اليوم رحت للمطار بالبصرة ادور شغل واتفاجات

[الحـلم الوردي]

السلام عليكم اخواني الاعزاء في منتدانا الرائع

اليوم السبت 19 - 2- 2011 ذهبت الى مطار البصرة للبحث عن عمل . اعتقد ان اكثركم يعرف قصتي التي كتبتها في المنتدى حيث اني عملت لمدة 11 شهر و3 ايام ولم اكمل سنة لان مسؤلي في العمل قام بطردي لا لشي سوى لاني تاخرت قليلا عن العمل

عموما راسلت الجي ال اس بعد ذلك بالايميل واخبروني باني استطيع العودة للعمل والاختبار من جديد بعد مرور  6 اشهر . واليوم وبع مرور اكثر من سبعة اشهر على عملية طردي . قررت الذهاب للمطار وفعلا ذهبت و وجدت مجموعة من الشباب من مختلف المحافظات جاءوا للاختبار . وبعد انتظار دام ساعة تقريبا جاء موظفوا الجي ال اس . فاخذوا جنسية كل واحد منا وقالوا انتظروا سنذهب ونقوم بالتاكد من السستم ونعود بعد ساعة وبعد الانتظار ساعة جاءوا مرة اخرى .

صاحوا باسم احد الاخوان الذين جاء للتقديم  وقالوا له بانك لا تستطيع الاختبار لانك مقدم على الهجرة ( هذا الاخ مقدم اي او ام ومكمل كل المقابلات ومنتظر موعد سفر ) .

بعدين صاح باسمي وجنسيتي بايده  وقال لي بالحرف ( انت لا يحق لك العمل مع شركة جي ال اس مرة اخرى ولكنك تستطيع العمل مع باقي الشركات ) فبقيت محتار

اخواني يعني من راسلت الجي ال اس  قالوا لي ايحقلك ترجع بعد 6 اشهر . زين اليوم ايكولون ما يحقلك العمل مع الجي ال اس

اكو واحد مار بهيج حالة . يعني لا هم مخليني بلاك لست ولا سامحيلي اعمل .

زين هاي هم تاثر على الهجرة علما اني مقدم على برنامج اي او ام وعندي كيس نمبر ومنتظر المقابلة الاولى .

ارجو من اهل الخبرة ان يشرحوا لي موقفي يعني بعد ابد ميحقلي اعمل مع الجي ال اس لو يصير بعد سنة

اذا اكو عدكم عنوان شخص يعمل بالشركة وممكن يساعدني او يفهمني يا ريت ادزوه الي واكون ممنون

اخوكم

الحلم الوردي

[big_ez]

اخوية الحلم الوردي من رحت للمطار مال البصرة اكبد ورى ما عبرت الباب الاول مال الاوغنديين ليكدام سسوولك بصمة عين من سوولك بصمة شطلع عندك اذا عبرت ماكو شي  يعني لا اتخاف ما اتاثر بس ويا جي ال اس ما تشتغل عادي

[الحـلم الوردي]

  لا اخوية بدون  البصمة جمعونة بساحة  يم الباب الخارجي وخذوا الجناسي والباب الي تدخل بيه وياخذون بصمة العين ما دخلناه يعني من الباب وخذوا الجنسية مالتي وراحوا جيكوها ومن رجعوا كالي ما الك حق تعمل وي الجي ال اس .

بس انا دخلت قاعدة الناصرية اكثر من مرة  واخذوا بصمة عيني وما كالوا شي وسمحولي ادخل .

بس انا ردت اعرف شنو السبب الي خلاهم يمنعوني من العمل وياهم وانا سمعت هواي حالات صارت وعركات ونطردو ناس بس ورة فترة قابلوا ورجعوا وما كالولهم بعد ما الكم حق تشتغلون . اكول ليش بس وياي وللعلم انا شغلتي ما تستوجب طرد وحتى ابو الجي ال اس بالناصرية راسلته قبل فترة وكالي الك حق بعد مرور ست اشهر .. على كلن انا هم فكرة الشغل تركتها وهسة افكر بالسفر

شكر لردك اخي واتمنى من الاخوان المشاركة وابداء الراي

تحياتي

[rakasan1989]

حبي هذه المسئول مالتك عالسك من مبطلك كاتب عليك تقرير اني برائيي لان اني صاحبي صار بي نفس الشي قبل تقريبا سنه ونص

[حمزاوي]

والله صديقي ما اعرف شنو الموضوع
بس روح للجي ال اس مال بغداد جيك هناك

تندلها لو لا

[بغدادي76]

أتصل بالجي ال اس احسن , تلفون يكون أفضل.
ولاتخاف من الآي او ام , لأن دبه دبنك , بس انته لاتكللهم.

[الحـلم الوردي]

اخوية حمزاوي لا ما اعرف وين صايرة جي ال اس بغداد   اذا ممكن العنوان .

اخويه بغداد ما فهمت عليك ممكن توضح اكثر

شكرا لكم

[Mutd]

السلام عليكم اخي ...
بس حبيت اساعدك اني من بغداد ولازلت اعمل العنوان هو : بغداد ساحة النسور البوابة رقم 3 اكو نقطة سيطرة مال عراقيين اسألهم وكلهم اني جاي على الجي ال اس راح ايدلوك يعني سهله لادوخ .. بس احتمال مثل ماكال الاخ المسؤول عالسك بتقرير احتمال وهذا الاميل مال السايت منجر nathan.blythe@gls-1.com

تحياتي المانشستراوي

[Kin]

هذا البي او سي مالتك من طلعك من الشغل كتب عليك تقرير كللهم بيه جان يتاخر على العمل و هذا ياثر على المهمة مالتنه بالعراق.. اني همين جنت اتاخر عن العمل وما اداوم مرات كام البي او سي مالتي طلعني من الشغل و كتب بيه تقرير للجي ال اس كللهم لا ترجعوه يمنا بعد لان يتاخر هواي و غير ملتزم..

[Kin]

اخوان يعني اللي يدخل لمعسكر مال امريكان و ياخذولة بصمة العين و يدخل للمعسكر يعني ما عنده شي؟؟... قبل فترة رحت لمعسكر التاجي و اخذو بصمة العين مالتي و دخلوني للمعسكر مع العلم اني عندي مشكلة بالسكريننك مال الجي ال اس من سنة ال2008 و ممنوع اشتغل وية الجي ال اس...

[طير الموصل]

أخي الحلم الوردي
شغلتك أبد ماتأثر عل التقديم على آي إو إم بس عل آس آي في ممكن اي لانه انت مامكمل سنة وياهم وعل سبب هالمشكلة أنا أعتقد انت مضوجهم بشي او حتى لو  أي شغلة صغيرة هما مايحبوها بس يعتبرها كبيرة وإذا تريد رقم جي ال اس الخاص أكدر أبعثلك وأنت احجي على قضيتك وياهم بس مال كركوك يعني فاب وارير عندي مال مدير الشركة وأنا بخدمتك
أخوك طير الموصل

[ابن الحله]

هله بيك حبي هي هاي مقالب الجي ال اس يويمه فيكه جديده, كبد راسل الي راسلك وكلك يحقلك ترجع و اشرحله الموضوع عسى و ان تنفع,,,ولو هم مصيبه على اي شي يكولك كش مللك هذا مسولك المباشر خوش معطبك (شمسويله) حاو ل و الله كريم بالتوفيق

[fox6]

حبيبي عادي هاي تصير هواية وهسة السايت مانجرية كاعد يلعبون بالمترجمين طوبة يومية مطلعيلهم قانون جديد جزعوونة بس انتة ضل حاول لا تيأس وانشاء الله خير 

[حمزاوي]

عزيزي مثل ما كلك الاخ هناك
بس رقم الباب هو اربعه
واخذ وياك جنسية وشهادة جنسيه اعتقد تعرف هاي الامور الثانوية
وماكو داعي تكول اني رايح للجي ال اس بس كول رايح للشركه

[Axil Rose]

اخويه وتاج راسي  واحب اوضح هذا الشي لبقيه المترجمين وهذا الشي متأكد من عنده مليون بالميه
بخصوص بعد ما الك حق تشتغل ويه الجي ال اس ابد فقط بحالتين والي هيه اول حاله انو تكون بلاك ليست والثانيه هيه يسوولك سكرين اذا نجحت بيه تكمل وترجع للشغل واذا فشلت بيه تسوي سكرين لاخ اسمه HST Screen  والي هو يجي في حاله فشلت بالسكرين العادي الاول. واذا بهذا السكرين الثاني فشلت فنهائيا وانصحك اذا جنت مسويه وفشلت بيه لتوصل للجي ال اس وانسى تشتغل كمترجم للقوات الامريكيه بعد بالعراق .وروح الكالك غير شغل.تحياتي

[الحـلم الوردي]

اخواني الاعزاء شكرا للرد بس ردت اوضح التالي :

قبل لا اختلف وي مسؤلي عمل لكل المترجمين لختبار جديد وسكريننك في الشهر 6  \ 2010  والحمد لله الاختبار كانت اجابتي هي الافضل وهذا كلام اللي اختبرنا وبعدين السكريننك عبرته ايضا وماكو اي اشكال والمشكله صارت بعد شهر من هذا الحجي .

بعد طردي من العمل رحت وقعت تايم شيت اخر شهر عملته ومريت ببصمة العين وعادي دخلت للقاعدة . وبعدين رحت استلمت راتبي بعد شهر وايضا دخلت القاعدة وسولي بصمة ومكالو شي . وبعد فترة رحت للقاعدة واخذت فرفكيشن ومكالو شي .

ومثل ما كتبت انه اني راسلت ابو الرواتب ب الجي ال اس وكالي يحقلك تختبر بعد 6 اشهر .

قبل يومين راسلت هذا الشخص وكتله انت كتلي بعد ست اشهر ايحقلي اختبر وانا رحت للبصرة وما قبلوني . جاوبني انه كلام الجي ال اس في البصرة هو الصحيح يعني قلب عليه .

بشرفكم شايفين هيج ..... يعني ما كو واحد مار بهيج حالة واللي ما يحقل له العمل بس اللي مسوي فد شي كبير لو متعارك يعني حتى الي فشلوا بالسكريننك ورة فترة اختبروا ورجعو ا للعمل .. الهم الله .. يعني صدك ما الهم صاحب

ارجو الرد والمناقشة ... انت شتشوفون شسوي ... صحيح اكو اخوان جاوبوا بس اريد استفيد من اكثر عدد من النصائح . شكرا

تحياتي

[sadddd]

السلام عليكم اخي العزيز انه سامع مرات يدكون منع لمدة 6 اشهر او سنه وترجع تشتغل عادي

[sadddd]

اخي العزيز هسه سألة اصدقاء عن حالتك
هم كالولي انو عادي شغلتك مجرد وقت وترجع تدخل عادي تشتغل بالكرسن

[حسين علاء]

خليك بحلمك الوردي احسن لك من الشغل ابو الاحلام ههههههههه

[big_ez]

up