سفري بعد 7 ايام الى كولورادو افيدونني اخوتي

[بنت الجادرية]

مساء الخير احبابي

اني اختكم جديده على هذا المنتدى الرائع
فماعندي اطلاع على كل الامور المطروحة
فياريت تفيدوني بمعلومت قيمه من خلال معرفتكم بالامور 

الملابس الي اخذها ويايه صيفي او شتائي؟
الغراض الي تفيدني شنوا؟
بالنسبة للمبلغ يكفي $3000 اخذ معي بصراحه بس هذا الي املكه يعني اداين مبلغ لو يكفيني؟
بالنسبة الي اني عندي كفيل صديق اخي بس حسكن مو بالعاصمه
شتنصحوني اسكن وحدي لو اشوفلي شريكة سكن

ياريت تساعدوني اتمنى من ست انجي وباقي الاخوات و الاخوان ينصحوني شأسوي من اوصل من اشياء تفيدني

اني مقابلة بشهر ال7    بغداد
والمنظمة دزتلي ايميل الوزن 23 كيلو   و5 كيلو هاند باك

[مراد البغدادي]

الف مبروك اختنا وانشاء الله خير بس اختنا لو تحددين المدينه جان هواي تفرق وحسب اعتقادي ويه شريكه احسن لان تساعدك بالايجار وتفرق عندك هواي وبالنسبه للفلوس اعرف ناس والله اخذو 400$ وامورهم مشت بس حددي المدينه واكو هواي روابط يفيدوك الاخوان بيها لاتداينين ولا شي بس اوصيك الزمي ايدك وبس اخوك مراد

[angie-dawood]

اولا اهلا وسهلا بك بيننا وثانيا الف مبروك لتحديد موعد السفر انشاءلله ربي تكون ولاية الخير والسعد عليكم
وثالثا هاي الرابطة لاخ شبح بغداد وردود الاخوة الاعضاء ينصحون بيها شنو تاخذون وياكم

وبالنسبة انو تسكنين وي شخص نعم انصحك تسكني وي بنت او بنات حتى تتساعدون بدفع ايجار الشقة لان وحدك صعب تقاومين تدفعيها تكون اقل ايجار للشقة 500 دولار فما فوق وانت وحدك الكاش الي راح تاخذيه من المساعدات ما يكفي ان تدفعين ايجار ولا مصاريف اخرى لذالك اذا شفتني اي بنت تسكن معك يكون احسن الك الى ان الله يفرجها عليج وتشوفين شغل انشاءلله توصلين بالسلامة وتشوفين كل الخير
 




http://www.ankawa.com/forum/index.php/topic,308359.0.html

[بنت الجادرية]

الف مبروك اختنا وانشاء الله خير بس اختنا لو تحددين المدينه جان هواي تفرق وحسب اعتقادي ويه شريكه احسن لان تساعدك بالايجار وتفرق عندك هواي وبالنسبه للفلوس اعرف ناس والله اخذو 400$ وامورهم مشت بس حددي المدينه واكو هواي روابط يفيدوك الاخوان بيها لاتداينين ولا شي بس اوصيك الزمي ايدك وبس اخوك مراد

شكرا اخي مراد بس مدينتي اسمها كينيكاس هيجي شي ماعرف شنو اسمها بس مو العاصمه دنفر
صح شريكة احسن بس بالبداية حسكن وحدي حسب كلام كفيلي
بس شداكوله عن معلومه مدينطينياها بسهوله بس شنسوي هم خلف الله عليه كفلني

اذا تكدر تساعدني بمعلومه عن مصروفي والعمل وشغله الملابس الله يخليكم مباقيلي شي واسافر

[بنت الجادرية]

اولا اهلا وسهلا بك بيننا وثانيا الف مبروك لتحديد موعد السفر انشاءلله ربي تكون ولاية الخير والسعد عليكم
وثالثا هاي الرابطة لاخ شبح بغداد وردود الاخوة الاعضاء ينصحون بيها شنو تاخذون وياكم

وبالنسبة انو تسكنين وي شخص نعم انصحك تسكني وي بنت او بنات حتى تتساعدون بدفع ايجار الشقة لان وحدك صعب تقاومين تدفعيها تكون اقل ايجار للشقة 500 دولار فما فوق وانت وحدك الكاش الي راح تاخذيه من المساعدات ما يكفي ان تدفعين ايجار ولا مصاريف اخرى لذالك اذا شفتني اي بنت تسكن معك يكون احسن الك الى ان الله يفرجها عليج وتشوفين شغل انشاءلله توصلين بالسلامة وتشوفين كل الخير


  اهلا بيج ست انجي

الرابط مابي شي عن كولورادو ياريت تساعدوني ولو اتعبكم




http://www.ankawa.com/forum/index.php/topic,308359.0.html

[(COBRA)]

اهل وسهلا بنت الجادريه
انشالله يفيدوج الاعضاء الي بامريكا شنو  اللوازم الي تاخذيها وياج...
ومبروك عل قدووم يوم سفرج بلتوفيق

[angie-dawood]

اولا اهلا وسهلا بك بيننا وثانيا الف مبروك لتحديد موعد السفر انشاءلله ربي تكون ولاية الخير والسعد عليكم
وثالثا هاي الرابطة لاخ شبح بغداد وردود الاخوة الاعضاء ينصحون بيها شنو تاخذون وياكم

وبالنسبة انو تسكنين وي شخص نعم انصحك تسكني وي بنت او بنات حتى تتساعدون بدفع ايجار الشقة لان وحدك صعب تقاومين تدفعيها تكون اقل ايجار للشقة 500 دولار فما فوق وانت وحدك الكاش الي راح تاخذيه من المساعدات ما يكفي ان تدفعين ايجار ولا مصاريف اخرى لذالك اذا شفتني اي بنت تسكن معك يكون احسن الك الى ان الله يفرجها عليج وتشوفين شغل انشاءلله توصلين بالسلامة وتشوفين كل الخير


  اهلا بيج ست انجي

الرابط مابي شي عن كولورادو ياريت تساعدوني ولو اتعبكم




http://www.ankawa.com/forum/index.php/topic,308359.0.html

حبيتي الرابط خليتها على مود شنو تاخذين وياج خاف تريدين تشترين  اشياء هنا متوفرة واقل سعر لذالك خليت الرابط وبنسبة  الولاية والمدينة دادور بالارشيف بلكن احد الاخوة الاعضاء عدهم مواضيع عنها انشاء اشوف وانزلها هنا

وهذا كان ردك على اثره خليت الرابط

الملابس الي اخذها ويايه صيفي او شتائي؟
الغراض الي تفيدني شنوا؟

[angie-dawood]

تفضلي اختي انشاءلله تفيد هاي المعلومات  بس مدينة دنفر مااعرف نفس المدينة تقصدين او غيرها


http://www.ankawa.com/forum/index.php/topic,376042.0.html

[ســـرى]

اختي العزيزة اول شي راسلي الاخ عمار ammar_eng وهو بكولورادو بس بدنفر بس على الاقل ينطيج فكرة عن جو الولاية وطبيعتها ودزيلي رسالة عالخاص حتى اعرف انتي محجبة مثلا او لا وشنو تلبسين واني اكوللج شنو تجيبين بتسهيل الله...

راح احجيلج بصورة عامة :الاشياء اللي راح تحتاجيها هنا بامريكا:

اذا محجبة:

حجابات جيبي وياج لانه هنا النوعية الزينة غالية واللي سعره زين نوعيته مو شي وهكذا

البناطير هنا بصورة عامة تلكين رخيصة ونوعية زينة بس جيبي مال اول فترة يعني لاتشترين جديد من العراق اللي عندج وبعده زين جيبيه

كل الملابس بصورة عامة جيبي على قدر مال كم شهر بينما تتعلمين على المكان وتعرفين منين تشترين وبأحسن سعر

لا تجيبين اجهزة كهربائية الا اذا مشترية محولة تخفض الفولتية لانه بامريكا الاجهزة تشتغل عال110 مو ال220

جيبي سيار كهربائي من النوع الطويل بيه كم نقطة يفيدج للموبايل والحاسبة

اشتري تقسيم مال سفر وهذا يتكون من عدة رؤؤوس ترهم على الدكم بكل مكان اذا ما لكيتي بالاسواق يكون موجود بالسوق الحرة بمطار بغداد الدولي راح يفيدج كلش هواية

ادوية مال اول فترة يعني عادية مال وجع راس/انتيبايوتكس فد كم شريط بينما تحصلين على تأمين صحي/حب لالام المعدة او القولون اذا تعانين منها/حب مضاد للحموضة اذا عندج هيج حالة او قرحة لاسمح الله/حب للاسهال/....اضافة الى انه اذا تاخذين اي حبوب مزمنة لازم تجيبن كمية وياج......


الكوتات النسائية هنا نااااااااااار ونوعيتها مو شي اذا تكدرين تجيبين وياج احسن لانه اغلى كوت ببغداد ب150 دولار بينما هنا اقل واحد ب100 دولار وما يسوة فلوسه هذا اذا من نوع تفضلين الكوتات او تاخذين قمصلة نسائية انتي حسب ذوقج عزيزتي......

واذا تحبين تفاصيل راسليني على الخاص واني بالخدمة

[كرادي مغترب]

بالتوفيق اختي بنت الجادرية وانشاء الله توصلين بالسلامة بس بعد مثل مالكو الاخوة الكرام  واتوكلي على الله

[الناسك]

لا املك لك سوى الدعاء بالسفر والوصول بالسلامة والتوفيق من الله
الناسك

[doori]

السلام
شلونكم اخواني و خواتي
اختي صاحبة الموضوع اني اسكن بنفس الولايه لكن بدينفر العاصمه
اختي اهلا وسهلا بيج ويا رب سفره سعيده
بالنسبه للجو هسه لطيف شويه لكن البرد هم موجود وبرد قارس جدا يعني اجتي ايام محد يكدر يكطلع من البيت بصراحه لكن مو كل الاوقات يعني جيبي وياج هدوم شتويه لكن ما اعرف ليش 23 كيلو شو احنه من عمان طلعنه اخذنا كل واحد 46 كيلو لكل جنطه 23 كيلو غير الهاند باك المهم اتاكدي اختي
الشي الثاني السكن مع شريك اولها يكون افضل الج لان هنا اقل ايجار بدينفر 400 دولار استوديو غير الكهرباء والخدمات الاخرى يعني شوفيلج وحده تسكن وياج افضل
اما عن الفلوس فما اعرف اني صارلي شهرين واسبوعين هنا بدينفر ما احتاجيت لان سكان مع شباب 2 ونقسم الايجار على 3 فما اعرف لان المنظمه تنطي راتب شهري فقط 335 $ فقط غير الفود ستامب اما عن العمل ليهسه ما لكيت شغل والكلام هنا كثير من اخوتنا العراقيين انو المنظمه مدبر شغل ولا شي وما اعرف بعد كل واحد يحجي شكل
اختي العزيزه اتمنا الج سفره سهله وسعيده ان شاءالله واي شي تحتاجي اني اخوج هنا وحاضر لكل جواب ان شاءالله


اخوكم

doori

[sadiq.h]

بارك الله بيكم ياعراقيين ,, وكونوا إيد وحدة,,وبالنسبة الى هذه المسكينة لاتقصرون معاها.

[رورو1978]

الف مبروك اختي العزيزه .....وانشاء الله توصلين بالسلامه  ......

[ابن الحله]

مبــــروك و توصـــــلين بالســــــلامه و المـــــوفقيه انـــــشالله

[/size] [/color]

[امين عبد الله]

الف الف مليون مبروك وتوصلين بالسلامة ان شاء الله. حاولي ان تأخذي ملابس شتوية لان المنطقة باردو واكثري من شرب الماء كي لا تتعرضي للجفاف بسبب ارتفاع المنطقة عن سطح البحر. وان احتجتي اي استشارة فالمعارف هناك كثيرون و الحمد لله، وبالتوفيق ان شاء الله

[ابو سالين]

اولا اهلا وسهلا بيج بلمنتدى ..ومبروك تحديد موعد السفر وان شاءالله توصلون بلسلامه

[الهموندي]

الف الف الف مبروك واتمنا الج النجاح في حياتج العلميه والعمليه وبالتوفيق انشاء الله      اخوكي الهموندي عمان

[عراقي هواي]

الاخوان بكلورادو همتكم مع اختكم جزاكم الله كل خير

[eng_ammar]

السلام عليكم
مبروك السفر ومبروك كولورادو لان ولاية جدا جميلة من كل النواحي
طبعا بالنسبة للجو مينحزر لان احنة هسة شهر 2 والجو يخبل يعني بلوز خفيف جدا كافي والضهر حتى البلوز ماجرعه ومرات تصير باردة يعني يراد قمصلة
عموما الجو مو مثل ما اتخيلته كالو انجماد ومحد يكدر يطلع من البيت

المدينة ماكو هيج اسم بكل كولورادو المدن هية
دنفر العاصمة او الداون تاون
اورورا منطقة سكنية وهية الانسب للاجئ
ثورنتون منطقة تبعد عن دنفر 45 دقيقة وهية منطقة سكنية بحتة واكثرها بيوت
كولورادو سبرنج منطقة دراسة الطيران وموقع اكاديمية سلاح الجو الامريكي وجبال ومناظر خلابة بس مو للسكن
فورث كولنز تبعد عن دنفر 1.45 دقيقة وهية منطقة حلوة بس كلش بعيدة وسكنية
جولدن منطقة جدا جميلة وهية قرية بين الجبال واليسكنوها امريكان كاو بوي
كريلي منطقة اليسكنها يشتغل بمعمل اللحم لان هذا المعمل ينطي رواتب قوية بس المنطقة ريحتها متنجرع واشتم الريحة على بعد 5 كيلو فد شي فضيع.

بولدر من احلة مناطق امريكا والعاصمة الصحية لامريكا كلشي طبيعي والاكل طبيعي متدخل بي الكيمياويات وممنوع التدخين وبيها جامعة كولورادو يعني منطقة تجنن.

المساعدات بالولاية ممتازة للاجئ والتأمين الصحي ما ينكطع حتى ورا 8 شكور بس ينقل من تأمين الى نوع اخر.
الشغل موجود وبكثرة حسب ماشوف مضل عراقي هنا مشتغل الا القليل.
واي سؤال او مساعدة اني حاضر

[بنت الجادرية]

الف شكر لكل الي دخلو وحبو يساعدوني ويهنوني
مااعرف شلون اجازيكم ياحبايبي
ان شاء الله اني اخذت ملابسي الشتوية وصيفية (شي قليل ) لان مثل متعرفون اني مسموحلي وزن حسب المسج الي وصلني 23 كيلو  و5 هاند

حددولي موعد فحص بس اني فاحصة ليش هذا الموعد مااعرف ويصير اقدم موعد الفحص قبل يوم او يومين؟

شكرا الكم جميعا دون استثناء