اخواني معقولة اكو واحد مثلتا.... كل هاي المعانات

[urokman]

اخواني معقولة اكو واحد مثلتا
سلامي لكل اعضاء المنتدى وخصوصا الاخت انجي
اخواني اني صارلي سنة وثلاث اشهر مقدم على اليو ان مع عائلتي ولحد اليوم كلما اتصل بيهم يكولون لسه ملفك بالحماية بالرغم اني لاكنت عسكري ولا موظف بالحكومة السابقة ولا منتمي لاي حزب وقدمت مناشدات طول هاي الفترة بس ماكو فايدة فارجو منكم اخواني ترشدوني شنو اسوي وخصوصا الحياة بلاردن - عمان صعبة جدا وعندي عائلة كاسرة ظهري
ارجوا مساعدتكم واكون ممنون الكم

[ايمن الريس]

الله يعينك اخوية وهذا شي غريب بالاردن؟؟
ليش ما تحاول تقابلهم او تتصل بيهم او تبعثلهم ايميل مثلما احد الاخوان سوا والحمد لله اتصلوا بي وفرجت... اشرحلهم ظروفك واذا جد عندك شي ظروف صحية او اي شي ممكن يساعدك.
احنة بسوريا هذا الانتظار مثلما اسمع واشوف عادي بس بعمان كلش غريب 
يارب تفرج عليك وعلينا وعلى جميع الاخوان الصابرين اللهم امين

[عراقي هواي]

الله يعينك اخي وقلبي معاك انشالله تفرج عليك وعلى كل

مضطر بحق محمد وال محمد

[العزاوي 55]

حبيبي الله يكون بالعون بس يكول ابو المثل الي يشوف مصيبة غيره تهون عليه مصيبته
عمك من 2005 عندي ورقة حمايه ولحد عام 2009 يله دخلونه توطين ومن 2009 وهسه 2011 واحنه نراوح بمكانه وننتظر الامنيه صار 7 اشهر
طبعا اني بسوريه وما اتصور يختلف شي بين سوريه والاردن لانه اني كان عندي بيت بعته وخلصت فلوسنه وبقت عندي قطعة ارض وهم بعته وكعدنه على الحديده
وعندي ابني مصاب بشظيه بالعنق ومهدد ومفجرين محلي ومحاولة قتل ابني الثاني وكله موثقه ونكول الحمد لله والشكر
اصبر حبيبي ان الله مع الصابرين
للامانه عندي احد اخواني وصل سوريه عام 2006 في الشهر الثاني ولحد الان ما داخل توطين هو وعائلته

[شموسه123]

اخويه ابعث ايميل واشرح ظروفك كوله لاتياءس مو بس مره ابعثه اكثر من مره وانشالله تفرج عليك يارب وعلى جميع العراقين

[ــــ{{{ABADY}}}ـــــ]

عمى انت ولا شى اخوك صارله 4 سنوات وهسه يالله توطين

[jack black]

               اخويه اصبر اني 3 سنوات وبالسنه 4 يله توطين حبيبي اكتب ايميلات والقصه لازم تكون مقنعه والله الموفق تحياتي تقبل مروري jack black

[مطر مطشر]

اخوية العزيز الله يكون بعونك بس مو حدك بهالمحنة اني هم مقدم على يو ان عمان صارلي 9 اشهر ولحد الان كلما اخابرهم يكلولي بالحماية ومخليت مناشدات وتليفونات لحد موصلت لمرحلة اليأس ...ودا احاول اشوفلي غير درب
اني بصراحة ما اريد احبط معنوياتك بس هذا اللي اني وصلتله ومااعرف صح لو غلط يعني اترك الموضوع لو انتظر والله ما ادري
الله يسهل عالجميع ان شاء الله

[urokman]

اخواني اني حيل شاكر الكم اجاباتكم وانشالله رب العالمين يسهلهه على الجميع وتعبت مخليت لا مناشدة مكتبتهه الهم ندعو من الله ان يحنن قلوبهم علينه وتسلمون اخوتي

[PlatinuM]

الله يكون في عون الجميع

[عمر المترجم]

الله يساعدك

[Everything]

الله يسهللك امرك انته وعائلتك
وامر بقية الاخوان والاخوات الي متاخرة قضيتهم
ويسهل امرنا احنا هم

لانه كلنا تعبنا من الانتظار وما نعرف شنو راح يصيير النا