لاصهه عمار بالمقابلة الاولى

[عمار اللامي]

لاصها عمار اللي هوه اني بالمقابلة لاولى بكفر سوسة في دمشق ذكرت حادثة صارت وياي على انها بين الشهر ال 10 و ال11   2006 بس بعد ما تأكدت من الي كان وياي ببغداد كلي لا جانت ب 22..5..2006 معناها اني بشهر 10 و 11 جنت بسوريا و هذا عدهم بالجواز القديم ((((((((( هل من حلول شلون اوضحلهم قبل المقابلة الثانية ))))))))))) تقبلوا فائق احترامي

[Jack2010]

عيني عمار

بلمقابله الثانيه كولهم انو التواريخ عندك ختلطت مع بعضهن وصحح التاريخ من شهر العاشر الى الخامس

وشكرا

[clap again]

عادي ابو ياسر المقابله الاولى مسموح
نبه المحلف قبل لا يسألك على الموضوع

[ĈAŃDŶ]

لايظل بالك صحح كلشي بلمقابله الثانيه


لان يعتمدون عليها المحلفين هواية

[عبد العولمه]

تحياتي للزملاء،،
هناك اكثر من موضوع حول الارتباك بالتواريخ في المقابلة الاولى او الارتباك بشكل عام ..زملائنا الاعزاء الهدف من انتظاركم طول هذه المدة هو المقابلة ويجب ان تعمل ملخص للقصة وتراجعه دوما وتتدرب مع اعضاء الاسرة على الاسئلة والاجوبة او مع صديق اذا اعزب شيء يشبه الامتحانات.. ويحبذ ان تكتب التفاصيل والتواريخ من البداية حتى لو مقابلتك بعد سنة او سنتين حتى لا تنسى التفاصيل...

[يا صبر ايوب]

الله كريم اخي عمار تكدر تصحح بالمقابله الثانية لا تياس من رحمة الله تحياتي

ابو صابر

[ابو سالين]

اخي عمار لاتخاف كلنه خربطنه بلموافقه الاولى بس بلثانيه صححنه وكلنه للموضف انو خربطنه بلتاريخ..بس بلثانيه اكتب قصتك بورقه والتواريخ ثبته واحفضه علمود لا تخربط

[ياسر 2]

صدقني اخويا كلش سهلة بس انت رتبها .

[العقيد]

حبيبي عادي لا يضل بالك

انا قبل كم يوم هم جانت عندي مقابلة ....وتعال وشوف لعبت جولة والبيت اظلم
اصلاً حتى الموظف شوية ويبجي
لان خبلته وهم طلب مني تواريخ بس كتله ما اذكرهن  وكلي بالمقابلة الثانية جيبهن وياك حتى نوثقهن
هذا يدل على انه المقابلة الثانية هيه  الاساس يعني تكدر تعدل بحجيك  الي كلته بس طبعاً بدون ما تغير من موضوع القصه او التهديد بس اذا تاريخ غلط او حادثة ما ذاكرة ممكن...

انت كلهم جنت ناسي وعادي انشاءالله


بالتوفيق لن شاءالله

[رورو1978]

انشاء الله خير  وضحلهم بالمقابله الثانيه وكلهم تعرفون ضغوطات وناسي التواريخ بالضبط

[عمار اللامي]

شكرا لكل الشباب ريحتوا قلبي و اتمنى للجميع التوفيق (((( تقبلوا احترامي ))))