صورة قيد 57

[ابو محمد حسين]

الاخوان الاعزاء كافة ... السلام عليكم ورحمة الله


اخواني بخصوص صورة قيد 57 ... بعد ان نقوم باستخراجها من دائرة الاحوال الخاصة بنا مثلا احوال الرصافة او الاعظمية او الكرادة هل ممكن ترجمتها مباشرة عند مكتب نادر او غيره من مكاتب الترجمة المعتمدة ثم ارسالها مع باقي الطلبات ام يشترط اخذ صورة القيد الى مديرية الجنسية في السنك وتصديقها هناك وترجمتها من تلك الدائرة حصراً ؟
ارجو التوضيح من اصحاب الخبرة وشكرا لكم جميعاًز

[nen000]

اني اخذتها  كبل او ترجمتها  او اوكي دزولي موعد مقابلة او اصدقائي نفس الشي

تحياتي الك

[echo 9]

السلام عليكم
اشلونك اخوي ابو محمد
حبيبي بالنسبة للقيد 57 الاحسن انه تقوم بترجمته بالدائرة اللي بالسنك مباشرة لان تصديقات الخارجية  تقوم بالتصديق لهاي الدائرة اما اذا تقوم بترجمته عند اي مكتب ترجمة فالخارجية ما راح تصدقه لك الا ان يكون مختوم بختم جمعية المترجمين العراقية والنوب الشغلة تصير امحين عليك هم فلو سلمكتب الترجمة وفلوس لجمعية المترجمين انته شلك بهالدوخة خو فرد مرة من النفوس للدائرة اللي بالسنك تاخذ القيد مترجم وكامل بمبلغ رسم كلش بسيط وكبل للخارجية تصدقه وتنتهي الشغلة هذا رايي واللي سويته انا
اما بالنسبة لترجمة القيد من قبل مكتب ترجمة فهاي ما مجربها

[ابو محمد حسين]

الاخوان كافة ... السلام عليكم ورحمة الله
 شكرا على الردود الكريمة كافة ... الاخ nen000 بصراحة لم افهم ردك بشكل واضح ارجو التوضيح .. الاخ ايكو وعليكم السلام والف اهلا بيك .. تره الايام القادمة راح احتاجك واكيد راح اتصل بيك بالايميل ارجو منك مساعدتي في الخطوات الاخيرة قبل المقابلة مع كل التقدير لك .

[Kin]

اخي لازم اترجمها بمكتب الجنسية اللي صاير بالسنك و بعدين تاخذها لدائرة التصديقات مال الداخلية اللي صايرة بزيونة يم الملجأ و بعدين تروح للتصديقات مال الخارجية...

[ARMY STRONG]

حبيبي انته اصلن تاخذها مترجمه من دائره نفسها الي بل سنك

يشوفون جوازك حته يكتبون اسمك مثل مامكتوب بل جواز

[Revolver]

حبيبي انته اصلن تاخذها مترجمه من دائره نفسها الي بل سنك

يشوفون جوازك حته يكتبون اسمك مثل مامكتوب بل جواز

مثل مكان اخوية سترونك, بس لتنسى تاخذ وياك المستمسكات الاصلية كلهة و صور حديثة, واذا عندك صورة وحدة, من توصل للمكان نفسة الي بلسنك, على اليمين اكو مكتبة صغيرونة بيها كلشي. مناك تكدر اتسوي فايل يمهم وتستنسخ كلشي. وهمة يدلوك ويعلموك على كلشي, ناس ولد اوادم ..

ريفولفر

[rmadi]

السلام عليكم اخوان
ومن رخصة الاخ صاحب الموضوع اذا سمحلي بسؤال

ها كل افراد العائلة لازم يروحون لدائرة السنك؟لو فقط وثائقهم
وكم نسخة اترجم من صورة القيد وحدة ؟



وشكراً

[nen000]

الاخوان كافة ... السلام عليكم ورحمة الله
 شكرا على الردود الكريمة كافة ... الاخ nen000 بصراحة لم افهم ردك بشكل واضح ارجو التوضيح .. الاخ ايكو وعليكم السلام والف اهلا بيك .. تره الايام القادمة راح احتاجك واكيد راح اتصل بيك بالايميل ارجو منك مساعدتي في الخطوات الاخيرة قبل المقابلة مع كل التقدير لك .

اخذت القيد الورقة الزركة او ترجمتها 

[echo 9]

السلام عليكم
- اخوي الغالي ابو محمد حبيبي انته انا بالخدمة باي وقت تريد يا طيب حاضر وممنون وخادم زغيرون باذن الله
- الاخ rmadi عمي الغالي ما يحتاج العائلة كلها تروح اللي يروح للسنك بس ابو العائلة وياخذ وياه مستمسكات بقية افراد عائلته ( الجنسية الاصلية - الجوازات - الصور الشخصية - القيود من النفوس مالته وبيها كتاب رسمي موجه لدائرة الجنسية اللي بالسنك )

[echo 9]

لو تكرمت اخي العزيز ما فائدة صورة قيد 1957 . انا لم اجلب معي بس عندي الجنسيه الاصليه مال ال57 ؟؟

السلام عليكم
عزيزي الاخ السلام
القيد 57 اللي احنا نسميه ( قيد دار ) من ضمن الطلبات اللي يطلبوها ال ان في سي على جماعة ال اس اي في
وضروري جدا احضارها وارسالها للان في سي وايضا بالمقابلة يريدون الاصلية
بس ما عرفنا شنو قصدك بالجنسية 57 ؟