منتدى الهجرة واللجوء > الهجرة و واللاجئين
#معلومات عن ولاية ماساشوستس/مدينة بوسطن# لتعم الفائدة
HAIDER SALEEM:
اخي الغالي المدريدي
الشكر الجزيل الك على المعلومات واحب استفسر منك علمود مسالة حضرتك ذكرتها وهي انو انت تتحمل نتيجة اختيارك يعني خيار بوسطن غير صائب اريد اعرف منك لان اكثر الناس تنصح بالشمالية واني كان ابالي نيو يورك بس ما عندي احد هناك وقسم كلولي لتروح هناك وعندي كفيل بتكساس وعندي بكالفورنيا وعندي باريزونا بس تختلف طبعا درجة العلاقة مع الكفلاء بس كلهم اخوة عزيزين علية بس الي اعرفة انو الشمالية افضل واذا عندك نصيحة تكدر تطرحة اتفضل لان عندي هواية خيارات وعندي وقت من الممكن اغير اختياري ولهذا طلبت انو احد من ساكنين المدينة انو ينقلنا واقع الحال حتى تصير عدنا فكرة ونلمس الواقع.
اخوك حيدر سليم
blanco:
اخوية حيدر
بالنسبة لسؤالك تمام الولايات الشمالية افضل بكثير من الجنوبية ما عدا مثلا فلوريدا لانه مدينة سياحية وخلي نكول تلكة بيها كلشي من الثقافات وغيرها بس عيب بوسطن انه كلش غالية بشكل فظيع وخصوصا الايجار يعني مرهقة للجاي جديد يعني عندي اصدقاء بمدينة صغير ببنسلفانيا مدينة ايري ورحت شفتها يعني الايجار كلش رخيص مقارنة ببوسطن بس عيبها مدينة صغيرة يعني ممكن تحصل شغل حتى لو بارت تايم وية المساعدات تكفيك وزايد بينما ببوسطن اني اشتغل فول تايم واحيانا اشتغل 12 ساعة باليوم ويادوب سد بسد وية الايجار ومتطلبات المعيشة هذا طبعا اكو ناس راح يكولون انه انت مثلا مو اقتصادي بحياتك واني اجاوب اكول اي لانه اني اجيت هنا مو علمود اعيش بمنطقة تعبانة بمدينة مثل بوسطن ومثل ماكتلك شنو عيوب المناطق التعبانة حتى ما تشتغل اذا انت ساكن بهاي المناطق بس يبقى لكل شي عيوبه ومزايا وعموما اني احيانا افكر انتقل لغير مدينة حتى لو كانت صغيرة واروح اسكن باحس مكان بيها يكون اصرف بس الي موكفني انه الانتقال مكلف هنا كلش لانه عندك عائلة ويعني ماندري الايام شظامتلنه بس هو ها طبيعة الحياة بامريكا ماكو واحد يبقى طول عمره بمكان واحد مثل بالعراق يعني ماكو رزق روح دور على رزقك بغير مكان
HAIDER SALEEM:
الاخ الغالي المدريدي شكرا جزيلا للمعلومات وننتظر من عندك المزيد للاضافة من المعلومات الي تمتلكهة عن الولاية كونك احد ساكنيها
وننتظر مشاركة اخوتنا الاعضاء الساكنين في مدينة بوسطن او في ولاية ماساشوستس او الي يمتلك معلومات عنها وللتعارف من داخل الولاية ايضا لغرض المشاركة وعرض المساعدة
ننتظر مشاركاتكم ......
Forward:
مدينة بوسطن وين مادور عليها بالانترنت لازم يذكرون انها .. اغلى مدينه بالعالم !
بس الحقيقه جامعاتها تسوى.
رجائا اللي عنده معلومات عن المساعدات للعزاب بهذي الولايه شتشمل وشكد تطول يعنى الكاش والفود ستامبس والتأمين الصحي كم شهر للسنكل ينورنا بيها
ومشكورين مقدما
بارق
banmeel:
شباب اني اشكركم عله المعلومات الحلوه الي انطيتوه النه عله بوسطن... بس احب تنطوني معلومات عن مدينه فيلادلفيا من حيث طبيعته . فرص العيش.وتكاليف المعيشه . ان امكن
شكري وتحياتي لكم جميعا
تصفح
[0] فهرس الرسائل
[#] الصفحة التالية
[*] الصفحة السابقة
الذهاب الى النسخة الكاملة