سؤال عن الكفيل

[علي حقي]

السلام عليكم ورحمة الله وبركاته
اخواني اصدقائي عندي سؤال امحيرني ومدوخني وهو الكفيل شنو معنات الكفيل لان اهوايا ناس ايسولفون بل كفيل ويحجون بيه وشنو فايته وذا واحد ماعندا كفيل شيصير يعني وئي واحد يكدر يتكفل احد عادي زين بلا زحمة هاذا الكفيل هما ايجيبوه من عدهم على احسابهم لو شنو فدوا متفهمونا ومين هاذا والى اخره اسف على الازعاج شكرآ الكم
دمتم سالمين

[/b]

[echo 9]

السلام عليكم
اخ علي
الكفيل فائدته انه يخلوك بنفس الولاية اللي بيها واي واحد يكدر يتكفل نعم اي واحد يتكفل والكفيل انته اللي تجيبه مو المنظمة يعني اذا عند كريب او صديق بولاية معينة ويكلك الولاية هاي زينة مثلا وبيها شغل وغيرها من الامور وتريد تروح يمه تخلليه كفيل الك ؟
اذا ما عندك كفيل المنظمة يختارون لك الولاية اللي يردوها مو انته التختار بكيفك
الكفيل معنوي مو مادي يعني يستقبلك بالمطار يدليك على المناطق والاسواق يوديك للمنظمة ودوائر المراجعات
هاي الكفيل يريدوه بالاس اي في واذا اي او ام مو شرط حتى وان لم يكن عندك كفيل المنظمة هي التتكفلك
السؤال اللي كان محيرني ولهسه ما عرفت جوابه ابو ال اس اي في اذا ماعنده كفيل وما يعرف احد بامريكا دوم بالفورم 234 شيكتب  وشنو يكول وهل المنظمة تتكفله لو لازم كفيل هنا السؤال اللي يهم شريحة واسعة من جماعة ال اس اي في
بارك الله بيك اخ علي على طرح السؤال للنقاش والبركة بالاخوان يجاوبون ان شاء الله

[angie-dawood]

اخي علي الكفيل معناه انو تروح لنفس الولاية الي هو بيها اذا تريد تكون  نفس ولايته وهو يستقبلك وتبقى كم يوم عنده ويساعدك تكمل كل اوراقك الرسمية الي تحتاجها بالولاية من هوية الولاية الى رقم شوسل نمبر الى تاجير الشقة وغير الامور واذا ما عندك كفيل المنظمة تكون مسؤولة عليك وهي الي تختار الولاية مو انت تختارها وهي مسؤولة عن كل الامور الي ذكرتها الك من يكون عندك كفيل هذا الفرق بين عندك كفيل او منظمة تكفلك  

[رورو1978]

اخ علي  الكفيل يعني اي واحد انت تعرفه تنطي عنوانه حتى يخلوك بنفس ولايته واذا متعرف احد عادي ماكو اي مشكله يعني لاتخاف  بس اذا عندك احد انطي عنوانه بس كلهم ان يكون كفيل معنوي مو مادي

[علي حقي]

السلام عليكم ورحمة الله وبراكته
اخواني اصدقائي اني جدآ ممنون منكم ماعرف اشلون اشكركم وتمنا ايصير هاذا الموضوع بيه فائدة للكل  ولو ضوجتكم عندي بعد سؤال اخر ؤاخير وبس, ليش بعض العراقيين الي بمريكا  ايكولون خليكم بعيدين عن العرب والعراقيين وشنو معناة عراقيي رفحا وليش اسموهم هيجي اسامي وليش ايكولون خليكم بعدين عنهم اكو شي شنو السبب ياريت لو اتفهمونا ولكم جزيل الشكر سامحوني على الاسئلة تعبتكم اشويا بس والله الشهادة ال الله وبدون لواكه اختي انجي وسري خوش حجو حجي  بس انجي بدون لاوكه ومجاملة خوش كالة كلام بخصوص هيجي امور الي داسئل عنها خليك حذر بس لاتكطع سبيل المعروف صلة الرحم مطلوبا غريب ولا كريب بس هم خليك حذر من ايسوون زين الله هوا من فوك ايجازي عليه مو احد
البشر مي جازي بس الله ايجازي
دمتم سالمين

[/b]