ما بـِعنه الوطن


المحرر موضوع: ما بـِعنه الوطن  (زيارة 2613 مرات)

0 الأعضاء و 1 ضيف يشاهدون هذا الموضوع.

غير متصل Kadhim Alwaeli

  • عضو فعال
  • **
  • مشاركة: 42
    • مشاهدة الملف الشخصي
    • البريد الالكتروني
ما بـِعنه الوطن
« في: 14:28 10/01/2011 »
ما بـِعنه الوطن
کاظم الوائلي

وصلتني في الآونة الاخيرة مجموعة من رسائل الاعجاب والعتب في نفس الوقت, وعتب احبتي القراء هو أنني اكتب الشعر على الطراز الستيني والسبعيني من حيث التغزل بالارض والطبيعة وجمالية الانسان, وكردة فعل كتبت هذه القصيدة التي تعكس الواقع العراقي المرير الذي طالما حاولت الابتعاد عنه, لاتستهدف هذه القصيدة أي مجموعة او حزب أو طائفة بل هي اقتباس من واقعنا المعاصر.
ما بـِعنه الوطن بس نُعـرُف الباعة
ونُعرُف بالأسِـم من خَربـط أوضاعة
 
نُعرُف شِنهو أصل الشاخو أعـلى الناس
ومنهو اللي ترَعرَع عالـطرَب والِكـاس
للـساعة يِحِن حيث العِـرِج دسّـاس
والطبـعه رِدِي شيـغيّر أطـباعة
 
أطباع السـياسة صارت ابفـلسين
(علاّسة)  و (حواسِـم) گعدو إمتنگين
ما عِدهُم شِغـل غـير الفقـهْ والدين
واحِـدهُم ( شِمِـرْ) لو ينـزع أقناعة
   
واحِـدهُم فـقيهْ ويحـچي بالدستور
ومنهم من تِـلَقـب شـيخ لو دكـتور
بس اوداعتـك لو نِـكشِـف المستور
أكبر راس بيـهم عـَفـن من گاعة
 
 
وذا يطـلع شَهـِمـهُم ألِف شـُرطي اوياهْ
فضـائية وصحـافة بشَغَف تتلـگاهْ
باليـسرة يهدّد والنـفي بيـمناهْ
والـناس التِـسِمّعة مـوس بَـلاّعة
   
والناس ابتِلـت والحـال نفس الحال
ماكو شـي تغيّر باقـي هالمـوّال
أهي نفس (الـَسدارة) ونفـس ابو سروال
ونفـس ذاك الرفيق الخابُص القاعة
 
نفس ذاك الرفـيق وطلعِـته الگشرة
بس لابـِس (أعمامة) ولِحيّة هالـمرّة
لِزَگ بالشـاشة صاير فِلِـم للسهرة
قدمـولة الـسمِع والبيّعـة والطاعة
 
قدمولة الولاء وروسـكُم بالـگاع
موتو في سبـيله ويِرحَم الشـفـّاع
لأن وارِث ورِث من عُـتبة والقـعقاع
واللي مايـِمـوت أتـلـِِفـّة طرگـاعة
   
واللـي باعنة مو بَـس للأمـريـكان
أكو من باعـنة طابو لعِنـد أيـران
ونص بـسِم العروبـة انباع للجـيران
والباقي نِحِـجزة الِغـير دفـاعة
 
والباقي تقـسـم للِحرب سـاحة
جـِبنه امن الجـوار (الغربي) ذبّـاحة
و(الشرقي) لَـَطـم جاب الِنـه وِنياحة
وللتطـبير جاب اسـيوف لمّـاعة
 
للتطـبير موكِـب مستـعِد للدوم
والما عِنـده موكـب كافر ومأثوم
يستاهل نِگِص اللسـانه والزردوم
ولازِم نحرِگ أهـله و نِعدِم اتبـاعة
   
لازِم نِحـرِگ أهله اليحـچي بالتـعليم
وعلى كـل فـَنْ نِصـدِّر فتوّة التـحريم
لأن هـذا هدفنه الجـهـَل والتعـتيم
حتى أنهيئ الـ  مهـدينه مطـلاعّة
   
حتى امِن الفـرح و البسمة ممـنوعين
خيرات الوطن من عِـدهه محرومين
بس البرلمـان اعضـائه مـِتـنـعمين
وذا مَسْ هُم عِـسِر بـالدَخَـلّ شلاّعة
 
اذا منـهُم عـضو يـِتبَختـَر ابطـولة
ومن يحـچي تگول ابحلـگة مسقولة
مستثمِـر أمـوالة الغير منـقولة
 وبالأردِن گِـضاهه اسـفار وِصِـياعة 
 
بالأردِن صُـفـت نفـطاتنة أِستِـثمار
وخلف الله على الجـاب الِنه الاستـعمار
حيث احِـنة نِموت او يستـفاد الجار
وللـعربان صـرنة ادروع مَنـاعَّة
 
ما بـِعنه الوطن بس نُعـرُف الباعة
ونُعرُف بالأسِـم من خربـط أوضاعة
 





غير متصل nasir yako

  • أداري دردشة
  • عضو مميز متقدم
  • *
  • مشاركة: 15896
  • الجنس: ذكر
  • حبيبي شلون حالتكم بعدنا..
    • مشاهدة الملف الشخصي
رد: ما بـِعنه الوطن
« رد #1 في: 08:14 12/01/2011 »
عاشت ايدك اخي العزيز كاظم .....كلماتك كلش حلوة ومعروف اللي باع العراق ....


غير متصل جواهر بغداد

  • عضو مميز متقدم
  • *******
  • مشاركة: 16272
  • الجنس: أنثى
  • I’m not the best but I have my style
    • ياهو مسنجر - Jawaher
    • مشاهدة الملف الشخصي
رد: ما بـِعنه الوطن
« رد #2 في: 21:12 12/01/2011 »
عاشت ايدك أخي  :)



أمنين اجيب الصبر واصبر على بعادك وشلون اواسي الكَلب والروح تحتاجك أدري طريقي صعب و مو هين فراكك بس هذا حكم القدر أتحمل غيابك

غير متصل نادر البغـــدادي

  • عضو مميز متقدم
  • *******
  • مشاركة: 12145
    • مشاهدة الملف الشخصي
    • البريد الالكتروني
رد: ما بـِعنه الوطن
« رد #3 في: 12:50 18/01/2011 »


      الأخ العزيز * كاظم الوائلـــــي *

          عاشت الأيادي على هل الشّــرح الوافــي والحقيقي للوضع

                الرّاهـــن لعراقنا الجريح بحراب الغاصب المحتـــــل !!!

                       خالص تقديرنــا وآحترامنــــا ...



غير متصل omar_al_tkriety

  • عضو فعال جدا
  • ***
  • مشاركة: 79
    • مشاهدة الملف الشخصي
رد: ما بـِعنه الوطن
« رد #4 في: 06:46 20/01/2011 »
الله اكبر   راية العراق  مرفوعة    ونعلم من  اراد  انتكاس  اعلامه

سلمت يداك   ياصاحب  الكلمات  الرائعة