ساعدوني الامم دوخوني

[غربة صعبة]

طبعا اول شغلة اشلونكم
ثاني شي اكلكم شنو القصة طبعا اني مقدم من 2007 ولحد الان ماكو توطين ولا طكة والبارحة خابروني الامم كالولي عندك مقابلة حماية مو مقابلة توطين يعني وما ادري ذولة شرايدين مني وكلولي جيب الشهادات وياك ويوم الاحد المقابلة ساعة 9 فشتعني هاي لاصحاب الخبرة
الله يخليكم ساعدوني
وشكرا

[نوار التميمي]

الله يساعدك ويكون بعونك
بس يا ريت توضح من اي بلد مقدم؟

[غربة صعبة]

من عمان

[bon]

اخي اولا الله يكون بعونك لان اعرف يعني شنو الانتظار ........بس اول مره اسمع ب مقابلة حمايه ماكو هيجي شي لان مقابلة الحمايه تصير روتينيه بالتجديد بس مو مال يخابروك عليهه؟يعني همه كلولك مقابلة حمايه؟لان مخابراتهم  على المقابله بس في حالة مقابلة التوطين ؟ان شاء الله تكون مقابلتك مقابلة توطين مو حمايه...........

[غربة صعبة]

اني على حد علمي همة ديطلبون معلومات مني اكثر لان كالتلي جيب كل المستمسكات واذا عندك اوراق او شهادات بس مكلتلي مقابلة توطين علما اني عندي عائلة يعني مرة وثنين جهال وكالتلي تعال بوحدك فقط منو صايرة بي خلي يفيدني قبل ما اروح
تحياتي للكل

[رورو1978]

اخي اطمئن ماكو شي انشاء الله خير ...صحيح اكو مقابله حمايه والدي قبل كم يوم اتصلو بيه نفس حالتك   بس مجرد اسئله

[زيد العراقي]

اخي مادام امقدم على اليو ان اذن انت عندك ورقة حماية اكيد
واعتقد هاي مقابلة اولى ان شاء الله حضر نقسك
وياريت اتكولي انت ماخذ ورقة الحماية لان مامعقول صارلك 3سنوات وبعدين انقول ماكو توطين ولاطكة
هذا اللي افتهمت


اختك ام زيد

[اريج الراوي]

اخي ان شاء الله خير هاي معناها ديدرسون ملفك حتى يحولو على قسم النوطين اني بالنسه الي صارت عندي هيج شغله دزو على الشخص صاحب ورقه اليو ان فقط وسألوه عن كلشي وانت اذا مرحت بهاي الفتره للعراق ركز على انه انت اتخاف ترجع وصارلك من 2007 مدا تعرف شسوبي ودا تنتظر التوطين واسالهم انه اني اتاخرت عادي وبيتن استعدادك لقبول اي دوله فاتحه لان انت متريد نهائي ترجع للعراق بسبب التهديد والخوف

[الاسد الجامح]

اخوي العزيز
مقابلة الحماية تعني بانهم اعترفو بيك كلاجئ
وعليه سوف يستبدلون كلمة        طالب لجوء    الى    لاجئ  هاي بالورقة البيضاء

وراح ينطوك كارت ازرق صادر من وزارة الداخلية الاردنية

التوطين شي ثاني يختلف
وان شاء الله اكون غلطان ويطلعلك توطين 

[nawary]

اخي العزيز
اعرف عائلة نفس حالتك من 2007 مسجلين باليوان ولاحس ولا خبر ودزوا على رب الاسرة وهوصاحب الملف فقط طولت مقابلته 3 ساعات واللي قابلته موظفة امريكية اكدتله انه ملفه كان مغلق  وتم فتحه واعادة نظر بيه وهي ستكتب تقرير نفصيلي عن قضيته وترفعه للمسؤول
ان شالله خير وان شالله بعدها يحولوك توطين
نواري 

[كرادي مغترب]

اخي الله يكون بعونك وانشاء الله  هاي المقابلة توطين لان همة متصلون على مقابلة حماية ومثل ما معروف المقابلة الحماية من تجدد الورقة مال اليوان او مرات ميسون مقابلة تطيهم الورقة القديمة ويكلولك انتظر شوية وبعدين ينطوك الجديدة وانشاء الله تكون هاي المقابلة مال توطين امين يارب

[ابو هنودة]

السلام عليكم
الاخ غربة صعبة
معاملة التقديم للمفوظية السامية للامم المتحدة لشؤون اللاجئين في عمان تمر بمجموعة مراحل ولكل مرحلة تسميتها بعد التقديم للمفوظية وملئ الاستمارات تكون المعاملة في قسم التسجيل ومن المحتمل ان يطلبوك للمقابلة مع جميع افراد العائلة لأكمال المعلومات ، المرحلة التي تليها هي الموافقة الامنية الاولى واذا لم تحصل الموافقة فتعني انك مرفوض امنيا ، واذا حصلت الموافقة فيتم احالة الملف الى القسم الثاني الذي هو قسم الحماية ويدرس هذا القسم قضيتك ومن المحتمل ان يستدعوك لاكثر من مرة هذا القسم هو الذي يقرر هل تستحق الحماية للعيش وان رجوعك لبلدك خطر على حياتك وحياة عائلتك في حالة اقرار ذلك يحال ملفك الى قسم التوطين الذي يتولى ايجاد البلد الذي سيتم توطينك به وفي هذا القسم تجري عدة لقاءات واستفسارات ومنها عن الاقارب الموجودين في الخارج وعناوينهم ويتم التوطين على ذلك وحسب طلبات الدول وفي بعض الحالات سابقا تم عرض دولتين او اكثر وعليك ان تختار اما اليوم فجميع الطلبات من امريكا فقط ، وعندما تكون معاملتك قد وصلت الى مرحلة التوطين يتم اصدار الكارت الازرق الذي هو اعتراف من المفوظية بأنك لاجئ ولا يمكن تسفيرك قسريا الا  في حالة مخالفتك قوانين البلد التي تتسبب بالمساس بأمنها واستقرارها ،   وبعد هذه المعاناة وتعب الاعصاب تبدأ المرحلة القلقة التي تبدأ بتحديد موعد المحلفين وتنتهي بموعد السفر وشرب الحبوب في مستشفى الخالدي ، وارجو ان تكون دقيقا في اجاباتك في قسمي الحماية و التوطين وتتذكر كل كلمة ستقولها لانه ستسأل عنها امام المحلفين فالأختلاف ليس من صالحك. وتمنياتي لك بالتوفيق   

[haidar1971]

السلام عليكم اخواني واخواتي
اخي الغربه صعبه
اني نفس حالتك سوين مقابلتين باليو ان في قسم الحمايه
بالبدايه اني مرفوض من امريكا مرتين اول رفض بتاريخ 7_4_2009 والرفض الثاني بتاريخ 9_12_2009
اول مقابله باليو ان كانت بشهر الثاني 2009 همه خابروني وكلولي عندك مقابله بقسم التوطين
وتجي وحدك بدون ان اجيب عائلتك وياك طبعا اني مزوج وعندي طفلين لمن رحت للمقابله طلعت
المقابله في قسم الحمايه مو توطين طبعا هاي المقابله سووها ويايه لان اني دزيتلهم اميل لان كانت
عندي حاله خاص وره 21 يوم سوو ويه مقابله طبعا عن الاميل الي دزيته الهم والحاله الخاصه
والمقابله الثانيه كانت يوم 21_2_2011 يعني بهاذه الشهر خابروني على المقابله بتاريخ 10_2_2011
ونطوني موعد يوم 21_2_2011 والي قابلتي بنيه هيه نفس البنيه الي قابلتي بالمره الاولى
بس بهاي المقابله كالو جيب وياك عائلتك ورحت للمقابله ويه عائلتي بس قابلتي اني بوحدي بدون زوجتي واطفالي
واجت موظفه ثانيه اخذت عائلتي بغير غرفه وبنفس التوقيت كانت المقابله مالتي ومال عائلتي وكانت الاسئله القديمه هيه هيه
شنو الفلم ما اعرف هل هي دراسه الملف حته يحطوني على دوله ثانيه ام مقابله عاديه
والوفيق من الله سبحانه وتعالى

[haidar1971]

السلام عليكم اخواني واخواتي

ممكن تردون عليه يا اهل الخبره شنو المقصود من هاي المقابله