قابلت محلف ومحتاج رائيكم

[BUCCA]

اخوان متى يكون موعد الفحص الطبي يعني قبل نتيجة المحلفين او بعد نتيجة المحلفين او ما لها علاقة بالفحص


متى تحدد الولاية

اخوان حسب علمكم الفترة التي يائتي بها رد المحلف .
وهل توجد فترة اذا اتعدها الشخص يكون في امان من الرفض


تحياتي الكم فردا فردا

[اريج الراوي]

اخي اولا مبروك اكمالك لمقابله المحلف وان شاء الله الموافقه ويوم السفر
بس انت محددت من يا دوله انت مقدم لان اعتقد اكو اختلاف من دوله الاخرى
فمثلا في عمان هناك موعد يحدد لستلام نتيجه المحلف اما في غير دوله يتم الاتصال بالشخص ويبلغ بالنتيجه
اما بالنسبه للفحص الطبي فاغلب الي ايبلغوهم على الفحص الطبي قبل موعد النتيجه يعني مقبولين وانا اتكلم ايضا عن عمان
وانت اذا من غير دوله اكتب المكان حتى يتسنى من الاخوه الاجابه بصوره دقيقه
تقبل مروري 

[softer_softer]

اخي العزيز انت قبل لا ادخلين المقابلة الموظف شكد كاللكم يجيكم الرد المحلف هوة هذا الوقت الي يجي بي رد المحلفين والمتعارف علية شهرين اكثر بشكم يوم او اقل هيج شي  وراح يجيج اتاج منت اما يكولولك انت مقبولة او قيد الدراسة او مرفوضة  لا سامح الله اما اذا مااجاج رد وراسا  موعد مقابلة ثالثة فمعناها هم رفض لا سامح الله

اما عن الموعد الطبي الاغلبية بين المفابلة الاولى والثانية اما الي قابل ثانية ومامسوي فحص فمن يجي جواب القبول ورة شهرين يدزولة فحص طبي ويعتمد حسب  الازدحام

اما عن الولاية فتحدد من يبلغوك بموعد السفر اذا مكان عندك كفيل بولاية معينة يعني مامختار انت الولاية وسمعت من قسم من الناس كالولهم قبل السفر بيوم يبلغوهم بالولاية


واني داحجي عن بغداد

[عمار اللامي]

اخي وانا اتكلم عن سوريــــــــــــا الفحص الطبي يعني 99بالمئة موافقة و وقت الرد يكون من شهرين الى 6 اشهر و ربع المدة لباقي الدول ولا يوجد فترة انت بها بأمان الى عندما تسمع المضيفة تقول دخلنا الاجواء الامريكية اهلا بكم في الولايات المتحدة هههههههههههههههههههههههه تقبل مروريـــــــــــــــــــــــــ

[ريم عبد]

اخي بوكا

اخوان متى يكون موعد الفحص الطبي يعني قبل نتيجة المحلفين او بعد نتيجة المحلفين او ما لها علاقة بالفحص

مدام انت مقدم من بغداد
الفحص الطبي احيانا يكون قبل مقابلة المحلفين واحيانا بعدها
وبما انه انت قابلت محلفين يعني راح يتصلون بيك بالايام القليله القادمه
الفحص الطبي ماله علاقه بالقبول او بالرفض او بنتيجة المحلفين

متى تحدد الولايه

اذا ماعندك كفيل فالفتره الي تلي مقابلة المحلفين تتحدد بيها الولايه وياخذون موافقة الولايه ضمن الاجراءت الامنيه
واذا  اتصلت بيهم بعد موافقة المحلف راح ينطوك النتيجه

اخوان حسب علمكم الفترة التي يائتي بها رد المحلف .

رد المحلف عادة بعد مقابلة المحلفين من 30-45 يوم واذا مدزولكياه خلال هذه الفتره تتصل بيهم وتطلب منهم نتيجة المحلف حتى يدزولكيها بالايميل
وعند الانتهاء من مقابلة المحلفين تكدر تسال الموظف الي يوقعكم على قرض السفر عن موعد نتيجة المحلف

وهل توجد فترة اذا اتعدها الشخص يكون في امان من الرفض

اذا استلمت موافقة المحلف فانت اجتازيت بنسبة 80% من خطورة الرفض
واذا وصلت الموافقه الامنيه فانت 95% بمنطقة الامان
واذا حصلت موعد سفر فانت بمنطقة ال 99%
ومن تصعد الطائره وتسوي تيك اوف فانت بمنطقة ال 100%

وان شاء الله ماكو اي رفض وتوصل بالف سلامه

[هرمز بنيامين]

واني احجيلك عن لبنان اذا انت بلبنان

استلام نتيجة المحلف هي بعد شهر من المقابلة وتجي وية الموافقة مواعيد للفحص الطبي والدورة التثقيفية... وهاي كلها ما تعني شي الا اذا اجت الموافقة النهائية او الموافقة الامنية الي هي حاليا شالعة قلبي شلع!!!

[هرمز بنيامين]

من تصعد بالطيارة 99.5% لان يمكن توكع الطيارة ههههههههههه
عود من توصل تصير 100%

[ريم عبد]

الاخ بوكا جماعة اي او ام بغداد
ملفه رقمه ×××iz 121

[softer_softer]

لالا تقسيم الاحتمالات هية

50% محلفين

[softer_softer]

لالا تقسيم الاحتمالات هية

50% محلفين
80% امنية
90% استلام موعد سفر
95%  النزول بمطار الولايات المتحدة
98% عبور الكاونتر بالمطار الولايات المتحدة
99%استقبال المنظمة بالمطار الك
100% بعد ماتسد باب الشقة بعد مايغادرون المستقبلين وتنام وتكعد الصبح تلكة روحك فعلا بامريكا

[BUCCA]

اخوان اشكركم جدا على الردود
وتسلمون على كل كلمة .

اني مقدم من بغداد...

وسلامي وتحياتي