مساعدة رجاءاً، جماعه SIV ضروري

[y3soob]

السلام عليكم شباب و بنات،
اتمنى الكل يكون بخير.
عندي سؤال.
الشخص الي يقدم عن طريق SIV لازم يكون متهدد لو مو شرط؟
يعني من يطلبون المعلومات و يطلبون قصة لازم يكون متهدد و يكتب قصة مرتبة لو تكفي مثلا انه اخوانه تهددوا و هو يخاف على نفسه؟
و شي ثاني اذا الشخص كان يشتغل بزمن صدام بالدولة، هل يذكر الهم هذا الشي لو ميحتاج و ما يفيد قضيته انه يذكر شغله بزمن صدام؟

يا ريت تساعدونا و لو متاكدين انكم ما تقصرون
مشكورين مقدما

[عراقي هواي]

اخي العزيز المهم لا تذكر انه انت كنت تعمل بالاجهزة الامنيه او القمعيه بزمن صدام
بالمقابلة راح تنسأل على التهديد فسويلك قصة مرتبه هو مجرد الشغل معاهم تهديد!!!

[USF-I]

حبي اي لازم متهدد حتى لو تدبرلهم قصه او تكوللهم هاي العبارة بالنص انو شغلك ويه الامريكان بحد ذاته يعتبر تهديد والله اني استخدمتها والحمدلله نجحت واني هسه هنايه بالولايات......
اما بخصوص بشغلك بوكت صدام فكلشي تحجي لاتضم عليهم ولانه جماعه الدي اج اس او اي وكالة تابعه ألهم مو من مصلحتك تضم عليهم


ولا تخاف كلشي ما يأثر عليك اني اعرف واحد ذو رتبة عسكرية عاليه بوكت صدام ووالله والله شاهد عليه طلع الرجال وهياته هو يسمع صوتك هنايه يمنا

تقبل مروري

[y3soob]

مشكورين شباب.
بصراحة الي دى يقدم هو الوالد.
ابنائه كلهم خارج العراق و محصلين لجوء.
و هو اقتنع بالتقديم. بس هو كان عنده منصب بالثمانينات و طلع منه تعسفا و بعده ما سووله الي سووه .. يعني هو اصلا متاذي بذاك الزمن كلش هواية
بس احنا منريد نذكر شي بالقضية مالته و بعدين ينرفض من وراه.

فالي افتهمه انه يذكر شغله السابق و هو عنده كل الاثباتات على انه هو تاذى و يذكر انه هو حاليا متهدد ايضا و ابنائه كلهم خارج العراق و متهددين سابقا. شنو رايكم؟

مشكورين.

[مغترب بلا وطن]

اخوية العزيز , التهديد لازم يكون عليك انت شخصيا مو علا اخوانك  وتختصرة ب 4 اسطر مو تكتب قصص وجرايد , لان مثل مكالوا الاخوة هو مجرد الشغل وياهم تهديد, بالنسبة للعمل السابق اني ما اشوف بيه مشكلة شخصيا لان منطقيا هو نص الشعب العراقي سابقا يشتغل لصالح الدولة , والا شلون جنا عايشن علا الهوا ؟ كلهم موضفين وعسكريين وغيرها.