كيف نعرف بوصول الفيزا؟

[Dr.Ameen]

السلام عليكم
قبل ايام ذهبت الى مكتب الدي اج ال علما انني انتظر الفيزا بعد مقابلتي قبل شهرين وسالت الشاب المسؤول بالمكتب: اذا صدرت الفيزا شلون تتصلون بالشخص؟
اجاب :اندزلة رسالة على الموبايل
سألت: ليش ما تحاولون تتصلون تلفونيا مع الرسالة ,يعني  طريقتين اتصال افضل من وحدة؟
اجاب و وجهه ما يكصة الطبر بالرغم من كوني مبتسم طوال الوقت: كتلك اندز رسالة وبس
سالتة عيوني يعني مثلا شخص مسح الرسالة قبل ان اقراهة (تصور نفسك مسلم الموبايل لحرس احد الدوائر اثناء مراجعتك لها والاخ يجوز يمسح من يمة الرسائل)
ما جاوبني
ابتسمت وكتلة مع السلامة .......
عند استلام الفيزا يجب ان ترسل نسخة منها الى مكتب اعادة التوطين باسرع وقت وبفترة لا تتجاوز الاسبوع ومن خلال تجربة احد الاصدقاء استلم رسالة على الموبايل تخبره باستلام جوازة والفيزا
سؤالي هو هل من المعقول ان نعتمد على هذه الرسالة؟
هل هناك طريقة اخرى لمعرفة صدور الفيزا؟
يعني احتمال اتصير اكسباير وصاحي الشأن ما يعرف

[عراقي هواي]

الله يساعدك دكتور ياربي تستلم الفيزا وتسافر باسرعوقت واتمنى لك كل التوفيق

كلامك مضبوط وصحيح وواقعي

بس السفارة ترسلك ايميل وبي ملاحظه تكول راجع مكتب الدي اج ال بعد سته ايام عمل

واكيد المكتب يخابر والا ليش ياخذون رقم التلفون

[Dr.Ameen]

مشكور اخي على  الرد اني اعرف المفروض ان السفارة ترسل ايميل ولكن من بعض التجارب الواقعية لم يتم ارسال ايميل فقط تلك الرسالة

[repentant]

استاذي يجيك ايميل من السفارة بس شنو نوبات الايميل يجي بشكل عام يعني لا بي اسمك ولا الكيس نمبر هنا ادكوم يفتر راسك وادوخ وترجع ادز رسالة ادكولهم يابة هاي الي يرجعون اياكدون الخبر وابو الدي اج ال حقيقة ايخابر شنو رسالة خوبت اني كل اسبوعين امرلة يا معود ما اجتي اخاف ناسين كلي يابة روح لخاطر الله من تجي احنا انخابرك كتلة اوكي بس لا ادز رسالة هههههههههههههه عاد همة خابروني هسة انت صلي على محمد وال محمد واكثر من التقرب الى الله بالدعاء والصلاة  وزيارة الاضرحة وما اتشوف الى الفيزة تجيك ان شاء الله تهلهل