مساعدة عاجلة جدا

[camaro2011]

السلام عليكم اخواني الله ايخليكم عندي سؤال ابسنة 2004 اشتغلت ويا الامريكان لفترة 5 اشهر السؤال هوا اكو فد طريقة اقدر احصل من عدهم كتاب يثبت انو مشتغل وياهم عن طريق الانترنيت او ايميل لان الذهاب الى القاعدة حاليا خطر لان في الجهة المقابلة للقاعدة هناك جماعات يترصدون الداخل والخارج الى القاعدة وانتو تعرفون هاي الشغلات التعيسة الله يبعدها عنكم حتا اقدر اقدم على برنامج ال iom او اكون ممنون من عدكم اخواني  الرجاء منكم المساعدة

[حمزاوي]

اخي العزيز
اول شي حدد انت شنو مشتغل
مترجم _ مقاول _ عامل _ اي تي
شنو شغلك وشنو اسم الشركه الي اشتغلت بيها

اذا كنت مترجم فروح للجي ال اس انطيهم رقم باجك القديم ولاتشوفه الهم لان هسه يكلولك ليش محتفظ بي ويفروها عليك السالفة
ثانيا
الاي او ام تطلب كتاب توصية يعني ركومنديشن من  مشرف العمل الامريكي
فاقترح عليك ان ترجع تشتغل حته تحصل ركمنديشن وتقدم اوراقك
او
تاخذ شعندك مستمسكات وتروح للاردن تقدم مناك
واذا عندك اي شي فاني حاضر

[camaro2011]

مشكور اخ حمزاوي للاسف الياج مالتي سحبو من عندي من بطلت الشغل او شغلي جان supervisor mwr internet يعني مسؤول عن خدمة الانترنيت لقاعتين وشتغلت ويا airborne forses او بعدين ويا strike forses بس او اخي اشلون ارجع اشتغل اكو طريقة؟ لان والله مليت او حرامات هاي الفرصة اتروح

[camaro2011]

شنو القصة اخواني اشو ماكو ردود؟؟؟؟؟؟؟؟؟؟

[الحـلم الوردي]

اخوية العزيز ... اذا تريد تشتغل تروح المطار البصرة يوم سبت وهم الجي ال اس يجون للباب . راح يختبروك واذا نجحت راح تشتغل 

بس يمكن اكو شغل هسة بالكوت لو بالعمارة . اسعى والله كريم

تحياتي

[camaro2011]

ممنون اخويا العزيز

[chris2007]

اخوية مو الا ترجع تشتغل اذا تعرف ضابط جان يعرفك او اي شخص وياك عندة علاقة ويا ضابط يكدر يحصلك ركمنديشن عن طريق الايميل ويدزلكيا وانت تكدر اتقدمة ويا قصة لل iom اكو من عراق ومن مصر ومن الاردن بس على الاكثر من الاردن احسنلك بس اهم شي اتحصل توصة من الضابط وبالتوفيق 

[camaro2011]

اخويا العزيز مشكور والله اخويا مع الاسف كل اللي اعرفهم يا سافر خارج او داخل العراق لان من فترة طويلة اما الضباط واللي جانو داخل القاعدة اعرفهم بس مع الاسف الايميلات مالتهم ضاعت من عندي اشلون حظ هسا دا ادور بالانترنيت على الفيس بوك او التويتر عسى ولاعلى اشوف واحد راح اضل ادور حتا لو اضطريت ادور عن الجنود كلهم لزم اشوف  واحد