ارجو المساعدة يمعودين خبلوني بلموافقة الامنية ارجو الاجابة (اعضاء ومشرفين)

[twilight]

اخواني وخواتي بهذا المنتدى

دزولي رسالة قبل كم يوم بانه انت علة جدول السفر واتاكد من تلفوناتك ومن هذا الحجي
واخابرهم اليوم اسال على جدول السفر يكويولي انت عندك تجييك امني سالتة كتلة بس انتو دزيتولي رسالة كلتو انت بجدول السفر كلي هذا يمكن تجيك امني قبل السفر !!!!!!!!!!
بالله هذا شنو معناه اني قبل فترة خلصت تجيكاتي الامنية!!!!!!!!!

سوالي هل احد مار بهيجي شي وهذا الشي عادي يعني اكو تجييك امني قبل السفر وهل هذا يطول لو مجرد هيجي روتين قصير
اني مقدم من IOM بغداد
ارجو الاجابة الشافية وابرد قلبي
وشكرا لك من قرا الموضوع

[العزاوي 55]

اخي الكريم السلام عليكم
الظاهر تم اضافة نقاط جديده على التجييك الامني وهذا ما حصل معي ومع الالاف من الاجئين حيث اكملنا كل الاجراءات من استلام الفيز الى عمل مغادره وتم تاجيل السفر الى اشعار اخر
الصبر طيب يردون يمتحنون العراقيين ويشوفون صبرهم لانه عايشين بالنعيم العراقيين لا حول ولا قوة الا بالله

[ريم عبد]

اخي twilight
اي صايره هاي الحاله
واخونا صفاء خلوا على جداول السفر ونطوا موعد وسافر بالطياره او وصل لامريكا ويسال على ملفه يكولوله بعده بالتجييك الامني
فاحتمال الموظف الي سالته بعد مشكل عنده السي دي
انت سوي ريبلاي على الايميل الي كلولك بي انت على جدول السفر
واسالهم عن تحديد موعد السفر
لان الي يشتغلون على جداول السفر همه في عمان
والي ديكولولك انت بعدك بالتجييك الامنيه من بغداد لان مصار تحديث الهم على الملف ويبقى يقره يمهم بانتضار التجييك الامنيه
فاذا عندك تلفون جماعة عمان اتصل بيهم مباشرة واسال على موعد سفرك
حتى تتاكد اذا فعلا ديرتبولك حجز الطائره لو بعد مختموا ملفك

[twilight]

اختي العزيزة ريم

اني اتصلت بمكتبهم الي بعمان

[ابن الحله]

اشو كثراته سالفه يحددون موعد سفر و بعد فتره "لا و الله احنه دا نجيك امني " شنو السالفه .هذ شي طبيعي اني قريت هواي اعضاء نفس حالتك مو شي غريب. عباللك فلسطيني من غزه و رايح لأسرائيل ... كل هلتجيك الامني؟؟؟؟؟!!!!! شي عجيب

[الظالم القاسي]

اني اعرف ولايتي قبل سنه اليوم خابرت راسا كالي انت بعدك بالتجييك الأمني ومامحدديلك اي ولايه لحد الان