ردي لكلمات خالو ناصر على الشعر أدناه
ياجواهر خاين تكوليلي
وانا الكضيت عمري ناطر على دربج
امسحت كل ذكرياتج من تاريخي الاظلم
وكتبتج امس .. ماريدج اليوم
وصدگي اي والله نسيتج ..
وخليتج سهر ما لاحته النوم
عجب ضنج افكر بيج ..!!؟
الگضه عمره وياج بس شايل اهموم
ردت ابجي وما شفت بعيوني دمعات
شفت گلبي من الفرح صار محروم
وهسه كل ضنج افكر بيج ..!!؟
ابد والله ما ناسي الحجيـتي
من گتيلي انت خاين لا ترجع
ندم للموت عله درب المشيتي
يا روحي العزيزه بنارج اتولع
ردت وگفه واجيت اليوم ندمان
شمالك يا فرح من يمتي تگطع ؟
وردت اغفه وما اجاني النوم
وشمسي من الفجر ماضنتي تطلع
لان دايم فرحتي ابعيده من العين
ودايم عيني الحالـتي تدمع
اذا حزن البشر من حالتي يفوح
گلبج ما حزن فد يوم واتشلع ..؟
وگلبج ما ذكر كلمه الحجاها بيوم ؟
وبحضني جنتي وبدموعج اتنگع
اريد انساج انه اليـوم والله
واريد من الصبر يگطع امل واكثر
لان عمري بحياتي ما غفيت بيوم
واريد من السهر ينساني ما اسهر
وانه لو نسيتج ماضنتي اخسر ...
صدگيني ما اخسر
لا تعتب ياناصر صوجك ضيعت كلشي
جنت شريان من القلب وحبك بدمي يمشي
بجيت عيني السارحه بهواك وانداريت وانت تمشي
ولا فكرت حالتي بعدك شلون هيه
نسيت حبي كولها لنفسك عليه لا تضحك
تعبد روحي وتحبني اكثر وتموت بيه اعرفك
بس عشره الاناني يا ناصر صعبه وللروح تحرك
ومااظن ترضى الموت لقلبي وروحي سويه
تراني بلون الوفا أعلى منك
و يجي يوم اذكرك وأعلمَنك
برخص قلبك وتأكدت وأعلَمنك
شلون تحب من صدك وتزرع الجرح بيه
تجذب والجذب للخاين صنعه
قلبي ماعرف يختار وصاحب بالعشك دمعه
صحتلك بآه وونيت ومردت حبك امنعه
بس شفتك بعيني تخون والعين ماتجذب عليه
حبي وياك شمس وتحجبت
واعذب اشعاري الحانها تسربت
بجيت بدمع جتال وحروفي تخدرت
عرفت ان الموت اهون من رجعتك ليه
عنوانك بالقلب تراني ما لكيته
يمكن تيهته عن دربي ويمكن نسيته
وتأكدت انت الي اخذته وهديته
لغيري ياخاين العشره وجارح الريه
دربي ضيعته وياك و بالعجل مليت
جنت ترسم احلام بكذب وعن حبك تخليت
تحبني من بعد الفراك كالوا انت حسيت
مااريد حبك ولا قلبك يحن عليه
انت خسرت نفسك وقلبك
وداريت الجرح بجرح الي حبك
مااسامحك خل يسامحك ربك
ولو ظلمت حبك يسامحني عالخطيه
عاشت ايدي وايدك خالو 
