[
ܝܐ ܐܚܘܢܝ ܐܕܝܘܡ ܡܡܠܠܝ
ܓܘ ܡܫܬܘܬܐ ܒܗܘܐ ܒܐܘܡܬܐ
ܒܕ ܦܬܚܚܠܗ ܐܗܐ݇ ܚܘܡܠܢܐ
ܒܪܩܕܐ ܕܫܝܫܬܐ ܕܟܪ݇ܣܐ ܕܚܡܬ̈ܐ
ܒܪܩܕܐ ܕܫܝܫܬܐ ܕܐܢܝ݇ ܥܘܛܡܬ݂̈ܐ
ܕܥܠܝܡ̈ܐ ܘܥܠܝܡܬ̈ܐ
ܒܕ ܦܬܚܚܠܗ̇ ܐܗܐ݇ ܚܕܘܬܐ
ܒܙܡܪܬܐ ܚܕܬܐ
ܒܘܨܨܝ ܒܘܨܨܝ ܘܟ̰ܘܒܝܐ.
ܝܐ ܐܚܘܢܝ ܩܬܘܟܼ ܒܝܕܓܼ ܥܪܒܝܬܐ
ܫܒ݂ܘܪ ܘܪܩܘܕ ܟ̰ܘܒܝܐ
ܝܐ ܐܚܘܢܝ ܩܬܘܟܼ ܒܝܕܓܼ ܕܬܪ̈ܝܢ ܣܝܦ̈ܐ
ܠܝܠܘܬ݂̈ܐ ܗܝܟ̰ ܠܐ ܛܠܐܠܝ
ܥܠ ܩܝܢܬ݂ܐ
ܕܒܘܨܨܝ ܒܘܨܨܝ ܘܟ̰ܘܒܝܐ.
ܐܬܘܪܝܐ ܕܐܟ݂ܝ݇ ܡܘܢܫܐܠܘܟܼ
ܠܗ̇ـܝ ܡܪܕܘܬܘܟܼ
ܘܠܡܕܝܢܝܘܬܘܟܼ ܗ̇ـܝ ܓܢ݇ܒܪܬܐ
ܫܠܡܠܘܟܼ ܠܗ̇ܘ ܚܦܝܝܐ
ܫܠܡܠܘܟܼ ܠܒܪܒܪܝܐ
ܕܗ̇ـܝ ܒܪܝܐ
ܕܠܐ ܡܪܕܘܬ݂ܐ ܘܡܕܝܢܝܘܬܐ
ܟܠܗ ܙܡܪܗ ܝܠܗ ܩܛܠܬܐ
ܟܠܗ ܪܩܕܗ ܝܠܗ ܒܣܝܦܐ
ܘܡܕܝܢܝܘܬܗ ܕܡܐ ܫܦܟ݂ܬܐ
ܘܗ̇ـܝ ܬܫܥܝܬܗ ܟܠܗ̇ ܦܪܡܬܐ.
ܐܬ݂ܘܪܝܐ ܗ̇ܘ ܓܢ݇ܒܪܐ
ܒܝܕ ܡܪܕܘܬܐ ܘܡܕܝܢܝܘܬ݂ܐ
ܦܝܫܠܘܟܼ ܝܕܥܝܐ ܒܟܠܗ̇ ܦܢܝܬ݂ܐ
ܒܪܝܐ ܠܐܣ̈ܐ ܕܐܢܝ݇ ܩܝܢܬ݂̈ܐ
ܐܕܝܘܡ ܩܢܝܐ ܗ̇ـܝ ܡܪܕܘܬ݂ܐ
ܕܒܘܨܨܝ ܒܘܨܨܝ ܘܟ̰ܘܒܝܐ
ܒܫܝܫܬܐ ܕܟܪ݇ܣܐ ܘܐܢܝ݇ ܥܘܛܡܬ݂̈ܐ.
الكاتب
