سؤال بسيطSIV المرحلة الثانية نبراسكا

[Ricky Sayler]

البارحة ارسلت اوراقي الى نبراسكا واللي هيه ال I-360 وبيان ولادة مترجم وجنسية وشهادة جنسية مترجمة مع نسخ طبق الاصل و نسخة من جواز السفر مع الكوم ابروفال صاحب مكتب البريد اخبرني انه وصول الاوراق يستغرق من اسبوع الى اسبوعين سؤالي هو ...... شكد واتصل بيهم يعني شكد انتظر قبل ماارسللهم اي ايميل وشنو الخطوة الجاية وشاحتاج اوراق اذا ممكن شرح شوية مفصل مع الشكر

اخوكم ريكي

[BaghdadGhost]

اخي العزيز ,,,,

بالنسبة للفترة الي توصل بيها ,,, انت اذا بعثتهم على الفدكس او ال دي اج ال هم اكيد انطوك وصل بي تراكنك نمبر ,,, تكدر تفوت عالنت و على الشكرة الي انت بعثت منها و تسوي تراكنك للباكج مالتك راح تعرف شوكت توصل ,,,,, و منو استلمها ,,

اني الباحة وصل الي وصل استلام كيس احد اخواننا هنا بالمنتدى الي طلب مني اساعده بهذا الشي ,,,, اوراقه وصلت يوم 19 بالشهر ,,, البارحة من وصلني الوصل مالته كعدت اني ويا عالمسنجر و سويننه تجييك عالكيس مالته يم نبراسكا ,,,, تصدك اذا اكولك بتاريخ 24 بالشهر موافقين عليها و باعثيها لل ان في سي ... يعني ست ايام فقط بقت بنبراسكا ,,,


ان شاء الله موفق يا رب

[Ricky Sayler]

شكرا اخ جوست اني دزيتهه بالميلتري ميل لان اني اشتغل داخل معسكر امريكي وبالنسبة للوصل يعني اذا اجاني معناها انه تم تحويل الاوراق؟ زين ادزلهم ايميل لو ميحتاج وشكرا مرة ثانيه للرد مالتك.

اخوك ريكي

[BaghdadGhost]

اسال الشخص الي بعثلكياها اكو طريقة لعمل تراكنك للباكج ,,,,,


انت تستخدم رقم وصل البريد فقط لمعرفة بان وصلت اوراقك لنبراسكا ,,,, اما من توصل همه راح يبعثون وصل اخطار للشخص الي كتبت اسمه بالاستمارة ,,, هذا الوصل بي رقم يبدي بالاحرف LIN خلي صاحبك بس يبعثلك الرقم و تدخل على هذا اللنك

https://egov.uscis.gov/cris/Dashboard/CaseStatus.do

تجيك الكيس مالتك يم نبراسكا ,,, من بعدها ان شاء الله من يوافقون عليها راح ينكتب هذا الشي بالويب سايت اعلاه و ايضا نبراسكا يبعثون وصل اخطار ثاني لصاحبك ,, هذا مابي فايدة بس للتاكيد على انه اوراقك ارسلت الى NVC


بالتوفيق