العراقيون في امريكا يشكلون تجمعات للتضاهرات امام البيت الابيض مصيبه على منتظرين الموافقات الامنيه

[نوار التميمي]

السلام عليكم
اخوان اني اليوم شفت بالفيس بوك كروب بي عراقيين وعراقييات يدعوون للتضاهرات امام البيت الابيض بالعاصمه.. وكل واحد كال راح اوصي جماعتي ..و الكروب مالتهم ديكبر بشكل مخيف وهذا الشي ينعكس علينا احنا العراقيين الي بعدنا ما مسافرين وبعدنا دننتظر موافقات امنيه..لان هسه يكولون العراقيين اصحاب مشاكل ويبطلون يسفرونا.. اني ناشدتهم بدوري انه ما يسوون مشاكل لان اكو الاف العراقيين منتظرين سفر لامريكا.. بس هم يكولون احنا ابلد بي حريه التعبير وراح نعبر براحتنا.
ويكولون امريكا هي سبب الدمار بالعراق ولازم نساند اخوانا بالعراق ونتضاهر.. يابه هسه لعد اذا انتو هيجي ضايجين من امريكا شكو دتروحلوها؟ رجعو للعراق واتضاهرو منا الى يوم القيامه بس مو يأثرون علينا.
وبما انه كل الي بالكروب مالتهم صايرين مثقفين ويحجون انكلوزو .. فاني رديتهم هم بالانكليزي وهذا جان ردي:
would you please not to make troubles in USA? There are thousands of Iraqi people are waiting to Go to USA, and you by making troubles that mean NO IMMIGRATION FOR IRAQIS ANY MORE
تحياتي للجميع

[سياب البصره]

جانت عايزه التمت

[نوار التميمي]

اي والله اخويه السياب صدك التمت.. هذا ردي الثاني الهم:
يابه اذا انتو هيجي كلبكم على العراق روحو للعراق واتضاهرو.. واذا امريكا هلكد مسويه مشاكل للعراق شكو لعد رحتولها وخبصتو نفسكم عليها؟ لو لان هسه استقريتو كمتو تدورون مضاهرات؟ يابه تره اكو الاف العراقيين منتظرين سفر وهاي سوالفكم راح تاثر عليهم سلباً.. هسه يكولون العراقيين جايين يسوون مشاكل.. سترو على ناس

[hayder93]

صباح الخير للجميع وانشاء الله تفرج
عزيزي استاذ نوار المصيبة بينة مو باحد ثاني انت دشوف العراقيين حتى من يطلعون مظاهرات ميعرفون لاينظمون نفسهم ولاشعارات بيهة خير بس هوسة بهوسة لا والمصيبة يطلعون ايكولون احنة منريد اسقاط الحكومة انريد بس خدمات بالوقت المفروض ايكون شعارهم واحد كل الجوق مال السفلة الي اجوي للعراق بعد 2003 المفروض يولون لانه هذول مو مال احترام ولا كد انه ايوفرون خدمات اني بس اريد اكول بس شوفوا اعضاء الحكومة والله عبالك فريق طالع كلة من ابوغريب ماكو بوجوهم ذرة كرامة ولايحترمون نفسهم والكارثة مسوين نفسهم اصحاب فضل على العراقيين فالمفروض الحل يكون ببغداد مو بامريكا ولازم ملايين تزحف وتتصادم وتعتصم وتنام وتاكل بالشوارع وعدنة تجربة مصر ليش هو حسني قليل شر يااخي يااستاذ نوار واقسم قسم بلد واحد محتاج للتغيير بالعالم كلة لا اليمن ولا ليبيا ولا ولا ولا المحتاج فعلا هو العراق...العراق

[Cpt_Ali]

يعني همين عايشين بأمريكا وهمين يضوجون منها ويحجون عليها....لعد ليش رحتوا وعشتوا أبلد العدو؟ اشكيد منافقين لعد, مع الاسف معضم شعب العراقي هشكل, لذلك طول عمرنا مشفنه خير وبس مشاكل.

[الرسام1973]

الحمد لله...............

[nawary]

والله يا اخ نوار كلامك ذهب بس شنكول غير اللي ايده بالمي مو مثل اللي ايده بالنار
أسمعت إن ناديت حيا ولكن           لاحياة لمن تنادي

 وان شالله رب العالمين يسهل علينا  جميعا

[حب العراق واهله]

الأحرى بهولاء أن يتظاهروا من اجل تخفيف معاناة المهاجرين في أمريكا وأوربا وتسريع هجرة المنتظرين من إخوانهم العراقيين

[ســـرى]

مرحبــــــــــــــــــــــــــــــــــــا اخواني واخي صاحب الموضوع

خلوني اخليكم بالصورة الحقيقة

كروب الفيسوك اني ما اعرفه ولا اكو واحد من الناس اللي اعرفهم بفرجينيا او بالعاصمة منتمي اله


المهم المظاهرات اما البيت الابيض ليست ضد امريكا وانما لمساندة العراقيين المطالبين بتحسين اوضاع العراق والاخوة اللي راح يروحون يوم 25 ناس اني اعرفهم شخصيا وناس تعبانين على نفسهم وراح تكون المظاهرة حضارية وما بيها اي شعارات مضادة لامريكا وماخذين الموافقات ومتفقين

اؤكد انه كروب الفيسبوك ما عليه بهذولة الناس


البارحة مثلا طلعوا مظاهرة العراقيين اللي اعرفهم لمساندة تظاهرة الشعب البحريني ضد القمع اللي دتسويه الحكومة


اخواني اني احجيلكم واني هنا عايشة واعرف منو راح يطلع بالتظاهرة

تحياتي

[softer_softer]

واذا االمظاهرات راح تجيب نتيجة خلي يرجعون للعراق ويتظاهرون ليشش هناك كاعدين ويحجون باسم العراق خلي يرجعون ويحجون

[ســـرى]

واذا االمظاهرات راح تجيب نتيجة خلي يرجعون للعراق ويتظاهرون ليشش هناك كاعدين ويحجون باسم العراق خلي يرجعون ويحجون

ممكن تقرين ردي اعلاه اختي العزيزة؟

[مــــان]

عيني شباب

هسه اني مو مثلكم انتظر سفر

ترة شغلة عادية جدا

عندك المصرين مخلوا  دولة مسوو بيها مظاهرات

وترة امريكا مو غبية وتعرف شنو قصد المتظاهرين


اصلا بالعكس

المفروض كل العراقين بكافة دول العالم يطلعون مظاهرات

لا نظل نكول ليش ومليش

شوية خلي نكون ايد وحدة حتى نخلص من هل ظلم


تحياتي

[حامد شاكر]

الحمدلله على كل حال



حامد شاكر

[^Miss Violet ^]

ما الها اي دخل لا بأمنية وبلا بأي شي ثاني أخوية.. لو ياخذون الناس بذنب غيرها تعال شوف النصابين العراقيين اللي باكوا فلوس العالم بعمان بشركة سكنية وهمية هههههههه لموا 3 مليون اردني وانهزموا.. لا تخاف اخي ذب حملك على الله وتوكل

[jack black]

حسبي الله ونعم الوكيل

[habazbooz69]

اخي المظاهرة اللي راح تصير بامريكا هي ضد الحكومة العراقية يعني ما الها علاقة بالامريكان
بس احنا العراقيين الله يسلمنا صرنا نخاف من كل شي بسبب الرعب من الساسة وسياساتهم القمعية زمن قبل وهسة
التظاهر شي حضاري يدل على رقي المستوى الفكري للشعوب خصوصا اذا كان منظم وسلمي لان يوصل افاكر الناس ومطالبهم  بطريقة مباشرة للطرف الاخر ياريت لو كل العراقيين تجوز من هالرعب والمخاوف والعقد النفسية اللي تربينا عليها وتطلع تطالب بحقوقها مثل باقي العالم المتحضر

[softer_softer]

واذا االمظاهرات راح تجيب نتيجة خلي يرجعون للعراق ويتظاهرون ليشش هناك كاعدين ويحجون باسم العراق خلي يرجعون ويحجون

ممكن تقرين ردي اعلاه اختي العزيزة؟

اي اختي العزيزة قريت الي كتبتي واني مازلت عند رائي الي يريد يغير بالعراق يرجع للعراق ويحجي ويغير مو بعد قارات وثاني البيت الابيض شنو علاقتة بمطالبت العراقيين للخدمات وكيد لاحظتي انو بعد ماعلنو على هذي المظاهرة اتاجل سفر كثير من العوائل بسبب خوفهم انو العراقيين راح يهددون الامن عدهم واغلب العراقيين الي طلبوا اللجوء الى امريكا غايتهم يعيشون بامان وسلام لو يروحون يتظاهرون ويتسببون بالاضطرابات  لوحتة كانت مطالب بالخدمات لو انت شتكولين ولا تكولون العراقيين ايخافون  اي انخاف انخاف على حياتنا وانخاف على اطفالنا وانخاف بسبب هذي المظاهرات امريكا ماتستقبل الباقين ينتظرون السفر  هنا واذا واحد يكول اني مااخاف راح اكلة اذا ماتخاف لعد ليش عفت بلدك ورحت مو بسبب الخوف

تحياتي بس ياريت اتعذرون الباقين بالعراق وعمان وسوريا وتعرفون شعورهم واتخلون نفسكم مكانهم

[kunda]

لالاأخوان لاتكبرون الموضوع هي مجرد مظاهرات تأييد للشعب العراقي ...
ومالها علاقة لابأمنية ولا بهجرة .هذا موضوع وهذا موضوع
ثم أخي انت اللي حطيتلنا مقطع من مقولة الامام علي وهو يذم أهل العراق .!!! خلي نحجيها بالعامي ترة مامعقولة الامام علي يذم جميع اهل العراق واجيال العراق الى الابد ؟!! من المعقول ان يكون وجهة كلامة او انتقاده الى اهل العراق في تلك الحقبة الزمنية اللي عاشها هو فقط ....وليس اهل العراق في كل زمان ومكان ,صح لو اني غلطان ؟

[dally4500]

 ولله صدك كل واحد كاعدلي بدوله ومرتاح وكاعد يصرح من يمه صحيح هذا الشي ديأثر علينه اكثر من عائله تأجل سفره هذا الشي رح يأثر علينه اليريد يغير الاوضاع خل يرجع لبغداد ويظاهر هناك ثم  البيت الابيض شعلي ارجعو واظاهرو  ابغداد

[هدير الخواجا]

هههههههههه... حلو هذا الموضوع.... ضروري نتطلع مظاهرات... واحنا اهنا بمشيغان هم راح نطلع مظاهرات... لانه الوضع ما عاجبنا... بلكي يرجعونا للعراق حتى نشبع لطميات...


هدير الخواجا

[طه القيسي]

اول شي اخوان الله يخليكم كافي عراك ومشاكل ..   يعني شلون ماكو جارة النا احنا وين ننطي وجهنا بعد.... وعلى شنو انتو  تتظاهرون وانتو هناك عايشين ومرتاحين لو هيه بس لان ماعدكم شي يعني وقت فراغكم  كبير...على العموم ماكول بس 
 مثل ماكال واحد من الاخوان

 حسبي الله ونعم الوكيل..
وثقوا  بالله ماراح يتغير شي  بمظاهرة او بدون.. يعني ماكو حل لا هسه ولابعدين..لان احنا قوم  غضب علينا الله ورسوله (ص)والامام على (ع)

[نوار التميمي]

اخوان اني نزلت هذا الموضوع حتى نشوف جاره للي هذوله عاشقين الحريه والسلام الي بامريكا واللي راح يأثرون علينا مو علمود نتعارك هنا.. تره والله كلبنا خلصان
واني أأيد softer_softer على كلامه .. صدك اذا هسه العراقيين بامريكا ميتين عل عراق ويريدون الامان للعراق ويتضامنون ويه اهل المضاهرات.. فاحب اكللهم ويا ريت لو الاخت سرى توصللهم هاي الرساله بما انه تعرفهم.. سعيكم مشكووووووووور واعتبرو صوتكم وصل.. لان مضاهراتكم لا راح تحل ولا راح تربط بس راح تزيد المشاكل علينا احنا الي دننتظر السفر.
شنو كلش العراقيين ما عندهم لا شغل ولا عمل بامريكا بحيث هسه كامو يفكرون يسوون مضاهرات سلميه؟ وصدك اذا هيجي حبهم للعراق ويريدون يتضامنون ويه الاخوان الي بالعراق خلي يروحون للعراق يتضاهرون مو كدام البيت الابيض

[ســـرى]

قبل فترة كانوا العراقيين بعمان وغير دول من ضمنها العراق يطالبون العراقيين بامريكا انه يساندوهم ودائما ينتقدون سكوتهم 


عالعموم اني راح اوصللهم رأيكم هذا واكوللهم العراقيين ما رايدين منكم غير السكووووووت صار وتدللون 

[ســـرى]

واذا االمظاهرات راح تجيب نتيجة خلي يرجعون للعراق ويتظاهرون ليشش هناك كاعدين ويحجون باسم العراق خلي يرجعون ويحجون

 
ممكن تقرين ردي اعلاه اختي العزيزة؟

اي اختي العزيزة قريت الي كتبتي واني مازلت عند رائي الي يريد يغير بالعراق يرجع للعراق ويحجي ويغير مو بعد قارات وثاني البيت الابيض شنو علاقتة بمطالبت العراقيين للخدمات وكيد لاحظتي انو بعد ماعلنو على هذي المظاهرة اتاجل سفر كثير من العوائل بسبب خوفهم انو العراقيين راح يهددون الامن عدهم واغلب العراقيين الي طلبوا اللجوء الى امريكا غايتهم يعيشون بامان وسلام لو يروحون يتظاهرون ويتسببون بالاضطرابات  لوحتة كانت مطالب بالخدمات لو انت شتكولين ولا تكولون العراقيين ايخافون  اي انخاف انخاف على حياتنا وانخاف على اطفالنا وانخاف بسبب هذي المظاهرات امريكا ماتستقبل الباقين ينتظرون السفر  هنا واذا واحد يكول اني مااخاف راح اكلة اذا ماتخاف لعد ليش عفت بلدك ورحت مو بسبب الخوف

تحياتي بس ياريت اتعذرون الباقين بالعراق وعمان وسوريا وتعرفون شعورهم واتخلون نفسكم مكانهم

يا ريت ما نصدر الاحكام جزافا ............

مالها علاقة لا الامنية ولاغيرها ولامواعيد السفر وراح يوصل رأيكم للعراقيين هنا واني الممنونة

[ام تسنيم1]

انى اضم صوتى للاخ عمار     يعنىماكو داعى الاخوان العراقيين فى اميركا يقومون بهذه التضاهرات ويدرون كلش زين اكو ناس دتعد الايام حتا تسافر لو همه سافرو بعد ماعليهم ابغيرهم همه الامريكان بليه شي متحذرين من اعطاء الفيزه   للعرب وخالين يمهم مئه علامه استفهام النوبه مضاهرات واحتجاجات بعدين هى المضاهرات اللى دتصير بالعراق كافيه لجلب انتباههم يعنى هضاهراتهم في اميركا مرح تفيد ابشي       بعدين المضاهرات دتصير لتحسين الخدمات يعنى قابل الامريكان رح يجون يبلطونا الشوارع لو يسوون المجارى لو يحاسبون المسؤلين الاداريين المتفشي بيهم الفساد   علا كوله الرخ حيدر العراقيين ميعرفون يسوون مضاهرات انتو طالعين طالعيندطالبو ابفد شي بي خير مو تموينيه لو مجاري طالبو باسقاط هاى حكومه الحراميه حالكم حال العرب  حكومه فاسده اى ايجابيات مقدمه للبلد واحنه بس نتفرج شون ديتقاسمون الكعكه هذا زعل وذاك مدرى شيريد النتيجه خدمه المصالحهم الخاصه والشعب تعبان هالنوبه حتا طريق السفر رح ينسد ابوجهنا    ارجو من الاخت سرا المحترمه

ان تنقل صوتنا لااخواننا العراقيين فى اميركا

[عبدون]

بسم الله الرحمن الرحيم
هذولة اليتهجمون على الامريكان يعني ولا واحد بيهم مشتغل وية الامريكان ووصل الى اميركا وهسة همة معايشين باميركا 
لكن لايسعني الا ان اقول قمة النفاق والانانية.

[ألن في بلاد العجائب]

طبعا و لو هي متاثر على وضعنا كلاجئين هاي المظاهرات بس هي اصلا مو سياسيه يعني مديطالبون باسقاط نظام حكم حتى يسووها بامريكا و يجيبون عين بذات الوكت الامريكان رح يتحذرون من هاي السالفه بالمستقبل و مرح يعرفون شيسوون قابل رح يجيبون خدمات لو يسون البطاقه التموينيه اا هي الحكومه كولشي ممسويه هذوله شحيسوولكم

[Aiham_]

هههههههههههه لعد لو يجون الامريكان يشوفون شدا نكتب عليهم هنا جان ما خلو و لا عراقي يطب امريكا ,,, و الله انتو مدوخين نفسكم

[hamada2]

اخواني اخواتي مرحبا جميعا

اود ان انوه الى شيء مهم جدا بالنسبة للموضوع وما تم الرد عليه .

اولا احب ان اطمئن الجميع ان المنتدى وكل مايكتب فيه هوة متابع من جميع الدول وخاصتا اميركا

ولاتشيلون اي هم نهائيا سواء بخصوص المظاهرات او غيرها , سايقا ايضا كانت هنالك مظاهرات في اميركا

ومن قبل العراقيين في مناسبات عدة وامور كثيرة وكنت متخوف منها ولكنها لم تؤثر نهائيا والدليل وجودي الان في اميركا .

ثانيا والدليل على ما كتبته , انه في مناسبات عدة يقوم ناطق باسم الحكومة الاميركية بتهنئة الموقع ( عين كاوة ) .

اذا الموقع متابع من قبل الامريكان منذ زمن طوووووووووووووويل جدا , ونبهنا في اكثر من موضوع بهذا الشيء.


مع تمنياتي للجميع بالموفقية والصحة والسلامة

مع دعائي لكم بالسفر باسرع وقت .

مع التحيات

[علي الخوني]

بدت تبين ردود الفعل عند منظمة الهجرة   فأبدو بتأجيل مواعيد السفر للكثير من العراقين اللذين استلمو الفيزة والتي وصل عددهم في سوريا فقط 320 عائلة فهل يا ترى هذا هو السبب في تاجيل هولاء المساكين الذين قسم منهم باعو اغراضهم وسلمو شققهم وحالهم يرثى لها ام ان هناك سبب اخر والله اعلم

[راهب الحب]

حبيبي نوار هااي شلون دبرتها هههههههههه
دفهم الموضوع بالاول ؟؟
المظاهرات كلها حاالها حال إللي ديصير بالعراق هدفها الإرتقاء بواقع الخدمات بالعراق ..
وبعدين يا غالي بشنو راح تأثر عليك وعلى المُنتظرين وشلون حسبتها ؟؟؟
يا اخي ترة امريكا مو مثلنا إحنا العرب حتى تفكر هيجي
هاي سياسة بلد بي حرية التعبير عن الآراء شدخلتها بتأثيرها على المُنتظرين بالسفر يعني جنت بسوريا خمس سنين شكد صارت لغاوي حشاك تاليها وصلنا وبعدين امريكا لا خايفة مني ولا منك حتىى تنتظر واحد يتظاهر وترجع تكولك آسفين مانريدكم ؟؟
تمنياتي إلك بالتوفيق والإستقرار ولا تتشائم اخوية العزيز وعلى گولة الجدعان خلي ببطنك بطيخة صيفي وإدعيلي بوكتها †



                         أخــوكُــم / وسـام بهنـام داؤد الخابـوري
                                لاس فيغـاس / نيفـادا

[softer_softer]

اخوان اذا ماتاثر ليش بهذا الوقت بالذات اتاجل سفر كثير من العوائل وبعدة دول يعني مو بس العراق لا كل اللجئين بالدول الي يردون يغادرون سوريا لبنان الاردن العراق والباقي

والشي الثاني اذا انت تردون من الحكومة العراقية شي موجودة سفارة او قنصلية عراقية البيت الابيض شنو علاقتة بمطالب العراقيين لو انت شتشوفون يعني عايف امة وابوه ومجلب بزوجة ابوه يعني عايفين العراق والسفارة العراقية والمجلبين بالامريكان

واحنا بدورنا ماطول هية ماراح اتاثر على الي داينتظرون السفر او طالبين اللجوء الى اميركا راح انطالب من كل شخص يشترك بالمضاهرة يملي استبيان يحتوي على الاسم  والسوشل نمبر الخاص بي والتوقيعه ومربع يكتب بي الي يريدة وسلمو  هذا الاستبيان للاشخاض الي نضموا المضاهرة وهمة بدورهم راح يسلموها للمسؤلين بالبيت الابيض علمود اتصير الامور بعدالة



تحياتي

[ســـرى]

اخواني اللي يسألون على تأجيل مواعيد السفر ترة رحلات طيران عديدة الغيت هنا بامريكا بسبب العاصفة الثلجية اللي صايرة بعدد من الولايات .....تحياتي

[نوار التميمي]

الله كريم اخوان ان شاء الله ما تصير مشاكل

[blanco]

اخوتي الاعزاء اخواتي الكريمات
صدمت بشان هذا الموضوع والطريقة التي طرحت فيها وجهة النظر هذه لانه من الغريب ان هناك من يريد ان يسلب عراقيتنا وانتماءنا للعراق بحجة انه احنا بالخارج ومايحقلنا ان نتظاهر لمساندة اخوتنا بالداخل للمطالبة بعراق افضل الم يمل الشعب من الظلم والطغيان الذي نعيش فيه من النظام السابق للنظام الحالي ؟؟؟
ثم هل تسائلتم لماذا نحن في امريكا والمهاجر يعني اذا وطننا بخير ليش دنتركة ونعيش بالخارج
والي يريد يجي لامريكا ويفكر بهالطريقة لا يجي احسن لانه هنا اذا ما تحترم الراي والراي الاخر كن على ثقة مكانك يم القذافي وصدام والمالكي وحسني مبارك
نعم نعم للعراق للعراق للعراق
لا للظلم والطغيان
من العراقيين المهجرين قسرا في الولايات المتحدة الامريكية

[البغدادي1]

خمسين سنة خمسين سنة من 1970الى هسا اي خمسين سنة او اكثر او اقل ضاكو العراقيين ضيم وضلاييم وتكطعو وخسرو ارواح عزيزة الهم وماسوو مضاهرات هسا ايسوون. شي ثاني امريكا مو جنت الفردوس حتا اتموتون نفسكم عليهة امريكة بلد عادي حالهة حال اي بلد موجود ومريكا باب مفتوح الكل واحد وبشكل عادي جدآ ومريكا والامريكان الاصليين الاصليين مو العاديين المجنسين بعد الفين وتلاثة لئن الامريكان المجنسين بعد الفين وتلاثة هذولة محد معترف بيهم هاي مو اني اكول هاي الكل ايكولون حتا هما الامريكان هم ايكولون فامو كلامي هاذا فايا اخوان الامريكان مو اغبياء وشي ثاني ومهم انو الامريكان يعرفون العراقيين دجاج اي دجاج لحد يزعل مني هاي حقيقة لو لا. كنا نعرفهة فمي خافون منا ابدآ احنا كدرتنا بس واحد ياكل الثاني هاي هيا يعني سباعيتنا بس على بعضنا ولي مابيه خير ابلدة صدكوني مابيه خير خارج بلدة ونتو تعرفوها هاي كلش زين فلحد يحجي شاطي باطي ويبث اشاعات
الصدك محد يريدة لان يوجع لان احنا عايشيين ابوهم وهم ولحا ايصير كابوس ولمن نصحا منا لحا ندخل ابغيبوبا كلش قويا وفتهموني اني مو قصدي تجاوز اخوان بس هاي حقيقة لولا وعلى الاقل هاذا رئيي الشخصي وبكيفكم