المحرر موضوع: اخوان شنو السالفه شمرونه 45 يوم (زيارة 1516 مرات)

علاء علاء · « **في:** 11:49 20/02/2011 »

اخواني الاعزاء انشاء الله الجميع بخير وتحقيق الاماني اليوم جان عندي تحديد موعد لغرض التجديد لوثيقة اليوان شوذوله شمرونه بعد 45 يوم المقابله شنوالقضيه عادي يعني.... علما اني ملفي بالتوطين ومن اتصلت بيهم كلولي قيد الدرس بس هاي المده حيل بعيده لوعادي وماذا تدل مثل هيج مده لغرض مقابلة التجديد يعني الملف نايمه عليه طابوكه ارجو من كل الاخوان اصحاب التجربه والدرايه مساعدتنا مع وافر الاحترام والتقدير للجميع

علاء علاء · « **رد #1 في:** 13:16 20/02/2011 »

ونكم اخوان اصحاب الخبره والتجربه ...........مع وافر الاحترام

السفاح الايطالي · « **رد #2 في:** 13:23 20/02/2011 »

السلام عليكم
اخوية انت مذاكر باي دولة لكن اذا انت بسوريا فعادي جدا تتاخر على التجديد ومالها علاقة بتحويلك للتوطين واحتمال كبير بان تكون مقابلتك في اعادة التجديد هي بداية للتحويل وربي يوفقك

اخوكم

ابو علا

mys · « **رد #3 في:** 13:29 20/02/2011 »

اخي العزيز
احب اطمئنك ان الده عادية ولاتؤثر على ملفك وسبق وان حصلت معنا فانصح الاخوان اللذين لديهم تجديد الوثيقة بان يذهبوا لاخذ الموعد قبل شهر من انتهاء مدة الوثيقة

علاء علاء · « **رد #4 في:** 13:44 20/02/2011 »

شكرا لجميع الاخوه الذين تداخلو الله يحقق امانيكم .......واحب اذكر للاخوه باني امقدم بعمان مع التقدير والشكر الجزيل

sadiq.h · « **رد #5 في:** 13:58 20/02/2011 »

اخي علاء بالنسبة لقضية التجديد ,, هذه مسألة عادية وما لها علاقة بقضيتك , أنا ورقتي منتهية في اليو ان وراح أقابل محلفين ,كل ما هو عندهم ضغط في إجراءات اللاجئين.

علاء علاء · « **رد #6 في:** 14:11 20/02/2011 »

شكرا اخويه صادق بس الي حيرني شفت ناس وياييه انطوهم موعد تجديد بعد ثلاث ايام فليش هيجي فرق بالمواعيد هذه الي حيرني وخلاني اقلق

اريج الراوي · « **رد #7 في:** 14:21 20/02/2011 »

جدا عادي ومالها علاقه بسير الملف ابدا

علاء علاء · « **رد #8 في:** 14:34 20/02/2011 »

شكرا اخت اريج عله دخولج الكريم بس بعض الاخوه يكولون الي ملفه متحرك وماخذ مراحل متقدمه بالتوطين ميركزون على اجراء مقابله تجديد معه و ينطوه موعد قريب ومباشره ينطوه ورقة حمايه جديدده عله عكس ذلك تكون الملفات التي فيها نوع من عدم القناعه فيتم التاكيد عله مقابلة التجديد علما ان ملفي تم تحويله للتوطين مباشرة بعد اول مقابله مما يعني بانه كان جدا مقنع بحيث تم تحويله مباشره وبمده قياسيه فما اعرف هل هذه الراي صحيح الخاص بالمقابلات او ماكوهيج شي وتقبلو مني جزيل الشكر

ضـاع الوطن · « **رد #9 في:** 23:02 20/02/2011 »

عادي اخوية صاير لوووووووووووووووود ..!!!!!!!

(COBRA) · « **رد #10 في:** 23:24 20/02/2011 »

اخ علاء تحياتي الك
طبعا هوايه المده الي انظك اياه ومع ذلك اخونه العبيدي مقدمي تقريبا 20 يوم عن تجديد وثيقته وهو هم دايخ ليش امسرعي وانته دايخ ليش امبعديك ...اما الموظف مزاجي او ماشي حسب المنهج
الله كريم المهم تمشي الامور

um omar · « **رد #11 في:** 10:41 21/02/2011 »

مرحبا

اني اليوم رحت لليوان حتى اخذ موعد تجدبد وورقة الحماية تخلص يوم 25/3 اول شي كللي الموظف الموعد الخميس يعني بعد 3 ايام بس اني نبهته انو ورقتي تنتهي يوم 25 فكال زين نبهتيني وانطاني الموعد يوم 31 فهذا الشي طبيعي بس اللي ياخذون موعد قريب قبل انتهاء تاريخ ورقة الحمايةيكون بسبب عدم انتباه الموظف /عمان

وتقبلو مروري

علاء علاء · « **رد #12 في:** 22:14 21/02/2011 »

اختي ام عمر اشكرج عله دخولج الكريم.......حسب توضيحج اني بالحالتين الي بيه الموظف اخطا او اصاب لم يتجاوز الموعد الاسبوع اما موعدي فهو 46 يوم واني استفسرة من الكثير كالولي هذه مده جدا طويله
راجيا تقبل شكري الجزيل

um omar · « **رد #13 في:** 10:53 22/02/2011 »

مرحبا

اخي علاء موظف المفوضية لازم ينطي الموعد بعد انتهاء تاريخ ورقة الحماية يعني اني انطاني الموعد بعد 40 يوم عادي لان تخلص يوم 25/3 وهو حدد الموعد يوم 31 بس اني رحت يوم 21 فالموضوع فأذا انت تاريخ انتهاء الورقة بعد شهر فعادي يحددك الموعد بعد46 يوم فلاتقلق لأن تحديد مواعيد التجديد ماالها علاقة بالتوطين

ومن الله التوفيق

علاء علاء · « **رد #14 في:** 23:56 22/02/2011 »

اشكرج اختي ام عمر وجميع الاخوه الي ساهمو بالرد عله استفساري متمنيا لجميع الاخوه والاخوات تحقيق الاماني والتوفيق المستمر بس احب اوضح الاختي ام عمر اني موعد انتهاء الحمايه مالتي يوم 21-2 راجعت يوم 18-2 انطاني موعديوم 8-4 هذه قصدي يعني ماشفت من كل الي اعرفهم هلكد فتره ينطوهم للمقابله

um omar · « **رد #15 في:** 11:09 23/02/2011 »

اي والله اخ علاء الفترة طويلة لان بالبداية مجنت كاتب تواريخ فتوقعت الموعد عادي بعد 45 يوم لكن يمكن الموظف منتبه على تاريخ الانتهاء بس بالنسبة لموضوع ملفك بالتوطين هذا الموعد ميأثر عليه ابد

علاء علاء · « **رد #16 في:** 00:49 24/02/2011 »

طيب اخت ام عمر وجميع الاخوان شنو رايكم اراجعهم واكلهم عن اسباب اعطائي هيج موعد طويل مع شكري الجزيل لارائكم السديدده

um omar · « **رد #17 في:** 11:45 24/02/2011 »

مرحبا

بس اريد اوضحلك شي اذا ملفك محولي توطين هذا الموعد مو مهم حتى لو بعيد مو مشكلة لان اني صايرة بي مثل هاي الحالة مرة انطوني موعد بعد 3 شهور واذا تريد روح لنفس الموظف وكله ليش الموعد بعيدوشوف شنو السبب

ويارب الفرج للجميع

بغداد لاتتالمي · « **رد #18 في:** 19:01 24/02/2011 »

السلام عليكم اخواني واخواتي
اخي العزيز لازم تراجع على اخذ موعد تجديد قبل ما تنتهي المده مالتك بشهر
اذا انته الورقه مالتك تنتهي 21_2 لازم تراجع المفوضيه بتاريخ 21 _ 1 حته ينطوك موعد قريب وحتمال بنفس
تاريخ انتهاء الورقه مالتك لان بنسبه الي اسوي هيجي ينطوني موعد بنفس تاريخ انتهاء الورقه مالتي
اما بالنسبه الى 45 يوم منطيك موعد لا تخاف الموضوع جدا عادي اذا كنت متوطن لو ما متوطن لا تخاف
والتوفيق للجميع

علاء علاء · « **رد #19 في:** 01:23 25/02/2011 »

شكرا اختي ام عمر وبغداد لاتتالمي جزاكم اللله خير جزاء وانشاء اللله الموفقيه للجميع

طيارة ورقية · « **رد #20 في:** 09:15 26/02/2011 »

الامر جدا عادي والمواعيد تعتمد على مزاج الموظف unالمحترم هذا الامر بسوريا بس لايؤثر على الملف ابدا
تحياتي

علاء علاء · « **رد #21 في:** 22:41 27/02/2011 »

اخويه طياره ورقيه اني بعمان مو بسوريا شاكر اهتماممك

الأخبار:

المحرر موضوع: اخوان شنو السالفه شمرونه 45 يوم (زيارة 1516 مرات)