منو اسرع بالمعاملات الاردن ام تركيا

[عليكو]

مرحبا اخواني اني كنت ناوي اطلع لتركيا اقدم على اليو ان
بس اتصل بصديق في امريكا وقالي انت تطلع تقدم من الاردن افضل واسرع المعملات تمشي
وهسة اني حاير منو الاحسن الاردن لو تركيا
وشنو مميزات كل دولة ومساوئها
وشكرا على هذا الموقع الرائع
اخوكم عليكو

[Aiham_]

تركيا احسن و اسرع ,,, ثنينهم نفس التكلفة بالمعشية بس الفارق هو اللغة راح تلكي بيها صعوبة

[ريحـــانه]

والله يا اخي هذا السؤال محد مراح يكدر يجاوبك عليه بصوره دقيقه لان اليو ان و الاي او ام اولا محد يعرف شلون اليه العمل مالتهم و ثانيا هوايه عوامل تاثر على السرعه مثل قصتك شنو و شكد زخم اكو عليهم و غيرها من الامور فاتصور انت لو تشوف وين ممكن ترتاح اكثر ووين عندج اصدقاء او اقارب يكونون وياك بفتره الانتظار الطويل و الضغط النفسي بس بالنسبه للسرعه اني الكل كالي تعالي للاردن ماكو 6 اشهر انتي و عائلتج مسافره و صارلي 6 اشهر ما مسويه ولا مقابله بالاي او ام

[Everything]

ما ادري اني منو اسرع
بس الي اعرفه الوضع ممستقر هالايام بالوطن العربي شمدريك باجر عكبة شيصير هنانة
احسنلك تطفر لتركيا
واذا على اللغة تتدبر

[كرادي مغترب]

سلام عليكم

اخي العزيز الاردن وتركيا نفس الشي الشغلة ومابيها تعتمد على القصة وتأثيرها الاثباتات الشخصية


تحياتي

[مــــان]

مثل مكالوا الاخوان

بس  تركيا احسن هل ايام بسبب الاوضاع بالبلدان العربية مو زينة

تمنياتي لك بالتوفيق

[xzeus84]

اخي العزيز
تركي اغلى من الاردن بكثير
المشكلة باللغة
ليست مشكلة التفاهم فقط المشكلة الى ان تلكة بيت و تستقر انت تذب اغلب فلوسك لان
الله يسلمهم العراقيين اول متجي يلتمون عليكم
يريدون يقفصون عليك
المشكلة اللخ انه تركيا ديجوهة عدد كبير من العراقيين والاجانب يعني المقابلة لو تلكى عراقيين فد عائلة لو متلكة والباقيين ايرانيين وهذا يسبب تاخير المقابلات الاولى
باليو ان
بس وراها مال امريكا تمشي اسرع
بتركيا هنا كل المحافظات تاخذ ضريبة على الفرد ما عدا غازي عنتاب وجورم
او تكدر تظل بانقرة 6 شهور فقط
المساعدات تختلف المكان اللي بي عراقيين مابي مساعدات لان اعدادهم هواية
اكو امور رخيصة بتركيا واكو امور غالية
يعني مثال كيلو اللحم ترة يطلع 25 الف عراقي
اذا عندك امكانية تعال لتركيا اذا ماعندك دير بالك خاصة واذا وياك عائلة
الشعب التركي شعب طيب بس صريح زايد عن اللزوم
بس احنة اللي مو خوش اوادم
فاذا تركي تعامل وياك بصورة مو زينة اعذرة لان مجوي من عراقي
اي تفاصيل تريدهة كلي واني حاضر