مساعدة عاجلة عن كندا

[قمرة1]

ارجوا ممن لديه أية معلومات عن الهجرة الى كندا عن طريق الكفالة الكنسية أن يعلمني عن الامتيازات التي يمكنني الحصول عليها إذا كان عمري 65 سنة من ناحية المساعدات الطبية والراتب ومتى يمكنني الحصول على ذلك مع الشكر الجزيل لكل من يزودني بتلك المعلومات أو أية معلومات إضافية أخرى.   

[angie-dawood]

قمرة اهلا وسهلا سوى اخت او اخ

معاملة كفالة الكنائسية هي انو ما تستحقون اي مساعدات مدة سنة بعد انتهاء السنة يحق لكم التقديم على المساعدات لانه اني سويت معاملة كنائسية لاخويه كالوا سنة ما تستحق مساعدات بس ينطون راتب لابنه عمره 9 سنوات 250 كندي ماعرف شكد تكون بالضبط وساعدوهم بتامين صحي لام والطفل الام لانه حامل وحتى الولادة صارت على حسابهم هذا الي اكدر افيدكم بيه وعن تجربة انشاءلله يدخلون الاخوة الي بكندا ويجاوبون على سؤالكم بالنسبة للمساعدات الاخرى

تحياتي

[ام فهد 75]

اهلا ست قمرة كلام اخت انجي صحيح مئة بالمئة من ناحية المساعدات بعد سنة ةتقدمين بعد السنة بحدةد 700 الة 900 يعطوكي اما امتيازات الاقائمة بفسها الى اي لاجئ خلال 3 سنوات يعطيوك الجنسية الكندية ولك ايضا التامين الصحي

[Blondy Sandy]

سوال ممكن
اذا واحد انقبل بالكنسية و وصل للكندا انشاللة شكد ويكدر يرجع يسافر لعمان حتى لو لفترة قصيرة
ارجو ارد و باسرع وقت ممكن
و حاليا شكد ديطول المدة من التقديم الى السفر ومن عمان مو سوريا و شكرا و بالنسبة فرد شاب مو عائلة
و شكرا

[ــــ{{{ABADY}}}ـــــ]

اخى اذا عندك اقامه دائميه فى كندا تقدر ترجع متى ما تريد بس بشرط ما عليك منع.........



ملاحضه الاقامه انت تاخذها من الكنديه من المطار ساعه الوصوووول.....



المعامله  الكنيسيه تطول بحدود السنه

[الفريدو]

الاخت قمره بالنسبه الى المميزات مثل ما كالت الاخت انجي ولكن بعد السنه تكدرين تقدمين على التقاعد لان عمرك 65سنه فهذا يشمل قانون المتقاعدين وتستلمين راتب شهري تقريبا 1180$ وتستحقين بيت حكومه بسعر 130$ شهري والتامين الصحي من يوم دخولك كندا ومستمر يعني فقط اول سنه راح تكونين محتاجه مصرف للمعيشه وبعدها انشالله ماراح تحتاجين اي شي لان الراتب يكفي وزياده


اخويه Blondy Sandy  احب اضيف على كلام اخويه عبادي انه الاقامه تستلمها من بعد وصولك الى كندا تقريبا شهر وبعدها لازم تسدد القرض الكندي اذا كنت فرد واحد فيكون عليك القرض 1200$ تسددهن وبعدها روح سافر الله وياك في اي وقت

للعلم لازم يكون عندك جواز عراقي ساري المفعول + الاقامه الكنديه حتى تدخل الاردن مره ثانيه لان مايعترفون بالترفل ديكومنت ( الجواز الكندي المؤقت )




اخوكم : الفريدو

[Blondy Sandy]

شكرا اخ الفريدو عالجواب
بس ردت اسال شنو هذا القرض الكندي؟ لانه اول مرة اسمع بيه و مبلغ 1200 دولار من لعبة خاصا الواحد ما مشتغل و شكد المدة الي لازم يسدد بيه القرض؟
و شكرا

[الفريدو]

شكرا اخ الفريدو عالجواب
بس ردت اسال شنو هذا القرض الكندي؟ لانه اول مرة اسمع بيه و مبلغ 1200 دولار من لعبة خاصا الواحد ما مشتغل و شكد المدة الي لازم يسدد بيه القرض؟
و شكرا

شغلة القرض هي اجور الطيران الى كندا + الفحص الطبي لانه راح تسافرين على حساب السفاره الكنديه ولازم تسددين المبلغ والمده للشخص الواحد ( العزابي ) سنه واحده واذا لم يسدد المبلغ كامل يضاف على المبلغ المتبقي فائده 2% يعني لاشيء طبعا الدفع راح يكون بالشهر مو اقل من 50 $ وماراح يأثر على الراتب واذا تريدون تسددون المبلغ بشهر او اكثر او بسنه فهذا شي راجع الكم بس المهم يسدد المبلغ حتى الواحد يكدر يسافر

اما العائله فمدة التسديد 3 سنوات ويستطيع الزوج يسافر بكفاله من الزوجه بتسديد المبلغ او العكس




اخوك : الفريدو

[ابن العراق الطيب]

الاخت قمره بالنسبه الى المميزات مثل ما كالت الاخت انجي ولكن بعد السنه تكدرين تقدمين على التقاعد لان عمرك 65سنه فهذا يشمل قانون المتقاعدين وتستلمين راتب شهري تقريبا 1180$ وتستحقين بيت حكومه بسعر 130$ شهري والتامين الصحي من يوم دخولك كندا ومستمر يعني فقط اول سنه راح تكونين محتاجه مصرف للمعيشه وبعدها انشالله ماراح تحتاجين اي شي لان الراتب يكفي وزياده


اخويه Blondy Sandy  احب اضيف على كلام اخويه عبادي انه الاقامه تستلمها من بعد وصولك الى كندا تقريبا شهر وبعدها لازم تسدد القرض الكندي اذا كنت فرد واحد فيكون عليك القرض 1200$ تسددهن وبعدها روح سافر الله وياك في اي وقت

للعلم لازم يكون عندك جواز عراقي ساري المفعول + الاقامه الكنديه حتى تدخل الاردن مره ثانيه لان مايعترفون بالترفل ديكومنت ( الجواز الكندي المؤقت )




اخوكم : الفريدو