قصتي الطويلة مع IOM ارجو ان تفيدكم او تفيدوني بالنصيحة

[yzar]

السلام عليكم مرحبا اخوان اتمنى تكونون بخير كلكم اني اتمنى انه اكون عضو في هذا المنتدى وياكم لان حالتي مثل حالتكم دا انتظر المقابلة مال السفارة بالشهر الثالث بس شوية قصتي طويلة راح اكتبهة كلهة لاتضوجون 
بسنه 2007 بديت اقدم على الاي او ام من مصر وبسنة 2008 سويت مقابلة اولى وثانية وية المحلفين وجنت وحدي زوجتي وابني رجعو للعراق باخر فترة اني هم كلت اروح واشوف الوضع شلونة هناك وادز عليهم ورة 6 شهور فرجعو للعراق سنة 2008 واني كمت انتظر الموافقة الامنية وكل ما اخابر على الاي او ام بمصر يكولولي (لسة الموافئة الامنية مكاتش) ههههههههه صارت قصيدة وحفضتهة اني هم انتظرت هواية اقل من السنة وضجت كمت بسنة  2009 شهر الخامس رجعت لبغداد وحولت الملف مال الاي او ام لبغداد من رجعت بال 2009 قدمت لامي وابوية واختي وزوجهة وطبعا زوجتي وابني ورة كم شهر دزو عليهم مقابلة ورة فترة مقابلة ثانية وبعدين اجة الجواب انه كلهم deferral  يعني مؤجلين هذا الحجي شهر 11 2009 وللعلم اني اراسلهم هاي الفترة ويكلولي الموافقة الامنية ماكو بعدهة ماكو جواب من راحو اهلي وزوجتي للمقابلة جانو يسالون الي بالاي او ام هنا يكلولهم منعرف بس ماكو جواب على الموافقة الامنية وشغلتة كلش تطول ويجوز ميسافر ابد لان طولت شغلتة حيل
طبعا زوجتي وابني صارو وياية بالقضية Hard Case  وامي وابوية نفس الحالة وابو الاي او ام الامريكي كلهم ترة اذا تربطون روحكم ويا يجوز متسافرون طبعا كلولة احنة منريد نسافر اذا هوة ميسافر وطبعا اختي صارت Soft Case  يعني مو وياية بنفس القضية ورة كم شهر من النتيجة مال المقابلة مال ال  DHS  خابرو على زوج اختي وانطوهم موعد سفر والحمد لله وراحو من شهر الخامس 2009 وهمة هسة باميركا مرتاحين الف الحمد لله والشكر ويه اطفالهم وللعلم همة ثنينهم لامشتغلين وية الامريكان ولا اي شغل وية اي منظمة طلعو على القضية مالتي والحمد لله والشكر وصار عندي طفل ثاني الحمد لله ومن رحت دا اضيفة سالتهم على قضيتي وهم كعد هذا الولد المصري الناعم شاف القضية كلي شغلة تضحك كلي امك وابوك اذا تريد هسة ننطيهم موعد سفر ومرتك وجهالك نفس الشي بس انت الموافقة الامنية مجتي بعد من سنة 2008 ليهسة وللعلم شفت الكمبيوتر من فتح قضيتي وكدرت اقرة شنو المكتوب واني متاكد هذا مكتوب على كل واحد ينتظر الموافقة الامنية
بالنص كتابة عريضة على مربع مكتوب بيهة(Don’t Schedule the Applicant till his SAO is CLRRRRRRRR)
وليجوة كتابة ناعمة مكدرت اقراها مع الاسف لان استحيت اتمعن بالكمبيوتر وهوة كاعد يمي
طبعا اهلي واني وزوجتي صار 3 مرات نسوي فحص طبي وهذا شي عادي الا ان فد يوم اجاني ايميل اغرب من الغرابة الايميل يكول
Dear Sir,

Kindly note that cases EG-xxxxxx/ IZ-xxxxxx had their connection with case EG-xxxxxx (هاي الكاس مالتي)  downgraded to Soft Cross referenced which means that you will not travel together, if you don’t wish to proceed in this option you have one option lift, which is withdrawing your application, by sending withdrawn application request to BIC (Baghdad Info Center), your quick response is highly appreciated.

Best Regards,
 Baghdad Info Center
 //MH//
الغريب بهذا الايميل انه يخاطب اصحاب القضية المرقمة مال امي وابوية ومال زوجتي وجهالي ويكلهم انه انتو مرتبطين بالقضية المرقمة وكاتبين رقم القضية مالتي ويكول انه هاي القضية الي هية مالتي Downgraded to Soft cross Referenced الي حتة اصدقاء امريكان مديفهمون شنو القصد منهة ولا شنو معناها
طبعا اني مدزيت ايميل جواب على هذا الايميل لان لا اريد اسحب قضيتي ولا اهلي ولا زوجتي يقبلون يسافرون بدوني ولو دا احجي وياهم واكلهم روحو وبعدين الله كريم تنحل بس ميقبلون قافلين ميسافرون اذا اني ما اسافر وياهم وهذا يوم وذاكا يوم
دزيت يمكن 10 ايميلات اسال على قضيتي وميجيني اي جواب يعني بنفس الوقت ادز ايميل على قضية امي وابوية واخترعلي فد سوال وادز ايميل على قضية زوجتي واسال اي سوال وادز ايميل على قضيتي ولا يجيني جواب ولا ابد حتة من كمت ادز للانفو سنتر الايميل الجديد يجاوبوني على قضية اهلي وقضية زوجتي واني ولا اي جواب على قضيتي ابد لا يكلولي انرفضت ولا ابد ولا اي شي صار على قضيتي
وهاي كل قصتي وية الاي او ام من مصر لبغداد
سوالي الكم بدون زحمة اكو واحد صايرة كدامة او صاير بي نفس الايميل الي اجاني مال داونكرايديد تو سوفت كروس ريفرنس ويعرف شنو هية بس بلا اجتهادات رجائا اذا اكو احد صايرة كدامة ويعرف شنو هية او صايرة بي اتمنى يكلي شنو وشراح يصير
طبعا اني قدمت اس اي في وهسة على موعد المقابلة بشهر الثال وهاي غير موضوع راح اكتبة واكموا شنو الي صار بي هناك

اسف طولت عليكم وامنياتي بالخير وتحقيق الاماني للجميع بأذن الله 

[Kin]

Don’t Schedule the Applicant till his SAO is CLRRRRRRRR
ال SAO معناها Security Advisor Opinion و هيه الموافقة مال المستشار الامني اللي بالFBI و بدائرة الجنسية و الهجرة التابعة لوزارة الامن القومي الامريكية...

[(COBRA)]

هاي سالفه دوخ حيل
عمي الله يساعد كلبك عليهم ,,,,ابو  الكيس ميطلع واهله موافقين عليهم
شلون مترتبه متترتب .,, همه شلون رتبوها .. هاي عجيبه

[yzar]

صحيح اخ Kin ال SAO هوة الي انت كتبتة اخوية بس عندي سوأل الك ولاهل الخبرة بلا زحمة اني هسة مقدم على ال SIV  وعندي مقابلة بالسفارة بشهر الثالث ورة هاي المقابلة هم راح ينتظرون رأي المستشار الامني لو الاس اي في مابيهة وهل برأيك عدم وصول جواب على الموافقة الامنية كل هالوقت راح يأثر على حصولي على الموافقة الامنية بالاس اي في
يعني اكو احد من عدكم او تعرفو مجتة موافقة امنية على الاي او ام بس قضيتة بالاس اي في مشت شغلتة واتمنى الرد على هالموضوع لان قالقني جداً خايف ليروح ال SAO هم ميجي رد علي بالاس اي في مع العلم انه انه جنت بالسفارة ومسوي security screening اكثر من 5 مرات وحتة مسوي Polygraph  وباج اصفر كل ما يخلص اروح اسوي فحص امني من جديد وماكو اي مشاكل ها وحتة بوزارة الدفاع مسوي سكريننك لان هم اشتغلت وياهم شنو سالفة ال SAO مدا افهم
بس على العموم رجائاً اذا احد يعرف ان كانت ال SAO الي بال اي او ام تأثر لو لا على الاس اي في اتمنى يكلي

واخويةابو ارا صدك هية شغلة تضحك وغريبة اهلي تجيهم موافقة كاملة واني يكلولي بعد ماكو رد بس الحمد لله والشكر على كل شي وعلى الستر والله احمد ربي واشكرة على كل شي

بس سوأل لاخ بدون زحمة هوة هذا مو نفسة الرفض الامني قصدي هوة ال SAO هم يجي قبول ورفضض واني كل هالفترة يكلولي ماكو بعد جواب يعني هذا رفض لو مثل ميكولون ماكو جواب اذا احد يعرف وشكرا للجميع 

[المحترم]

اخواني
اني هم عالاي او ام ورة سنتين اخوية انقبل وراح واني المتقدم الرئيسي انرفضت ؟
مع العلم اخوية سبب اللجوء مالة انو اني اخوه اشتغل وياهم ومهدد وبالتالي اخوية هم مهدد بسببي , واني لمن خابروني وخيروني بين انو اروح يم اخوية او اروح يم كفيلتي بس اني اختاريت كفيلتي وراها هاي المكالمة ب 15 يوم اجاني قرار الرفض ؟
زين السؤال هوة شلون قبلتو اخوية ورفضتوني اني صاحب العلاقة المتقدم الرئيسي المعني بالتهديد واللي قدمت الخدمات للجيش الامريكي واني سمعت عدة حالات بالمنتدى نفس الصيغة يعني قضية قبول اعضاء العائلة ورفض المتقدم الرئيسي واردة ودتصير بشكل متكرر وهذا ما اله تفسير منطقي غير شي واحد واعتقد انتم كلكم توافقوني الرأي وهو انو هذه سياسة متبعة الهم واكوهدف من ورى هذا الشي لان ما معقول يرفضون ابو الآنة ويقبلون اهلة وهذا نكدر نكول مو جانب انساني يا منظمة اللجوء الانساني فصل وابعاد وتفريق عائلة قدمت الكم خدمة قيمة المفروض تجمعون شملها وتوطينها من جديد لكي تشعر بالامان والاستقرار اللي فقدته بسببكم .
ولا شغلة اخونة اللي خالينه لا طايل سمى ولا ارض لا هوة الرجال مرفوض ولا مقبول يعني هذا الشي والله مقصود والغرض منة معاقبة الناس واحنا لو اكو من يدافع عن حقوقنا جان والله ما سوو ويانة هيج وعرفو ان الله حق .

اخوية العزيز صاحب الموضوع قدم اوراقك على اللست بروجكت وادخل على الوب سايت مالتهم وشوف الحجي بالكونكرس وهذا الولد كيرك جونسن شلون ديدافع على حقوق العاملين وياهم واللي قضاياهم مستعصية او مرفوضة لاسباب مثل شغلتك لان هذه المنظمة تعين محامي يدافع عن حقوقك ويتابع شغلتك صح هية هم تتعطل يالله تجاوبك بس الضاهر احنا يرادلنا محاميين يوكفون عالعلة ويكشفون الحقائق لان الشغلة مو منطقية لا سامح الله هذا مثل ما واحد يطلب منك ان تتبرأ من اهلك .

المحترم

[yzar]

اشكرك اخوية المحترم على ردك وصحيح يرادلنة محامي يدافع عن حقوقنة بس المشكلة انه همة ممخلين اي مجال للنقاش في بعض القضايا ومن ضمنهة قضية الموافقة الامنية حتة حتة احسن محامي ميكدر يسوي اي شي وهذا تاكيد على كلامك انه همة اكو فد سياية متبعة لهالموضوع لان ماكو بشر اعرفة كدر يناقش على هذا الموضوع او حتة يوصل لنتيجة بالنسبة لقضيتي وللعلم اكو 3 محامين باميركا يحاولون يساعدوني ورئيس الجامعة الامريكية بمصر جان صديق المدير الاقليمي للاي او ام بمصر قبل ما ارجع رحت ويا هوة استرالي وجان كلش صديقي رحت للاي او ام ويا وقابلنة (شهيد الحق) هذا  اسمة للمدير الاقليي مال اي او ام وكله بالحرف الواحد ممكن نحولة لاستراليا خلي يعوف امريكا واني اخذة لاستراليا عن طريق الاي او ام كله منكدر كلشي نسوي الا ان يرفضو او يوافقون علي هههههههههههههههه والله كلة هوة لو ينرفض احسن من انه ماكو جواب واعتذر منة وكله احنة هالموضوع مال الموافقة الامنية منكدر نتصرف او نتخذ اي خطوة اتجاهة ابداً وكل الي نكدر نسوي انه ندز ايميل تذكير حتة يدزولنة الموافقة لو الرفض وبحالتي ماكو لا موافقة ولا رفض

والله العظيم من رجعت من مصر اكو بنية امريكية كلش صديقة جانت تشتغل بالاي او ام مال مصر خابرت على واحد يشتغل بالاي او ام مال بغداد وكلتله علية والله العظيم ورة فترة دا اسولف ويا لهالولد كلي بالحرف الواحد

Off record and this is not official and you didn’t hear it from you about your case (someone not doing his job in the States and give us an answer about your case and you are not the only one

hاكيد انته فاهم القصد انه قضيتي مو الوحيدة واحد مديسوي شغلة باميركا حتة يرد جواب والله العظيم بالظبط هيجي كلامه الي 
بس ورة كلشي لازم نكول الحمد لله على الستر والصحر ونعيش حياتنة بشكل عادي وعلى كولتهم This is not the end of the world
,lk hggi hgj,tdr gg[ldu
fs il hv[u ,hshg s,hg ,hp] h;, hp] lH[jm l,htrm hlkdm ugn hghd h, hl h, h[h vtq ,fhghs hd td 'gu ,lHev ugdi g, dhev
,hgt as;v gg[ldu

[yzar]

بس يبقة سوال واحد اكو احد محصل على الموافقة االامنية من الاي او ام او اجا رفض وبالاس اي في طلع وماثر عليه لو ياثر

الف شكر للجميع

واسف على الخطأ بالطباعة

[ريم عبد]

اخي العزيز
اولا بالنسبه للرد الي اجاك بالايميل Downgraded to Soft cross Referenced
بس يكولولك سوي ربط ضعيف حتى يسفروهم لاهلك وعائلتك
ثانيا انت مجاك رافض ليش دتتصور انه انت مرفوض بالتجييك الامني
القضيه مالتك مجرد انتضار لا اكثر
ولو كان عليك رفض امني كان منقبلت الكيسات الثانيه الي مبنيه على موجب قضيتك
ثالثا انت اذا قدمت على ال اس اي في اهلك لازم يكملون على ال اي او ام فسويلهم ربط ضعيف حتى يسافرون الى  ان تجيك الموافقه سواء على ال اس اي في او ال اي او ام
رابعا بما انه انت ممرفوض من التجييك الامني فبالتالي ليش دتنرفض على التجييك بال اس اي في

[yzar]

الف شكر اخت ريم على هالرد المنطقي والمريح
 الله يسمع منج وتمشي وحدة منهن الاس اي في لو الاي او ام يا رب