|
ماجلان
|
 |
« في: 10:50 29/01/2011 » |
|
شفت هذا المقطع للمظاهرات الشعبية بمصر على موقع بي بي سي العربية و كلش عجبتني شعارات المتظاهرين http://www.bbc.co.uk/arabic/multimedia/2011/01/110128_egypt_ugc.shtmlالشعار الأول: واحد إتثنين الشعب المصري فين؟ الشعار الثاني: يا جمال قول لأبوك الشعب المصري يكرهوك الشعار الثالث: يا مبارك يا مبارك السعودية بإنتظارك و الله عفية عليهم المصريين .... تره مبارك في مصر مثل ما كان صدام بالعراق ... و من هاي و انتوا عرفوا شكد أبطال المصريين ؟!؟!؟!؟!؟ تحياتي |
|
|
|
|
|
ماجلان
|
|
« رد #1 في: 22:26 29/01/2011 » |
|
عليكم السلام و رحمة الله و بركاته أخوية أبو تبارك (Aliusa) شلون ما اتذكرك؟ و كلامك هذا شهادة أعتز بيهه ... و بصراحة ما أعرف شأكتب حتى أجاوب كلماتك اللي انطتني أكثر من حقي.
مشكور مرة ثانية على كلامك الرائع و أريدك سالم و أخ عزيز.
تحياتي
|
|
|
|
|
|
موناليزا70
|
|
« رد #2 في: 01:31 30/01/2011 » |
|
شلونك اخ ماجلان ان شاء الله بخير ............اني شفتها قبل ماتنزل الرابط ومثلك عجبتني ...........المصريين فنانين بكلشي ...........تحياتي
|
 ان حظي كدقيق فوق شوك نثروه ثم قالوا لحفاة يوم ريح اجمعوه |
|
|
|
ماجلان
|
|
« رد #3 في: 05:58 30/01/2011 » |
|
اهلا و سهلا اختي موناليزا و شكرا عالسؤال ... اني بخير و الحمدلله ... و اسأل عن اخبارج شلونكم ويه كاليفورنيا؟
طبعا اني دائما اتابع سوالف اخوانا المصريين و النكت السياسية مالتهم و اكول هذوله شلون عدهم هالقابلية هذي باختراع هاي النكت و شلون يصفطوهه؟؟؟ تالي البارحة من دا اتفرج المظاهرات تبين هذوله حتى شعاراتهم نكت ههههههههه
تحياتي
|
|
|
|
|
|
alarmania
|
|
« رد #4 في: 06:21 30/01/2011 » |
|
اخوان اهم شي نتطمن على اخوتنا واخواتنا العراقيين اللي بمصر ....
شنو مصيرهم اكو احد منكم كدر يتواصل ويا اي واحد منهم ويطمنا عليهم ؟؟؟؟
|
 http://youtu.be/rdadbZ00PSsما دام هناك في السماء من يحميني فليس هنا في الارض من يكسرني ربي لا ادري ما تحمله لي الايام لكن ثقتي بانك معي تكفيني |
|
|
|
ماجلان
|
|
« رد #5 في: 09:25 30/01/2011 » |
|
أختي الأرمنية ... احنا قلوبنا وياهم بالتأكيد ... و ان شاء الله حسب ما قرأت هم بعيدين على هاي السوالف ... و العراقيين شافوا بما فيه الكفاية و اكيد صارت عدهم خبرة بكيفية التعامل مع مثل هاي الظروف ... و ان شاء الله سلامات.
تحياتي
|
|
|
|
|
|
ابو سالين
|
|
« رد #6 في: 10:01 30/01/2011 » |
|
شكرا اخ ماجلان عله هلموضوع ..وهسه حسني مبارك يريد يسوي تعديلات واصلاحات ...وين جنت صارلك35سنه بلحكم والمصرين كاتلهم الجوع طبعا الغالبيه مو كلهم..الله يستر
|
|
|
|
|
|
شموسه123
|
|
« رد #7 في: 14:42 30/01/2011 » |
|
شكرا لك اخويه على فكره الموضوع
|
|
|
|
|
الرسام1973
|
|
« رد #8 في: 15:01 30/01/2011 » |
|
الهم عم السلام والمحبه فى بقاع العالم .............
|
|
|
|
|
علي حقي
|
|
« رد #9 في: 16:08 30/01/2011 » |
|
استاذ ماجلان احب اسلم عليك اول مرا وكلك اشلونك استاذ اشلونك زين وبل حالتين الله يسعدك ويريحك استاذ..., واحب اسلم على الاعضاء هم واحد واحد وكلهم اشلونكم اخوان اشلونكم زينين
ثاني مرا اريد اكول احنا اشكد صار بينا بلاء وضيم ليش منطقنا حتا صوت واحد من الاذى مو انسوي مضاهرة او نحتج, ليش محد يكدر ايجاوبني, الموضوع واضح,و من 1970اجدادنا ايسولفون الى هسا ضيم وقهر والى انتو عارفين الباقي ..........
وطبعن ناس استفادة من هاي الخربطة والضيم .......... وناس انضرة من هاي الامور ......... خصوصآ بعد 2003 ناس انضرة وناس استفادة تدري استاذ اني ردة انزل مو ضوع يشبه موضوعك بس على المضاهراة الي بتونس بس كلت ماكو فايدة ومرح تلاكي صدا الهة والامور معرفا ..........,فاانتا سبقتني بهاذا الموضوع استاذ اهنا نزل مواضيع على الهجرا السياحا الجنسيا السفر الحريا والديمقراطيا هاي ايحبوها رجالآ (ونسأآ)لان النسوان ايحبن الحرياهههههههههه على راسي اني بس اريد اكول جملا مفيدا!استاذ احنا عايشين بغابة !خصوصآ بل عراق تحياتي عاشة ايدك
|
أنا أنسان مسالم ومضلوم واعانيت الكثير احب الخير للجميع ولا أحد يحب الخير لي احب الاختلاط والعيش معا كل الاديان والجنسيات
|
|
|
|
ماجلان
|
|
« رد #10 في: 21:38 30/01/2011 » |
|
شكرا اخ ماجلان عله هلموضوع ..وهسه حسني مبارك يريد يسوي تعديلات واصلاحات ...وين جنت صارلك35سنه بلحكم والمصرين كاتلهم الجوع طبعا الغالبيه مو كلهم..الله يستر
أغاتي أبو سالين ... هذه الحركات يسموهه (لعب بالوقت الضايع) و ان شاء الله متفيد شكرا اختي شموسة و اخي الرسام على مروركم بالموضوع و ردودكم |
|
|
|
|
|
ماجلان
|
|
« رد #11 في: 21:53 30/01/2011 » |
|
أغاتي أبو حسين الورد ... الله يسلمك و يخليك ... و اني ان شاء الله زين اذا انتو زينين ..
حبي ابو حسين ... احنا هنا كلنا أخوة و زملاء و أكثرنا داخلين بأسماء مستعارة و محد ناطي أي تفاصيل لا على شغله و لا على عمره ... و كلش رح أكون مرتاح إذا تكول لي (أخوية أو زميلي) حتى على كولة المصريين نشيل التكاليف اللي تحملها الألقاب مثل (أستاذ و سيد ...الخ).
أخوية ابو حسين
مرة كنت أسولف ويه جماعة أصدقاء قبل أحداث 2003 و تعرف شلون كان الكلام خطير بذاك الوكت ... و واحد منهم سألنا ... و كال: إحنا مو كافي حروب و حصار و بهذله؟ مو كافي نبقى عايشين بسجن يسموه بلد؟ و تحت راية جلاد يسموه رئيس؟
فكان جوابي له أنه مشكلتنا العراقيين من تواجهنا أزمة منتصرف التصرف اللي يخلينا نطلع منها ... و لكن نتصرف التصرف اللي يخلينا نتكيف مع الأزمة و نعيش وياها !!!!
و بالفعل هذا الشي صار بعد 2003 ... من صارت أزمة البنزين محد طلع و تظاهر (في زمن الحرية) و طالب الحكومة بإيجاد الحلول و لكن الناس اشتروا جليكانات و حوّروا تانكيات البنزين بسياراتهم و كاموا يشتغلون بيع و شراء و بهالحالة ساعدوا على تفاقم الأزمة و اتخذوها مصدر رزق.
و من صارت أزمة الكهرباء بدل التظاهر إشتروا مولدات و تاجروا بيها و كاموا يبيعون أمبيرات للناس ...
فيا أخوية هي المشكلة مو بالحكام و الحكومات ... و لكن المشكلة بالشعب نفسه ... و كلما كان الشعب ضعيف كلما كانت الحكومة و الحاكم قوي ... و الشعب هو اللي يخلق الدكتاتورية بسبب ضعفه و خنوعه.
الله كريم
|
|
|
|
|
|
echo 9
|
|
« رد #12 في: 23:02 30/01/2011 » |
|
يا أخوية هي المشكلة مو بالحكام و الحكومات ... و لكن المشكلة بالشعب نفسه ... و كلما كان الشعب ضعيف كلما كانت الحكومة و الحاكم قوي ... و الشعب هو اللي يخلق الدكتاتورية بسبب ضعفه و خنوعه.
عاشت ايدك اخوي الغالي ماجلان الجملة الاخيرة بردك فعلا بيها خليت ايدك عالجرح ( اذا الشعب يوما اراد الحياة - فلابد ان يستجيب القدر )
عموما احنا كل اليهمنا من مسالة مظاهرات ومشاكل مصر وغير مصر انه عدنا اخوة واخوات عراقيين هناك منهم اخونا شمعة وبقية الاخوات والاخوة هناك نسال الله سبحانه وتعالى ان يخرجهم من هاي المشكلة سالمين غانمين .
|
|
|
|
|
هنوة
|
|
« رد #13 في: 23:12 30/01/2011 » |
|
الله يكون بعون العراقيين الي بمصر
مشكور اخوية ماجلان ع نقل الاخبار
|
|
|
|
|
ماجلان
|
|
« رد #14 في: 07:17 31/01/2011 » |
|
ايدك العايشة اخوية ايكو و مشكور
مشكورة اختي ام انس عالمشاركة و اني اشترك وياج بالدعاء لأخوانا العراقيين في مصر .. و ان شاء الله تمر عليهم سلامات.
تحياتي
|
|
|
|
|
|
echo 9
|
|
« رد #15 في: 10:25 31/01/2011 » |
|
اتمنى من كل قلبي ان يكون تحليلك اخ ماجلان صحيح وان يصير التغيير بمصر ايضا ولكن يا اخي الخوف دائما يكون من البديل
اخاف تونس ومصر وغيرها من الدول العربية اللي راح تلحق بالركب من يصير عدهم التغيير يجيهم واحد اضبط من الكان يحكمهم
وهذا الشي احنا هسه عايشيه بالعراق
شوف النسبة الغالبة عدنا هسه تترحم على ايام صدام مو لان صدان خوش ولد وعادل ومعيشنا برفاهية لا بالعكس هو من اكبر طواغيت العصر ونظامه كان من اشد الانظمة قسوة على شعبه وظالم بكل ما تحمل صفة الظالم من معاني بس للاسف من صار التغيير شفتوا هسه وين وصلنا البديل اتعس من ذاك الاغبر .والوضع بالعراق من سيئ الى الاسوء اقلها كانت عدنا حصة تموينية تكفي وزيادة اقلها ما كنا نفكر بالبنزين والكاز والنفط اقلها من كان موظف حكومي من درجة مدير عام فما فوق يفكر مجرد تفكير بان يختلس او ياخذ رشوة كبيرة يحسب وراه اعدام وتعليك من كفشته وفضيحته تصير بجلاجل مو مثل هسه الحرامي يسرق مال الشعب والتحميه الحكومة ( وحاميها صار حراميها )
فكرة التغيير بالانظمة العربية ماكو احلى منها بس ياهل ترى البديل اللي راح يجي اشلونه ؟؟؟؟ هنا السؤال
بالنسبة لرايك بحسني مبارك انا احترمه واقدره وادعي من الله كون يطير ويلحك بطاغية تونس بس والله متخوف هالهوسة اللي صارت بمصر تاليها مثل انتفاضة ال 91 عدنا بالعراق .
بلكي الله ويسمع منك وينزاح هالكابوس عن الشعب المصري لان بالنتيجة احنا النرتاح ايضا من تتغير الانظمة الفاسدة الحوالينا
|
|
|
|
|
National
|
|
« رد #16 في: 11:38 31/01/2011 » |
|
اشكر الاخ الاستاذ ماجلان على هذا الموضوع ........ بالفعل احنه من صارت ازمة البنزين كامو الجماعه اللي بالعراق ايسموهم البحاره ايتاجرون بالبنزين ومن انفقدت الكهرباء اشتهرت ونشطت تجارة المولدات والوايرات مالت السحب والتجطيل ....... من خلال هذا الكلام واأحداث أخرى حصلت نستنتج أنه أحسن شعب يصنع الطغاة المتجبرين هو أحنه العراقيين اكولهه بكل اسف ومراره طبعا واكيد مو الكل يعني الطغاة الي حكمو هذا البلد مو همه الله خالقهم طغاة ودكتاتوريين لا بس احنه سويناهم يعني شوفو المظاهرات اللي تحصل في دول مثل تونس ومصر وقريبا ان شاء الله اليمن والجزائر وسوريا والاردن والسودان وربما اقول ربما في امارات البترول طبعا خلو في بالكم هذه الدول الكهرباء مستمره بيهه والماء مينكطع وماكو حواجز كونكريتيه من ترجع الى البيت من الشغل بالحر اللاهب تكعد بالسياره تنتظر ساعتين او اكثر حتى يتصدق عليك ابو الحرس حتى ايخليك اتطب لبيتكم يعني خصم الحجي احنه بالعراق شغلتنه داجه لا وفوك هذا يطلع واحد رئيس كتله مراح اكول اسمه حتى لحد يزعل بس هو دائما يحجي كالت الشفافيه وحجت الشفافيه طلعلنه بتصريح ايكول هذه المظاهرات حدثت لان شعوب المنطقه اتأثرت بالدمقراطيه والرفاهيه مالت العراق فيا أخوان ما أدري شكول غير من هالمال حمل اجمال..... ودمتم
|
لـِنكُنْ آروَاحْ رَاقِـيَـة
نَتسـامْى عَنْ سَفـاسِفَ الأمُـورْ وَعـَنْ كُـلْ مَـايَخِدشُ نـَقائِنـا
نًحترِمْ ذآتنـَا وَنـَحتـِرمْ الغَـيْر .. عِنـدَمـْا نتـَحدثْ نتحَـدثْ بِعُمـْق
نـَطلبْ بـأدبْ .. وَنشُكر بـِذوَقْ .. وَنـَعتذِرْ بِـصدقْ
نتـَرفـْع عَـن التفَاهـَاتـْ والقِيـلَ والقـَالْ
|
|
|
|
AL BAGHDADIA5
|
|
« رد #17 في: 20:59 31/01/2011 » |
|
شكرا لك اخي على هذا الموضوع
بس المشكله حسني مبارك ولا عبالك السالفه يمه كاعد يشكل بحكومه جديدة
خايفه يروح تعب المصريين هدر
الله ينصرهم ويحفظ العراقيين بمصر
|
|
|
|
|
|
angie-dawood
زائر
|
|
« رد #18 في: 23:38 31/01/2011 » |
|
الخارجية تدعو عراقيين مصر الى الابتعاد عن مناطق التوتر
دعت وزارة الخارجية العراقيين المقيمين في مصر الى الابتعاد عن اماكن التوترات وان يكونوا على اتصال مستمر بالسفارة العراقية في القاهرة . وقالت الخارجية في بيان اليوم :" في هذه الظروف العصيبة التي تمر بها جمهورية مصر العربية الشقيقة والتي نتمنى لها ولشعبها دوام التقدم والازدهار ، ندعو المواطنين العراقيين المقيمين فيها والزائرين اليها ان يتصرفوا بالشكل الذي يوفر السلامة لهم ولعوائلهم ، وان يبتعدوا عن اماكن التوترات والتجمعات ، وان يكونوا على اتصال مستمر بالسفارة العراقية في القاهرة لتلقي التوجيهات اللازمة ، كما نهيب بهم التعاون مع السفارة واعلامها بما يحتاجونه من المساعدات التي تؤمن سلامتهم وأمنهم ".
واضاف البيان :" ان السفارة العراقية في القاهرة لديها التوجيهات اللازمة بهذا الخصوص . فضلا عن ذلك ، فان وزارة الخارجية من جانبها تتابع اوضاع المواطنين العراقيين في مصر من خلال القنوات الدبلوماسية والرسمية " .
وتابع :" اننا في الوقت الذي نتمنى فيه السلامة للمواطنين العراقيين المقيمين في مصر ، فاننا نكرر دعوتنا اليهم للاتصال المستمر بالسفارة العراقية و اعلامها باي تطورات تتعلق بامنهم وسلامتهم على الارقام التالية:
التلفون الارضي : 002027622731
002027622732
علما ان الحكومة العراقية تتابع تطور الاوضاع ، وقامت بارسال ثلاث طائرات لنقل الرعايا العراقيين الموجودين في مصر ، وستتواصل هذه العملية لآجلاء جميع الراغبين في العودة ". مصدر من صحيفة الوطن العربي
مشكور اخي ماجلان للرابط ونقل الاحداث بمصر انشاءلله تمر هاي الازمة على خير ونطمئن على اخوانا الاعضاء الي بمصر وكل عراقي الي موجودين هناك الله يستر على الجميع |
|
|
|
|
|
alarmania
|
|
« رد #19 في: 23:51 31/01/2011 » |
|
الله يستـــــــر ....نتمنى بس الله يحفظ العراقيين اللي بمصر ... يكفي اللي شافوه وعاشوه بالعراق الله .... ارحم الراحمين يرأف بحالهم وينجيهم ويفتح عليهم ابواب الفرج بأذن الله تعالى ... قلوبنا معكم.......
|
http://youtu.be/rdadbZ00PSsما دام هناك في السماء من يحميني فليس هنا في الارض من يكسرني ربي لا ادري ما تحمله لي الايام لكن ثقتي بانك معي تكفيني |
|
|
|
windtalker
|
|
« رد #20 في: 23:59 31/01/2011 » |
|
`هذا حظهم مساكين الله انشاالله يفرجهه عليهم عود راحو يرتاحون بس الشغلة بيهه حكمة اللاهية ممكتوب لحسني يعمر بالحكم مثل الي قبله وقبله وان ربك لبلمرصاد
|
 لاتستوحشو طريق الحق لقلة سالكيه |
|
|
|
alarmania
|
|
« رد #21 في: 00:04 01/02/2011 » |
|
والله حسني وغيره ابد ما يصيرلهم شي بس المساكين يرحون بالرجلين ... مع ذلك نتمنى يكون القادم افضل لانو كل ما ردنا نغير شي يجيلنا اسوأ من اللي كان .... بس الله يستر على عباده ....وينجيهم .... من شر السفهاء....
|
http://youtu.be/rdadbZ00PSsما دام هناك في السماء من يحميني فليس هنا في الارض من يكسرني ربي لا ادري ما تحمله لي الايام لكن ثقتي بانك معي تكفيني |
|
|
|
windtalker
|
|
« رد #22 في: 00:11 01/02/2011 » |
|
الله يسمع دعائج اختي العزيزة
|
لاتستوحشو طريق الحق لقلة سالكيه |
|
|
|
اليسا2
|
|
« رد #23 في: 00:39 01/02/2011 » |
|
انشاء الله تنزاح هاي الغمة عن اخوانا في مصر يارب
|
|
|
|
|
ماجلان
|
|
« رد #24 في: 06:50 01/02/2011 » |
|
مشكورين أخواتي و أخواني اللي مروا بالموضوع و شاركوا بالردود و التعليقات
إيكو ناين
ناشينال
البغدادية
أنجي
الأرمنية
ويند تولكر
اليسا
و أدعي وياكم من الله ان يحفظ اخوانا العراقيين في مصر و يحفظ الشعب المصري اللي عانى ما عانى من ويلات النظام الحالي و من سبقه ... و أدعو من الله ان ينجحون في تغيير النظام و لكن في نفس الوقت أدعو أن يكون النظام الجديد نظام ديمقراطي حقيقي مو مثل ديمقراطية العراقيين الحالية.
تحياتي
|
|
|
|
|
|
غــــــــزل
|
|
« رد #25 في: 07:13 01/02/2011 » |
|
امييييييييييييييييييييييييييييين يارب العالمين
شكراااااااااااا اخي ماجلان ع الموضوع الرائع
|
لا اله الا الله محـــــــــــــــــــــــــــــمد رســـــــــــــــــــول الله
|
|
|
|
ــــ{{{ABADY}}}ـــــ
|
|
« رد #26 في: 07:23 01/02/2011 » |
|
يارب انصر المضطهدين والمساكين علي الطغاه والضالمين
|
|
|
|
|
اليسا2
|
|
« رد #27 في: 23:17 01/02/2011 » |
|
امين ياربي العالمين
|
|
|
|
|
AL BAGHDADIA5
|
|
« رد #28 في: 00:56 02/02/2011 » |
|
ان شاء الله يوم الكل ظالم
الله ينصر كل مظلوم
|
|
|
|
|
|
angie-dawood
زائر
|
|
« رد #29 في: 04:37 02/02/2011 » |
|
قالت وزير الخارجية الامريكية هيلاري كلينتون إن الجيش المصري يظهر، على ما يبدو، ضبطا للنفس تجاه المظاهرات السلمية المعارضة.  أعلن البيت الابيض ان الرئيس الأمريكي باراك اوباما يؤيد انتقال السلطة بشكل منظم في مصر إلى حكومة تلبي طموحات الشعب المصري. واوضح البيت الأبيض أن الرئيس أوباما أجرى مكالمات هاتفية مع زعماء تركيا والأردن والسعودية ورئيس الوزراء البريطاني والإسرائيلي لمناقشة الأوضاع المستجدة في مصر. وعبر أوباما خلال حديثه مع الزعماء عن معارضته للعنف ودعوته لضبط النفس ودعمه لحقوق الإنسان وبينها حق الاحتجاج السلمي والتجمع وحرية التعبير.وتشاور أوباما مع الزعماء الذين تحدث اليهم حول تقييمهم للوضع في مصر، واتفقوا على البقاء على اتصال. وبحسب بيان الحكومة البريطانية فقد اتفق أوباما ورئيس الوزراء ديفيد كاميرون على ضرورة إجراء إصلاح سياسي شامل في مصر. كما دعت لندن الحكومة المصرية إلى التعامل بشكل سلمي مع الاحتجاجات. وكانت وزير الخارجية الامريكية هيلاري كلينتون قد قالت إن الجيش المصري يظهر، على ما يبدو، ضبطا للنفس تجاه المظاهرات السلمية المعارضة. الرئيس الأمريكي يتابع يوميا تطورات الأوضاع في مصر واضافت كلينتون أنه لا حديث في الوقت الحالي عن تعليق المساعدات الامريكية لمصر. ووصفت كلينتون، خلال مقابلة مع شبكة تلفزيون (ايه بي سي)، تعيين الرئيس المصري حسني مبارك نائب له يوم السبت بأنه "مجرد بداية" لقائمة طويلة من الاصلاحات المطلوبة في مصر. واعربت كذلك عن رغبتها في "انتقال سلس" للسلطة في مصر لتجنب حدوث فراغ. ونقلت وكالة رويترز عن كلينتون أن واشنطن لا تريد أن تشهد مصر "استيلاء على السلطة يمكن أن يؤدي إلى غير الديمقراطية". وقالت في لقاء آخر مع قناة (ان بي سي) "نريد أن نرى انتخابات حرة ونزيهة، ونتوقع أن يكون هذا الأمر أحد نتائج ما يجري الآن". وأكدت كلينتون أن "الولايات المتحدة في صف الشعب المصري ونريد مصر ديمقراطية تحترم حقوق شعبها". وشددت وزيرة الخارجية الامريكية على أن موقف الادارة الامريكية هو دعم "مصر ديمقراطية" تلبي الحقوق الانسانية والاقتصادية لشعبها. وقالت كلينتون "نحن نوجه رسالة واضحة: العنف ليس هو الحل"، مضيفة أن واشنطن تقف خلف خطى ثابتة من أجل الاصلاح. قالت كلينتون إن بلادها في صف الشعب المصري وذكرت وزيرة الخارجية الامريكية بأن مصر دولة "شريكة" للولايات المتحدة، مضيفة أنها لعبت دورا جوهريا في عملية السلام في الشرق الأوسط ودعم السلام مع اسرائيل. وقالت إن عملية الحوار الوطني لا يتوقع أن تحدث خلال ليلة وأنها ستأخذ بعض الوقت، مضيفة "لقد تطلب الأمر 30 عاما لتعيين نائب للرئيس اخر الاحداث من جرائد مشكن |
|
|
|
|
|
angie-dawood
زائر
|
|
« رد #30 في: 04:42 02/02/2011 » |
|
عودة 1200 عراقي من القاهرة
وصلت الى بغداد ثلاث رحلات جوية مجانية الى بغداد تقل نحو ألف و(200) مواطن قادمين من مطار القاهرة ضمن مساعي الحكومة لاجلاء العراقيين على خلفية الانفلات الامني والاحداث المضطربة التي تعم المدن المصرية منذ اسبوع.
وقال مدير الشؤون الجوية في مكتب وزير النقل الكابتن ناصر بندر في تصريح لـ"الصباح": ان آخر طائرة تابعة للخطوط الجوية العراقية وهي من نوع (بوينغ 747 ) سعة 400 راكب وصلت أمس الى مطار بغداد الدولي قادمة من مصر وعلى متنها عدد من العراقيين العائدين طوعا الى الوطن جراء احداث العنف الاخيرة التي شهدتها اغلب المدن المصرية. واشار الى ان تلك الرحلة تعد الثالثة ضمن سلسلة الرحلات المتواصلة التي تنفذها وزارة النقل بشكل مجاني، مؤكدا الاستمرار بتسيير رحلات مماثلة بحسب الحاجة الفعلية التي تحددها السفارة العراقية في القاهرة كون الوزارة لا تمتلك معلومات محددة بشأن اعداد الراغبين بالعودة.
ونوه الكابتن بندر بأن وزير النقل هادي العامري كان في استقبال العائدين العراقيين في مطار بغداد الدولي، مبينا ان اول رحلتين مماثلتين وصلتا ليلة أمس الاول الى بغداد.
|
|
|
|
|
|
عراقي هواي
|
|
« رد #31 في: 19:06 02/02/2011 » |
|
حسني مبارك اسرائيل تريدة والسعوديه
واسرائيل اذا ارادت ارادت باقي الدول العربيه وامريكا
وما اتمنالهم يجيهم نظام اسلامي بحت لان لحد الان نظام الحكم بلاسلام مو عارفين كيفيته شلون وراح يشوفهم اجداد اجدادهم الفراعنه وتنقلب مصر الى افغانستان اخرى
ولو الجيش المصري اللي صار بطل على العراقيين با91 لحد هسه على الحياد بس ما اعتقد راح يبقى عل الحياد
وترى الشعب العراقي احدث كثير من الثورات اللي اعتقد اغلبكم ميذكرهة او ميعرف عنه لانه كانت تسحق بقوة عن بكرة ابيها والاذى والاعدام والتهجير يلاحق اقرباء كل من اشترك بها وحتى الدرجه 18 لو نسيتوا شلون كان النظام يهدم البيوت على ساكنيها وحسني بالنسبه لصدام ما كو قياس لان صدام 14 محافظه ثارت علي 91 ولو صدام بمكان حسني جان الدم هسه صعد للذقون مو للركاب واللي يكول نظام صدام زين ترى مو منصف هذا اذا كان يعرف شنو الانصاف وحكومه العراق هاي هيه على كده شنو سوي هذا الموجود والعافيه تداريج
|
ملكنا فكان العفو منا شيمة........ فلما ملكتم سال بالدم ابطح
وحللت قتل الاسارى وكنا......... عن الاسرى نعف ونصفح
حسبكم هذا الفرق بيننا............. كل اناء بالذي فيه ينضح.
|
|
|
|
angie-dawood
زائر
|
|
« رد #32 في: 19:14 02/02/2011 » |
|
فقرة من فقرات قوانيين المنتدى
6. تُحذف الردود التي تمس القوميات والشعوب والديانات و توجيه الشتائم لها ونرجو في هذا المضمار التفريق والتميز بين الشعوب والاحزاب والقيادات.
|
|
|
|
|
|
samoual
|
|
« رد #33 في: 00:28 03/02/2011 » |
|
حسني مبارك اسرائيل تريدة والسعوديه
واسرائيل اذا ارادت ارادت باقي الدول العربيه وامريكا
وما اتمنالهم يجيهم نظام اسلامي بحت لان لحد الان نظام الحكم بلاسلام مو عارفين كيفيته شلون وراح يشوفهم اجداد اجدادهم الفراعنه وتنقلب مصر الى افغانستان اخرى
ولو الجيش المصري اللي صار بطل على العراقيين با91 لحد هسه على الحياد بس ما اعتقد راح يبقى عل الحياد
وترى الشعب العراقي احدث كثير من الثورات اللي اعتقد اغلبكم ميذكرهة او ميعرف عنه لانه كانت تسحق بقوة عن بكرة ابيها والاذى والاعدام والتهجير يلاحق اقرباء كل من اشترك بها وحتى الدرجه 18 لو نسيتوا شلون كان النظام يهدم البيوت على ساكنيها وحسني بالنسبه لصدام ما كو قياس لان صدام 14 محافظه ثارت علي 91 ولو صدام بمكان حسني جان الدم هسه صعد للذقون مو للركاب واللي يكول نظام صدام زين ترى مو منصف هذا اذا كان يعرف شنو الانصاف وحكومه العراق هاي هيه على كده شنو سوي هذا الموجود والعافيه تداريج
والله كلامك صح الثورات الي صارت على صدام وايام احمد حسن تدل على شجاعة العراقيين مو مثل ما اشيع من بعض الاخوة. صدام لو بمكان حسني مبارك تكفيه بس دقيقتين يتحول ميدان التحرير الى مقبرة جماعية سنة 1991 صدام ضرب المحافظات بالطائرات وبصواريخ ارض ارض حسني مبارك وزين العابدين بن علي هذولة مايجون 1% من ابو هذلة صدام حسين كان رجل مجرم ودكتاتور وطاغية وووو ( للحق كان شجاع جدا ) |
لكل من تعجبه فكرة الحملة و لمصداقية الحملة الرجاء اضافة الاسم الحقيقي والوظيفة الحقيقة اعلان حملة فصل الدين عن السياسة في العراق http://www.seculariraq.org |
|
|
|
windtalker
|
|
« رد #34 في: 19:52 03/02/2011 » |
|
صحيح كلامكم اخوان حسني وبن علي ميجون 010% من اجرام صدام عام 91 اذكر اجه علي كيمياوي واشرف هوه بنفسه على الاعدامات والله شنو شلون تكولون منريد صدام وشوفو الله شسوه بصدام واتباع صدام من حسني وربعه ولهسه اكوناس يسمون الوسط والجنوب محافظات وشروكيه وغوغائية ووو ها هههههه صح لو لا دشوف ربك شسوه بيهم وان ربك لبلمرصاد وصدق الشاعر الي كال . تنام عينك والمظلوم منتبه .. يدعو عليك وعين اللــــــــــه لم تنمِ
|
لاتستوحشو طريق الحق لقلة سالكيه |
|
|
|
habanya_612
|
|
« رد #35 في: 04:56 04/02/2011 » |
|
مظاهرات في مصر . . .
في واحد وسط ساحة الميدان في القاهرة
رافع لافتة وتقول , يا مبارك ارحل ايدي تعبت .
|
|
|
|
|
|
الكاتب
