ضغط الدم والسفر

[الدمير]

السلام عليكم  سويت اعادة فحص وطلع عندي الضغط عالي فهل الضغط ياخرني او يمنعني عن السفر وايش المطلوب اسويه هل اراجع الدكتور واجيب معاي علاج قبل السفر

افيدوني رجاء انا بانتظار ردودكم

[Black Angel]

عمي
انت عندك ضغط اصلا كحالة مزمنة ؟ لو مجرد الضغط كان صاعد ؟

[الدمير]

انا ماكان عندي مزمن بس الظاهر صاير عندي ضغط وانا ما ادري ورحت الطبيب وقال عندك ضغط وحاليا ملتزم بالعلاج وراح افحص نهاية الاسبوع واشوف,,,,وثانيا اللي عنده مزمن شيقول لهم يقول لهم مزمن وعنده علاج حتى يدخله معاه الطياره ويسافر ولا ايش

[MAGGIC]

اخوي الغالي الدمير

مشتاقيلك والله شلونك شخبارك

بالنسبه للضغط حسب الضغط اذكر النسبه اولا

ثاني شي الضغط ممكن يستقر على علاج اذا تكدر راجع طبيب يصرفلك علاج ويستقر الضغط وتكدر تطلب مرة ثانيه اعادة فحص من طبيب الهجرة الي فحصك وان شاء الله ماكو اي تاخير باذن الله

تحياتي الك

[ابو الحسن]

عمي الله يساعدهم
لاتدوخ ولاتقلق
ليلة موعد الفحص قبل السفر؟
تسوي التالي
تكظي لنهار ريلاكس وهدوء وتسمع اغاني ياني لو مايا نصري
تشرب جاي كوجرات
تكرط ثوم واتحمل الريحة بس الفوائد رهيبة
تشرب فد كم لتر ماي
وتنام من وكت
تصبح ان شاء الله
ماي على الريك
كوجرات
كم راس ثوم
واشرب دوة الظغط
واتوكل على الله روح افحص وشوف شلون الظغط نازل نزلة مو طبيعية
والله يسهل امر الجميع
ابو الحسن

[أحلى دنيا]

عمي الله يساعدهم
لاتدوخ ولاتقلق
ليلة موعد الفحص قبل السفر؟
تسوي التالي
تكظي لنهار ريلاكس وهدوء وتسمع اغاني ياني لو مايا نصري
تشرب جاي كوجرات
تكرط ثوم واتحمل الريحة بس الفوائد رهيبة
تشرب فد كم لتر ماي
وتنام من وكت
تصبح ان شاء الله
ماي على الريك
كوجرات
كم راس ثوم
واشرب دوة الظغط
واتوكل على الله روح افحص وشوف شلون الظغط نازل نزلة مو طبيعية
والله يسهل امر الجميع
ابو الحسن

عمي ابو الحسن
هاي العمام ولا بلاش
وصفتك سحرية وبالفعل مفيدة وفعالة
على ما اعتقد الاخ الدمير راح يستفاد منها
سلمت يداك

[الدمير]

ربي يسلمكم يالغالين  ابو الحسن وماجيك وبلاك انجيل  بوركتم يالغالين مالي غنا عنكم ربي يسلمكم

[Black Angel]

عمي الغالي

مشافي والف لاباس عليك يارب بالنسبة للضغط مااعتقد سييبللك اشكال بالنسبة للسفر
همه راح يقيدون بالفايل يمك بس حتى يعرفون حالتك ومن توصل يعرفون حالتك
بس لازم انت تنتبه لنفسك بالنسبة لهذا الموضوع وتكولة لطبيبك انت مسافر باذن الله
او تاخذ بنصيحة عمي ابو الحسن بس يمكن تلغي الرحلة من ورة ريحة الثوم
اشاقة عمي

[الدمير]

وتسلمين يا أحلى دنيا ربي مايحرمنا منك ومن مشاركاتك  والله كريم ربك يفرجها بثوم بصل بس نخلص

[ابو الحسن]

عمي بلا تعلوم اغاتي
شعلة الثوم ماكو اسهل منها:
هيلة عدد 4 وراها علج ابو السهم عدد 4 من تطلع من البيت مع مراعاة تجديد دورة العلج ابو السهم قبل الدخول للفحص
انه عندي ظغط صارله سنين وكل دروب الظعط وطساته حافظهن
والله يسهل امر الجميع
ابو الحسن

[مشلوع كلبي]

اخى عادى الضغط ماياثر على السفر انى عندى ضغط وماثر على سفرى  توكل على الله.

[الدمير]

يعني شنو اقول لهم  ( اقول لهم عندي  ضغط وهذا علاجي ماشي عليه )  او شلون الطريقه يعني بارك الله فيك اخوي مشلوع قلبي وشكرا لك اخ ابو الحسن 


حبي لكم

[ام دوسه]

ياجماعه انى عليه اشتريلكم الثوم بس دوختوا للرجال    --اخويه الدمير ماعندك اله العافيه بس انت لازم اتكللهم اذا كان عندك مرض الضغط المزمن لان اذا كان ضغطك مرتفع مو زين عليك تركب الطياره فلازم اتبلغهم بهذا الشى اثناء الفحص حتى ايضبطولك الموضوع او انت تاخذ العلاج اللازم وتريح حالك وماعندك اله العافيه ومشافى بأذن الله والله يسهل امرك

[MAGGIC]

اخي الغالي الدمير

الف سلامه الك وان شاء الله متشوف الا الخير

اجر وعافيه

اكتبلي شكد الضغط اخر مرة وشكد الي قبلها وشنو تاخذ علاجات او سهله محلوله باذن الله

تحياتي الك

[ســـرى]

اخي طبعا تكوللهم عندك ضغط مزمن اذا الان هاي حالتك

تلتزم بالعلاج وبعض الاعشاب فعلا تنزل الضغط مثل الكجرات لكن اهم شي علاجك ونصائح الطبيب.يومية تقيسه بنفس الوقت وتسجله يمك ومن تروح للطبيب تنطيه التسجيل مالتك حتى يعرف ضغطك تحت السيطرة لو لا.

وبالسلامة ان شاء الله.

[الدمير]

تسلمون حبايبي كلكم بارك الله فيكم يالغالين (( سرى , ماجيك , الحمزه ابونور والغاليه ام دوسه ماقصرتو والله من اليوم راح اداوم عالثوم والكجرات وربكم كريم

حبي لكم

[ســـرى]

والعلاج اهم..........

[ريم عبد]

اخي الدمير
مثل مكالت الدكتوره
اكيد لازم توضح حالتك وقبل يوم الفحص اشرب ماي هوايه واخذ مدرر

واحسن وصفه جابلكياها عمي ابو الحسن
مال مايا نصري وياني
عمي طلع ياني يخفف الضغط

[MAGGIC]

الاخوان الاعزاء

السلام عليكم

طبعا من مشاركاتكم بموضوع اخونا لعزيز الدمير يدل على الروح الاخويه وحب اعضاء المنتدى

بس اكو مواضيع جدا حساسه تاثر على صحه شخص وخاصه الامراض او هذا الشخص ممكن ياخذ نصائح من الناس بسبب انه يريد يسافر او ميخلي مرضه يؤثر على سفرة
فالرجاء عدم اعطاء علاج ليس انزل بسلطان او غير مذكور في كتب الطب

لاتنسون الضغط انواع اذا تعرفون وكل نوع له علاج معين وقابل هذا العلاج للزيادة والنقصان
بالاضافه الى ان بعض الضروف المحيطه تلعب دور في زيادة الضغط او نقصانه

لذلك نصيحه الشخص صاحب الضغط المزمن والمستمر على العلاج ان يراجع طبيب مشرف عليه والطبيب هو الي يحدد الادويه او ماياخذ من علاج لجعل الضغط طبيعي

لان اصحاب الضغط المزمن لايمكن تنزيل ضغطهم الى ضغط طبيعي لما يسبب من مضاعفات كبيرة على بقيه اعضاء الجسم

ارجو ان لا اكون ازعجت احد من هذا الكلام  وانا اعرف ان الكل يحب المساعدة ولكن ليس في موضوع يمس الحياة

[الدمير]

أشكركم جميعا اخواني وأخواتي أبنائي وبناتي حبايبي وحبيباتي  بصراحه وقفتكم حلوه ودليل على كتاتفكم وحبكم لجميه اهلكم العراقيين  باااااااااااااااارك الله فيكم

حبي لكم

[MAGGIC]

تسلم وبارك الله بيك اخي doveofpeace


تحياتي

[البابلي80]

الاخ العزيز الدمير
ان شاء الله مشافى والضغط الي يكون عندك وقتي يزول بزوال مؤثراته
هاي اكيد من ورة ال iom وردودهم
بالنسبة الي.. ضغطي يرتفع كلما اشوف هالجملة بالرد We appreciate your patience.

ربتلي علة هالجملة
ابو الحسن شسوي هاي الجملة ادور اذا اجتني اركع الشاشة بشدة ثوم ههههههه

مرة طبيب جان بسولف يكول اكثر الامراض الي بالعراق لان ما مرتاحين نفسيا حتى بعض الامراض المزمنة لان احنه العراقيين على طووووول ما مرتاحين
ان شاء الله بس الله يسهلك وتسافر وتوصل هناك وشوف كيج الضغط شلون راح ينزل

[echo 9]

أشكركم جميعا اخواني وأخواتي أبنائي وبناتي حبايبي وحبيباتي  بصراحه وقفتكم حلوه ودليل على كتاتفكم وحبكم لجميه اهلكم العراقيين  باااااااااااااااارك الله فيكم

حبي لكم

شنو انته يا راقي ولا تكول عندك ضغط العين عليك باردة
تريد الضغط يستعدل ويصير اوكي ؟؟؟؟؟؟؟؟؟؟؟؟؟؟؟؟
شيل صورت الضب اللي مخلليه 

[ســـرى]

العــــــــــــــــــــــــــــــــلاج مو تنســـــــــــــــــــــــــاه.............