انتباه تدقيق معلومات فيزا كارت عمان(اصحاب العوائل)

[كاتلوني الى الابد]

اخواني لاتغلطون غلطتي
اليوم رحت للمفوضية على اثر المسج اللي وصلني منهم لمراجعتهم لتدقيق المعلومات واخذت ويايا جوازي والوثيقة والفيزا كارت واذا بالموظف ايفاجئني ويكلي لازم اجيب جوازات زوجتك واولادك كلهم واضطريت ارجع مرة ثانية اجيب الجوازات واجيك هسا رجعت
حبيت انبهكم تجنبا للسهو والنسيان واي سؤال اني حاضر

[الرسام1973]

بارك الله بيك اخى .......عراقى اصيل

[كاتلوني الى الابد]

لاشكر على واجب اخي الرسام هذا من ذوقك الحلو

[SIRAQS]

مرحب اخي كاتلوني الى الابد اني بصراحه ما فهمت شنو الموضوع ممكن اتفهمني اذا بيه مجال ؟

 

[abu shahed]

تسلم اخي الطيب كاتلوني الى الابد ربي يوفقك يارب على هذا التنبيه

                  ابو شهد

[كاتلوني الى الابد]

اخويه هاي للناس اللي ايدزولهم مسجات علمود تجييك معلومات للي يستلمون راتب من المفوضية
اخويه ابوشهد تدلل انت وكل الطيبين

[كرادي مغترب]

اشكرك حبيب قلبي بارك الله بيك

[كاتلوني الى الابد]

الله يسلمك ويحبك اخويه كرادي اني بخدمة الطيبين

[كرادي مغترب]

الله يسلمك ويحبك اخويه كرادي اني بخدمة الطيبين

وردة انت خادم ربك قلبي

[ssoni]

مرحبا عيني الي عدهم اقامات في الاردن راح ينكطع عليهم الراتب هو هاذا اساس الموضوع  من ايدزون المسج ايكلولكم جيبو الجوازات كل العوائل الي في الورقه الحمايه ويشوفون الي عدهم اقامه طبعن راح اشوفون ابعينكم ورقه ورقه ايكلبون الجواز ويكولولكم عدكم اقامات او بس 

[كاتلوني الى الابد]

كلام صحيح لانه كدامي اليوم ركزوا على الاقامة واذا عندك ايصوروها رأسا واذا مسافر لانه جانت يمي مرة امسافره لتركيا وشفت الموظفة لحت وياها انتي مسافرة وليش سافرتي وصورت الصفحة اللي بيها السفر واللي مصوروا جوازه يعني اوكي هذا اللي استشفيته من وجودي اليوم والعلم عند الله