اخوان يصير اطلب مقابلة القنصل SIV (اريد كل الاعضاء والمشرفين يجاوبوني)

[Haidar82]

اخواني اني كتبتلكم قصتي سابقا واكتبها مرة ثانية بالاسفل بس الجديد زوجتي كلش تعبانه هناك وحالته الصحية مو زينة ومالاكيه حتى احد يوديها للمستشفى هناك ..اخوان اني في عذاب مستمر اكدر اقابل القنصل؟ واشرح ظروفي الانسانية الصعبة الملحة حسبي الله ونعم الوكيل على السفارة والي سووه بيه شسوي راح اموت والله

وقصتي هيه
اخواني اني قابلت بالسفارة الامريكية في بغداد قبل 3 اشهر ضبط وبوقتها القنصل كلي المراجعة تطول من 2 الى 3 شهر وخلصت وكلشي ماكو والمشكلة انو حتى مواعيدهم ممضبوطة ومو بس هيج زوجتي تدرس في الولايات المتحدة حاليا وهي حامل بالاشهر الاولى وسافرت قبل 20 يوم لامريكا

وهي هناك بوحدها ومحتاجة اكون الي جانبها .. و رد السفارة الاخير يكولون مراجعة ادارية شاملة وبعدنا ممتخذين قرار بموضوعك ومااعرف شسوي حاير وضايج ونفسيتي كلش تعبانة

وبس اريد اسال اكو فد طريقة او منفذ حتى اجد حل لموضوعي
وفي محامين مختصين بالهجرة (استشارات مجانية مثلا) اكدر استعين بيهم بمثل حالتي

علما انو زوجتي سافرت على فيزة مؤقتة (فيزة دراسة) وانا مقدم على برنامج SIV ومقابلتي مكان بيها مشاكل

تحياتي

[angie-dawood]

اخي زوجتك باي ولاية هي خلي تستشير محامي الهجرة من يمها وهو  يعرف القوانيين اكثر وينصحها شنو تسوي انشاءلله يكون خير ويتصلون بك عن قريب وتسافر لعائلتك  ربي يوفقكم

[Haidar82]

اخت انجي زوجتي كلشي متعرف هناك مجرد تروح لمعهد اللغة وترجع وكلشي متعرف وحتى متعرف اشلون تروح للمستشفى واني كلش خايف عليها لان بدت علامات بوادر الاسقاط عليها

اريد مساعتدكم لان اني بورطة احس تورطت زوجتي بولاية ويست فرجينيا واذا تعرفيين محامي او اي شي بلغيني

تحياتي

[ســـرى]

اخي حيدر المحامي لا راح يقدم ولا يأخر الله يعينك على مشكلتك وربي يسهل امرك يارب........

[ألن في بلاد العجائب]

اخي العزيز مشكلتك انت رايح اس اي في و زوجتك فيزة دراسيه لو انت مو اس اي في بس زياره يعني بي2 كان من الممكن شويه ها يعجلون او يساعدون لحالات انسانيه بس انت مكمل وواصل بالمراحل الاخيره ما عندك غير الصبر و الله يعينك
الن

[repentant]

حيدر
الله يساعدك ويصبرك ويعينك ويعين زوجتك بحق رب الارض والسماء وبحق كل انبائيه وسرلة والاولياء الصالحين عليهم السلام
خوية شكللك والله اني اسف اخوان على هالكلام بس سامحوني اني شفت امريكا صعبة واني شاب اعزب يعني مثلا يرادللك وقت لازم تتعلم بي على الباصات خصوصا ذا ما تعرف اسوق ويراد تندل الاماكن مثلا الي اتبيع حلال ويراد تتعلم لغة باسرع وقت ويراد تبحث عن عمل رغم عدم توفر الاعمال وتعال هنا مشكلة الايجارات عقود يا 6 اشهر اتوقع يا سنه وملزم تدفعهن كلهن واحنا العراقيين يا اخي والله فقراء حتى لو عدهم صرفوها بعمان او مصر تعال انوب شغله الضرائب ودوختها كل سنه من تشتغل ان شاء الله اكو حق لرب العمل ايبطلك باي ساعة ما يصير تتاخر عن عملك مرتين او 3 لازم تنتبه على كلامك وي الناس حتى ما تجرح احاسيسهم انوب نجي على شغلة الضمان الصح هي هاي حد ذاتها مشكلة يعني 8 اشهر فقط زينه هي نعمة وبعدها اكو برامج ما اعرف اشلون اغطون ولو جزء قليل من المدكيد بس الشعهادة لله امريكا جميلة جدا بكل شي شعبها شعب طيب ومتعاون جدا اغلبهم ما عدهم حسد وعندهم الاعتماد على النفس ضروري بس همة ناس اعتيادين لا تاخذون عليهم نظرة هم توب جدا واذكياء 
حقيقة اي عراقي يقدر ايدبر امورة بامريكا يعني اقصد عندة بالعراق عقار او شغلة ادر علي فلوس بحيث ايدزوها اله من بغداد فاني انصحة يختار امريكا ويصبر الى ان يشتغل لان حقيقة اللاجى اقل شي يحتاج سنه واشوية يالله يضبط لغة بس حجي مو كتابة والدليل كلياتنا 4 سنوات اتعلم لغة وشوف الخريجين  ويتوكل على الله
الحمد لله والشكر في بعض الاحيان نتسلق الجبال ونصل القمم ولكن للاسف تنزلق قدمك من على صخرة ملساء لتهفوا الى الوادي

[yzar]

اخوية صاحب الموضوع انت اي حل لقيضتك ماكو غير الانتظار واكو شي بلكي نكدر نقدمة الك اني في بغداد والله العظيم جان حاولت اخذ زوجتي واروح يم زوجتك الا ان تنجب بس مو بايدي بس اختي وزوجهة وعدهم 2 اطفال ساكنين في اتلانتا جورجيا وهمة مستعدين يكونون وية زوجتك على مود يعينوهة على الانجاب وزوج اختي عندة سيارة فتكدر زوجتك تتحول لهناك وتاجر بيت صغير يمهم حتة اختي تداريهة لزوجتك ؟ وهمة ميكدرون يتحولون لان عدهم 2 جهال وزوجهة يشتغل واذا متكدر زوجتك تتحول وتروح لجورجيا اكتب هنا بلكي اكو عائلة اهل رحم يكدرون يساعدون زوجتك معنوينا وبالوكفة يمهة مو مساعدة مادية لان الكل اكيد ماعدهم امكانية ولاجئين بس بلكي اكو عائلة بنفس المنطقة بيهة مرة جبيرة او امراة عدهة اولاد تكدر تساعد زوجتك وتدير بالهة عليهة لحد متسافر انت او تنجب باذن الله
اني حاضر لاي مساعدة وراح اكتب على الفيس بوك لان عندي هواية اصدقاء باميركال بلكي اكو احد يجاوبني ويكون قريب على منطقة زوجتك بفرجينيا يكدر يوكفلهة هوة اكو صديق هناك بس هذا لا متزوج ولا يعرف شيسوي ولهالسبب ميفيدك يمكن بس اذا انسدت بوجك كلش كلي بلكي يكدر يمد ايد العون باي شي والله كريم
خلي عينك بعين الله وانشاء الله تصير سوالف والله يفرجهة عليك

[عبد العولمه]

تحياتي للزملاء،،
القنصل لن يقابلك بل موظف من القسم القنصلي/التأشيرات..و لن يقابلوك بسبب موضوع التأشيرة الخاصة حتى لا يفتحون باب على الاستثناءات...نصيحتي ارسل طلب بحالتك الى المركز مشفوعا بالوثائق لك ولزوجتك (بالنسبة لزوجتك نسخة الجواز والفيزا والاقامة) وانت نسخة جوازك و رقم المعاملة واذا تقرير طبي عن زوجتك افضل النقطة المهمة عندك انه زوجتك هناك اصلا وانت معاملتك منذ ثلاث شهور .
محامي الهجرة لن يفعل شيء لان مجرد ترتيب القضية والمطالعة والموعد يأخذ وقت اضافة الى ان مشكلتك اجراءات أمنية وليس تفسير نص قانوني..وتقبل تقديري

المقصود بالمركز هو دائرة الهجرة مباشرة /وزارة الامن الوطني..ولا اقصد السفارة لان السفارة الموضوع طلع من عدهم بأنتظار موافقة المركز وتمريرها لك فقط هذا دورهم بعد المقابلة..

عزيزي التائب كيف حالك لم نعد نرى مشاركاتك هل تخليت عن الزملاء..؟؟

[softer_softer]

ماطول هيج يااخي ليش اتورط زوجتك بهيج مازق وثاني شي هية ماطول طالعة دراسية مو عليها 120 مليون كفالة لازم ترجع للعراق بعد ان تكمل دراستها جان مفروض تنسحب من البعثة وتضيفها وياك لو انت جان مفروض تنسحب وتخليك هية مرافق مالتها بس بهذي الحالة راح تنجبرون ترجعون للعراق

انت اقصى ماراح اتسوي لزوجتك راح يرجعوها اذا عرفوا البعثة وطرف الاس اي في راح اتعرقل معاملتك لان انت ماكنت صريح وياهم وماكتلهم بهذا الشي وراح تخسر الكفالة الي خالتها هية او اتاذون الكفين بدفع الكفالة لا طفل اياثر ولا شي  

[Haidar82]

اخوية صاحب الموضوع انت اي حل لقيضتك ماكو غير الانتظار واكو شي بلكي نكدر نقدمة الك اني في بغداد والله العظيم جان حاولت اخذ زوجتي واروح يم زوجتك الا ان تنجب بس مو بايدي بس اختي وزوجهة وعدهم 2 اطفال ساكنين في اتلانتا جورجيا وهمة مستعدين يكونون وية زوجتك على مود يعينوهة على الانجاب وزوج اختي عندة سيارة فتكدر زوجتك تتحول لهناك وتاجر بيت صغير يمهم حتة اختي تداريهة لزوجتك ؟ وهمة ميكدرون يتحولون لان عدهم 2 جهال وزوجهة يشتغل واذا متكدر زوجتك تتحول وتروح لجورجيا اكتب هنا بلكي اكو عائلة اهل رحم يكدرون يساعدون زوجتك معنوينا وبالوكفة يمهة مو مساعدة مادية لان الكل اكيد ماعدهم امكانية ولاجئين بس بلكي اكو عائلة بنفس المنطقة بيهة مرة جبيرة او امراة عدهة اولاد تكدر تساعد زوجتك وتدير بالهة عليهة لحد متسافر انت او تنجب باذن الله
اني حاضر لاي مساعدة وراح اكتب على الفيس بوك لان عندي هواية اصدقاء باميركال بلكي اكو احد يجاوبني ويكون قريب على منطقة زوجتك بفرجينيا يكدر يوكفلهة هوة اكو صديق هناك بس هذا لا متزوج ولا يعرف شيسوي ولهالسبب ميفيدك يمكن بس اذا انسدت بوجك كلش كلي بلكي يكدر يمد ايد العون باي شي والله كريم
خلي عينك بعين الله وانشاء الله تصير سوالف والله يفرجهة عليك

شكرا جزيلا اخي الغالي ان شاء الله تصير سوالف على كولتك زوجتي بولاية ويست فرجينيا -مدينة مورغان تاون وطبعا متكدر تتحول لولاية ثانية وحاليا ظروفها صعبة لان ماكو تامين صحي بعدهم ممسويه الها الجامعة وبالاضافة الى ذلك حالتها الصحية مو تمام ولاتعرف تروح ولاتجي وحتى وحسب كلامها ماكو عيادات لطبيبة نسائية رخيصة تكول العلاج كلش غالي
اتمنى من اي احد بهاي الولاية يساعدنا لو بالنصيحة واتمنى الكل بالمنتدى يساعدني

تحياتي

[Haidar82]

ماطول هيج يااخي ليش اتورط زوجتك بهيج مازق وثاني شي هية ماطول طالعة دراسية مو عليها 120 مليون كفالة لازم ترجع للعراق بعد ان تكمل دراستها جان مفروض تنسحب من البعثة وتضيفها وياك لو انت جان مفروض تنسحب وتخليك هية مرافق مالتها بس بهذي الحالة راح تنجبرون ترجعون للعراق

انت اقصى ماراح اتسوي لزوجتك راح يرجعوها اذا عرفوا البعثة وطرف الاس اي في راح اتعرقل معاملتك لان انت ماكنت صريح وياهم وماكتلهم بهذا الشي وراح تخسر الكفالة الي خالتها هية او اتاذون الكفين بدفع الكفالة لا طفل اياثر ولا شي 

اخوية العزيز شكرا على مداخلتك بس اني جنت كلش صريح ويه السفارة المشكلة اني جنت مقدم على هجرة قبل برنامج البعثات ومن طلعت سالفة البعثة رفضت السفارة تنطيني فيزة الشخص المرافق واصرت السفارة اكمل على الهجرة وكملت المعاملة وحتى قدمولي موعد المقابلة على مود زوجتي ..وبالمقابلة جنت كلش صريح ويه السفارة وهمه كلش زينين وياية وكالو لازم زوجتك تقدملها هجرة وتدرجها معاك بعد سنة من وصولك لان المعاملة تطول وبعدين ترجع للعراق وتبدا انت تسحبها هذا الي صار والموضوع كله زين بس للاسف تاخرت الفيزة بسبب المراجعة الادارية وسافرت زوجتي والباقي انت تعرفه
شكرا على اهتمامك

[Haidar82]

تحياتي للزملاء،،
القنصل لن يقابلك بل موظف من القسم القنصلي/التأشيرات..و لن يقابلوك بسبب موضوع التأشيرة الخاصة حتى لا يفتحون باب على الاستثناءات...نصيحتي ارسل طلب بحالتك الى المركز مشفوعا بالوثائق لك ولزوجتك (بالنسبة لزوجتك نسخة الجواز والفيزا والاقامة) وانت نسخة جوازك و رقم المعاملة واذا تقرير طبي عن زوجتك افضل النقطة المهمة عندك انه زوجتك هناك اصلا وانت معاملتك منذ ثلاث شهور .
محامي الهجرة لن يفعل شيء لان مجرد ترتيب القضية والمطالعة والموعد يأخذ وقت اضافة الى ان مشكلتك اجراءات أمنية وليس تفسير نص قانوني..وتقبل تقديري

المقصود بالمركز هو دائرة الهجرة مباشرة /وزارة الامن الوطني..ولا اقصد السفارة لان السفارة الموضوع طلع من عدهم بأنتظار موافقة المركز وتمريرها لك فقط هذا دورهم بعد المقابلة..

عزيزي التائب كيف حالك لم نعد نرى مشاركاتك هل تخليت عن الزملاء..؟؟

شكرا جزيلا اخي بس سؤالين اكو احد مراسل مركز الهجرة مباشرة ؟ وثانس يؤال ممكن ترسلي عنوان المركز الي تقصدة على الخاص حتى اراسلة

تحياتي وارجو الايضاح اكثر