مساعدكتكم ارجوكم

[راميال]

السلام عليكم انا زوجتي سافرت يوم 10-1-2011 يوم الاثنين عن طريق الامم المتحدة في سوريا وطريق الرحلة من سوريا الى برطانيا الى شيكاغو  ومن هناك يودوهه الى ولاية كنتاكي ولحد الان ماكو اي خبر عنهم ونحن في قلق من اجلهم ارجوكم كل من وصلو اهله الى شيكاغو لانهم قالو ان الكل سيصل الى شيكاغو ومناك يوزعوهم اذا احد اهلة على هاي الرحلة يطنه الله يوفقكم

[المسافرة]

اخي ان شاء الله تطمأن على زوجتك في اقرب وقت

[شدة ورد]

 
مرحبة

اخي العزيز انشاء الله خير
ترة عادي كلش ولا يضل بالك  لان احيانا يبيتوهم باحد هذه المدن من دون سابق انذار ويمكن يقسمون المجموعة الى مجموعة تبات ومجموعة تكمل خط الرحلة -------وعندي صديقة بيتوهم  3 ايام يالفندق وبعدين كملو الرحلة ----وترة بعد وكت موهسا يخابرون يمكن بعد يوم او ربما اكثر لان اتصور ميكدرون يخابروك حتى يوصلون الى اخر محطة فلا تقلق وانشاء الله تفرح بوصولهم بالسلامة -----
واحنة هم ماناسيك بالدعاء---

ودايمين

شدة ورد

[حامد شاكر]

لا املك لك سوى الدعاء الله يطمأنك على سلامتها وتفرح وتفرحنا معاك لاتقلق وربي سجمع شملكم بالاستقرار والامان وراحة البال



مع خالص دعائي

حامد شاكر

[راميال]

شكرا على الدعاء واريد ان اوضح لكم شي هي معها ناس هواية يوصلون الى شيكاغو وبعدين يتوزعون بلكت احد اقاربة على نفس الطائرة ويبشرني ولكم مني كل الاحترام

[البلدوزر]

للرفع والمساعدة

[ابو سالين]

الله يريح بالك..ان شاءالله يوصلك خبر

[رورو1978]

اللهم اني لا اسالك رد القضاء وانما اسالك اللطف فيه
انشاء الله يوصلون بالسلامة وربي يوفقكم

[PlatinuM]

ان شاء الله يوصلون بالسلامة وتسمع اخبارهم الطيبة
بالتوفيق

[white heart]

انشالله يوصلون بالسلامة وتسمع اخبارهم الطيبة

بس ياريت لو تصلح عنوان الموضوع

تحياتي اخوية العزبز

[(COBRA)]

اخويه العزيز  ... 
انته بس اشويه ريح بالك  والله يسهلها عليهم ويوصلون  بالف سلامه

[Gilgamish 78]

ان شاء يوصلون بالسلامه وكل ماعليك فعله هو الاعتماد على الباري والدعاء
كلكامش

[ســـرى]

اخي اطمئن ماكو اي رحلة طيران لاسمح الله صارلها شي جان قلبوا الدنيا هنا بالاخبار.........

بس انت تكول سافروا يوم 10 من سوريا بس تعرف م ساعة الرحلة؟ وكم ساعات الترانزيت؟ ولاتنس هي رايحة وحدها لامريكا شلون راح تتصل بيك مناك؟ انطيها مجال هم اليوم يمكن يالله وصلوا حسب فرق الوقت اضافة الى انه اطفالكم وياها وتعرف الخبصة شلونها اطمئن وان شاء الله هي تطمنك بأقرب وقت وهي عدها ايميل لو لا؟ حاول تخليلها اوفلاين بلكي تحصل انترنيت وتدزلك مسج الله كريم.

[شمعة]

اخي العزيز

 لا تقلق انشاء الله يوصلون بالسلامه ولكن فعلا كما ذكر الاخوان الرحله طويله جدا وليست مباشرة يعني تاخذ وقت للوصول ...  ومع ذلك اقول لك اذا كان عندكم كفيل بامكانك الاتصال باكفيل  وهوا سيتصل بالمطار المعني في شيكاغو  ويستطيع ان يؤكد لك خبر وصوهم ..


تحياتي


شمعة

[candyman]

اخي العزبز اتمنى من الله ان يطمن قلبك واكلك احنة وصلنة لكندا يوم 1/12 /2010 وما كدرنة نوصل خبر للاهل اللا يوم3 لان مو سهلة علما تحصل وسيلة اتصال مو سهلة   اصبر وخلي ايمانك بالله عز وجل واسال الله العظيم توصلك اخبارهم الحلوة وتطمن وتبشرنة
اخوك كاندي مان

[reem1985]

الله كريم انشالله سلامات الطريق طويل الله يساعدها وحدها مسؤؤليه كبيره الاطفال اخي اطمئن ولا تفكر بشي مو زين خير انشالله

[راميال]

لكم كل الاحترام على الدعاء وان شاء الله تفرج على الجميع انا كنت اريد ان اعرف ماكو احد وياها بنفس الرحلة او اقاربة ويطمنه او صديق له  ولكم كل الشكر .

[راميال]

وصلت زوجتي والحمد لله الى الولاية وشكرا لكل من كتب ولو بحرف لمواساتي ولكم مني كل الحب والاحترام والتقدير

[ــــ{{{ABADY}}}ـــــ]

     الحمد لله على السلامه اخى

[sndebad baghdad]

الاخ راميال
تحيه طيبه انا تقريبا تفس حالتك التي انت بها حيث انا متواجد في احد الدول الاوربيه وحصلت على الرفض في موضوع اللجوء الذي قدمت عليه وزوجتي حصلت على موافقه السفر الى امريكا  وهي قدمت من احد الدول العربيه وهي اكملت الان الفحوصات وبانتضار الموافقه الامنيه سوالي لك واتمنى المساعده منك او من اي شخص له اطلاع بالموضوع كيف يمكننا تمشية معاملة لم الشمل هل من المكان الذي انا به او يجب مغادرة الاتحاد الاوربي وكم المده التي تستغرقها وهل لو التحقت بزوجتي الان يخدم القضيه ام يعرقل موضوع اجرائات لم الشمل علما ان زوجتي ابلغت الوفد باني في دوله اوربيه قدمت على اللجوء وحصلت على الرفض فطلبو منها نسخه من كتاب الرفض الذي استلمته وقدمناه لهم هذا ولك جزيل الشكر

[راميال]

اخي المحترم والله اني الذي عرفته انه ادع زوجتي اسافر وبعدين هي اسوي لم شمل الي مناك  واني زوجتي وصلت جديد اي شي يصير والله اخبرك

[sndebad baghdad]

ان شاء الله يوصلون بالسلامه وتسمع اخبارهم الطيبه ولم الشمل القريب لكم ان شاء الله

[googoo]

الحمد لله على سلامة الوصول...