نصيحة مهمة جدا" إقبلوها من أخوكم

[طير الموصل]

كل واحد عندو مقابلة سواءا" كانت إولى أو ثانية أبدا" لا يقول أنا كنت ضابط أو نائب ضابط أو عقيد أو جندي بالقوة الجوية لان والله يرفضوه لان راح يتوقعون كان يضرب الشعب بالكيمياوي بحرب الكويت وأبد لا يقول كنت ضابط أمن أو إستخبارات أو حرس جمهوري أو ألحرس الخاص أو فدائيو صدام أو بعض المناصب ألاخرى ألقريبة من صدام حسين@ أخي طلعلك أي شغلة إخرى قول كنت بالجيش العادي حتى ما تنرفض إنت وعائلتك هذا حبيت أفيدكم بهالمعلومة
تقبلوا مروري

[(COBRA)]

اخي العزيز ... الشعب جان كلها مشاركه بلحرب شلون يعني جانو بس طباخين  لو يجيبون ارزاق جافه
لو بلجوق الموسيقي على كوله الرسام ........... ;Dالله كريم كلشي يعرفون همه
شكرا اخويه العزيز للنصيحه الطيبه  هاذ يدل على حرصك على ابناء جلدتك

[alqaragulli]

شكرا عل النصيحه
بس تره ماكو هيجي شي
لان اني كنت يالصنف الكيمياوي وكلتلهم ولمن اتكدو انه ماعندي شي طلعت وهسه صارلي اكثر من سنه بامريكا
نصيحتي
ما ينجي الانسان بس الصدق

[شموسه123]

شكرا لك اخويه على النصيحه

[blood_brothers8]

مو الي يكذب يطب للنار...

[ألن في بلاد العجائب]

 اخي العزيز ليش شنو همه زواج مثلا لو ماعندهم داتا بكولشي حتى المعسكرات يعرفوها معسكر معسكر

[الرسام1973]

الحمد الله حبيبي اني جنت بالجوق الموسيقي

[علي امون]

ألسلام عليكم جميعآ

أخوان اني اذا سئلوني اكولهم  الصدك أني جنت سفير العراق بالبياع لحين سقوط النظام  ههههههههه

وبالتوفيق للجميع

علي أمون

[عكعك التطوى]

اخي العزيز طير الموصل

ليس كل ما تسمعه صحيح فلدي اصدقاء كثر وبرتب كبيره وصغيره ومن كل الصنوف من طيارين ومشاه
وكيمياوي وغيرها ومخابرات والان هم في امريكا وقد كنت اقول مرار منذ بدايه تسجيلي في المنتدى ولحد هذه
الساعه انه هذه المساله ليس لها تاثير على القضيه ولكن الذي يؤثر هو قناعه المحلف او لا باشتراكه في قمع او
اباده الشعب كحلبجه والشعبانيه

تحياتي

[yzar]

والله كلامك صحيح 100 % والف شكر على النصيحة اكيد اكو حالات استثنائية ولهالسبب اكو ناس عدهة رتبة او جانو امن وطلعوهم بسبب "قناعة المحلف" بس هذا الموضوع اله اثر جدا كبير وخصوصا موضوع الطيران ضباط الطيران مو سهلة طلعتهم لان يعتقدوهم حاربو الشعب
وللعلم للعلم همة لا عدهم داتا ولا ...... لكن والله كلشي ما عدهم غير البلاك لست والاسماء لبعض الناس الي يعتبروهم ارهابيين بس مال عدهم كلشي ومعلومات يمعودين نص الي طلعو مكالو وين يشتغلون وثلاث ارباعهم الي جانو بالحزب مكالو جنة والف عافية على الكل ها وللعلم اكثر من 90 % من الي طلعو جذبو بالمقابلة بخصوص التهديد وهالسوالف وهمة لا عدهم معلومات ولا ابد احنة بس نتخيلهم
لو جان صدك عدهم معلومات جان مو نص الي اشتغلو من صدك ومجانو عسكريين ولا بالحزب ظالين ينتظرون الموافقة الامنية لو موافقة المحلف وهالسوالف همة الي يسمعو منك راس المال
بس اتخيل نفسك انت الي راح تكولة بالمقابلة الاولى هوة نفسة بالظبط كولة بالمقابلة الثانية لا تتخيل ان عدهم علم الغيب والله العظيم لا يكدر يكذبك ولا ابد اذا انت ظبطت كلامك وعدته بالمقابلات كلهة واذا محد من العائلة الي وياك كال غير شي
دائما اتذكرو شي واحد ( الكذب المصفط احسن من الصدك المخربط) وعلى كولة الولد الي كاتب الموضوع الهم اني بلغت الهم فاشهد

واخر شي رحمة لابوكم لحد يخبل العالم ويكلهم كلشي يعرفون وعدهم انفورماشين وداتا ومعلومات ويعرفون ال ..... منو ابو ترة طرشااااااااااااااااااااااااان بالزفة والله وهمة كم اسم الي بلاك لست اذا انت مو بيهن لاتخاف من كلشي وكول الي تكولة وجذب جذب مصفط ولا تفتح عليك باب ترة بس الله سبحانة وتعالى يسدهة

اسف على طول الكلام واذا بي اي تجريح الا اي احد والله غير مقصود بس حبيت اكول رأيي وشكرا

[ــــ{{{ABADY}}}ـــــ]

الحمد لله ما خدمت عسكريه

[عكعك التطوى]

طبعا لو اسويلكم احصائيه عن عدد الي اعرفهم في امريكا من الضباط والطيارين ومن جميع الرتب وبكل الصنوف راح تتاكدون من عدم صحه هذه النظريه وحتى الذين لم يصلوا بعد بسبب انتظارهم الموافقه الامنيه علما جميعهم ذاكرين انهم ضباط وازيد من الشعر بيت معظم الضباط والطيارين موافقتهم الامنيه مطولت اكثر من الي دافع بدل او مكلف

وهذا موضوع يحمل نفس الموضوع تقريبا

http://www.ankawa.com/forum/index.php/topic,481578.0.html

تحياتي للجميع وبالتوفيق انشاءالله

[العزاوي 55]

اخوتي الاحبه السلام عليكم
انا اثني على ما كتبه الاخ عكعك التطوى عندي صديق كان ضابط بالاستخبارات وكان عضو قيادة فرقه وحاليا بامريكا
وكان سبب توطينه هو لانه كان بالاجهزه الامنيه وبعثي وكان مهدد من المليشيات وهذا ما اخبرهم به فالصدق نجاة الانسان
والله يرحم الجميع ان شاء الله

[طير الموصل]

السلام عليكم جميعا"
بالبداية أشكركم إخواني واخواتي جميعا" على المشاركة
أنا مع الحديث (النجاة في الصدق) ولكن ليس في جميع الحالات هناك حالات استثنائية لصالحك يا أخي بس بدون ارتباك وخوف وبدون اختلاف كلام في جميع المقابلات وأنا شخصيا" تأثرت وإنقهرت كثير من كلام الاخ ابو ارا والله ياخذ حقه وحق كل واحد مرفوض عندما قال تم رفضي بسبب أن رتبتي كانت نائب ضابط في القوة الجوية زين قلولي إنتو المشاركين جميعا" أشنو ذنب هذا المسكين هو وعائلته ‎من الرفض بعد ألصبر الطويل ألذي تحملوه وفي النهاية قالو إنت مرفوض يابا ليش؟ لان كان ن ض بالقوة الجوية! هذا المسكين الدي أراد ألعيش بامان  ترى فلماذا لا نأخذ عبرة من هذه القصة ولو كلامي بخلاف كلام الاخ عكعك التطوي وبعض الاخوة.. أنا لا أقصد تقول كلام مختلف في  المقابلات يجب ان يكون كلامك مطابقا" في جميعها وأقول شخصيا" أنا أتعرضت الى الخطف قبل أن أعمل كمترجم ولكن لم أقول لهم ذلك في باج إوفس لماذا؟ لانهم سوف يفهموني بشكل آخر  وكما يقول المثل الشعبي(الباب الي تطل منه ريح سده واستريح) واسف على الاطالة واخيرا" أقول كلمن رأيه وشكرا"‏‎ ‎

[(COBRA)]

الاخ العزيز طير الموصل
ااخي العزيز  انته ليش مقهور من ردي  اشمعنه بس اني ردي ....اثر بيك... يعني باقي الاعضاء المحترمين هم انطو رائيهم .. ويمكن اشويه بصوره اكثر من قاسيه مني  بس مطخت عندك,,, المهم اخويه اني  احترم رائيك ولا  تعتبرها انتقاصا من موضوعك ولمجهودك الطيب من اجل ايصال المعلومه للكل  ولكن حبيت ابين الك بانه مواضيع الخدمه العسكريه شائك ومعقد والكل تشكي منها   .. يعني من كلتلك بانه شيكولو قابل جانو طباخين او بلتموين والنقل .. لعد منو قاتل وين باقي الصنوف  اني هاي قصدي  ,, وشي اخر ..ارجو ان لا اكون قد سببت الك ازعاج .. تقبل احترامي لموضوعك

[ابو سالين]

يمكن لان انته اول واحد جاوب اخي ابو ارا..علعموم شكرا اخي طير الموصل الرجل يريد يفيدنه بمعلومه

[(COBRA)]

اهلا ابو سالين
يمكن اني غثيته الرجل  على العموم اني اعتذر

يمكن لان انته اول واحد جاوب اخي ابو ارا..علعموم شكرا اخي طير الموصل الرجل يريد يفيدنه بمعلومه

[طير الموصل]

لا عيني ما غثيتي بس أنا كنت رايد مصلحتك بالدرجة الاولى وحبيت تحقق أمنيتك والله في عون العبد مادام العبد في عون أخيه
ومشكور على إحترام موضوعي

[ابو سماني]

الاخ طـــير المـــوصل المحـــترم

الكــل وفــى بس أحب أضـــيف مســـألة أســاس المـــوافقة هـــي الصدق فــي الجــواب على الســـؤال...هذه لأن المحـــلف ما يعتمد فقط على معلوماتك بل يدرس حركاتك وتصرفاتك اثناء الكلام...وهنــاك من هم خــبراء بالكذب فــنحن إن شـــاء الله لا نشـــبههم...
وأنــي أخــوك لا مشارك بحرب ولا متدرب على سلاح وكلها مثبته باوراق رسمية لا غبار عليها وواضحة ومع ذلك جــاري في سوريا ضابط ومشارك بالحروب وأني طالعه الموافقة المبدئية قبله بست اشهر وهو سافر صارله 3 اشهور واخوك جاي ينتظر موافقة....
فمنريدك تيأس وصدكــــني ربك أعرف بالخير وين يكون ألك ....فتكول على الله ...والله ارحم الراحـــمين...ونصيحـــتك نشــكرك عليــها بس الرفــض إلي أجــأك هو قسمتك أولا وآخــرا

تـــقبل تحـــياتي
ابــو ســـمانــي

[الرسام1973]

ابو سمانى كلامه بيه واقعيه ...........

[اسمر زيونة]

مشكور اخوية على النصيحة هذا من حرصك أكيد
    بس خلي واحد يحجي الصحيح ويتوكل على الله
       ( والنجاة في الصدق)

[طير الموصل]

أهلا" بك أخ اسمر زيونة أتشرف بمعرفتك وكل هلا بك.
وشكرا على مرورك العطررررر والي نور موضوعي

[طير الموصل]

أهلا أخ أبو سماني أتشرف بمرورك العطررررررر
أخي العزيز أنا لم يتم رفضي ولكن كلامي موجها" للاخ ابو ارا وارجو من الباري ان يفرج عن جميع المرفوضين آمين‎ ‎

[(COBRA)]

طير الموصل  ارجو تصحيح  معلوماتك ... اذا انته متنبه لردي الاول  
اني مكنت نائب ضابط ولا بلقوه الجويه ...  بعدين  الكلام الموجه الي  (أنا كنت رايد مصلحتك  ) وعندي تنويه اخر على كلامك الي وجهته انته للاعضاء ( وإنقهرت كثير من كلام الاخ ابو ارا والله ياخذ حقه وحق كل واحد مرفوض عندما قال تم رفضي بسبب أن رتبتي كانت نائب ضابط في القوة الجوية زين قلولي إنتو المشاركين جميعا" أشنو ذنب هذا المسكين هو وعائلته )اخي انته منين جبت هاذا الكلام عني ,,, ارجو ان توضح )هاذا الكلام ليس عن لساني ؟؟؟؟؟؟؟؟
اتاكد من الموضوع بعدين بت بيها
رحمه على والديك صحح كلامك

[طير الموصل]

أولا أهلا بك مرة إخرى
اليوم راح ارجع للردي الاول وأتأكد على الكومبيوتر لانه هسة أنا على الموبايل وآسفين جدا" إذا توهمنا بكلام لان إحنا أكثر من إخوة وماكو بيناتنا شي غير المحبة والتعاون .
وتقبل مروري

[willpower]

للفائدة العامة : (معلومة اكيدة)

سنة 2004 عملت احدى الجهات الدولية التي كانت متعاونة مع ال CPA ( سلطة الائتلاف الموقتة ) بوكته على مشروع انشاء داتا بيس (قاعدة بيانات) لكل الجنود المراتب والضباظ في الجيش العراقي ...(المتسرحين و الي جانو بعدهم بالخدمة قبل السقوط). طبعا قاعدة البيانات تتكون من عدة حقول ...الاسم \ الصنف \ مواليد \ رقم الهويه \ الوحدة \ ....الخ.   والتسجيل و ادخال البيانات كانت من خلال وثائق و سجلات رسمية,

فهاي ابسط البيانات الي يكدرون يوصلون اله بدكة انتر ..... بالاضافة اذا اكو عدهم مصادر اخرى و ملفات و سجلات تم الحصول عليها بعد السقوط.

تحياتي

Willpower