المنجــــــــــــــــل و الجاكــــــــــــــــوج

[يوسف الو]

       
عبد الرضا غالي ( ابو حكيم )
.
شراكه ويا المساحي الكتبت اعله الطين
شراكه وياالحديد النام عالسندان
شراكه ويا القلم والورقه والاستاذ
شراكه ويا المناجل حصدت من الضيم
شلتها يا عراق وأبد ما تعبان
شلتهن فوگ راسي اخفاف چنهن ريش
أنا ذاك الصديق العاش عمره سنين
بحر هايج وريح معاكِسه السفان
قوانين الحياة تعاقب المظلوم
نزلت انبياء لخدمة الانسان
النصيحه بلا ثمن تاخذها من الغير
أنا الحزب الشيوعي الضد الاستعمار
مهو حزب الشغيله الحرر المملوك
تجي وتگول بيه هذا كفر والحاد
گلي بيا مچان الحزب ضد الدين
خويه احنا بشر بالخلقه متساوين
لو شايل حقد چي علمي بيه چاكوچ
إنزل للحقول وحرّك الناعور
ردت إيدك مثل ايدي يمسها الضيم
تنام براسي كل الوكت ما معقول
ما نرضى بالشينة وحيدر الكرار



اسم فلاح يزرع خسر كل عمره
والچاكوچ دومه يرگع بصدره
وطباشير الكتابه وجنطته وحبره
كارة ضيم كسرت للصبر ظهره
بشير وحافظ الينزف دما نحره
مثل ظلك أصيرن زغره وكبره
وما ينسى الحزب بحچايته وشعره
والسفان حاير ما عرف أمره
وللظالم الصطوه ورهبة الحضره
والانسان داير للنبي ظهره
وعلى حلگ الينصحك توضع الجمره
وبستان النخل ينعرف من تمره
وسواها نهار وليلكم گمره
چي صار العبد والسيد بسعره
حتى انته تجي وتنتقده وتكفره
وكل واحد طريجه وكلمن وفكره
وبيه منجل فلح وگماشته حمره
وازرع بالصويره الفاكهه وبدره
مو ايدك البيضا وايدي السمره
ما يرضى النبي وما تقبل الزهره
ولا نقبل يزيد وحرمله وشمره

 

[بابا عابـــــد]

                  موضوع رائــــع !

              يستحقّ كلّ تقديـــــــر

                    تحيّاتنــا .