بعد فترة انتظار قرابة 8 اشهر شنو رأئيكم اسحب جوازاتي

[ivan ali]

بعد فترة انتظار قاربت على الثمانية اشهر وطول فترة الانتظار طفح بي الكيل وقررت ان اسحب جوازاتي انا وعائلتي والتخلي عن فكرة انتظار الفيزا والمحاولة للذهاب لبلدا اخر لاني حقيقتا لم اتوقع ان تكون كل هذه الفترة التي عملت بها مع القوات الامريكية سيكون هنالك الكثير للتحقق مني والمشكلة الحالية ان اسمي مشابه لكثير من العراقين  اعزائي اصدقائي لان انتخذ اي قرر حتى اسمع ارائكم لانكم اخوتي 
علما اني على برنامج siv

[ARMY STRONG]

حبي ايفن

مااعرف شنو اكلك بس صدك شغلتك طولت بس انته صبرت صبرت ما بقى شي

بس اذا مصر على قرارك هذا شي راجع الك بكيفك


و اذا محتاج plan B

اني جاهز للمساعده بس امرني انته

[HAIDER SALEEM]

السلام عليكم
اخي القرار قرارك وانت المتحكم بيه و ولو انتة عندك حق بالموضوع بس مع هذا التأني حلو بس هذا مو معناه توكف حياتك على قرار  متملكة ( اصدار الفيزة ) بس تخليه للمشروع  وتكدر تسحب جوازاتك بأي حجة وبأي عذر وتجرب غير خيار واذا حصلت الموافقة راح يتصلون بيك وتكدر ترجع الجوازات وانتة صاحب القرار  ( Don't lock yourself in a box and look out side it )
اخوك حيدر سليم

[Aiham_]

و الله يا اخي نصيحتي الك انتة صبرت صبرت ,, ما راح تغير شي اذا سحبت الجوازات ما راح تغير شي و حرامات انتة واصل للمرحلة النهائية من السفر يعني بس فيزا و تطفر , زين انتة ظامن انو اذا طلعت خاج العراق راح يقلون قضيتك
اخوية العزيز اصبر و دزلهم رسالة كلهم يابة اتو انطيتوني فترة 6 اشهر للحصول على الفيزا وهسة صار 8 اشهر ممكن اعرف شنو السبب الي ياخر الحصول على الفيزا .
انتة اذا طلعتلغير دولة هم راح تنتظر و هم راح تبدي من جديد بينما انتة مخلص كل شي و بين ساعة و ساعة تنكلب الف عمامة

تحياتي الك و احيي صبرك

[ivan ali]

شكرا الكم اخواني على الرد المشكلة ان اني دزيت الهم هواية وكل مرة يجاوبون نفس الجواب اجرات ادارية اضافية شكرا الكم مرة ثانية اخواني وان شاء الله يكون حظكم احسن من حظي واطلعون وتخلصون

[ARMY STRONG]

plan B 

جاهزه بس كول يمعود

[بغدادي76]

Plan B هههههههههه

يابه شتسوي بالجوازات ؟ تخليهن بالديلاب ؟
هسه لو رفض جان ميخالف , بس انته على الطريق الصحيح.

[ivan ali]

عمري بغدادي يا ديلاب مو متت من الانتظار  واخاف ياكلهن الفار للجوازات بالديلاب هههههههههههههههههههههههههههه
ويمكن راح افكر بالplan B

[Torture Killer]

اخوية العزيز اصبر هانت ان شاء الله ....بعدين ثمانية اشهر سهلة اني انتظر صارلي 30 سنة وهسة يالله موعد مقابله بشهر الرابع يعني هذا عمري الفات كله حاسبة انتظار وهاي حقيقة لان هناك يالله راح تبدي حياتنا الحقيقية

بعدين تعال اكلك تسحب الجوازات وشراح اتسوي وراها تضل تضرب صفنات

[Kin]

اخوية العزيز انتظر الفيزا مالتك احسن لان انت صبرت صبرت بقت على كم شهر و تطفر لامريكا بعدين هسة اظمن طلعة للخارج هية لامريكا لان تطلع على حسابهم و كلشي ينتظرك هناك مرتب و كامل على عكس اللجوء الى اوربا يعني تدفع فلوسك للقجقجية و لو ترجع للعراق لو تبقى هناك...
آني اليوم قابلت بالسفارة و همين من كملت المقابلة كلولي اتوقع فترة انتظار 6 اشهر لان المتقدمين على الهجرة عددهم هواي...

[الرسام1973]

حبيبي اصبر اشويه والصبر مفتاح الفرج .......




الرسام ابو علاوي

[repentant]

I agree with u
regard

[بغدادي76]

حبي , آني 12 شهر بالسويد , بس علمود يجاوبوني آني مقبول لو مرفوض طلب لجوئي
وتالي ماتالي رفض !
وتخيل حياة الكمبات مال السويد شونهه لمن تكعد وتنتضر.

[ivan ali]

اخوتي الغالين الاعزاء اشك كل من مر على موضوعي وان شاء الله راح اصبر لان كلماتك كانت الي دعم وسند وخففت علية لوعة الانتظار اتمنى للجميع الموفقية  ويحصل على الفيزا بوقت قريب مو مثلي

[لورنس السفاح]

القرار بيدك فقط لاغيييييييير
تحياتي

[ابو سالين]

اني رأي اصبر ..والقرار راجع الك...عصفور بليد خير من 10 عله الشجره

[ARMY STRONG]

حبي ايفن بعدني على وعدي شوكت ناتريج بس كول  ال plan B جاهزه و معليك بل حجي

هاي اذا قررت تعوف الفيزا
و لو اني افضل انه تنتظر و تشوف النتيجه

[ivan ali]

[=ARMY STRONG
اخوية تسلم واني مثل مكتلك ان شاء الله اذا ايست  راح التجى للخطة بي واني شعندي غيرك
وعموما راح انتظر شوية بعد حتى مااندم على قرار اتخذه وشكرا لاهتمامك واهتمام كل من دخل على موضوعي والموفقية للجميع 

[lumberjack]

ivan ali اكو مقوله مفادها انه كل ما كانت المصاعب اكبر كل ما كان طعم وحلاوه النجاح اكبر وانت الي راح تسوي هو تأريخ الك ولاولادك ولعائلتك لانها نقله نوعيه فلا تتخلى عن النجاح وفكر اكو مليون واحد يتمنى يكون مكانك ري كونسدر عليك العباس ههههههههههههههههههههههههههههههههههههههههههههههههههههههههههههههههههههههههههههههههههه

[عراقي هواي]

اخوي اصبر ان الله مع الصابرين

عندك اطفال ؟؟؟؟

[ARMY STRONG]

اخوي اصبر ان الله مع الصابرين

عندك اطفال ؟؟؟؟

اي عنده

[علي ياسين]

حبيبي اصبر ولا اتضيع منك هذه الفرصة
انشاء الله من تجيك الفيزة وتسافر وتستقر راح يصير الموظوع ذكريات
واريد اذكرك ان هذه الاشهور لا تشكل شيء من مستقبل زين لبنتك واولادك الجاين انشاء الله

[ivan ali]

عمري الغالي هو اني عندي غير الانتظار بس متعرفون او تشعرون طبيعة المعاناة الي اعيشة يومية واكو هواية تتنظر بالاخير ينطوهم طابع لسبب مموجود او يكون حقيقيا  ويضيع الحلم بس الله كريم وان شاء الل مينسانه من رحمته وامنياتي للجميع الموفقية

[mosabnet]

اخوية انصحك بالانتظار وان شاء الله يصير خير.. لتئيس وانتظر وكلنة نعرف الانتظار صعب والفترة الي انتظرتهة انت مو قليلة و حتى اي واحد معلق نفسة طول هلفترة ميكدر يتخذ اي قرار بخصوص مستقبلة على امل ان يسافر ويا رب تسافر باسرع وقت ممكن.... واكو شغلة ترة مدا استوعبهة شنو عدد هواية ومديلحكون ؟؟؟ شنو ميكدرون يزيدون عدد الموظفين ؟؟؟ امريكان ميصعب عليهم شي بس ما اعرف ليش هالتعقيد الي صاير وهالفترات الطويلة الي خبلونه بيهة ..؟؟ ؟!!!

[Haidar82]

اخواني اني قابلت بالسفارة الامريكية في بغداد قبل 3 اشهر ضبط وبوقتها القنصل كلي المراجعة تطول من 2 الى 3 شهر وخلصت وكلشي ماكو والمشكلة انو حتى مواعيدهم ممضبوطة ومو بس هيج زوجتي تدرس في الولايات المتحدة حاليا وهي حامل بالاشهر الاولى وسافرت قبل 20 يوم لامريكا

وهي هناك بوحدها ومحتاجة اكون الي جانبها .. و رد السفارة الاخير يكولون مراجعة ادارية شاملة وبعدنا ممتخذين قرار بموضوعك ومااعرف شسوي حاير وضايج ونفسيتي كلش تعبانة

وبس اريد اسال اكو فد طريقة او منفذ حتى اجد حل لموضوعي
وفي محامين مختصين بالهجرة (استشارات مجانية مثلا) اكدر استعين بيهم بمثل حالتي

علما انو زوجتي سافرت على فيزة مؤقتة (فيزة دراسة) وانا مقدم على برنامج SIV ومقابلتي مكان بيها مشاكل

تحياتي

[ARMY STRONG]

اخويه حيدر

كلشي ماتكدر اتسوي لا محامي يفيدك ولا اي واحد يكدر يؤثر على السفاره في تسريع اصدار الفيزا

ما الك غير الصبر حالك حال البقيه

[ivan ali]

اخوية حيدر انت متكدر اسوي اي شي غير الصبر مثلي وامرك الى الواحد القهار وان شاء الله مراح تنتظر مثل الفترة الي اني كاعد انتظر بيه  وخلي عينك بعين الله