السلام عليكم
اخوتي الاعزاء محتاج كفيل باي ولاية انتو اتشوفوها زينة ومريحة لان صراحة اني جنت قافل ان اروح لولاية واشنطن بس الكفيل مالتي اتحول الى تكساس بعد ما اجاني موعد مقابله siv وكلي بعد ما الي اي علاقة بيك لان كفلت اثنين غيرك مع العلم هو عراقي وسنتين اني ويا بنفس الغرفة من جان هنا ومعذور هو لان احتمال عندة ظروف خاصة...
وقبل فترة اجاني ايميل من ال iom يطلبون بي اسم وعنوان الكفيل لان اني ما كاتب اسمه بال 234 وكاتب فقط اسم الولاية والمنطقة ويكولون اذا ما تكدر اتحصل عنوان راح اتصير فري كيس و حسب ما اتصور من الافضل ان يكون عندي كفيل وعراقي حتى يكدر يساعدني معنويا مو اكثر لان تعرفون اول فترة صعبة كلش وخاصة اني مقبل على زواج وزوجتي طبعا وياية من اسافر
اما بالنسبة للولاية فانتوا حسب خبرتكم اي ولاية افضل الي واني لغتي الانكليزية جيدة جدا وما عندي مانع اشتغل اي شي يعني مو رايح حتى اتونس لو اعيش على المساعدات وعندي مبلغ يكفيني لفترة بسيطة مو اكثر من ستة اشهر
ارجو ان تساعدوني باقرب وقت حتى اكدر اتصرف بما انه مقابلتي في بداية الشهر الرابع
وشكراااااااا
