سؤال عن دفتر الخدمه العسكريه

[ريحـــانه]

مرحبا جميعا اعضاء المنتدى الكرام

اذا ممكن سؤال و الي عنده جواب يساعدني

زوجي ما خادم عسكريه بس هو هسه ما عنده الدفتر مال الخدمه يعني ضايع ابغداد هل هذا يسبب اشكال اذا استدعونه لمقابله مال اي او ام احنه حاليا بعمان دننتظر مقابله اولى اي او ام يخابرونه عليها

شكرا مقدما

[تعبان وماعرف]

مساء الخير
 اختي مهندسه زوجك اذا مخادم كيف يكون عنده دفتر خدمه عسكريه
واذا دافع بدل يكلهم اني دافع بدل وبس

[ألن في بلاد العجائب]

مساء الخير
 اختي مهندسه زوجك اذا مخادم كيف يكون عنده دفتر خدمه عسكريه
واذا دافع بدل يكلهم اني دافع بدل وبس

اخيالعزيز كل عاقي يبلغ 18 لازم عنده دفتر خدمه عسكريه و المحلف رح يدقق وراكم اختي العزيزه على الخدمه العسكريه
الن

[ARMY STRONG]

حبي برادو يجوز جان طالب بوقتها شغله عاديه

الي اعرفه مو فد قضيه اذا ماكو دفتر خذمه يكدر يثبت انه ماخادم اذا جان طالب

اكو هواي قابلوا و ماعدهم دفتر لو ضايع لو مشككه

تمشي بس خلي يحجي صدك

[ابو شموس]

اختي مهندسة ز
اني دفتر الخدمة ضايع وما اعرف وينه
ومن قابلت بالاي او ام كتلهم ضايع وهاي هيه بعد ما سألوني عليه (طبعا اني ما خادم عسكرية)

ابو شموس
عمان

[ابو سالين]

لا اعتيادي اكو هوايه ناس شكو الدفتر مالهم او اتلفو بعد الاحتلال بسبب الدعايات الي كانت تطلع والعالم جانت خايفه..كلش عادي اني هم كتلهم ضايع ..ومشه الحال

[يوسف العراقي2]

السلام عليكم...
ان شاء الله  تتيسر  الامور وتنقبلون يارب العالمين....
اخواني بمناسبة الخدمه العسكريه انا في المقابلة الاولى بال اي او ام لما سائلوني عن  العسكريه والدفتر الخدمه تكلمت لهم الصراحة انه الدفتر  الخدمه مفقود  اما عن الخدمه العسكريه كنت جندي بالحرس جمهوري طبعا اجباري واثناء الخدمة تم هروبي من الخدمه لمدة سنه ورجوعي الى الخدمه اجباري بسبب كانوا  يقطعون الاذن ...  فهل هذا يؤثر على القبول ..يعني احد من الاخوة قال حرس جمهوري وانقبل.. علما انا انتظر  محلفين في عمان ..تمنياتي لكم
بالتوفيق والعيش الكريم..

[ــــ{{{ABADY}}}ـــــ]

عن تجربه مو ضرورى دفتر الخدمه

[(COBRA)]

تحيه طيبه الكم اخواني  اني كالولي جيب الدفتر الخدمه   بمقابله التوطين  همه طلبوها مني...ومن قابلت ماكلتلي وين دفتر الخدمه ولا سسئلت عليها بس دمرتني بلاسئله  ؟؟؟
 وهو مو مهم بقدر  مصداقيتك بلكلام   لان يعرفون التزوير ماشي على كل الوثائق؟؟؟؟؟؟؟؟؟؟؟

[ريحـــانه]

تعبان و ما اعرف Prado 1 , Army Strong ,ابو شموس , ابو سالين, يوسف العراقي 2 ,عبادي 75 , ابو ارا

اشكركم جزيل الشكر على ردودكم داءما ما تقصرون والله , انشاء الله التوفيق للجميع و نسمع كل خير عن اعضاء المنتدى الطيبين

[لورنس العراق]

السلام عليكم اختي دفتر الخدمة مو مشكلة اهم شي لازم تكون القصة مرتبة وبقية الامور تمام يعني من يشرحلهم وضعة من الخدمة العسكرية لانه اني عندي اسوأ تجربة اني عندي دفتر الخدمة وبي مكتوب انه ماجل دراسيا وجان دكلي اني ما اثق بهذا المحلف كتلها اوكي انطيتها نسخ من كتب صادرة من الجامعة مالتي بوقتها للتجنيد تاكد انه اني طالب ولا ازال مستمر بالدراسة وايضا اصرت على الي بالها وما اقتنعت بهذا كلة وهاي اني صار 9 شهور بانتظار الامنية الكشرة .. قصدي من هذا كلة انه مو مهم وجود الدفتر بقدر ما مهم يكون ترتيب القصة وترتيب الاحداث وصحة الوقائع واتمنالج وللجميع ان شاء الله كل التوفيق يارب .... بالمناسبة انا ايضا من جماعة عمان ...

[ريحـــانه]

شكرا جزيلا لورنس العراق و لا تشيل هم انشاء الله توصل الامنيه باقرب وقت و كلها تصير سوالف بس هيه تره اصلا دتاخذ وقت طويل , كل التوفيق و اشكرك على مساعدتك

[ام المحبه]

السلام عليكم اخواني :اني زوجي خدم بلحرس الخاص فتره مو هوايه بس كانت خدمه الزاميه ومكتوب بدفتر الخدمه العسكريه  ووهو حتى مامنتمي لاي حزب وكان ساعي بريد وذاكر هذا في المقابللات وهو الان دينتظر مقابلة الوفد الامريكي وهو مشوفهم بلمقابلت دفتر الخدمه (فهل هذا الشي اياثر على على موافقة المحلف اكواحد يعرف  ابهذا الشي )الرجاء جاوبوني حتى لو كان الجواب مؤذي ولكم جزيل الشكر.ومن الله التوفيق(للعلم هو  بلمقابلات انطاهم ايشوفون دفتر الخدمه   واستنسخو)

[لورنس العراق]

السلام عليكم اختي طبعا لو مشايفين دفتر الخدمة هواية افضل وماطول استنسخوا اكيد لازم يشوفوه وميكدر بعد يضمة عليهم لانه مو بصالحكم بس مهم جدا جدا انه يركز هو خدم فقط الخدمة الالزامية وخدم مجبور يخاف من العقوبة ويحاول قدر المستطاع انه يثبت هو جان شخص فقط بالاداري مثلا يكوللهم انه هو خطه حلو وخطاط لذلك اختاروه حتى يكتب مثلا اي شي ثاني واتمنى اكون خدمتج واتمنالج التوفيق يارب ملاحظة اذا مسألوا لا يحجي اي شي ...

[تعبان وماعرف]

ام المحبه
بخير وسلامه اذا قابلتو الوفد خل يكول اني كنت مكلف مومطوع ويكون الجواب على قدر السوال
والله يسر امر الجميع

[ام المحبه]

السلام عليكم اخواني على جوابكم الي زوجي فعلا كان ملزم غير متطوع بس  حبيت اسالكم انتو متعرفون اكو شخص سافر وكان نفس قصتنه  ولكم جزيل الشكر .

[الناسك]

السلام عليكم...
ان شاء الله  تتيسر  الامور وتنقبلون يارب العالمين....
اخواني بمناسبة الخدمه العسكريه انا في المقابلة الاولى بال اي او ام لما سائلوني عن  العسكريه والدفتر الخدمه تكلمت لهم الصراحة انه الدفتر  الخدمه مفقود  اما عن الخدمه العسكريه كنت جندي بالحرس جمهوري طبعا اجباري واثناء الخدمة تم هروبي من الخدمه لمدة سنه ورجوعي الى الخدمه اجباري بسبب كانوا  يقطعون الاذن ...  فهل هذا يؤثر على القبول ..يعني احد من الاخوة قال حرس جمهوري وانقبل.. علما انا انتظر  محلفين في عمان ..تمنياتي لكم
بالتوفيق والعيش الكريم..

انتة دتحجي صدك هية هاي سواية ... مو نكول يا اخوان ديروا بالكم هذولة خالين اكس على كلشي
على العموم بيد الله وبعد ما اعرف شكول

[عليكو]

السلام عليكم اني اريد اسال حول دفتر الخدمة
اني دفتري لونه احمر يعني مال هاربين بس دفعت بدل وتسرحت رسمي
هل الهروب اله تاثير علي لان جماعة يكولون الهروب ممكن يالثر على الكيس مالتك
شكر جزيلا

[repentant]

يابة دصلوا على محمد وال محمد
هسة انت بعمان او بتركيا او بمصر او بسوريا واذا ارفضتوا من قبل الوفد الامريكي بعد افضل صحيح راح ايجوز اصبرون كثير وتصرفون فلوس بس ان شاء الله بعدها عسل تطلع الكم استراليا او كندا اوفلندا مساعداتك مستمرة وراسك بارد وتتعلم انكليزي براحتك واشوية تاخذ الك فد سن او سنتين ترتاح نفسيتك بس تتونس وتطلع تتمشى بعد التعب الي شفته بالعراق وبالدول العربية مو احسن ما تجي لامريكا اول ما تجي مطالب بشدة ان تتعلم اللغة ولازم ادور شغل اول ما توصل ومن يخلص المساعدات تعال دور على طريقة اتحصل بيها ضمان صحي والله اعلم

[عكعك التطوى]

مرحبا جميعا اعضاء المنتدى الكرام

اذا ممكن سؤال و الي عنده جواب يساعدني

زوجي ما خادم عسكريه بس هو هسه ما عنده الدفتر مال الخدمه يعني ضايع ابغداد هل هذا يسبب اشكال اذا استدعونه لمقابله مال اي او ام احنه حاليا بعمان دننتظر مقابله اولى اي او ام يخابرونه عليها

شكرا مقدما

لا اختي ماكو مشكله بالموضوع وكثير من الاخوه كانوا لايملكون دفتر خدمه ولكن اكو حالات فرديه قليله لاتذكر
كانوا المحلفين يطلبونجلب دفتر الخدمه خلال مده معينه في حاله ذكر صاحبها انه في مكان ما بعيد عنه ويصعب
جلبه وبالرغم من ذلك لااشكال في حاله عدم امكانيه جلبه


تحياتي

[عكعك التطوى]

السلام عليكم...
ان شاء الله  تتيسر  الامور وتنقبلون يارب العالمين....
اخواني بمناسبة الخدمه العسكريه انا في المقابلة الاولى بال اي او ام لما سائلوني عن  العسكريه والدفتر الخدمه تكلمت لهم الصراحة انه الدفتر  الخدمه مفقود  اما عن الخدمه العسكريه كنت جندي بالحرس جمهوري طبعا اجباري واثناء الخدمة تم هروبي من الخدمه لمدة سنه ورجوعي الى الخدمه اجباري بسبب كانوا  يقطعون الاذن ...  فهل هذا يؤثر على القبول ..يعني احد من الاخوة قال حرس جمهوري وانقبل.. علما انا انتظر  محلفين في عمان ..تمنياتي لكم
بالتوفيق والعيش الكريم..

اخي العزيز انشاء الله مياثر على القضيه واذكر هناك العديد من الاخوه الاعزاء ذكروا بانهم حرس جمهوري والان
هم في امريكا ولكن قدر الامكان يجب ان يثبت ان مكان خدمته وصنفه ليس مهم وانه لم يشارك في اي عمل
فيه اباده جماعيه ضد الشعب

تحياتي

[عكعك التطوى]

السلام عليكم اني اريد اسال حول دفتر الخدمة
اني دفتري لونه احمر يعني مال هاربين بس دفعت بدل وتسرحت رسمي
هل الهروب اله تاثير علي لان جماعة يكولون الهروب ممكن يالثر على الكيس مالتك
شكر جزيلا

لا اخي اكو كثير من كانوا هاربين وذكرو هذا الشيء وهم في امريكا الان ولكن حاول ان تتغاضى عن هذا الشي
ولا تبادر بالقول الا في حاله وجه لك سؤال مباشر حول هذا النقطه

تحياتي

[ريحـــانه]

شكرا اخ عكعك التطوى على جوابك ما قصرت والله بالجواب الله يجازيك خيرا و نسمع عنك كل طيب