اخونا بالنسبه للسكن معدل اجار الشقه غرفتين وحمام وصاله بين 500 و550 عدا ماي وكهرباء 000 الشقه 3 غرف نوم وحمامين وصاله بين 600 و 700 عموما عدا الماي والكهرباء اذا غرفه وصاله ين 350 و 400 دولار بالنسبه للعمل بالولايه بصراحه قليل لان اقتصاد الولايه زراعي بحت بس اكو فرص للعمل في معامل الدجاج واللي تكون دائما عن طريق المنطمه الجو بارد مثلج بالشتا وحار رطب بالصيف بس اكيد مو مثل حر العراق 000 طبيعة الولايه جميله جدا وغالبيتهم من البيض Redneck... اخويه العزيز اذا كنت اعزب فحياتك اسهل تكون لان مسوولياتك اقل اذا عندك عائله اريدك تكون تلزم ايدك بالصرف بالبدايه وتراقب نفسك حتى لا تبذر فلوسك الى ان تحصل فود ستام وبرنامج المساعدات والرعايه الطبيه اللي قد يطول من اسبوعين الى شهر اريدك تكون جاهز نفسيا للتكيف مع الوضع وان تخلي حقيقه في بالك ان نعمة الامان هي نعمة النعم وانت لاجئ مو سائح حاول جهد امكانك تعلم اللغه اذا كنت ضعيف باللغه وانت تحضر نفسك لاختبار السباقه النطري واللي الاسئله مالته متوفره عند المنطمه اذا تسمع كلام من هنا وهناك يهبط معنوياتك لا تضوج لان تجارب الناس تختلف وانت انشالله تكون تجربتك وفرصتك احسن اكو برنامجين للمساعدات واحد اجار ومساعدات 6 اشهر والثاني يسموه كيت اب بيه عمل تطوعي بس انشالله تحصل البرنامج الاول ال ماش كرانتس
بالتوفيق وتحياتي واني الخدمه
ابو بشير
