سوال الى الاداريه و الى رواد المنتديات و وجهة نظر ...

[Dollar]

شلونكم شباب شابات؟

عندي سوال الى الاخت الغالية انجي . وخبراء المنتديات..

الصفحة الاولة نصه اذا مو ثلاث اراعه صايره جمعيات و كروبات.... يعني المواضيع جديدة تنطرح راسا ينزل جوه و تصعد الجمعيات لان يمكن مشتركيه على اتصال دائم ويسوون ابدين دائما.. يعني هاي الجمعيات ميصير تنجمع بمكان وحده بطريقه ما؟ او تنعزل. يعني ما ادري شلون بصراحه لان اني مو من رواد المنتديات و ما اعرف شنو اساسيات و مبادي الاساسيه الي يعتمدون عليه المنتديات ...... المهم من اجي افتح الصفحة الكه كدامي خمسين جمعيه و اضل اعبر اعبر لان كله احتمال ما اتهمني. و احتمال ما تهم الزائر. ولا تهم الباحث عن معلومه معينه.

تحياتي
   

[ARMY STRONG]

حبي يورو

ما ادري دولار

اي هن الجمعيات اشو كلهن لو اس اي في لو اي او ام لو موعد سفر او جمعيه امنيه او يو ان
لو منتظرين الفيزا لو مقابلين مقابله ااولى او ثانيه

يعنتي تريد تكلي ولا وحده من هذني تشملك 
اي قابل مشارك برنامج هيلا هوب انته
هو لو اس اي في لو اي او ام لو يو ان

[Dollar]

عمي ارمي سالمين.

اني ما كلت هيج خالي... هسه اني, لو غيري عنده استفسار مثلا عن شغلة بال IOM, راح ادخل الجمعية الفلانيه و اظل اكلب واطلع من جمعيه و افوت بجمعيه....طبعا ها وكله تلكاه ( هااا شباب ماكو شي؟؟) ( هااا فلان اشو ماكو اليوم) ( هااا يابه اليوم قابلت باركولي) .... وهلم جرى... هههههههههه هاي قويه مال هلمه جرى .وتاليه  ما الكي جواب السوالي....

هسه اذا مثلا اريد اشوف شهادة الولادة والعماد بالمقابلة الاولى مطلوبه لو لا؟ وين اطب بيا لمه؟ حتى البحث عن موضوع بالسيرج بهيجي وقت ماله اي فايدة لان المواضيع كله صايره لو بفلان جمعيه لو بفلان كروب.

ليش اتعصبني       

 

[ARMY STRONG]

هههههههههههههههههههههههههههههههههههههه

ليش ماتغير اسمك الى يورو لاان الدولار نزل

انته حجيك مال واحد عجووزي ما بيه حيل يدور و يكلب بل منتدى

اذا مابيك حيل
اشمرلك سؤال عود احنه انجاوبك

[Dollar]

اخويه اني وين احجي و انت جاي تثرد بصف الماعون......... هي مو سالفة ادور و اتعب نفسي. اني جاي احجي كمبدء و الاصح شنو.

تحياتي

[angie-dawood]

اخي هي مواضيع الجمعيات اكثر بيها ردود وتجارب الاخوة  من بداية التقديم الى اخر مرحلة السفر يعني اذا نزلت موضوع مراح تشوف ردود وتجارب الاخوة مثل ما تكون موجودة بمواضيع الجمعيات والكروب وانت هم شارك وياهم وادفع اشتراك شهري مو سنوي وارمي هو يكتب العقد ويستلم  الجك  انحلت  المشكلة

[Dollar]

اخت انجي ما عندي حتى اشترك بجمعيه و ادفع اشتراك  .... حته الكاشيات شلعتهم و طلعت الفلوس من جوه هههههه ما ضل عندي خيار بس اتداين منج ههههههههههههههههه.

اختي اني اذا عندي سوال ابالي مثلا على الربط بين الكيسات... زين اذا هالموضوع و النقاش كله بهذا الموضوع صاير تحت عنوان الجمعيه الفلانيه او الكروب الفلاني . زين من اجي ادور و اكلب لو اسوي بحث بخانة السرج الموجودة ... شراح استفاد ؟؟؟؟ كل الاجوبه الي اريده مراح تطلعلي لان هي ضمن تسميه ماله ربط بالموضيع الي بداخله............... هذا بالاضافه انو الموده الجديدة مواصيع التنطرح اغلبه بعنوان سواااال مهم  لو   اذا امكن ساعدوني لو   الى اهل الخبرة...... يعني ما بيه عنوان واليجي بعدين يدور على شغله معينه مراح يستفاد من الاجوبه الي بداخل هذا الموضوع المبهم من عنوانه.

كمت اتعصب اكثر هسه.    

تحياتي

[ARMY STRONG]

اي اكول من الاول ماعندي فلوس اشتراك
بعد على شنو خبصتنا

عمي اني ادفعلك اشتراك مال 5 سنين لي كدام بعد شتريد
بس كول ياجمعيع تعاونيه تعحبك

[angie-dawood]

اي اكتب بالبحث  الي تريده بالعربي ودوس كلمة بحث تطلع المواضيع وبيها ردود وتجارب الاخوة الاعضاء والجواب الي تريد الاستفسار عنه وهم حلتها المشكلة  بدون تعصب  

[Dollar]

اي اكتب بالبحث  الي تريده بالعربي ودوس كلمة بحث تطلع المواضيع وبيها ردود وتجارب الاخوة الاعضاء والجواب الي تريد الاستفسار عنه وهم حلتها المشكلة  بدون تعصب  

  صدك تحجين

هسه مثلا عندي سوال على الربط بين الكيسات .... اجيت كتبت بخانة البحث عن المواضيع (ربط الكيسات) مثلا... خوش؟ زين اذا الحجي وتفاصل الي اتخص ربط الكيسات موجوده مثلا تحت عنوان (جمعية حنون للمقابلين مقابلة ثانيه) شلون راح استفاد منه وشلون راح يطلعي بالبحث مالتي و هو الموضوع اصلا اسمه تاسيس جمعية؟؟؟؟؟؟ لو امر البحث بمنتدى عينكاوه يشتغل على النيات ؟

 

[ســـرى]

اي اكتب بالبحث  الي تريده بالعربي ودوس كلمة بحث تطلع المواضيع وبيها ردود وتجارب الاخوة الاعضاء والجواب الي تريد الاستفسار عنه وهم حلتها المشكلة  بدون تعصب   

  صدك تحجين

هسه مثلا عندي سوال على الربط بين الكيسات .... اجيت كتبت بخانة البحث عن المواضيع (ربط الكيسات) مثلا... خوش؟ زين اذا الحجي وتفاصل الي اتخص ربط الكيسات موجوده مثلا تحت عنوان (جمعية حنون للمقابلين مقابلة ثانيه) شلون راح استفاد منه وشلون راح يطلعي بالبحث مالتي و هو الموضوع اصلا اسمه تاسيس جمعية؟؟؟؟؟؟ لو امر البحث بمنتدى عينكاوه يشتغل على النيات ؟

 

ههههههههههههههه سوري اخي دولار بس والله ضحكت من شغلة البحث يشتغل بالنيات ان شاء الله تلكة الجواب لسؤالك