اخواني ممكن سؤال عن الجواز ورجعتي لبغداد؟

[zeeta]

مرحبا اخواني اني بالاردن وغيرت جوازي من السفارة العراقية بالاردن قبل كم شهر
هسة اني اريد ارجع لبغداد ارجع بالجواز الجديد a لان الg حذفو كتبو علي cancel الحدود العراقية مراح يكلولي انت طلعت بجواز ودخلت بغير جواز اكو مستمسكات مفروض اخذها وياي حتى لايسوولي اشكال بدخولي لبغداد ؟
اي معلومات تكدرون تساعدوني بيها اكون ممنون

[Knight 6]

والله سؤالك ممتاز وياريت الاخوة اللي موجودين بالاردن يجاوبون مشكورين

[white heart]

اعتقد انه لا توجد اي مشكلة بالموضوع ، اني رجعت من السويد بجواز أس طلعته من السفارة العراقية بالسويد ، وبالمطار سئلوني عن جوازي كلتلهم انه ضاع ، طالما انته عراقي وداخل الى بلدك بجواز صادر عن السفارة العراقية بالبلد الي كنت فيه فالمفروض انه لا توجد مشكلة ، سؤالي هو انته اصلا ليش غيرت جوازك من جي الى أي ، تقبل تحياتي

[ابو سالين]

كلش عادي اني اخويه بمصر غير جوازه  ورجع للعراق عادي

[softer_softer]

عادي اخوية الغزيز امي غيرت جوازها من الاس الى الجي بسوريا بس راحت للهجرة والجوازات نقلت الاختام والاقامة علمود من ترجع تدخل طبيعي الى سوريا اما الجوازات العراقية لا حجو ولا علقو لان يعرفون كثير من العراقيين يغيرون جوازاتهم بالدول المقيمين بيها
تحياتني

[zeeta]

اشكركم اخواني جزيل الشكر والرب يباركم