المحرر موضوع: محلفين مصر ... شوكت يجون ؟ (زيارة 2005 مرات)

ابو طارق · « **في:** 02:34 20/02/2011 »

يا جماعة احد يعرف المحلفين شوكت يجون لمصر بعد الاحداث ... اذا اكو احد عنده معلومة وسائل منا منا خلي يفيدنا

تحياتي

حسام عبد الله · « **رد #1 في:** 19:46 20/02/2011 »

الاخ ابو طارق

اني قابلت مقابلة اولى وثانية قبل خمس ايام بالاي او ام

والموظفة اكدتلي انه المحلفين راح يجون خلال شهر الى مصر

يعني احسب حسابك تدخل انذار الشهر الثالث كلله

وانشاء الله عن قريب تفرج على الجميع

تحياتي

ابو طارق · « **رد #2 في:** 22:22 20/02/2011 »

ان شاء الله ... الله يسهل للجميع

ابو هاشم · « **رد #3 في:** 22:56 20/02/2011 »

تسلم عزيز ابو طارق على هذا السوال
وعاشت ايدك اخ حسام عل هذا الجواب والله رجعت الامل اني مدا اتصل بيهم واسئل اكول اكيد ماكو جواب مشكورين

ألن في بلاد العجائب · « **رد #4 في:** 23:39 20/02/2011 »

اخي العزيز
المحلفين يخلصون نهاية الثالث بعمان ووراها يجوكم لمصر فحضر نفسك بالثالث ان شاء الله
الن

ابو هاشم · « **رد #5 في:** 13:24 21/02/2011 »

شكرا اخ برادو على ردكم وتعاونكم
احنا الي خايفين منه هو عدم حظور المحلفين ال مصر بسبب الاوضاع في مصر هذا فقط

مع الشكر

مــــان · « **رد #6 في:** 16:37 21/02/2011 »

مقتبس من: ابو هاشم في 13:24 21/02/2011

شكرا اخ برادو على ردكم وتعاونكم
احنا الي خايفين منه هو عدم حظور المحلفين ال مصر بسبب الاوضاع في مصر هذا فقط

مع الشكر

لالا حيجون لتخاف

كاسـ الحنون ـبر · « **رد #7 في:** 01:01 27/02/2011 »

مقتبس من: prado1 في 23:39 20/02/2011

اخي العزيز
المحلفين يخلصون نهاية الثالث بعمان ووراها يجوكم لمصر فحضر نفسك بالثالث ان شاء الله
الن

اخي الغالي حظرتك كلت يخلصون نهايه شهر الثالث بعمان ويجون يعني موعدهم على شهر الرابع بهالحاله؟؟

GSMsystem · « **رد #8 في:** 18:51 27/02/2011 »

اخواني في مصر المحلفون راح يجون .. واكو اخبار تكول انو راح تصير تالمقابلات بمكتب بالمطار .. هذا حسب ما وردني من صديقي .. والله اعلم .. يعني ما كو اي تأخير بالمعاملات ..

pati · « **رد #9 في:** 18:58 27/02/2011 »

يا الله ... الله يبشرك بالخير اخويه العزيز

حسام عبد الله · « **رد #10 في:** 20:57 28/02/2011 »

هم بس خلي يجون اوين ميريدون نتقابل مو مشكله بالمطار بالسويس

او حتى لو بالصعيد هم انروحلهم ههههههههه

تحياتي للاخ جي اس ام سستم

احمد سلطان · « **رد #11 في:** 23:17 28/02/2011 »

شتغلت الاشاعات هلمرة المقابلة بلمطار منجوز من الاشاعات

ابو هاشم · « **رد #12 في:** 23:23 28/02/2011 »

اخويه حسام اني وياك نروح للصعيد

حسام عبد الله · « **رد #13 في:** 19:25 01/03/2011 »

اقتباس

شتغلت الاشاعات هلمرة المقابلة بلمطار منجوز من الاشاعات

ولو الاشاعات موحلوة

بس مومشكلة على الاقل ماتبقه صنته

يعني نتفائل شوية

وبعدين خليهه على الله

تحياتي

احمد سلطان · « **رد #14 في:** 21:53 01/03/2011 »

اخوية حسام لتضوج يجون المحلفين وتقابل انشا اللة وتصير سوالف تحياتى واعتذارى

حسام عبد الله · « **رد #15 في:** 23:44 01/03/2011 »

مقتبس من: احمد سلطان في 21:53 01/03/2011

اخوية حسام لتضوج يجون المحلفين وتقابل انشا اللة وتصير سوالف تحياتى واعتذارى

انشاء الله للجميع
المشكلة الوقت يمر بشكل بطيء جدا
يعني اني صارلي بمصر خمس سنوات ماشعرت بيهن عبالك خمس اشهر
بس من يوم قدمت على الهجرة الوقت توقف وضرب بريك بمكانه
اشعر كل يوم بسنه

انشاء الله تخلص وتصير سوالف

كاسـ الحنون ـبر · « **رد #16 في:** 23:09 04/03/2011 »

ها بشرو ماكو اخبار عن مواعيد مقابلات شي ويه المحلفين يمعودين اكو اشاعه تكول انه السنه اخر سنه ماعرف شنو والله طيحو حظنه بهالسوالف هوه الواحد مناقص هبطات انوب كل يوم سامعله خبر شكل انوب لو يجيبون شكله واحد يتأكد منها حته يأيس ويبطل ماكو الله يكون بعونه وعون الجميع والموفقيه وراحه البال للكل يارب

حسام عبد الله · « **رد #17 في:** 23:40 04/03/2011 »

مقتبس من: كاسـ الحنون ـبر في 23:09 04/03/2011

ها بشرو ماكو اخبار عن مواعيد مقابلات شي ويه المحلفين يمعودين اكو اشاعه تكول انه السنه اخر سنه ماعرف شنو والله طيحو حظنه بهالسوالف هوه الواحد مناقص هبطات انوب كل يوم سامعله خبر شكل انوب لو يجيبون شكله واحد يتأكد منها حته يأيس ويبطل ماكو الله يكون بعونه وعون الجميع والموفقيه وراحه البال للكل يارب

الاخ كاسبر

لاحياة مع الياس

بالنسبة لموضوع اخر سنة
اني ايضا سمعت هذه الاشاعة
بس هذا الشي ميشمل الاشخاص الي ملفاتهم بال اي او ام
يعني هذي اخر سنة بالنسبة لفتح ملفات جديدة فقط
اما الي ملفاتهم بالمنضمة فلازم تنحسم قضاياهم بالقبول او الرفض حتى لو اتطول سنوات اخرى

فلاتضوج وتكلبهه كئابة
مادام عندك كيس نمبر انته متشملك هذي الاشاعة سواء كانت صحيحة او كاذبة

بس خليك معانا وبشرنا اذا اتصلو بيك على المحلفين

تحياتي

كاسـ الحنون ـبر · « **رد #18 في:** 10:29 05/03/2011 »

الاخ حسام عبدالله اني منتضر المحلفين مثلكم بس هاي الناس اللي تطلع اشاعات
موتونه اني صارلي خمس سنوات من 2005 اركض وراهم وسبعين الف لوفه طلعتلي وتريدون متصير بينه كئابه
والله داعدها لحظه بلحظه
وستالاف اشاعه طلعت لحد الان والمحلفين اخر شي خابرت اليو ان
وطلعتلي البومه ايمان اللي مافد يوم ريحت قلب مسلم
كالت منعرف شوكت يجون وقبل لايجون نتصل عليكم نحددلكم مواعيد
واخر اشاعه طلعت انه المقابلات مال محلفين راح تصير بالمطار
عمي مو مشكله لو بالمنوفيه المهم يجون وان شاء الله اي اخبار توصلني ابلغكم بيها اول بأول
تحياتي

حسام عبد الله · « **رد #19 في:** 11:21 05/03/2011 »

اخي كاسبر

اني ايضا من 2006 مكابل اليو ان وحتى من وراهم نقلت سكني الى مدينة ااكتوبر بحيث اروحلهم مشي يوميا

والسنة الماضية ياله قابلت توطين وقبل شهر قابلت بالاي او ام

يعني المسالة هي المطاولة والتحمل

لازم تكون اعصابك حديد

اما كل اشاعة او دعاية تهزك وتخليك تنهبط على هذا الكلام مراح تلحك تقابل محلفين وتسافر

انته سوي الي عليك والباقي على الله

تحياتي الك ولكل الي منتضرين محلفين مصر

pati · « **رد #20 في:** 04:02 27/08/2011 »

ان شا الله الكل موافقات و ان شاء الله دعائنا مستجاب بليلة القدره المباركه بيوم جمعه و شهر رمضان امين يا الله

يارب يسر و لا تعسر

ابو هاشم · « **رد #21 في:** 12:01 27/08/2011 »

العزيز pati

امين يا رب العالمين

بس متكلي وين لكيت هذا الموضوع

ابو هاشم

PlatinuM · « **رد #22 في:** 13:46 27/08/2011 »

هذا الموضوع جان نايم وباتي صحاه
ان شاء الله جميع الي قابلوا في شهر الثامن يستلمون الموافقة بعونه تعالى
تحياتي

الأخبار:

المحرر موضوع: محلفين مصر ... شوكت يجون ؟ (زيارة 2005 مرات)