تعتمد على طبيعة الاقامة بالامارات يعني اذا عدكم اقامة الامارات
تكدرون تدخلون للاردن بفيزا في المطار دون الحاجه لاستحصال فيزا مسبقه
مع تصريح اقامة لمدة ثلاثة اشهر وطبعا تكدرون تطلعون من الاردن الى اي دولة مجاورة اوغير مجاورة
عدا العراق
لان ذهابكم للعراق راح يأثر عليكم وتقريبا يدمر قصتكم ويصير موقفكم ضعيف جدا لان راح يعتبروكم باليو ان
غير مهددين.
طبعا الجوازات تبقه عدكم بس يلقون نظرة عليها بالمقابلة ويرجعوهه فورا ..
اذا قررتو تجون تجيبون وياكم كل المستمسكات الموجوده عدكم
اضافة الى اي مستند يدعم القصة وتتوكلون على الله وتقدمون
وتخلون ابالكم المسئلة مو سهله وطويلة ومعقدة وبتدخل بيها الحظ
بشكل كبير يعني التساهيل من الله سبحانه وتعالى والله يوفق الجميع

SIRAQS · « **رد #1145 في:** 19:53 19/07/2011 »

كلام عمر العرقي صح

mqh · « **رد #1146 في:** 12:08 20/07/2011 »

[size=12pt]السلام عليكم
عادل وهاب ....والله كبرتها الكتابة بس ماطلعت شسويلها

عمر العراقي
espero
SIRAQS
مشكورين والله يوفقكم ويجعلها في ميزان حسناتكم
طبعا هذا النك نيم مشترك بيني وبين زوجي يعني لاتتفاجأون من صيغة المذكر والؤنث في الكلام [/size]

SIRAQS · « **رد #1147 في:** 14:23 20/07/2011 »

لا عادي اهلا بيج وبزوجج

dynamic · « **رد #1148 في:** 15:55 20/07/2011 »

mgh اهلا وسهلا بك في الجمعية

اني نفس حالتك بالضبط كنت بالخليج وقدمت قبل سنه .
طبعا سالفة الاقامه تاثر لان يعتبروك بالخليج وعندك فلووووس فياخوك لان اني ما كنسلت الاقامة وكلتلي لح تكنسل كلته نعم كالت شنو الي يثبت كتلها اني ما عندي امكانيه اروح مع العائلة واكنسل ونطيته ورقه الشركه الي بها مكتو مستقيل وكالت رغم ان قصتك والاوراق مالتك قوية بس بالتوطين لح تتاخر يعني لو جاي من العرا وماعندك اقامه الخليخ خلال 3 اشهر توطين بس توطنت ب6 اشهر بالنهايه لاني املك فلووس بنظرهم همه ميدرون بالخليج شلون الواحد عايش .

وبالمناسبة لحد الان كملت 6 اشهر ثانية وممتحول ملفي لاني بالخليج وبالمناسبة اني قصتي (بالعراق جنت اشتغل مع الامريكان وعندي تزكيه منهم بس راتبي كان من الحكومه العراقية ).

وبالنهايه كلمن وحظه يعني مو شرط الي كلته ينطبق على الكل ارجو الانتباه لان الشخص الي يقابل وظروف المقابلة قد تغير الامور .

تحياتي للكل وسلامي للجميع وخاصة لاخونه امير ونتمنى الشفاء العاجل لوالدته

SIRAQS · « **رد #1149 في:** 22:20 21/07/2011 »

مرحبا اخ داينمك انت شنو قا بلت مقابله توطين وبعدك جاي تنتظر مقابله iom ؟؟؟؟؟؟؟؟؟؟؟؟؟؟؟ ارجو الاجابه

dynamic · « **رد #1150 في:** 10:49 22/07/2011 »

صبحكم الله بالخير اخواني واخواتي بالجمعية

اخوية العزيز SIRAQIS والله يا اخي صارلي 6 اشهر انتظر تحويل ملفي من المفوضية الغير سامية الى منضمة الهجرة وكل يوم عدهم حجاية شكل وكل يوم يكولون كلمة شكل ما ادري شنو القصة بس نكول الله كريم .

بالمناسبة اشو هي الشغلة كلها واكفة يعني اني التقيت بعائلة عراقية بنت وامها مسلمين الجوازات صارلهم 4 اشهر الى المنضمة ولحد الان ممسافرين وكثيرين ممن ينتظرون السفر زين اذا هدولة بعدهم ممسافرين احنه الي ممقابلين او ممتحولين شوكت نسافر ؟؟؟؟؟؟؟؟؟؟لح تكول الله كريم ......الله طبعا كريم منو كال الله بخيل بس !!!!!!!!! ما ادري شكول ان شاء الله خير
ولو بعض الاخوة يزعلون من هذا الكلام ويعتبروا تشاؤم بس هذ الواقع الي منريد نفكر بي .

تحياتي للجميع واسف على الاطالة

جمعة مباركة للجميع

espero · « **رد #1151 في:** 13:51 22/07/2011 »

السلام عليكم
جمعة مباركة علينا وعليكم
اخ dynamic كلامك مضبوط ..اكو تاخير بالموضوع والتاخير هذا مقصود وطبعا بهاي الحالة تكثر التكهنات والتسريبات ..ماريد اقول الاشاعات ومنها الي ايكول السبب عملية اعادة التحقيق بالمعلومات الامنية على خلفية القبض على العراقيين الاثنين في ولايه كنتاكي ...ومنهم الي ايكول الوضع الاقتصادي في اميركا متدهور واشاعة الرشاوي في المنظمة هنا في عمان ..كلام هوايه من هذا والله يعلم وين الصدك
وللتفائل هم اكو تسريبات ان العمليه راح تنطلق خلال الشهر الثامن وارح يشهد الوضع تسفير الي اكملوا معاملاتهم وطبعا همه هوايه كلش وبيهم الي فصح الطبي مالته جدده 3 مرات
احنه ماعدنه غير نصبر وانكول الله كريم وان شاء الله تفرج على الجميع
تقبلوا تحياتي

شيري روم · « **رد #1152 في:** 09:35 23/07/2011 »

up up

SIRAQS · « **رد #1153 في:** 14:02 23/07/2011 »

هاي شباب شلونكم شخباركم مالنه غير لله

SIRAQS · « **رد #1154 في:** 23:13 23/07/2011 »

اريد فشي جديييييييييييييييييييييييييييييييييييييييد

espero · « **رد #1155 في:** 11:40 24/07/2011 »

شلونكم شباب وشابات
صنطه مو ؟؟الملفات نايمه ؟؟؟ اني فكرت بحل اخطبوطي انحرك بيها ملفاتنه
اني اليوم دزيت ايميل لليو ان ..كتلهم وين الكارت الازرق مالتنه اشو كتولنه بس شهرين وصار ثلاث شهور وماكو لان اني مستعجل عليه كلش ( ليش مستعجل لحد يسالني

) والشرطه كل يوم يلزموني ايكولولي اذا ماعندك كارت ازرك نعلسك تره

القصد لازم نحرك ملفاتنه ونذكرهم بيها وهناك عدة طرق وحسب الحالة
الاخوان الي مامقابلين توطين بعدهم يروحون لليو ان ايكولولهم البارحه باليل طبكت جمسي اباب البيت ( بعمان طبعا ) ونزلوا منها اثنين ملثمين وشمرولنه ورقه وبيها طلقه مكتوب بيها احنه وراكم واركم الى ان تسافرون ياله انفك ياخه منكم

الاخوان الي قابلوا توطين هم ايروحون لليو ان ويقابلون المحامي ويكولوله البارحه حلمنه باليل انه ملفاتنه ضايعه والكومبيوتر بيه فايروس وكعدنه فازين من النوم ...صدك هذا الحجي لو لا ؟؟؟؟

واذا عدكم اي استفسار اني حاضر انطيكم حلول واستفسارات لكل كيس على حسب حالته

تحياتي للجميع

SIRAQS · « **رد #1156 في:** 14:18 24/07/2011 »

عااااااااااااااشت ايدك على هاي الحلول

dynamic · « **رد #1157 في:** 14:45 24/07/2011 »

اخ ESPERO
حلمك تحقق هههههههههههههههههه لان من رحت دا اجدد ورقة الحماية كالولي عندك مقابلة والمقابلة طولت ساعة ونص اني والعائلة واعادوا كل امعلومات كتلهم شنو الملف لو ضايع لو الحاسبة مضروبه فايروس وكلشي ما افتهمت منهم كل الي كاله ملفك تحت الانجاز كتله شنو يعني ميعرف اجوبة مختصرة وغير دقيقة حته اسمه ميكوله شنو يحجون على صدام طلعو انكس هاي عود مفوضية لا وسامية .المهم كتله يابه الفايل مرفوض كول ليش مستحي يكول هو لومرفوض كان كلنالك ليش انضم عليك يابة الاقامه تاثر كال بالعكس تسهل هوايه امور وهذا موضوع انته والدوله شعلينه بيك كتله لان لح تنتهي كال مسؤليتك انته احنه ما عدنه اي اهميه بهذا الشي كتله لعد شنو نسدت كالمن تطلع شوف الطابور مال التقديم الجديد وفعلا مالا يقل عن 40 شخص تقديم جديد امريكا بطلت ايكول احنه ما النه علاقة بامريكا اكو دول اخرى .............كتله تامر بشيء كال انته عندك شي كتله لا انته مقصرت جوابت على اسئلتي كلها بس الاجوبه محفضيكياها .

المهم هذا الي صار مغي وباجر اروح الى ال IOM خلي نشوف شننسوي على قضية اخويه هاي صارله 8 اشهر ممقابل ولا مقابلة كل ما نخابر يكولون بع ع ماخالي على الجدول ادري لو جدول الضرب هم جان خلص .

تحياتي للجميع

SIRAQS · « **رد #1158 في:** 15:36 24/07/2011 »

اخ داينمك شنو انت قاببلت توطين لو مقابله iom ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

dynamic · « **رد #1159 في:** 17:02 24/07/2011 »

والله اخوية صارلي 6 اشهر من مقابل توطين بس ترة مة سوه اني ملفي ملفوف عليه حيه ام راسين ههههههههههههههههههههههه.
الله كريم اخوية تصفة ان شاء الله

espero · « **رد #1160 في:** 17:51 24/07/2011 »

اخ dynamic
يعني انت مقابل توطين وهم اليو ان سوولك مقابله ؟؟ شدخلهم همه بعد اني قبل ثلاث اسابيع رحت جددت ورقة الحمايه من الشباك انطونياها !!!!!! اعتقد معناها ممحوليك بعدهم لل iom و ست شهور فتره طويله حسب ماعتقد
الله كريم بلكي على هاي المقابله تمشي الامور وتتحول لل iom
ان شاء الله تفرج عن قريب

الخزرجي · « **رد #1161 في:** 22:02 24/07/2011 »

السلام عليكم شباب اني اليوم جايبلكم خبر ان شاء الله مفرح ويارب تفرج على الجميع ان شاء الله اليوم خابروني الun وان شاء الله الاحد الجاي مقابلتي للتوطين ان شاء الله للجميع يارب

m.a.m · « **رد #1162 في:** 22:07 24/07/2011 »

مبروك اخي وانشالله السفر القريب للجميع

اختكم ام حنين

الخزرجي · « **رد #1163 في:** 22:11 24/07/2011 »

الف شكر اختي ام حنين وان شاء الله الفرج العاجل على الجميع

شيري روم · « **رد #1164 في:** 10:27 25/07/2011 »

الف مبروك اخويه الخزرجي .. ويارب مقابله سهله ..

وان شاء الله الاخبار السعيده تستمر بهل الايام المباركه الجايه ..

espero · « **رد #1165 في:** 11:02 25/07/2011 »

السلام عليكم اخواني
مبروك اخونا الخزرجي واحب اذكرك بالمبادئ الاساسية لمقابلة التوطين بصورة عامه
1- لا تنطي تفاصيل هوايه همه ميردون يسمعون التفاصيل الهوايه
2- ركز على شغلتين ...التهديد مازال قائما ...الوضع متدهور ..خطر على حياتك وحياه عائلتك
3- ماترجع للعراق لو مهما ايصير لانك تخاف من الوضع الموجود هناك والاعتقالات العشوائية
4- وضعك المادي سيء هنا وماعندك شغل وماعندك دخل من بغداد
اتمنالك الموفقية والتسهيل يارب
تقبلوا تحياتي

gheed · « **رد #1166 في:** 12:04 25/07/2011 »

السلام عليكم

الى الاخ اسبيرو وكل من يستطيع الاجابه
شنو يعني مقابله توطين ؟
يعني يتحول من طالب لجوء الى لاجئ لو معناها يتحول من اليو ان الى الاي او ام
وهل المقابله يجريها اجانب ام اردنيين
وهي كم مقابله اكو باليو ان قبل التحويل على الاي او ام
وخلال مقابله التوطين يسألون اي ولايه تريد تروح ومنو كفيلك وشنو عنوانه لو لا ؟
وخلال مقابله التوطين ينطون الكارت الازرق لو شنو ؟

اسف على الاطاله وشكرا

eng.saeed · « **رد #1167 في:** 12:39 25/07/2011 »

السلام عليكم ..... تحيه طيبه للجميع
اخوان انى قابلت مقابله توطين يوم 15\6\2011 وكلولي 3 اشهر اذا متصلنه بيك انت اتصل بينه وانى وره تقريبا 40 يوم اتصلت بيهم فكلتلهم وين صارت القضيه مالتي ؟؟ فالموضف اخذ مني شويه معلومات وكلي الملف مالتك حاليا مجاى عليه رد فسؤالي هو شنو معناه مجاى رد يعني اشوكت يتحول للاي اوو ام وهو بعده باليوان وشعنده باقي باليوان ههههههههه وايضا سؤالي هو السقف الزمني للاتصال بعد مقابله التوطين على الكارت الازرق وايضا الوقت بين التوطين والاي اوو ام يعني فد وقت تقريبي واشكركم مقدما وتحياتي وامنياتي بالتوفيق للجميع

mqh · « **رد #1168 في:** 13:41 25/07/2011 »

الاخ dynamic بارك الله بيك .
اذا ممكن ايميلك .. حتى اراسلك عليه مباشرة . او تضيفني عل مسنجر .
بصراحة عندي كثير استفسارات بخصوص التقديم في عمان . ودا افكر الغي ملفي في الامارات.
وهذا ايميلي : artvision10@yahoo.com

وشكرا لك ولجميع الاخوة في المنتدى ,,, والله يفرجها على الجميع .

شيري روم · « **رد #1169 في:** 16:04 25/07/2011 »

السلام عليكم اخواني ...

بالنسبه لاستفسارات الاعضاء بخصوص التوطين ..

التوطين يكون بعد مقابله الحمايه بفتره من شهر وفوك .. وهو يتحول فايلك لجهه مسؤوله وتشوف قضيتك تستاهل تتحول للتوطين لدوله ثالثه اولا ..ومن يتحول الفايل للتوطين يتصلون بيك ويحددون مقابله الك ياخذون تفاصيل قضيتك وكلشي يريدون بالتفصيل من اسمك وهو الموظف يشوف قضيتك شتحتاج حيسألك حتى يسويلك فايل بحيل الله يتحول لمنظمه iom
الموظف اليقابلك هو محامي اردني او موظف اميركي حسب ماذكروا بعض الاعضاء ..

والتوطين مقابلته تحسب بعدها شهرين وفوك وتبدي تتصل بيهم ولو اني بعد شهر اتصلت بيه الموظفه وسألتني ع الاقامه ما اعراف ليش .. وبعدها يتحول فايلك من التوطين اذا شافوه يستحق الى منظمه iom وهناك تبدي حياة جديده وتفكير جديد

SIRAQS · « **رد #1170 في:** 17:58 25/07/2011 »

مرحبا شباب وبنات الف مبروك على الي حصل ويا شي جديد انشاء لله التسهيل من لله

SIRAQS · « **رد #1171 في:** 17:59 25/07/2011 »

eng saeed هلا خويه ولله اني قابلت توطين يوم 20\6 ولحد هذا الوقت كلشي ماكو لا اتصلوي على ولا شي انت هم نفس الشي ؟؟؟؟؟؟؟؟؟؟؟؟؟؟؟؟

dynamic · « **رد #1172 في:** 20:33 25/07/2011 »

السلام عليكم اخواني الاعزاء واخواتي العزيزات

مبروك لجميع الاخوة الي قابلوا او ان شاء الله سوف يقابلون توطين والله يسهل على الاشخاص الذين ينتظرون مقابلة ال iom والي ينتظررون تحويل ملفهم الى دولة ثالثة امريكا او كندا وعذرا على التاخير لوجو خلل في الحاسبة .

الاخ العزيز او اخت عذروني الاسم ؟؟؟ اني حاضر لاي استفسار على الخاص ولاي شخص اخر وان شاء الله يمكني حتى نتساعد للوصول الى الحلول المناسبة لمشاكلنا .

اخونة العزيز امير اشو ماكو انريد نطمئن على والدته ان شاء الله تكوم بالسلامه ويسهل امرهم .

تحياتي للجميع

كرادي مغترب · « **رد #1173 في:** 21:29 25/07/2011 »

السلام عليكم اشلونكم ان شاء الله بخير

طبعآ ولو صار فتره مداخل للمنتدى لسبب الظروف الخاصة بس حبية اطمئن عليكم واسمع اخباركم الحلوة ومبروك للي قابل توطين والنتظر مقابلة التوطين وان شاء الله الكل تقابل IOM + محلفين حبيت اكلكم انو اكو عوائل جاي تسافر من عمان لان البارحة جنت بالمطار وشفت عوائل دسافر الى الولايات المتحدة وجيرانه انطوهم موعد سفر على بداية شهر رمضان اخوان لاتأيسون من رحمة الله الواسعة خلي املك بالله كبير ان شاء الله والي الك ميصير الغيرك مهما كان السبب . تحياتي لكم جميعآ واتمنالكم السفر العاجل

الـصبـر مـفـتـاح الـفـرج

espero · « **رد #1174 في:** 21:38 25/07/2011 »

مرحب اخويه gheed
ابتدائا شكرا الاخت شيري روم على اجاباتها ..كفت ووفت .

..
مقابلة التوطين بالمفوضيه السامية لشوؤن اللاجئين وبيها تشرح الضروف الي خلتك تترك العراق وتمنعك من العوده اليه ..بالمفوضيه عندهم معايير للقبول وهي خمس شروط ..اني سامع بيها بس ماعرف شنو الشروط

باليو ان مقابلتين على الاقل ..الاولى مقابلة الحماية الي ينطوك بيها ورقة الحماية وتشرح بيها مختصر سبب تركك العراق وعدم العوده اليه ..وراها يستدعوك الى مقابلة التوطين الي هي اهم مقابلة في اعادة التوطين بيها تشرح سبب تركك العراق وسبب عدم استطاعتك العوده اليه .بهاي المقابلة يسالوك وين تريد تتوطن ..اميركا ؟؟انت تكول نعم

الى هنا ينتهي دور المفوضيه الساميه الي حولت ملفك الى دولة التوطين ..مثلا اميركا ..الي عندها لجنه خاصة تتولى درس الملفات والي تقتنع بيه توافق على اعادة توطينه في اميركا ..وتحول الملف الى منظمة الهجره الدوليه
هنا تتغير الصفه من طالب لجوء الى لاجيء وينطوك كيس نمبر وتتغير ورقة الحماية وينطوك الكارت الازرق اذا ماعندك اقامة
وراها تقابل ثلاث مقابلات iom واخرمقابله هي مقابلة المحلفين واذا وافقوا عليك يكلولك انطنينا اسم الكفيل وتنتظر موافقة امنية وتسوي فحص طبي وتنتظر الفيزا ووووو تسافر الله وياك تقبل تحياتي واحنه حاضرين لاي استفسار

espero · « **رد #1175 في:** 21:50 25/07/2011 »

مقتبس من: eng.saeed في 12:39 25/07/2011

السلام عليكم ..... تحيه طيبه للجميع
اخوان انى قابلت مقابله توطين يوم 15\6\2011 وكلولي 3 اشهر اذا متصلنه بيك انت اتصل بينه وانى وره تقريبا 40 يوم اتصلت بيهم فكلتلهم وين صارت القضيه مالتي ؟؟ فالموضف اخذ مني شويه معلومات وكلي الملف مالتك حاليا مجاى عليه رد فسؤالي هو شنو معناه مجاى رد يعني اشوكت يتحول للاي اوو ام وهو بعده باليوان وشعنده باقي باليوان ههههههههه وايضا سؤالي هو السقف الزمني للاتصال بعد مقابله التوطين على الكارت الازرق وايضا الوقت بين التوطين والاي اوو ام يعني فد وقت تقريبي واشكركم مقدما وتحياتي وامنياتي بالتوفيق للجميع

شوف عيني مهندس سعيد
اليو ان بهاي المرحله بعد ماله علاقه بيك ..انت لو تقره كتيب المعلومات مال اليو ان ..يكولون بصراحه انهم مالهم علاقة بدولة التوطين ..كل الي عليهم يرفعولها الملفات والموضف يقصد انه لجنه السفارة الامريكية بعدها ماردت عليهم بخصوص موفقتها على اعادة توطينك في اميركا ...اني اتوقع خلال عشرين يوم او اقل يتحول الملف لل iom
انت خلال اسبوع سوي حركه بسيطه

دز ايميل للiom واكتب بيه رقم ملفك الي بورقة الحمايه اسالهم سؤال زغيروني ::شكد رقم الكيس نمبر مالتي ؟؟؟ وجس النبض وشوف شيردون عليك بس معدل اذا ملفك تمام خلال شهرين يتصلون بيك
وراها العلم عند الله بخصوص مقابلة ال iom الاولى مثلا ..اني مقابل توطين نهاية الشهر الثالث وعندي كيس نمبر ومالي كارت ازرق بس محد اتصل بيه من ال iom بخصوص المقابلة !!!!!!! بس هي من شهر الى ست شهور
تقبل تحياتي واحنه حاضرين لاي استفسار
تحياتي للجميع

eng.saeed · « **رد #1176 في:** 02:16 26/07/2011 »

مقتبس من: SIRAQS في 17:59 25/07/2011

eng saeed هلا خويه ولله اني قابلت توطين يوم 20\6 ولحد هذا الوقت كلشي ماكو لا اتصلوي على ولا شي انت هم نفس الشي ؟؟؟؟؟؟؟؟؟؟؟؟؟؟؟؟

اخويه العزيز انى وياك تقريبا نفس الوكت مقابلتي للتوطين كانت يوم 15\6 ولحد هذا اليوم متصلوا عليا والحمد لله بعدنه ممنتضرين هوايه مثل بعض الاخوان والاخوات وان شاء الله خير للجميع

eng.saeed · « **رد #1177 في:** 02:19 26/07/2011 »

مقتبس من: espero في 21:50 25/07/2011

مقتبس من: eng.saeed في 12:39 25/07/2011
السلام عليكم ..... تحيه طيبه للجميع
اخوان انى قابلت مقابله توطين يوم 15\6\2011 وكلولي 3 اشهر اذا متصلنه بيك انت اتصل بينه وانى وره تقريبا 40 يوم اتصلت بيهم فكلتلهم وين صارت القضيه مالتي ؟؟ فالموضف اخذ مني شويه معلومات وكلي الملف مالتك حاليا مجاى عليه رد فسؤالي هو شنو معناه مجاى رد يعني اشوكت يتحول للاي اوو ام وهو بعده باليوان وشعنده باقي باليوان ههههههههه وايضا سؤالي هو السقف الزمني للاتصال بعد مقابله التوطين على الكارت الازرق وايضا الوقت بين التوطين والاي اوو ام يعني فد وقت تقريبي واشكركم مقدما وتحياتي وامنياتي بالتوفيق للجميع
شوف عيني مهندس سعيد
اليو ان بهاي المرحله بعد ماله علاقه بيك ..انت لو تقره كتيب المعلومات مال اليو ان ..يكولون بصراحه انهم مالهم علاقة بدولة التوطين ..كل الي عليهم يرفعولها الملفات والموضف يقصد انه لجنه السفارة الامريكية بعدها ماردت عليهم بخصوص موفقتها على اعادة توطينك في اميركا ...اني اتوقع خلال عشرين يوم او اقل يتحول الملف لل iom
انت خلال اسبوع سوي حركه بسيطه دز ايميل للiom واكتب بيه رقم ملفك الي بورقة الحمايه اسالهم سؤال زغيروني ::شكد رقم الكيس نمبر مالتي ؟؟؟ وجس النبض وشوف شيردون عليك بس معدل اذا ملفك تمام خلال شهرين يتصلون بيك
وراها العلم عند الله بخصوص مقابلة ال iom الاولى مثلا ..اني مقابل توطين نهاية الشهر الثالث وعندي كيس نمبر ومالي كارت ازرق بس محد اتصل بيه من ال iom بخصوص المقابلة !!!!!!! بس هي من شهر الى ست شهور
تقبل تحياتي واحنه حاضرين لاي استفسار
تحياتي للجميع

ممنون اخويه espero عاشت ايدك ومقصرت وانى فعلا دزيتلهم ايميل قبل ما احضرتك تجاوبني وكلتلهم اللى كتلي عليه تقريبا بس مسالتهم على الكييس نمبر وانتضر الرد مالتهم وان شاء الله خير واشكرك مره ثانيه ورده وبالتوفيق

dynamic · « **رد #1178 في:** 13:46 26/07/2011 »

اخوية العزيز كرادي المغترب

عاشت ايدك على هذه الاخبار الحلوه وان شاء الله دائما ترفدنه بمثل هذه الاخبار

تحياتي للكل

شيري روم · « **رد #1179 في:** 16:04 26/07/2011 »

السلام عليكم شلونكم اخواني يارب الكل بخير ...

طبعا عندي بشائر فكر الكم بس خاصه بيه ....عادي هي هالايام كلها تطوات

الاولى ان الراتب انصرفلي شهر وانكطع رحمه من المالكي

والثانيه انه اني بعد ما ادخل المنتدى لان صار حشا اعضاء جمعيتنا والناس الزينه بس للناس والاخبار الزباله

واني ورا العيد حرجع لبغداد الفكر لسبب شخصي وحغلق فايلي .. وخليه اللجوء والسفر للناس العايشين بالحيل والكلاوات

وديروا بالكم ع نفسكم ويارب تتيسر امور الجميع وولا عضو يبقى حاير وان شاء الله الفرج قريب بهل الايام المباركه

dynamic · « **رد #1180 في:** 17:10 26/07/2011 »

اخت شيري هاي شنو كذبة نيسان لو شنو ولو نيسان بعيد !!!!!!!!!!!!!!!

بصراحة فاجئتيني واذا كان الموضوع صحيح واكو امر شخصي هذا منكدر نتدخل بي وخاصة في بغداد تعذريني بس اذا اكو مشكلة لاسامح الله في الاردن فاني حاضر ان اساعدك لحلها .

اما بالنسبة للاعضاء الغير محترمين فهم كثيرين اختي العزيزة واذا الان تتراسلين وياهم وبشكل غير معرف فاذا وصلتي لامريكا لح تشوفيهم وجها لوجه ومع شديد الاسف متلكين احد يساعك غير الطيبين والي يعملن الخير لله .
اختي اني مثل اخوك بس لتستعجلين باخذ القرار لان هكذا قرارات مصيرية لازم تتانين بها .

تحياتي للجميع

SIRAQS · « **رد #1181 في:** 18:25 26/07/2011 »

مرحبا شيري روم شنو هذا الخبر ليش تردييت اتغلقين ملفج خير انشاء لله ولله ضجت لا صدك شنو الاسباب اذا ما بيه احراج عليج ولله اني اتعجبت

SIRAQS · « **رد #1182 في:** 18:35 26/07/2011 »

espero مرحبا خوي بس سوال مقابلات iom كم ومقابله انت قصدك 3 مقابلات بس هن بل اصل مقابله اولى بس منفصله الى جزئين وتالي بعده مقابله ثانيه المحلفين غير هشكل قصدك ؟؟؟؟؟؟؟؟؟؟؟

ارجو الرد

espero · « **رد #1183 في:** 22:15 26/07/2011 »

السلام عليكم
فاجئتنا الاخ شيري روم بهذا الخبر اتمنى تكون لحظة عصبية وتروح
اختنه الكريمة
طبعا ابتدائا كل انسان وضروفه وانتي بالتاكيد اعلم بيها ..بس احنه نحاول نوفر بيئه امنه بيناتنه ونحاول انقدم الدعم المعنوي واحد للاخر
بالنسبة لموضوع المعونات فمتوقع تنقطع لاسباب قد تكون فنية او تغيير في المعايير او اي سبب اخر .ممكن تراجعين المفوضيه وتستوضحين منهم
الاشخاص السيئين موجودين في كل مكان وفي كل زمان ..مو فد شيء غريب يعني
السفر بس للناس الي عايشة بالكلاوات ..شنسوي لعد ..يمكن تذكرين انا راسلتك وراسلت قسم من الاخوه بشيء يخص هذا الموضوع ..احنه عدنه ايمان بالله انه كل شي قسمه ونصيب
مادري شكول بعد ....

الاخ siraqa
مقابلات ال iom ثلاث مقابلات اولى وثانية ومحلفين ...بعض الاحيان تدمج الاولى والثانية في يوم واحد لان الاولى مقابلة معلومات مثل مقابلة ورقة الحماية والثانية مقابله توضيحية والثالثة محلفين
تقبلوا تحياتي

SIRAQS · « **رد #1184 في:** 03:45 27/07/2011 »

شكر ecpero على الرد ماتك ولله اني هم اتعجبت ولله على الاخت شيري روم

شيري روم · « **رد #1185 في:** 09:23 27/07/2011 »

السلام عليكم اخواني .. واشكركم للمداخله اللطيفه والله يكثر من امثالكم الخيرين ..

بس لا اني القصدته انه اني حرجع لبغداد بشغله ضروريه تخص الاهل وهي اطول .. فأكيد ملفي حينغلق فأني كلت اغلقه افضلي لان ما اريد اخذ مكان غيري ..

ومبروك الصفحه 9 واني اتفائل بهل الرقم يارب تكون خير وبركه ع الجميع ..

dynamic · « **رد #1186 في:** 11:18 27/07/2011 »

مقتبس من: شيري روم في 09:23 27/07/2011

السلام عليكم اخواني .. واشكركم للمداخله اللطيفه والله يكثر من امثالكم الخيرين ..

بس لا اني القصدته انه اني حرجع لبغداد بشغله ضروريه تخص الاهل وهي اطول .. فأكيد ملفي حينغلق فأني كلت اغلقه افضلي لان ما اريد اخذ مكان غيري ..

ومبروك الصفحه 9 واني اتفائل بهل الرقم يارب تكون خير وبركه ع الجميع ..

والله اخت شيري كلمة ما اريد اخذ مكان غيري كلمة جدا رائعة وتدل على الاخلاق الرائعة التي تتمتعين بها انتي والاخوة والاخوات العراقيين الشرفاء .

اختي الله يسهل الامر الي رايحه من اجله الى العراق وان شاء الله ترجعين بالسلامه .
اختي العزيزة اظن من الممكن ان تشرحين الى ال iom حالك وتكوليلهم عن سبب ذهابك الى العراق واني انصك ان تاخذين راي الناس الي عدهم خبرة بهكذا امور (الاخ شمعه)ومن الله التوفيق .

تحياتي للكل

espero · « **رد #1187 في:** 12:28 27/07/2011 »

مقتبس من: شيري روم في 09:23 27/07/2011

السلام عليكم اخواني .. واشكركم للمداخله اللطيفه والله يكثر من امثالكم الخيرين ..

بس لا اني القصدته انه اني حرجع لبغداد بشغله ضروريه تخص الاهل وهي اطول .. فأكيد ملفي حينغلق فأني كلت اغلقه افضلي لان ما اريد اخذ مكان غيري ..

ومبروك الصفحه 9 واني اتفائل بهل الرقم يارب تكون خير وبركه ع الجميع ..

والله يا اختي الله ايسهلك ان شاء الله
بس اني رأي انه تبقين الملف مفتوح يعني ليش تروحين تسديه وهاي دنيا كل شي ايصير واعتقد ملف واحد ماراح ياثر على المفوضيه وانتي ملفك واصل مرحله لا بأس بها وحرامات تلغيه ..واذا بقيتي هناك فهمه اكيد يلغوه من يمهم ....وسوي التلفون دايفرجن على تلفون بغداد وشوفي شنو الموضوع ...اذا عندك اقامة خير على خير ..اذا ماعندك اقامة تكدرين تدفعين الغرامات من تاريخ العفو ...
وانتي اكيد ادرى بضروفك ..واحنه حاضرين بالي نكدر عليه وان شاء الله مانقصر
اتمنى التوفيق للجميع

الخزرجي · « **رد #1188 في:** 13:26 27/07/2011 »

اشكرج اختي شيري روم الله يبارك بيج وشكرا لكل الاخوة اللي باركولي واكرر شكري اختي شييري على النصائح والله يرضى عنج ويارب يوفقج اين ماكنت اني حزنت من سمعت اخبار انوتريدين ترجعين للعراق بس اذا جان هذا قراراج اسال الله ان يوفقج يارب
واكرر شكري لكل الاخوة في المنتدى واتمنى الموفقية للجميع امين يارب

SIRAQS · « **رد #1189 في:** 13:41 28/07/2011 »

هلا شباب شلونكم وبالنسبه الج شيري روم ولله ما ادري شكلج بس لله يقضي شغلتج انشاء لله بس اني اكول لا اتغلقين الملف انزين انتي واخوج راح اترجعون للعراق

SIRAQS · « **رد #1190 في:** 21:45 28/07/2011 »

لله كررررررررررررررررريم

SIRAQS · « **رد #1191 في:** 22:20 29/07/2011 »

مرحباااااااا شباب شلونكم شنو الاخبار

espero · « **رد #1192 في:** 13:48 30/07/2011 »

ماكو شي صااااااااااااااافيه دااااااااااااافيه

عمر عراقي · « **رد #1193 في:** 13:53 30/07/2011 »

مساء الخير عليكم شلونكم وشنو اخباركم ..
اتمنى التوفيق للجميع .
تحياتي

SIRAQS · « **رد #1194 في:** 14:03 30/07/2011 »

مرحبا عمر العراق ي شلونك صديقي العزيز ها بشر وين وصلت شغله اليو ان ؟؟؟

شكر الك

espero · « **رد #1195 في:** 19:43 30/07/2011 »

رمضان كريم اعاده الله علينا وعليكم بالخير والبركه وتقبل الله طاعاتكم واعمالكم

SIRAQS · « **رد #1196 في:** 00:49 31/07/2011 »

علينا وعليكم يارب

dynamic · « **رد #1197 في:** 11:41 31/07/2011 »

مبارك عليكم شهر الرحمة والمغفره

يطيب لي أن اهنئكم بمناسبة قرب حلول شهر رمضان المبارك أعاده الله علينا وعليكم أعواماً عديده أطلب من العلي القدير أن يبلغكم شهر رمضان وأنتم في أتم الصحة والعافية وأن يجعلكم من العابدين الصائمين التائبين إليه.

الـــــــلهــــم أمــــيــن

SIRAQS · « **رد #1198 في:** 21:29 31/07/2011 »

انشاء لله يارررررررررررررررررررررررب يسهل امور الناس كوله وامري هم ههههههههه شيري روم شو ماكو ؟؟؟

gheed · « **رد #1199 في:** 01:04 01/08/2011 »

السلام عليكم

رمضان كريم عالجميع ان شاء الله صيام مقبول

بشرنه اخونه الخزرجي شصار وياك بمقابله التوطين سهله صعبه منو قابلك شصار ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الأخبار:

المحرر موضوع: جمعيه منتظرين المحلفين و منتظرين السفر/الاردن (زيارة 687836 مرات)

gheed

gheed

gheed

gheed

gheed