ارجوا المساعدة

[الحائرة في هولندا]

اخواني الافاضل قدمت لجوء بهولندا ونطوني رفض والمشكلة انه ما اكدر ارجع للعراق لان كنت اشتغل مترجمة وية الامريكان وانعرفت واهلي بأمريكا طلع توطينهم وراحو الشي الثاني انه اني امنت بالرب يسوع وتعمدت وهم الناس عرفوا وهسة ما اعرف شأسوي اذا تعرفون معلومات عن اي بلد اوربي ممكن اروح واطلب لجوء وميرجعوني لهولندا بعد ظهور البصمة ولان اوراق الكنيسة من هولندا وراح يعرفون من البداية، ارجوا ان تنطوني خبر وتنجدوني 
شكرا والرب يبارك بيكم

[ĈAŃDŶ]

استشاري محامي افضل

وانشاء الله الاخوة والاخوات يفيدوج


بلتوفيق

[angie-dawood]

اختي الحائرة تكدرين تقدمين من اي دولة من دول الجوار مو شرط ترجعين للعراق اذا عندك كل المستمسكات تثبت عملك مع الامريكان تقدمين تقديم مباشر على اي او ام او اس اي في واحجي قصتك وسفرك عادي هواية جانو بغير دول اخذوا رفض وابعاد رجعوا قدموا بالدولة العربية قبلوهم وسافروا انتي هم جربي التقديم انشاءلله يكون خير ويتم قبولك لاجئة ربي يوفقك

[الحائرة في هولندا]

اشكركم
 اني سالت المحامي وميكدر ايكول لان هاي ضد سياستهم واني سالت الاي او ام لازم ارجع لبلد من دول المجاورة بالعراق وهولندا ترجع للعراق فقط وهاي المشكلة وايضا الاس اي في لازم يكون عندي جواز وجوازي صادرو هنا ردت من السفارة بدل تالف مينطون ولايساعدون اي لاجئ  اتصلت بالسفارة الامريكية هم ميكدرون يساعدون لهذا السبب سألت انه اذا اروح لدولة اوربية اقدم بيهة لان ما اكدر اروح لغير اتجاه
ولكم جزيل الشكر

[ARMY STRONG]

اي ماتكوليلي شوداج لهولندا
هي صايره هناك بل كراكه لى عراقيين

انتي بصمتي بعد فلمك احترك ماتصيرلك جاره

بس اكو امل ولو ضئيل انه تجين لبلجيكا و تشرحيللهم الفلم كله
بلكي الله يصير استثناء لجالتك
و هي صارت هيج كم حاله
مادام هسه لبجيكا اللع هاديهم علينا

[مغترب بلا وطن]

السلام عليكم ,

عزيزتي موضوعج سهل وما بيه اي مشاكل ان شاء الله وراح اشرحلج شتسوين وبالتوفيق من رب العالمين.

اولا: تقدمين علا SIV من هولندا بالايميل  الى السفارة الامريكية في بغداد وتبدين بالمعاملة مناك وبالتقديم تكتبين انو انتي طلبتي اللجوء في هولندا وتم رفض طلبج وتذكرين همينه انو انتي ما لحكتي تقدمين علا SIV في وقتها من العراق لان جانت حياتج مهددة بالخطر وما تتحمل التاخير ف اضطريتي للمغادرة وية اقرب فرصة اجتج وهية السفرة الى هولندا والان ماعندج مكان ترحين اله غير العودة قسريا الى العراق من قبل السلطات الهولندية وهذا شي حتما راح يعرض حياتج لخطر شديد. هذا الشي راح ينطي الاولوية ان شاء الله بتسريع معاملتج

ثانيا: تبقين تستأنفين وتطاولين وية دائرة الهجرة بهولندا لاقصى مدة ممكنه الى ان تطلعلج الفيزا لاميركا وهولندا بيها مساعدات تكدرين تعيشين بيها الى ان تكمل معاملتج وية الامريكان.

ثالثا: تكدرين تحصلين علا اوراق العمل مالتج من الشركة الي جنتي تشتغلين بيها في بغداد وماكو حاجة لاي نسخ اصلية لان راح تحتاجين اوراق تثبت انو انتي اشتغلتي لمدة اكثر من 12 شهر مع القوات الامريكية وتكدرين تراسلين الشركة وتنطيهم اسمج ورقم باجج ووقت ابتدائج بالعمل ووقت تركج للعمل وهمة راح يسوون كتاب خاص للسفارة الامريكية راح يدزولج اياه وترفقينه ب اوراقج.

رابعا: يحتاجلج تطلعين جواز نسخة A  او G والطريقة ان تدزين جوازج التالف للعراق ومناك يسوولج بدل تالف وينطوج جواز A  بس هاي شوية صعبة لان راح يحتاجون حضورج الشخصي فهاية المعضلة الوحيدة الي لازم تركزين عليها وهية انو شلون تجيبين جواز عراقي نافذ. اذا انتي عندج فيزا شنكن بالجواز وبعدج ما تالفته لا تتلفينه وقدميه مثل ما هو للسفارة الامريكية لان همة يحتاجون الصفحة الاولى فقط وراح يشوفون دخولج لاوربا فقط في وقت المقابلة ومراح يكون الهم علاقة بيها.

خامسا: لا تفكرين بأي دولة اوربية ثانية ومن ضمنها بريطانيا لان شغلتج بأوربا صارت خاضعة لاتفاقية دبلن  وهية تقضي علا الدولة الثانية ,اذا طلبتي اللجوء في دولة اوربية ثانية , ان ترجعج الى هولندا فور تقديمج لطلب اللجوء في الدولة الثانية , صدكيني راح يعرفون ورة ربع ساعة , وبدون اي استماع او مراجعة لقضيتج واذا رفضت السلطات الهولندية استلامج راح يتم تسفيرج قسرا الى بلدج الاصلي.

سادسا: من تكمل كل امورج ان شاء الله راح تقابلين بالسفارة الامريكية في امستردام وهمة من امستردام راح يطيروج  يم اهلج الى اميركا.

اخيرا : فيزا المترجم غير مجانية وانما سعرها 380 دولار امريكي  ونفاذيتها ست اشهر وتدفعيها في وقت المقابلة. فيزا المتعاقد وية الحكومة الامريكية بس تكون مجانية ونفاذيتها ثلاث اشهر فقط.

اني سويت هذا الشي قبلج وكتلهم اني لاجيء بالنرويج وقدمت علا SIV  مع انو اني امتلك الاقامة في النرويج والملف مالتي جان يمشي بسرعة غريبة بس صار عندي تاخير 4 اشهر الى ان جبت جواز عراقي فئة A . وحاليا اني في كاليفورنيا.

اي استفسار او شي ما مفهوم اسئلي وان شاء الله نجاوبج وبالتوفيق مقدما.

[مغترب بلا وطن]

استشاري محامي افضل

وانشاء الله الاخوة والاخوات يفيدوج


بلتوفيق

ميحتاج محامي واني موجود   
اسئل مجرب ولا تسئل حكيم , خصوصا اذا المجرب مدعفس هواية ههههه

[ARMY STRONG]

عيوني مغترب
هاي شنو 380؟ شنو انته طالع على برنامج الجنرال لو شنو؟
تره بس جماعه الجنرال يدفعوها هاي
البرنامج الجديد بلاش عيوني

[مغترب بلا وطن]

شوف هذا الايميل مال السفارة , مع العلم انو البعض انطوهم مجانا.

Dear Sir,

 

Our apologies for not mentioned before about the visa fee. 

 

Please be advised that there are two similar but different programs: the Special Immigrant Visa for Iraqis who worked for/on behalf of the US Government and the Special Immigrant visa for Iraqi Translators/Interpreters.

 

Under section 1059, the visa in which you are applying for, (US Government and the Special Immigrant visa for Iraqi Translators/Interpreters), requires a fee of U$379 for each intending immigrant and has a validity of 6 months, the visa category for who has worked for/on behalf of the US Government it’s a fee waived but it is valid for 3 months only.

 

For further information regarding both categories, we invite you to visit  the following link: http://travel.state.gov/visa/immigrants/types/types_1326.html#important

 

 

Sincerely,

 

Immigrant Visa Unit (dc)

U.S. Embassy Baghdad

 

Please submit all future inquiries through our online inquiry form, located at: http://iraq.usembassy.gov/iraq/immigrant_visa_inquiry.html

[مغترب بلا وطن]

شوف هذا المقطع

What are the fees associated with filing the petition?

For applicants filing through the Nebraska Service Center while residing outside the U.S., the Form I-360 fee is $405 for a claim for classification under section 1059.

See www.uscis.gov for more information about fees.
What Is the Method of Payment of the Petition Filing Fee?

The method of payment is either a personal check on a U.S. bank, a money order in U.S. dollars, or a fee receipt from a U.S. Embassy abroad. This may be paid by anyone. If paid by someone other than the translator and by personal check, it is suggested the translator's name be written on the bottom of the check.
Can the Fee Be Waived?

Yes, the translator may request a fee waiver by placing a cover sheet on the petition and explaining the reasons for the request. However, if the waiver is denied the petition will be rejected and the filing date will not be retained, i.e. you will lose your place in line and need to re-file the petition, going to the back of the line

.

تكدر تقراه بالرابط

http://travel.state.gov/visa/immigrants/info/info_3738.html

[ARMY STRONG]

اي حبيبي هو هذا الي ده اقصده
انته من جماعه 400$ برنامج الجنرال هذا انعلس و اجه بمكانه
الكوم ابروفال الاكشر

بس لحد الان شغال برنامج الجنرال بس محد يقدم عليه
لازم توصيه من جنرال و شغله عاويه


ههههههههههه افتهمت و الله
مو كتلك انته من جماعه 400دولار

[مغترب بلا وطن]

بس اني قدمت بسنة 2009 !!!! والفيزا صدرت في شهر اب 2010 , واني ما عندي توصية من جنرال

بس عندي توصية من وحدة كولونيل  , حلوة تخبل , ام النسر في وقتها يجوز ترفعت وصارت جنرال واعتبروها توصية من جنرال 

 يعني ترفعيتها كلفتني 1600 دولار

[ARMY STRONG]

تعال اليوم لو ابطحك لو تبطحني
افتر الديلكو عندي هسه
كولي اكو فد شي اسمه كوم ابروفل اخذته؟

لو راسن من قدمت دزيت استمار 360 لنبراسكا؟

[مغترب بلا وطن]

 قصدك هذا ؟؟

[مغترب بلا وطن]

وجان ارمي سترونك يذبله 380 دولار مثل الورد 

[ARMY STRONG]

هاي شنو يمعود
لالا لالا هاي يرادلها كعده و صفنه

بشرفي بلاش شنو مقفصين عليك لو شنو الفلم؟

لازم احلل سالفتك ويه خبراء اس اي في بل منتدى باجر
و اجيبلك نتيجه التحليل

[مغترب بلا وطن]

كتلك اكو ناس ما دفعوا وانطوهم اياه مجانا , بس القانون كبالك والايميل مال السفارة كبالك.

وبعدين اني شسوي بالنتيجة ؟؟ اذا اطلع حامل اقبل بنتيجة التحليل ههههههه

 ال 1600 دولار اندفعت وراحت ههههههه 

انت حضر الفلوس خاف راسا يكلولك ورق اخوية العزيز.

[ARMY STRONG]

هههههههههه اي ياحبيبي مو على مودك نتيجه التحليل

اريدها الي
هم عايزه ادفع 400دولار 

انته بعد كتيتهن مثل الورد

طبعا للعلم سمعت الفحص بااوربا غالي و هاي خوش بوري
شكد دفعت على فحص طبي؟

[مغترب بلا وطن]

النرويج غالية واغلا من بلجيكا بهواي , ف اكيد انت راح تكون ارخص مني , سويت مرة فحص طبي  يم الطبيب المعتمد بالسفارة ونطيته عينات من الي راده  ومرة اشعات بمختبر ثاني , الاشعة كلفتني 800 كرون نرويجي  للشخص الواحد يعني تقريبا 90 او 95 يورو اعتقد , واجور الطبيب والتحاليل ما اذكر بصراحة بس الطفل الواحد جان 2300 كرون نرويجي يعني قسمها علا 8 يطلع باليورو وفحص البالغ اعتقد جان 3400 كرون نرويجي , انت اجمعهن اني ما اريد احسب هاي الارقام المزعجة .

[angie-dawood]

انا ممكن انطيلج نصيحة كلش مهمة
بس قبل كل شي لازم اعرف هل انت يعني كنتي مسلمة وصرتي مسيحية
ولا شنو موضوع تعمدت وامنت بالرب يسوع
واذا كنتي تحبين تبقين باوربا لو ترحين لامريكا .

نعم اخي هذا الي تقصده بكلمة تعميذ

[الحائرة في هولندا]

اول شي حظي المعدل وداني لهولندا والشي الثاني كنت مسلمة وصرت مسيحية وعندي سؤال اذا جبت الجواز من بغداد بالسفارة الامريكية ماراح يكولولي شلون جبتيه وانتي صارلج ٣ سنين بهولندا؟ واني اشكركم جدا لاهتمامكم واجوبتكم

[ARMY STRONG]

اول شي حظي المعدل وداني لهولندا والشي الثاني كنت مسلمة وصرت مسيحية وعندي سؤال اذا جبت الجواز من بغداد بالسفارة الامريكية ماراح يكولولي شلون جبتيه وانتي صارلج ٣ سنين بهولندا؟ واني اشكركم جدا لاهتمامكم واجوبتكم

ها يعني صارلك فتره
عيني عادي حته لو سئلوك انتي قدمي و حيبي جواز و استغلي عامل الوقت

[شموخ عراقية]

عيوني الحائره الله لا يحير عبده اذا مصارتلج جاره طلبي منهم الترحيل الى مطار سليمانيه او اربيل ومناك روحي لتركيا وقدمي على دايركت على الاي او ام او على الاس اي في وانشالله محلوله


  


والف هلا بيج ومرحبا باختنه المسيحيه

[angie-dawood]

رجاء لا تحولون الموضوع الى مواعض وحكم دينية عدكم جواب ومساعدة للاخت لسؤالها جاوبوا  ماعدكم ماكو داعي يتحول الموضوع الى غير منحنى ..  كل واحد هو حر بحياتة  يتحول للديانة المسيحية او من الديانة المسيحية للاسلامية هاي حياتهم الشخصية احنا ماعدنا اي سلطة عليها الرجاء ان تكون الردود من ضمن مضمون الموضوع واي رد يكون غير ذالك يحذف مع الاعتذار المسبق

[مغترب بلا وطن]

اول شي حظي المعدل وداني لهولندا والشي الثاني كنت مسلمة وصرت مسيحية وعندي سؤال اذا جبت الجواز من بغداد بالسفارة الامريكية ماراح يكولولي شلون جبتيه وانتي صارلج ٣ سنين بهولندا؟ واني اشكركم جدا لاهتمامكم واجوبتكم

اختي العزيزة

الامريكان يهمهم 3 اشياء بالجواز العراقي بس

اولا: ان يكون نسخة A   او نسخة G
ثانيا: ان يكون نافذ
ثالثا : ان يكون بيه صفحه فارغة حتى يحطون عليها الفيزا.

اسمعيني زين , اني كضيت سنتين ونص بالنرويج واحمل وثيقة سفر نرويجية نافذة,  وراها دزيت علا جواز عراقي وجبته نطيته للسفارة الامريكية في اوسلو , الجواز ابيض جديد وجان تاريخ اصدارة قبل 14 يوم من تاريخ تقديمي للجواز للسفارة  الامريكية والجواز جديد يذبح الطير بعده ما مشتم الهوا , هو من ايد ضابط الجوازات الى ال TNT واول ما وصلني دزيته للسفارة . وطلعت بيه من اوربا بدون ما اراوي اي احد اقامتي النرويجية الي محد سئلني عليها اصلا  ولا احد عبرني ولا كلي وين الشنكن مالتك وشلون انت اصلا دخلت اوربا, وخصوصا اني طلعت من اوربا عن طريق مطار فرانكفورت ومثل ما معروف الالمان انحس منهم ماكو.

بالتوفيق

[الحائرة في هولندا]

اول شي حظي المعدل وداني لهولندا والشي الثاني كنت مسلمة وصرت مسيحية وعندي سؤال اذا جبت الجواز من بغداد بالسفارة الامريكية ماراح يكولولي شلون جبتيه وانتي صارلج ٣ سنين بهولندا؟ واني اشكركم جدا لاهتمامكم واجوبتكم

اختي العزيزة

الامريكان يهمهم 3 اشياء بالجواز العراقي بس

اولا: ان يكون نسخة A   او نسخة G
ثانيا: ان يكون نافذ
ثالثا : ان يكون بيه صفحه فارغة حتى يحطون عليها الفيزا.

اسمعيني زين , اني كضيت سنتين ونص بالنرويج واحمل وثيقة سفر نرويجية نافذة,  وراها دزيت علا جواز عراقي وجبته نطيته للسفارة الامريكية في اوسلو , الجواز ابيض جديد وجان تاريخ اصدارة قبل 14 يوم من تاريخ تقديمي للجواز للسفارة  الامريكية والجواز جديد يذبح الطير بعده ما مشتم الهوا , هو من ايد ضابط الجوازات الى ال TNT واول ما وصلني دزيته للسفارة . وطلعت بيه من اوربا بدون ما اراوي اي احد اقامتي النرويجية الي محد سئلني عليها اصلا  ولا احد عبرني ولا كلي وين الشنكن مالتك وشلون انت اصلا دخلت اوربا, وخصوصا اني طلعت من اوربا عن طريق مطار فرانكفورت ومثل ما معروف الالمان انحس منهم ماكو.

بالتوفيق

شكرا جزيلا اخي الكريم على هاي المعلومات راح اسوي طريقتك الف شكر الله يوفقك ويحميك

[مغترب بلا وطن]

خليني واهل المنتدى الكرام علا اطلاع دائم بالموضوع حتى نكدر نساعدج قدر الامكان.