المحرر موضوع: الجواز الامريكي اعلى من شهادة الدكتوراه  (زيارة 9582 مرات)

0 الأعضاء و 1 ضيف يشاهدون هذا الموضوع.

غير متصل مغترب بلا وطن

  • مبدع قسم الهجرة
  • عضو مميز
  • *
  • مشاركة: 1736
    • مشاهدة الملف الشخصي
    • البريد الالكتروني
لجواز الأمريكي شهادة أعلى من الدكتوراه !

بقلم/ د. محسن الصفار

 

درس سعيد الاقتصاد بشغف لأن لديه نبوغ فطري في هذه المادة وعلى الرغم من أن معدله في الثانوية كان يؤهله لدخول الطب أو الهندسة بكل سهولة إلا أنه قرر أن يدخل كلية الاقتصاد وهو ما أثار تعجب جميع أهله وأصدقائه !

 

تخرج سعيد من كلية الاقتصاد وحصل على شهادة الماجستير والدكتوراه بتفوق.. أثار دهشة أساتذته الذين عجزوا عن مجاراته في نبوغه في علم الاقتصاد ولكن على الرغم من كل هذا النبوغ لم يكن سعيد يستطيع أن يبرز مواهبه  لأن النظام الاقتصادي والمصرفي في بلده يحكمه الروتين ، ولا يفسح المجال للنوابغ بأن يصلوا إلى أي مكان فبين الواسطة والمحسوبية والحسد والغيرة لا يجد أمثال سعيد مجالاً كي يرتقوا السلم الإداري والوظيفي .

 

وفي يوم من الأيام أرسل بحثاً إلى إحدى مجلات الاقتصاد الأمريكية فأعجبت المجلة بالبحث لدرجة أنها وجهت له دعوة على نفقتها لحضور مؤتمر اقتصادي في أمريكا..

 

وهناك وبعد أن قرأ بحثه ثارت عاصفة من التصفيق وانهالت عليه العروض من المؤسسات المالية الأمريكية للعمل لديها ولكنه كان متردداً لأنه لا يحب العيش في دولة غير عربية ويحلم بأن يستثمر موهبته وعلمه لتحسين الاقتصاد في أي بلد عربي وفي غمرة التهاني اقترب منه شخص ذو ملامح عربية وقال : ما شاء الله ، ما شاء الله يا أخ سعيد ، أنت فخر لكل عربي... فقال له : شكراً لك . من أي بلد أنت ؟ أجابه سعيد مازحاً : مادمنا في أمريكا فكلنا أمريكان .

 

لم يضحك الرجل وأعطاه بطاقته وقال له : أريدك أن تكلمني غداً كي أعرض عليك وظيفة مرموقة في البنك الذي أمتلكه في بلد عربي غني . أجاب سعيد : إن شاء الله . وفرح فهذه هي الفرصة التي كان يتمناها للعمل في مصرف استثماري وفي بلد عربي .

في اليوم التالي اتصل سعيد بالرقم وردت السكرتيرة فعرّف بنفسه وتفاجأ بأن السكرتيرة تعرفه فقالت له يجب أن تأتي إلى هنا خلال أسبوعين لإتمام إجراءات المقابلة والتعيين.. راجع سعيد سفارة تلك الدولة وأراهم فاكس الدعوة التي وصلت إليه وحصل على التأشيرة.. وسافر إلى ذلك البلد وراجع البنك والتقى بالمدراء والخبراء الذين كانوا جميعاً مبهورين بعبقريته ، وأوصى الجميع بأنه يجب أن يتم تعيينه على الفور ودون أي تأخير كمدير لعمليات البنك الاستثمارية .

 

خرج سعيد واستبشر خيراً خصوصاً أن المرتب والمزايا كانت تفوق خياله.. ذهب في اليوم التالي إلى دائرة شؤون العاملين لإتمام إجراءات التعيين.. دخل إلى مكتب مدير شئون العاملين وسلّم عليه قائلاً : تحياتي يا سيدي.. أنا سعيد بأن أكون من ضمن فريقكم ، فأجابه : أهلاً بك ، مصرفنا بحاجة إلى الخبرات العالمية من أمثالك.. الرجاء تعبئة هذه الاستمارة وتعطيني نسخة عن جواز سفرك .

 

فعل سعيد ذلك وأخرج جواز سفره وسلّمه للمدير الذي ما إن رآه حتى استغرب وقال : لأ لأ.. ليس جوازك الأصلي بل الجواز الأمريكي لو سمحت ، لا أحمل جواز أمريكي ، جوازي الوحيد هو جواز بلدي.. ماذا ؟ أتريد أن تقول أنك لست مواطناً أمريكياً ؟.. لا و لله الحمد.!

 

قطب المدير جبينه وقال : لحظة واحدة لو سمحت وخرج من الغرفة وغاب حدود 10 دقائق ، ثم عاد إلى سعيد وقال : لا يمكننا تعيينك مديراً للعمليات فجوازك ليس أمريكياً أو أوروبياً أو حتى أسترالياً ! وما دخل جوازي بالموضوع ؟ هل تريد تعييني في بنك عربي أم ترشيحي لانتخابات الرئاسة الأمريكية ؟ لأ ولكن سياستنا هنا أن يكون المدراء جميعهم من الأمريكان والأوروبيين كي لا يقال عنا أن بنكنا ليست لديه كفاءات عالمية ، إذا كانت بنوك أمريكا نفسها تبحث عن الكفاءات العربية وقدمت لي أكبر بنوكها عروضاً للعمل لديها فكيف أكون دون مستواكم ؟ آسف لا يمكنني التحدث أكثر من هذا .

 

ولكن ولأن اللجنة أعجبت بمهاراتك يمكننا إعطائك وظيفة أمين صندوق.! وهو أعلى منصب يمكننا منحه لمواطن يحمل جواز بلدك.. هز سعيد رأسه أسفاً وقال : لا يا حبيبي احتفظ بوظيفتك لنفسك وأنا سأعود إلى أمريكا حيث المواهب تقيم بالخبرات والشهادات العلمية وليس بالجوازات .

 

وهكذا كان وعاد سعيد إلى أمريكا وقبل بعرض إحدى الشركات وحصل على الجنسية الأمريكية ، وبعد سنوات قليلة عاد إلى نفس البلد ونفس البنك بمرتب 5 مرات أعلى مما عرض عليه وقتها وتم تعيينه مديراً عاماً للبنك بصلاحيات مطلقة ، عندما دخل المدراء على سعيد في مكتبه كي يهنئوه بالمنصب ، وجدوا صورة كبيرة لجواز سفره الأمريكي معلقة على الجدار حيث يعلق المدراء عادة شهاداتهم العلمية ، خاطبهم سعيد وقال : لا تتعجبوا فهذه هي الشهادة العلمية التي تفوق شهادة الدكتوراه ، هي التي منحتني هذا المنصب وليست الدكتوراه التي أحملها !

 

وكل جواز أمريكي وأنتم بخير..



غير متصل مشلوع كلبي

  • مبدع قسم الهجرة
  • عضو مميز
  • *
  • مشاركة: 1065
    • مشاهدة الملف الشخصي
والله كلام دكتور سعيد مضبوط مئه بالمئه لان انى نفس الكلام احجيه ويا اولادى اكوللهم اصبرو مو ما دا تلكون شغل واشغال تعبانه تشتغلون بس تتخرجون وتاخذون الجنسيه الامريكيه  اول مايستقبلوكم هى الدول العربيه لان شهاده وجنسيه امريكيه وبرواتب عاليه جدا ...

انى اولادى طلاب هندسه فدخلت على web  ومليت المعلومات ..... بس دا اجرب  كله طلع الى   شركات بالخليج تنطيك مغريات حتى تجى يمها

غير متصل امين عبد الله

  • مبدع قسم الهجرة
  • عضو مميز جدا
  • *
  • مشاركة: 3140
  • مثل حاتم جنت تذبح فرس للضيف وشعرة فرس مايسوه خطارك
    • مشاهدة الملف الشخصي
هذا امر لا يختلف عليه اثنان


                               Where Liberty Dwells, There is my Country

                                                   Benjamin Franklin

غير متصل peets

  • عضو فعال جدا
  • ***
  • مشاركة: 433
    • مشاهدة الملف الشخصي
ههههههههههههههههههههههههههههههههههههههههههههههههههههههههههههههههههههههههههههه


والله ضحكتني هههههههههههههههههههههههههههههههههه

حبي هذا جزء من الدعاية الامريكية في العالم!!!!!!!!!!!!!!!!!!!!!!!!!!


اني موجود وانت ان شاء  الله موجود واذكرك بهذا الكلام....

حبي امريكا نهارت !!!!...انت تعرف هذا الشي لو لا!!!

انظر الى احداث الشرق الاوسط!!!!


غير متصل مغترب بلا وطن

  • مبدع قسم الهجرة
  • عضو مميز
  • *
  • مشاركة: 1736
    • مشاهدة الملف الشخصي
    • البريد الالكتروني
ههههههههههههههههههههههههههههههههههههههههههههههههههههههههههههههههههههههههههههه


والله ضحكتني هههههههههههههههههههههههههههههههههه

حبي هذا جزء من الدعاية الامريكية في العالم!!!!!!!!!!!!!!!!!!!!!!!!!!


اني موجود وانت ان شاء  الله موجود واذكرك بهذا الكلام....

حبي امريكا نهارت !!!!...انت تعرف هذا الشي لو لا!!!

انظر الى احداث الشرق الاوسط!!!!



حبيبي هسة شتقترح شنسوي؟ نرجع للعراق؟

غير متصل Black Angel

  • مبدع قسم الهجرة
  • عضو مميز جدا
  • *
  • مشاركة: 2556
  • الجنس: ذكر
  • الرائعون كالاحجار الثمينة لانصنعهم بل نبحث عنهم
    • مشاهدة الملف الشخصي
رغم مقدار الالم الي يعصر القلب عند قراءة الموضوع الا انه حقيقة لا يختلف فيها اثنين
  
 الهي لا أدري ما تحمله لي الايام لكن ثقتي بأنك معي تكفيني سبحانك ماأحلمك، وبحالي ماأعلمك، وعلى تفريج همي ماأقدرك،                                        أنت ثقتي ورجائي فاجعل حسن ظني فيك جزائي

غير متصل sport29

  • عضو فعال جدا
  • ***
  • مشاركة: 106
    • مشاهدة الملف الشخصي
اذا تقارن شهادة الدكتوراه الشهادة العلمية الراقية بجواز امريكي !!!!!!!!! فاقرا على الدنيا السلام

غير متصل rmadi

  • عضو فعال جدا
  • ***
  • مشاركة: 675
    • مشاهدة الملف الشخصي
كلام صحيح 100 ٪

وهذا الواقع شئنا ام أبينا
ومع احترامي لمواطني امريكا بس احنة شلنة انه الانسان الامريكي مو شخص خارق بالذكاء ويختلف عن باقي البشر
بس جنسيته هية الفرق

غير متصل peets

  • عضو فعال جدا
  • ***
  • مشاركة: 433
    • مشاهدة الملف الشخصي
ههههههههههههههههههههههههههههههههههههههههههههههههههههههههههههههههههههههههههههه


والله ضحكتني هههههههههههههههههههههههههههههههههه

حبي هذا جزء من الدعاية الامريكية في العالم!!!!!!!!!!!!!!!!!!!!!!!!!!


اني موجود وانت ان شاء  الله موجود واذكرك بهذا الكلام....

حبي امريكا نهارت !!!!...انت تعرف هذا الشي لو لا!!!

انظر الى احداث الشرق الاوسط!!!!



حبيبي هسة شتقترح شنسوي؟ نرجع للعراق؟


صديقي العزيز

ماكلك ارجع الى العراق انت تعرف وضعك

لكن خلي بحساباتك انه شوف امورك هنا مشت خير على خير لم تمشي ارجع للعراق..اني هذا رائي

وجهة نظري اني اذا محصلت الشغل المطلوب خلال هاي السنوات وماكدرت اشتري بيت ..اعتقد مسألة بقائي في امريكا بدون فائدة لان انت تعرف تكاليف الحياة هنا شنو؟؟ والعمر ديمشي.. فاني ارجع للعراق مهما يكن وضع العراق لكن البلد نحو التقدم..وصحيح انه البلد ديمشي بطيء شديد مع كل الاموال الموجودة في العراق لكن هذه قسمة العراق..فاعتقد انه اني اكدر احقق شي بالعراق بامريكا ما اعتقد احققة

وجهة نظر

غير متصل مغترب بلا وطن

  • مبدع قسم الهجرة
  • عضو مميز
  • *
  • مشاركة: 1736
    • مشاهدة الملف الشخصي
    • البريد الالكتروني
حبيبي بيتس بس خلي اكلك شي عني

لن اتراجع عن هذا الامر حتى يظهره الله او اهلك دونه , وهية الجنسية الامريكية طبعا ;D

اذا قررت ترجع للعراق لا سامح الله بداعتي انطيني خبر لان اكو هدية اريد ادزها وياك لامي.

غير متصل peets

  • عضو فعال جدا
  • ***
  • مشاركة: 433
    • مشاهدة الملف الشخصي
اكيد انطيك خبر
يا اخ مغترب بلا وطن

بس اريد اعرف اذا اني عراقي وحصلت جنسية امريكية وراهة رجعت للعراق شنو الرفق اذا ماكو عندي جنسية امريكية هوة كلة بالعراق؟؟؟ رجاءا اريد الجواب

غير متصل مغترب بلا وطن

  • مبدع قسم الهجرة
  • عضو مميز
  • *
  • مشاركة: 1736
    • مشاهدة الملف الشخصي
    • البريد الالكتروني
بيتس اخوية العزيز انت متجه للشرق واني متجه للغرب , اذا نبقى نجر اني وياك نفس الحبل فثيناتنا راح نبقى بنفس المكان, ف اني اتنازل واترك هذا الحبل,  يجوز بعد فترة تنسد كل الابواب بوجهي واقتنع بكلامك , ولو هية تقريبا مسدودة , ما اضيق العيش لولا فسحة الامل , ومع الاسف هاي فسحة الامل ما موجودة بالعراق بس موجود بصيص قليل وبعيد في امريكا عسى ولعل الله يوفقنا ونكدر نسوي الاشياء الي نريد نسويها بحياتنا.

غير متصل Saqar

  • عضو فعال جدا
  • ***
  • مشاركة: 231
    • مشاهدة الملف الشخصي
اخي العزيز اني اجاوبك اني لازلت البعراق وبعدني مطلعت بس هسة اني ماعندي حقوق المواطن هنا واتصور الي بامريكا يعرف كلش زين شني هية حقوق المواطن ويعرف شنو معنى كلمة مواطن لمن تاخذ الجنسية الامريكية وترجع للعراق ذاك الوكت هنا بالعراق راح تكون مواطن ومواطن درجة اولى
مو مثل مو احنة هسة حتى متكدر تكول مواطن درجة 10
حتى البنكلاديشي اليوم الي ديجي يشتغل بالعراق عندة حقوق وديستفاد اكثر من ابن البلد
تحياتي

غير متصل مازولا

  • عضو فعال جدا
  • ***
  • مشاركة: 222
    • مشاهدة الملف الشخصي
إخواني الاعزاء ... عزيزي بيتس ... صحيح الوضع حاليا في امريكا مو تمام لكن اذا تجي للنقطة اللي في الموضوع و هيه انو الجواز الامريكي يعمل فرق كبير في الرواتب و المميزات ... وخصوصا في الدول العربية و دول الخليج ... فهذا شي معروف و واقع احنه نعيشه ... اني اشتغل في شركة امريكيه بالخليج و اني عادي جوازي عراقي و لو عندي كرين كأرد ... رواتب الأمريكان و الانكليز رواتبهم ثلاثة أضعاف راتبي و يتم إعطاؤهم مميزات اكثر بكثير مما ياخذ غيرهم ... اني دا احجلك و اني اعرف انو اني راتبي اعلى بكثير من كثير من العراقيين اللي يشتغلون مع شركات محلية و الحمد لله ... بس اذا اي شخص يحصل على جنسية غربية راح تشوف شلون تتغير وضعيته و شلون تتغير معاملة الحكومات له ... و أكيد بالعراق بالمستقبل راح يصير نفس الشي من تستقر الامور و يبدي الشغل هناك ... الواحد لازم يخليله هدف رئيسي و هوه الجنسية الامريكية و ما يحيد عنه الا اذا حصل على مغريات اكبر ... و هاي صعبة لكن مو مستحيلة ....
مع تحياتي ... أخوكم مازولا 

غير متصل هداوي 1983

  • عضو فعال جدا
  • ***
  • مشاركة: 161
    • مشاهدة الملف الشخصي
اول شيء السلام عليكم والله بالخير على الكل
 الصراحة فعلا الجواز الامريكا احسن من الدكتوراة اهواى مخلصين دكتورا  ادب واقتصاد وهندسة وقانون وين التعين بالعراقي ؟؟؟ بلدهم مموفر وصة اتريدة يشتغل بعير دولة اكيد لا ماكو فرص واذ اكو فباجور اقل يمكن الهنود الى بالخليج يتعاملون احسن من العراقي
الفرق انو الجواز الامريكى اكبر مكسب مو دعايات  ممكن اى واحد يحسة من يسافر  لاى مكان دائما العراقي  عازيلة اخى اطبك ع صفحة
العراقي ما الة فيزا
 العراقي ميدخل لاى دولة بسهولة
 العراقي الدول العربية تشلع كلبة  السورين بالحدود يشمرون بوجهك الجواز اذ منطيت مصاري بين قوسين رشوة
 الاردنين   لو يدخلوك لو لا  للعلم  الموافقة على الفيزة للعراقي وزير الداخلية وتاخذ من شهرين الى4 لو يجى قبول وعلى الاكثر رفض  وهذا الحال بالدول العربية لعد الاوربية  شلووووووووووووون

المهم معرفنة سعيد شنو جوازه؟؟؟؟؟
رحمة لاهلكم  لا اتكولى تاليها يطلع عراقي مشلوع الكلب


الله يسعدكم ويسعدنا مثل سعيد
امييييييييييييين

غير متصل زهرة الصبار

  • مبدع قسم الهجرة
  • عضو مميز جدا
  • *
  • مشاركة: 3514
  • الجنس: أنثى
  • ربنااتنافي الدنياحسنةوفي الاخرةحسنةوقناعذاب النار
    • مشاهدة الملف الشخصي
سعيد المسكين عراقي طبعا هو اكو غير العراقي مشلوع كلبه ومحديريده اني اعرف شخص عراقي عنده دكتوراه من بريطانيا بالهندسه  جان يشتغل بال تسعينات بالجامعه براتب مايقارب 10 دولارات شهريا وجماله ورة الغزو هددوبالقتل ولملم جوالاته وهج لاحدى دول الجوار ولاحظت برجيلها ولاخذت سيد علي لو باقي وماخذ جواز هم جان تبهذل؟؟؟؟؟
هنا الحجي :o :o :o :o :o

غير متصل فداء الروح

  • مبدع قسم الهجرة
  • عضو فعال جدا
  • *
  • مشاركة: 797
  • الجنس: أنثى
  • القناعة كنز لا يفنى
    • مشاهدة الملف الشخصي
حبيبي بيتس بس خلي اكلك شي عني

لن اتراجع عن هذا الامر حتى يظهره الله او اهلك دونه , وهية الجنسية الامريكية طبعا ;D

اذا قررت ترجع للعراق لا سامح الله بداعتي انطيني خبر لان اكو هدية اريد ادزها وياك لامي.
  ههههههههههههههههههههههههه كلش حلوو .. بيتس شنو طموحاتك الي رح تحققها بأمريكا ؟ ::)؟ ممكن نعرف؟؟
VIVA IRAQ <3

غير متصل المجنون

  • عضو فعال
  • **
  • مشاركة: 53
  • الجنس: ذكر
    • مشاهدة الملف الشخصي
من يجي الجواز الامريكي خليهم يصيحولك مستر مستر بالشارع من تتمشى هههههههههههه ;D

غير متصل عراقي هواي

  • مبدع قسم الهجرة
  • عضو مميز جدا
  • *
  • مشاركة: 2855
  • الجنس: ذكر
    • مشاهدة الملف الشخصي
السلام عليكم

بصراحة الامريكان يعني مو اذكى الشعوب او اكثرها اجتهادا لكن اللي وصلوله مع احترامي وتقديري لحضارتهم واللي خله الجنسيه الامريكية او حامل الجواز محترم بكل بقاع الارض هو النظام الرصين اللي يمتلكوا وهذا ماجاه عن فراغ ابد وصلوا لهذا النظام لان شعبهم يحب النظام ويقدرون التعليم والعلم وقبل كل هذا انهم أمنوا انهم سيسودون العالم
لو أمطرت السماء شرفآ ...لسارع الأعراب بوضع المظلات ..
حين سكت اهل الحق عن الباطل
توهم  اهل الباطل انهم على حق
ليس لدينا تاريخ لأجدادنا كيف عانوا، بقدر مالدينا تاريخ لملوكنا كيف لعبوا.. وفقهائنا كيف كذبوا.. إذن نحن في الواقع أمة دون تاريخ.. كما اننا أمة دون دين.

غير متصل TOMMY735

  • عضو فعال جدا
  • ***
  • مشاركة: 232
    • مشاهدة الملف الشخصي
رحمة لوالديك الجواز الامريكي يحملة المجرم والخبل والعنصري والدكتور والمهندس والجندي يعني شغلة الجواز مو قياس...همة انفرضت هيبتهم بالعالم لان ببساطة همة المسيطرين والله همة شعب مخربط ومو كل اصابعك سوى ويجوز هواية يزعلون من هالحجي بس كلنة عاشرنة الامريكان واللي ببغداد مو شوية ..يعني بالاقل همة شعب عادي ..والجواز العراقي هم جانت الة هيبتة بالسبعينات والستينات ويا اردني لو عربي ميحترم العراقي من يجي بس الصار بينة انتوا تعرفوا من ورة صدام النازي اللي رجعنة 85000سنة ليورة والله كريم ترجع الامور.........................

غير متصل الوالي

  • عضو فعال جدا
  • ***
  • مشاركة: 162
  • الجنس: ذكر
    • ياهو مسنجر - zaien2001
    • مشاهدة الملف الشخصي
مرحبا هداوي1983 اريد افيدك فد شي انه لايستطيع اي عربي او اجنبي من دخول العراق الا وفق اجراات امنية مشددة وهذا الكلام من قبل 3سنوات لان ابن خالتي يشتغل بالسفارة العراقية وكلش صعبة على اي شخص بالعلم من الدخول الى العراق الابفيزا وطول من 3 اشهر الى ستة اشهر للعلم فقط ولو العراق مابي خير وشكرا

غير متصل ABO SARAH

  • عضو فعال جدا
  • ***
  • مشاركة: 713
  • الجنس: ذكر
    • مشاهدة الملف الشخصي
السلام عليكم

تجربتي مع الجنسية الغربية مليئة بالقصص التي تبدأ من المطارات الى دوائر الاقامة والوافدين. عملت لدى شركة في احدى الدول العربية التي عملت بها وما اثار دهشتي هو اكتشافي ان راتبي الذي يحسدني عليه زملائي في العمل لا يتجاوز ال %10 من راتب موظف اخر غربي الجنسية. ليس هذا فقط فبعد ايام كنت اتحدث عن هذا الموضوع مع احد الوظفين فقال لي ان هذا الموظف يسكن على حساب الشركة في اغلى الاماكن وبان السيارة التي لدية عائدة الى الشركة.

نعم واكثر . قصة اخرى لمواطن عراقي يمتلك الجنسية الكندية. قال لي يوما انه يتعمد اخراج جوازه العراقي عند وصوله في المطار لتسنى له ان يقول للموظف انه يتلك جوازا اخر يمكنه ان يفي بالغرض بعد ان يتم رفض الجواز العراقي. سالته لماذا لا تبرز الجواز الكندي منذ البداية ولتتجنب هذا قال لا يا اخي انها لحاجة في نفسي ان اذكر نفسي والجميع انني امتلك جوازا اخر لما عانيته في السابق من مرارة الجواز العراقي.


تحياتي للجميع

غير متصل سكون الليل76

  • عضو فعال
  • **
  • مشاركة: 31
    • مشاهدة الملف الشخصي
    • البريد الالكتروني
الموضوع جدا جميل و شكرا الك اخي المغترب و حياك الله
الاخوة اصحاب الردود الخنفشارية مع اعتذاري الشديد لصاحب الموضوع و الاخوة الطيبين الصادقين اقلهم مقولة شخص حكيم قالها قبل 1400 سنة :
اعجب لقوم اذا احترمتهم احتقروك ... و اذا احتقرتهم احترموك
و اعتذر مرة ثانية ،،، بس اكو ناس تطكك مرارة الواحد
تحياتي
الأصله عراقي دوم ما ينكسر و دوم يبقى رافع راسه

غير متصل Black Anaconda

  • عضو فعال جدا
  • ***
  • مشاركة: 168
  • الجنس: ذكر
  • شوكت اسافر ؟؟؟
    • مشاهدة الملف الشخصي
مرحبا هداوي1983 اريد افيدك فد شي انه لايستطيع اي عربي او اجنبي من دخول العراق الا وفق اجراات امنية مشددة وهذا الكلام من قبل 3سنوات لان ابن خالتي يشتغل بالسفارة العراقية وكلش صعبة على اي شخص بالعلم من الدخول الى العراق الابفيزا وطول من 3 اشهر الى ستة اشهر للعلم فقط ولو العراق مابي خير وشكرا
هههههههههه لو الفيزة مال  عراق  ابلاش واطول دقيقة ما اريدها يمعود هو شبيه العراق حتى فيزته اطول  الله يخليك دكافي  اتصيحون العراق  والعراق  العضيم  والله اكو جزر  نائية اغلب العالم تعرفها وتعرف ثقافتها ولو ما الحرب جان محد يدري بيك ويعرف شنو يعني العراق ووين صاير بالخريطة مع العلم اول حضارة طلعت من العراق !

غير متصل noora2011

  • عضو فعال
  • **
  • مشاركة: 73
    • مشاهدة الملف الشخصي
والله احنا اللي نحجي على العراق ترة العراق بلد عظيم وتربينا بي وعشنا عمرنا بي لكن العيب اللي بينا احنا العراقيين ترة الشعب الامريكي مواذكى من عدنا واحسن من عدنه صدكوا خلي تطفى الكهرباء فد 5 ساعات صدوا راح يصير البوك بفلس ويصير مثل مصار بالحواسم وغيرها واتعس . الشعب الامريكي  هوة اللي يساند الحكومة ويعمل كلشي راح اسالكم اسئلة وانتوا جاوبوا واصلا" هيه مقارنة واذا كلامي غلط فاني غلطانه واسفة على التدخل

الشعب الامريكي

1- الفاتورة مال الكهرباء والماء والغاز مبلغها عالي ؟       ج\ يدفعها وميسب الحكومة
2- يجي الشرطي وينطي للسائق تكت ؟                    ج\ يدفعها ويكول للشرطي ثانك يو
3- تنظيف امام واجهه البيت وقص الثيل ؟                     ج\ من واجب صاحب البيت او العمارة
4- دفع التاكس كل شهر من الراتب؟                           ج\ المواطن يدفع التاكس ولن يتكلم بان التاكس مرتفع
5- الازبال ترمى في خلف البناية وباكياس نايلون؟          ج\ المواطن مسؤول بعدم رمي الاوساخ الى في اماكنها

الشعب العراقي

1- الفاتورة مال الكهرباء والماء والغاز مبلغها عالي ؟       ج\ ماادفعها شيسوولي كله صوج الحكومة
2- يجي الشرطي وينطي للسائق تكت ؟                    ج\ هيه خربانة وشنو هذا مسوي نفسة وطني
3- تنظيف امام واجهه البيت وقص الثيل ؟                     ج\ اني شعليه
4- دفع التاكس كل شهر من الراتب؟                           ج\ ماادفع فلس احمر للحكومة
5- الازبال ترمى في خلف البناية وباكياس نايلون؟          ج\ احنا في اي مكان وبدون اكياس رغم اكو اكياس والامانة توزع
هاي موجز بس اكو شغلات نسيتها

ليش احنا لو كل شخص ينظف بابه بالعراق الفرع راح ينظف كله وراح تتنظف المحلة ووراها تتنظف المدينة ووراها تتنظف المحافظة ووراها يتنظف العراق لوهسهة الكهرباء الفاتورة بالعراق 50000 الف الحكومة تاخذ منك تكول ماادفع هواية بس لبو المولدة ندفع منحجي ترو اكو شغلات احنا اللي دمرنه نفسنا بيدنا هنا الالتزام بكلشي واني صارت عندي فكرة اشبهها بوقت صدام الكل تخاف ومن كلشي وملتزمة قبل صدام جان يفتر بالشوارع وظابطها لالا بس شنو خوف ليش منلزم وطننا بيدنا الحجي يتعب ومنكدر نسوي شي

والشي اللي عجبني هيه مبدأ التبرع بكل مكان وهذا يساعد يعني محلات الفاملي ستور هيه تابعه للجيش يعني الجيش بقوته و وعظمته وهوة ياخذ مساعداته من الفاملي ستور هيج التعاون شوف الكنائس اللي تساعد الناس بالاكل والشرب والجوامع هنا ليش العراق مابي كنائس وجوامع مابي كم عالم وشيخ والله العلماء والشيوخ اللي عدنه مااعتقد اكو شخص ينام برا او يموت من الجوع وعذرا" خاف اتجاوزت فد شي فاني مع العراق واهل العراق بكل مكوناتهم وطوائفهم 
 






غير متصل Black Anaconda

  • عضو فعال جدا
  • ***
  • مشاركة: 168
  • الجنس: ذكر
  • شوكت اسافر ؟؟؟
    • مشاهدة الملف الشخصي


الشعب العراقي

1- الفاتورة مال الكهرباء والماء والغاز مبلغها عالي ؟       ج\ ماادفعها شيسوولي كله صوج الحكومة
2- يجي الشرطي وينطي للسائق تكت ؟                    ج\ هيه خربانة وشنو هذا مسوي نفسة وطني
3- تنظيف امام واجهه البيت وقص الثيل ؟                     ج\ اني شعليه
4- دفع التاكس كل شهر من الراتب؟                           ج\ ماادفع فلس احمر للحكومة
5- الازبال ترمى في خلف البناية وباكياس نايلون؟          ج\ احنا في اي مكان وبدون اكياس رغم اكو اكياس والامانة توزع








الشعب العراقي

1- الفاتورة مال الكهرباء والماء والغاز مبلغها عالي ؟       ج\ ماادفعها شيسوولي كله صوج الحكومة  هو  وين  الكهرباء والماء والغاز الي دتحجين عليها  اكو دولة لحد هسة مابيها كهرباء ؟؟؟؟؟؟؟؟؟؟؟؟
2- يجي الشرطي وينطي للسائق تكت ؟                    ج\ هيه خربانة وشنو هذا مسوي نفسة وطني لا الناس تنطي فلوس وتنطي رشوة هم  وكل الناس تدفع وصولات غصبن عليها اكيد مسوي نفسه وطني  لان  بس وكت  الغدى والريوك  يكوم يدور مخالفات هو اصلا الشارع  نضامي حتى كاعد تحجين اشو كله صبات وشركات حماية وينسد الشارع خوب  مسألة الازدحام وسد الشوارع كلمن الة لان ماعنده فلوس يتبلى على المواطنين  حتى يطلع مال  ريوك والغدة
3- تنظيف امام واجهه البيت وقص الثيل ؟                     ج\ اني شعليه مراح اتنضف الوزارات والشوارع الجايفة حشى السامع وهم اكثر الناس اتنضف كدام بيوتها مع العلم لا شارع براسه خير كله خيسة وطين وزبالة وحفر من ورة لحكومة لان حتى تبليط مامبلطيه  حايرين بالبوك فلتقارنيها بشوارع امريكا رحمة لوالديج
4- دفع التاكس كل شهر من الراتب؟                           ج\ ماادفع فلس احمر للحكومة من يصير تاكس ريتيرن عود احجي همة السياسين نفسهم ميعرفون يعني شنو نضام التاكس
5- الازبال ترمى في خلف البناية وباكياس نايلون؟          ج\ احنا في اي مكان وبدون اكياس رغم اكو اكياس والامانة توزع  هههههههههههه الامانة اتوزع هاي وين  با ابو الزبالة اذا متنطي اكرامية 1000 دينار بعد ميجي يدك باب بيتكم لو بالباسكت المكوم كدام كل  بيت ؟؟؟؟؟؟

غير متصل noora2011

  • عضو فعال
  • **
  • مشاركة: 73
    • مشاهدة الملف الشخصي
هوة اخوية على كيفك سويتوا العراق ماكو جهنم احنا موجنا بي عايشين شنو السالفة هوة احنا اصلا" جنا موجودين بال 2005 لحد ال2011 هيه كانت اخطر السنوات والحمد لله بقينا وثاني شي ترة كل شخص وحسب مكانه اني المنطقة مالتي جانت مبلطة واذا نجي اغلب المناطق مبلطة انته اذا تحجي على التبليط انته وين كاعد متكولي هاي جوز اطراف بغداد وثاني شي اني مداادافع على الحكومة وعلى السياسيين الكل غلطان بحقنا لكن اكول الشخص هوة اللي يكدر يغير مجتمع لعد شلون العالم عايش لو بس احنا متصيرلنا جارة العراقيين ليش والله حرام اللي دااشوفة اهنا انوا العراقيين يطعنون ببلدهم كدام الغريب ويسوي العراق افقر من الصومال ولعلمك هاي اللي يسوو العراقيين عبالهم فخر لكن لا الاجانب من يسمعون هيجي يكولون هذولة احنا اللي كعدناهم بشقق هذولة كلشي مشايفين

بس شسوي الله ينظر بحالنا

غير متصل Black Anaconda

  • عضو فعال جدا
  • ***
  • مشاركة: 168
  • الجنس: ذكر
  • شوكت اسافر ؟؟؟
    • مشاهدة الملف الشخصي
هوة اخوية على كيفك سويتوا العراق ماكو جهنم احنا موجنا بي عايشين شنو السالفة هوة احنا اصلا" جنا موجودين بال 2005 لحد ال2011 هيه كانت اخطر السنوات والحمد لله بقينا وثاني شي ترة كل شخص وحسب مكانه اني المنطقة مالتي جانت مبلطة واذا نجي اغلب المناطق مبلطة انته اذا تحجي على التبليط انته وين كاعد متكولي هاي جوز اطراف بغداد وثاني شي اني مداادافع على الحكومة وعلى السياسيين الكل غلطان بحقنا لكن اكول الشخص هوة اللي يكدر يغير مجتمع لعد شلون العالم عايش لو بس احنا متصيرلنا جارة العراقيين ليش والله حرام اللي دااشوفة اهنا انوا العراقيين يطعنون ببلدهم كدام الغريب ويسوي العراق افقر من الصومال ولعلمك هاي اللي يسوو العراقيين عبالهم فخر لكن لا الاجانب من يسمعون هيجي يكولون هذولة احنا اللي كعدناهم بشقق هذولة كلشي مشايفين

بس شسوي الله ينظر بحالنا

اولا لعلمج اني  من احد مناطق بغداد الراقية  واذا حبيتي  اكولج وين  بس على الخاص ثاني  شي محد طاعن  بالعراق  هذا واقع حال والصراحة كنز لا يفنى  بعد اذا انتي  شايفته طعن  فهاي  وجهة نظر  بس الصراحة حلوة واذا حابة اتغيرين واتكولين  العراق  احنة انغيرة رجعي  للعراق  وغيره ليش لا شكو بيها اصلا العراق  يفتقد هيجي شخصيات بالتوفيق انشالله واتمنالج الرجعة لبغداد القريبة ;D

غير متصل PlatinuM

  • عضو مميز
  • ****
  • مشاركة: 1125
  • توكلتُ على الله
    • مشاهدة الملف الشخصي
كلام صحيح مع الأسف
أن شاء الله يرزقنا بالجواز الأمريكي
تحياتي لك

غير متصل Black Anaconda

  • عضو فعال جدا
  • ***
  • مشاركة: 168
  • الجنس: ذكر
  • شوكت اسافر ؟؟؟
    • مشاهدة الملف الشخصي
كلام صحيح مع الأسف
أن شاء الله يرزقنا بالجواز الأمريكي
تحياتي لك
آمين


 




" "