اخوان هم سامعين فيزا تطول 3اشهر ؟؟؟

[nickazawee]

اخوان ان مقيم بامريكا وعلى الاس اي في طالع وهسه دا اريد اطلع عائلتي وهم على الاس اي في خلصت مقابلتهم على خير وصارلي 3 اشهر انتظر الفيزا اكو هيجي شي اني بشهر طلعت الفيزا ليش عائلتي اتاخرت هالكد والله الانتظار راح يموتني دزيت ايميل الهم يكولولي هاي امور اداريه تطول مرات ودزيت ايميل للان في سي ولا ردولي ولا عبروني شنو الحل الي يعرف خلي لا يبخل عليه عفه لان تعبت اوضاعي  حيل ......

[ARMY STRONG]

صديقي هاي على ايامك جانت اذا تطول بل زايد شهر

هسه الشغله تغيرت

جيب ليل و اخذ عتابه

[SARA CALIFORNIA]

اخي تطول اقل شي 8 اشهر حسب مكلي المحامي و يجوز اكثر هم,,,زين اذا واحد مقدم على اليو ان يصير قريبه يقدمله لم شمل من امريكا؟؟؟يعني يصير نسوي الشغلتين سوية و نشوف ياهو تصير اسرع؟؟؟

[nickazawee]

يمعودين هيه فيزا همه اصلا على قضيتي موجودين بس يقابلون ياخذون الفيزا يعني شي الفروض ميتاخر لان بس عندي اخذ الفيزا واسافر الاس اي في يختلف يمعودين مو مثل اللجوء .....

[nen000]

هههههههههههههههههه  نك عيني عندي صديقي  اسمة نك نفس حالتك الي هوه انتة ههههههههه صارلة 3 اشهر

 شوفلنة خنفس  ما راح نشرب نركيلة شلون ههههههههههههههههههههههههه مشتاقين

[ARMY STRONG]

يمعودين هيه فيزا همه اصلا على قضيتي موجودين بس يقابلون ياخذون الفيزا يعني شي الفروض ميتاخر لان بس عندي اخذ الفيزا واسافر الاس اي في يختلف يمعودين مو مثل اللجوء .....

حبي مو كتلك هاي على ايامك جانت بسرعه هسه يبقوك على الشحن انته و حظك شوف شكد تطول

[رورو1978]

اصبر والله كريم ..الله يكون بعونكم ويلم شملكم باقرب وقت انشاء الله

[nickazawee]

اخوان اني دا احجي على مشكله جديده لان اثنين من اصدقائي قبل اسبوع طلعت الفيزا مالتهم وي عوائلهم وبعد حوالي شهر من المقابله لان الي يعرف بالاس اي في من يقابل يعني انتهت معاملته تقريبا هيه مو شغلة لجوء واتاخر بعد المقابله انت تكون جاهز للسفر لان ماسمعت لحد هسه احد من اصدقائي الكثيرين الي كانوا وياي عنده مشكله مثل مشكلتي والكل على الاطلاق ماطولوا شهر بعد المقابله

[ARMY STRONG]

اخويه انته ده تفهمنا شنو ده نحجي لو لا؟

اس اي في حلم هسه تاخذ الفيزا بااسبوع تغيرت مو مثل قبل
ثاني شي اكو صح تطلع فيزا بشهر او بااسبوع بس شكد من كل 100 واحد تطلع فيزته سريعه؟ 1 لو 2

ده تعال هنا و انته تعرف الفلم
http://www.ankawa.com/forum/index.php/topic,454748.0.html

شوف العالم هنا شصاير بيها من الانتظار

[ســـرى]

اخي نك مو كل الناس تستلم الفيزا بوقت معين وحتى قبل ناس تستلمها بايام وناس انتظرت اشهر فلاتقيس.